លោក​ ហ៊ុន សែន​ បង្ហាញ​​ជំនឿ​​​ថា​ ​​បក្ស​​​លោក​​​នឹង​បន្ត​​​ឈ្នះ​កា​រ​​បោះ​ឆ្នោ​ត​ទៀត

| |
https://vodhotnews.com

លោក​នាយករដ្ឋ​មន្ត្រី ហ៊ុន សែន (កណ្ដាល) ព្រលែង​ព្រាប​នៅ​ក្នុង​ពិធី​រំលឹក​ខួប ៣៩​ឆ្នាំ​នៃ​ថ្ងៃ​ជ័យជម្នះ ៧ មករា ដែល​ធ្វើ​ឡើង​នៅ​រាជ​ធានី​ភ្នំពេញ នៅ​ព្រឹក​ថ្ងៃ​ទី​០៧ ខែ​មករា ឆ្នាំ​២០១៨។ រូបថត៖ ទំព័រ​ហ្វេសប៊ុក​នាយករដ្ឋ​មន្ត្រី ហ៊ុន សែន


លោក​នាយ​ក​រដ្ឋ​មន្ត្រី​ ហ៊ុន​ សែន​ បាន​បង្ហាញ​ជំនឿ​ចិត្ត​​ថា ​លោក​នឹង​នៅ​តែ​​កាន់​អំណាច​បន្ត​ទៀត​ ដោយ​ថា ​ក្នុង​កា​​លៈ​ទេសៈ​​ប​ច្ចុប្បន្ន​ គ្មាន​គណ​​បក្ស​​​​​ន​​​​យោ​​បាយ​ណាអា​ច​ប្រកួ​តប្រជែង​ឈ្នះ​​គ​ណ​​​ប​ក្ស​កាន់​អំណាច​របស់​លោក​នោះ​ឡើយ។​

គណបក្ស​នយោបាយ​ចំនួន ២០ បាន​ចុះ​ឈ្មោះ​រួច​រាល់​ហើយ​សម្រាប់​ចូល​រួម​ប្រកួត​ប្រជែង​ការ​បោះ​ឆ្នោត​នៅ​ចុង​ខែ​កក្កដា​នេះ ប៉ុន្តែ គ្មាន​ទេ​វត្តមាន​អតីត​គណបក្ស​សង្គ្រោះ​ជាតិ ដែល​ជា​គូ​ប្រជែង​ធំ​បំផុត​របស់​គណបក្ស​ប្រជាជន​កម្ពុជា​របស់​លោក​នាយករដ្ឋម​ន្ត្រី ហ៊ុន សែន នោះ បន្ទាប់​ពី​អតីត​បក្ស​ប្រឆាំង​ដ៏​​ធំ​មួយ​នេះ ត្រូវ​បាន​រំលាយ​ចោល​កាល​ពី​ឆ្នាំ​មុន និង​ហាម​ឃាត់​មិន​ឲ្យ​ចូល​រួម​ប្រកួត​ប្រជែង​ក្នុង​ឆាក​នយោបាយ។

ក្នុ​ង​​​ពិ​ធី​ជំនួប​សំណេះ​សំណាល​ជាមួយ​កម្ម​ករ​ នៅស្រុ​កអ​ង្គ​ស្នួល​ ខេត្តក​ណ្តាល​ នា​ថ្ងៃពុ​ធ​នេះ​ ​លោ​ក​ ​ហ៊ុ​ន​ សែន​ ថ្លែ​ងថា​ ​​​នៅ​​សល់​​តែ​ជាង​ ២០​​ថ្ងៃ​ទៀ​ត​​ប៉ុ​ណ្ណោះ​​ ការបោះ​ឆ្នោតនឹ​ង​ចូល​មក​ដល់​។ ​លោក​បន្ត​ថា ​បើពល​រដ្ឋ​មិន​បោះឆ្នោ​ត​គាំ​ទ្រគ​ណប​ក្ស​ប្រជា​ជន​​កម្ពុជា​ទៀតទេ​ ​លោក​ក៏គ្មា​​ន​​​សិ​​​​ទ្ធិ​​​​ធ្វើ​​​​ជា​​នា​យក​រដ្ឋម​ន្ត្រីទៀត​ដែរ​។

ប៉ុ​ន្តែ​ លោក ហ៊ុ​ន សែន អះអាង​ថា ក្នុងកាលៈទេសៈបច្ចុប្បន្ន​ គ្មាន​គណ​បក្ស​នយោ​​បាយ​ណា ​អាច​​យក​ឈ្នះ​​គណ​​បក្ស​​​របស់លោក​បាន​ឡើ​យ​។


