មន្ត្រី​គណៈកម្មការ​សហភាព​អឺរ៉ុប ស្នើ​ឲ្យ​ដោះ​លែង​លោក កឹម សុខា ខណៈ​កម្ពុជា​ថា ​វា​មិន​អាច​ទៅ​រួច​ទេ

លោក កឹម សុខា នៅ​ក្នុង​ផ្ទះ​របស់​លោក​ ក្នុង​ខណ្ឌ​ទួល​គោក កាល​ពី​ឆ្នាំ​ ២​​០១៦។ ភ្នំពេញ ប៉ុសិ៍្ត



and
ភ្នំពេញប៉ុស្តិ៍

ភ្នំពេញៈ លោកស្រី Federica Mogherini មន្ត្រី​គណៈកម្មការ​សហភាព​អឺរ៉ុប (EC) ទទួល​បន្ទុក​កិច្ចការ​បរទេស និង​គោល​នយោបាយ​សន្តិសុខ​បាន​លើក​ឡើង​ជា​ដដែលៗ​ទាម​ទារ​ឲ្យ​មាន​ការ​ដោះ​លែង​លោក កឹម សុខា អតីត​ប្រធាន CNRP និង​បាន​អំពាវនាវ​ឲ្យ​កម្ពុជា​ចាត់​វិធានការ​ចាំបាច់​ដើម្បី​ធានា​ថា ការ​រំលាយ​គណបក្ស​សង្គ្រោះ​ជាតិ ត្រូវបាន​កែប្រែ​ត្រឡប់​ទៅ​រក​ភាព​ដើម​វិញ ប៉ុន្តែ​មន្ត្រី​កម្ពុជា​ថា​វា​មិន​អាច​ទេ​ខណៈ​ប្រជាធិប​តេយ្យ និង​នីតិរដ្ឋ​កំពុង​ដំណើរការ​ទៅ​មុខ។ នេះ​បើ​តាម​ការ​ឆ្លើយ​របស់​លោក​ស្រី​ពីថ្ងៃ​ទី ៣ ខែ​កក្កដា ទៅ​នឹង​សំណួរ​របស់​សភា​អឺរ៉ុប​ដែល​ត្រូវ​បាន​ឃើញ​ដោយ​ភ្នំពេញ​ប៉ុស្តិ៍​កាល​ពី​ថ្ងៃ​ពុធ។

ការសន្និដ្ឋាន​ថ្ងៃទី ២៦ ខែកុម្ភៈ ឆ្នាំ ២០១៨ ដែល​ត្រូវបាន​អនុម័ត​ដោយ​រដ្ឋមន្ត្រី​ការបរទេស​សហភាព​អឺរ៉ុប បាន​ឲ្យ​ដឹង​ថា ក្រុម​ប្រឹក្សា​អាច​នឹង​ពិចារណា «វិធានការ​គោល​ដៅ​ជាក់​លាក់» ប្រសិន​បើ​ស្ថានភាព​នយោបាយ​មិន​មាន​លក្ខណៈ​ប្រសើរ​ឡើង។

លោកស្រី Mogherini បាន​ថ្លែង​ក្នុង​សេចក្តីថ្លែងការណ៍​របស់​លោកស្រី​ថា៖ «ក្រុមប្រឹក្សា​ក៏បាន​ចែង​ផងដែរ​ថា ដោយ​មើល​ឃើញ​ស្ថានភាព​នា​ពេល​ថ្មីៗ ក្រុម​ប្រឹក្សា​អាច​នឹង​ពិចារណា​វិធានការ​គោល​ដៅ​ជាក់​លាក់ ប្រសិន​បើ​ស្ថានភាព​មិន​មាន​លក្ខណៈ​ប្រសើរ​ឡើង។ ពេលវេលា​សម្រាប់​ការ​អនុម័ត​វិធានការ​គោលដៅ​ណាមួយ​នឹង​អាស្រ័យ​ទៅ​លើ​លទ្ធផល​នៃ​ការ​ពិភាក្សា​នៅ​ក្នុង​ក្រុម​ប្រឹក្សា»។