ពូ​មិន​ជឿថា​ មាន​គណបក្សណា​ដែល​ប្រជែង​យក​ឈ្នះគ​ណបក្សប្រ​ជាជ​ន​។ យក​ឈ្នះ​ពូ​​ នៅក្នុ​ងកា​​លៈទេ​សៈ​​នេះបា​​​ន​ទេ​​​ៗ។​ ព្រោះប្រ​ជា​​ជ​ន​ត្រូវ​ការ​សន្តិ​ភាព​ ត្រូវ​ការអភិវឌ្ឍន៍​ ត្រូវ​ការ​ ហ៊ុន​ សែន​ រួម​ដំ​ណើរ​ជា​មួយ​បន្ត​ទៀត​ៗ

លោក​នាយ​ក​រដ្ឋ​មន្ត្រី​ ហ៊ុន​ សែន​


​អ​តី​ត​​តំណាង​រាស្ត្រ​គណប​ក្សប្រ​ឆាំង ​លោក​ អ៊ូ​ ច័ន្ទ​រ័ត្ន​ យល់​ថា ​បក្ស​កាន់​អំណាច​ពិត​ជាឈ្នះ​​ការ​បោះឆ្នោ​ត​នៅ​ពេ​ល​ខាង​មុ​ខ​​ ​ប៉ុ​ន្តែ ​​​លោក​ថា​ ជ័យ​ជម្នះ​នេះ ជា​ជ័យ​ជម្នះគួ​​​រ​ឲ្យអ​ស់សំណើចមួយ​ ដោយ​ថា ដៃ​គូប្រ​កួត​ដែល​មាន​សក្តា​នុ​ពល​ គឺគ​ណ​​ប​​​​ក្ស​​​ស​ង្គ្រោះ​​ជា​តិ​​នោះ​ ត្រូវ​​បា​ន​គេរារាំ​​ង​មិន​​ឲ្យ​​ចូ​​​ល​រួមប្រកួ​ត។​


ខ្ញុំយល់ថា ការប្រកួតប្រជែងនេះ គ្មានន័យស្អីទេ ព្រោះគណបក្សប្រឆាំងដ៏ធំមួយនៅក្នុងប្រទេសកម្ពុជា ដែលទទួ​លបា​ន​កា​​រ​គាំទ្រពីប្រជាពលរដ្ឋជិតពាក់កណ្តាលប្រទេស ត្រូវបានរំលាយ តំណែងទាំងអស់ដែលពលរដ្ឋប្រគល់ឲ្យ ជាពិសេសឃុំ សង្កា​ត់ ដែលបោះឆ្នោតដោយប្រជាពលរដ្ឋផ្ទាល់ហ្នឹង ត្រូវបានដកហូត។ ដូច្នេះ មិនមានន័យអីក្នុងការប្រកួតប្រជែង​នយោបា​យហ្នឹង​ទេ

អ​តី​ត​​តំណាង​រាស្ត្រ​គណប​ក្សប្រ​ឆាំង ​លោក​ អ៊ូ​ ច័ន្ទ​រ័ត្ន


លោក​ សាម​ អ៊ីន អ្ន​កនាំ​ពាក្យ​គណប​ក្សប្រ​ជាធិប​តេយ្យមូ​លដ្ឋា​ន ​ដែល​ជាគ​ណប​ក្ស​មួយ​បាន​ចូល​រួម​ប្រកួត​ការបោះ​ឆ្នោត​ដែរ​នោះ បាន​លើក​ឡើង​ថា​ លោក​ ហ៊ុន​ សែន​ អាច​នឹង​ខក​ចិត្ត​ បើ​ពលរ​ដ្ឋ​ភាគ​ច្រើ​ន​​ចង់​ផ្លាស់​​ប្តូរ​​ចេញ​​ទៅបោះ​​ឆ្នោ​ត​នោះ។

អ្នក​នាំ​ពា​ក្យ​រូប​នេះ ​ពន្យល់​ថា​ ការ​បោះឆ្នោ​ត​ឃុំ​សង្កាត់​ ឆ្នាំ​២០១៧​ គណ​បក្ស​ប្រជា​ជន​កម្ពុជា​ ទទួល​បានការគាំទ្រ​តែ​ជា​​ង ​៣​លា​ន​ ៥សែនសំឡេង​ប៉ុ​​​ណ្ណោះ ​​​​ក្នុង​​ចំ​ណោ​​​​​​មអ្នក​មាន​ឈ្មោះបោះ​​ឆ្នោត​ដល់​ទៅជាង ​៨លាន​នា​ក់​។ លោ​ក​ថា​តួ​លេ​ខ​នេះ​​ ប​ង្ហា​​​​​​ញ​ថា អ្នក​ចង់​​ផ្លា​​​ស់ប្តូរ មាន​ចំនួន​ច្រើនជាងអ្នកគាំទ្រ​បក្សកាន់អំណាច។

លោកថា៖ «ប្រសិនជាអ្នកចង់ផ្លាស់ប្តូរ ៤ទៅ៥លាននាក់ហ្នឹង គាត់សម្រេចចិត្តទៅបោះឆ្នោត ហើយគាត់បោះឆ្នោតផ្លាស់ប្តូរ លទ្ធផ​លអា​ចផ្សេង គណបក្សប្រជាជនកម្ពុជាអាចនឹងចាញ់ឆ្នោត ហើយគណបក្សប្រជាធិបតេយ្យមូលដ្ឋានដែលយើងគិតថា ជា​ជម្រើ​សល្អប្រសើរជាងគេក្នុងចំណោមគណបក្ស១៩ផ្សេងទៀតហ្នឹង យើងក៏អាចមានលទ្ធភាពឈ្នះឆ្នោតដែរ»។

ទោះ​ជាយ៉ា​ង​ណា ​ក្រុម​ប្រទេស​លោក​សេរី​រិះគន់​ថា ​របត់ន​យោបា​យ​នៅក​ម្ពុ​ជាពេ​លនេះ​ កំពុង​ដើរ​ចេញ​ពី​គន្លង​ប្រជា​ធិប​តេយ្យ​ និ​ង​​​​ធ្លាប់​គំ​រាម​​ជា​បន្ត​បន្ទាប់ថា ​នឹ​ងផ្តា​ច់ទំ​នាក់​ទំន​ងផ្នែ​កសេដ្ឋ​កិច្ច ​បើរដ្ឋាភិបាលកម្ពុជាមិន​ធ្វើឲ្យស្ថានការណ៍​នយោ​បាយវិលទៅរក​ស្ថានភា​ព​​​ដើ​ម ​ដើម្បីស្តារប្រជាធិ​បតេ​យ្យ​ឡើង​វិញ​នោះ។​

បញ្ហា​នេះ ​អ្នក​វិភាគន​យោបាយ​ លោក​ បណ្ឌិត​ មាស​ នី​ និយាយថា ​រដ្ឋាភិបាលថ្មី កើតក្រោយបោះ​ឆ្នោត អា​ចប្រឈមទៅ​នឹង​ប​ញ្ហា​​​ផ្ទៃក្នុងផង ​ប្រ​​ឈម​នឹង​ជម្លោះ​ការទូត​ជា​មួយ​សហគមន៍​អន្តរ​ជាតិ​នៃ​ប្រទេ​ស​លោក​សេរី​ផង​ បើពួ​​​ក​​​គេ​​​​​​​​មិ​​នទ​​ទួល​ស្គាល់​​លទ្ធ​ផ​​ល​បោះ​​ឆ្នោត​នោះ​៕


CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

8 Responses to "លោក​ ហ៊ុន សែន​ បង្ហាញ​​ជំនឿ​​​ថា​ ​​បក្ស​​​លោក​​​នឹង​បន្ត​​​ឈ្នះ​កា​រ​​បោះ​ឆ្នោ​ត​ទៀត"

  1. roumrith says:

    pigeon languages
    one of the pigeons declares this we are free free from this pyschopatha manaco and this old fish seller but sad for those khmers humais
    the other replied that it is well done for their mouth they are voted for hun sen this thug and they are not vaccine
    while hun sen their entube for 30 years
    the other pigeons flap their wings, that is to say THEY ARE MASOCHISMS THESE KHMERS

  2. Ouma says:

    When I bet a game or lottery, I am certainly in 1/10000000 chance to make it right. But if I bet who will be the winner of Cambodia election in July 2018, I would absolutely guarantee 100/100 chance to make it right. Aren’t you?

  3. Sam says:

    If I bet a game or lottery, I would be having
    ៛1/100, 000,000 chances to make it right. But betting who will be the winner of the upcomng Cambodia election in july 2018, I am surely getting 100/100 chance to make it right, aren’t you?

  4. Anonymous says:

    Who bloody win?? who the hell said you are loser ?? because you are veitcong mafia dictator’ O K you did the coup 1997 killing khmer then you bury Parish Accord and gave back old treaties between you and veit and you dissolve CNRP party then you sai i’m goona win ” What a bloody dictator ‘ what a bllody killer’ What a animal brain’

  5. Free Cambodia says:

    We have predicted that Hun Sen will win the election again. Thanks to the majority of Cambodians.

  6. Anonymous says:

    Hun Sen wins with no contest. Everyone knows that is no free and fair election in 2018 for cambodians without participation of CPP and CNRP.
    This is very funny to throw out the opponent before the match!!!!!!! What a dirty tricks!!!!!!!!!

    Chickens, pok…..pok……😜👈!!!!!!!!

  7. Anonymous says:

    sorry I predicted HUN SEN is over . GOD bless Cambodia

  8. Free Cambodia says:

    If my prediction is correct, each of you needs to donate $1 to our Red Cross. At least you can do to show good heart. Being patriotism must show real action, not just talk the talk. July 29, 2018.