លោក​កឹម សុខា ត្រូវបាន​ចាប់ខ្លួន​កាលពី​ខែកញ្ញា ដោយ​ចោទ​ពីបទ​ក្បត់ជាតិ​ដោយ​ផ្អែកលើ​សុន្ទរកថា​ដែល លោក​បាន​ថ្លែង​កាលពី​ប៉ុន្មាន​ឆ្នាំមុន​នៅ​ប្រទេស​អូស្ត្រាលី ក្នុង​នោះ​លោក​បាន​ប្រាប់​ទៅ​អ្នក​គាំទ្រ​ថា លោក​បាន​ទទួល​ជំនួយ​ពី​អាមេរិក​នៅ​ក្នុង​ការ​ធ្វើ​ផែនការ​អាជីព​នយោបាយ​របស់​លោក។ រដ្ឋាភិបាល​កម្ពុជា​បាន​អះអាង​វីដេអូ​នេះ​ជា​ភ័ស្តុតាង​ថា គណបក្ស​សង្គ្រោះ​ជាតិ​បាន​រៀបចំ​បង្កើត​បដិវត្តន៍​ពណ៌​ដែល​គាំទ្រ​ដោយ​បរទេស។

លោកស្រី Mogherini បានថ្លែង​ក្នុង​សេចក្តីថ្លែងការណ៍​លោកស្រី​ថា មាន​សវនាការ​តុលាការ​មួយ​ចំនួន​ពាក់ព័ន្ធ​នឹង​ការដាក់​ពាក្យ​សុំ​នៅ​ក្រៅ​ឃុំ​របស់​លោក កឹម សុខា និង​សមាជិក​គណៈ​ប្រតិភូ​សហភាព​អឺរ៉ុប និង​តំណាង​មន្ត្រី​ទូត​ដទៃៗ​មិន​ត្រូវ​បាន​អនុញ្ញាត​ឲ្យ​ចូល​ក្នុង​តុលា​សម្រាប់​សវនាការ​ទាំង​នោះ។

លោកស្រី​បាន​បន្តថា៖ «ការបន្ត​ឃុំខ្លួន​លោក កឹម សុខា ត្រូវបាន​លើកឡើង​ជាដដែលៗ​ដោយ​តំណាង​ជាន់​ខ្ពស់​របស់​សហភាព​អឺរ៉ុប ការិយាល័យ​កិច្ចការ​បរទេស​របស់​អឺរ៉ុប និង​ប្រតិភូ​សហភាព​អឺរ៉ុប​នៅ​រាជធានី​ភ្នំពេញ»។

សហភាព​អឺរ៉ុប​គឺជា​ទីផ្សារ​នាំចេញ​ធំ​បំផុត​របស់​កម្ពុជា។ ក្រុមប្រឹក្សា​បាន​កត់សម្គាល់​ថា កម្ពុជាត្រូវ​បាន​ផ្តល់​ឲ្យ​នូវ​ការ​អនុគ្រោះ​ពន្ធ​សម្រាប់​ទីផ្សារ​អឺរ៉ុប​ក្រោម​គម្រោង «នាំចូល​ទំនិញ​គ្រប់​ប្រភេទ​លើក​លែង​តែ​អាវុធ»។

នៅក្នុង​បរិបទ ក្រុមប្រឹក្សា​រំឭកថា ការគោរព​សិទ្ធិមនុស្ស និង​សេរីភាព​មូលដ្ឋាន រួមទាំង​សិទ្ធិ​ការងារ ក៏​ជា​ផ្នែក​ដ៏​សំខាន់​ផងដែរ​នៃ​គោល​នយោបាយ​ពាណិជ្ជកម្ម​របស់​សហភាព​អឺរ៉ុប​និង​ជា​ចំណុច​សំខាន់​សម្រាប់​ការ​ផ្តល់​ការ​អនុគ្រោះ​ពាណិជ្ជកម្ម​របស់​សហភាព​អឺរ៉ុប។

លោក ជិន ម៉ា​លីន អ្នក​នាំពាក្យ​ក្រសួងយុត្តិធម៌​បាន​បន្ថែមថា៖ «ទោះបី​មានការ​សម្រេច បែបណា​ក៏ដោយ​គឺជា​ការ​សម្រេច​ដែល​មាន​ផល​នយោបាយ។​ដាក់​ទណ្ឌកម្ម​កម្ពុជា​ក្រោម​រូបភាព​ណា​ក៏ដោយ​ឬ​យន្តការ​ណាមួយ​របស់​អឺរុប​ក៏ដោយ យើង​គិត​ថា​ជា​ការ​សម្រេច​មួយ​ដែល​មាន​ភាព​អយុតិ្តធម៌​និង​មាន​លក្ខណៈ​នយោបាយ​ដោយសារ​វា​មិន​ផ្អែក​លើ​ទិដ្ឋភាព​ច្បាប់​កម្ពុជា»។

លោក​បាន​បន្ថែមថា រដ្ឋាភិបាល​កម្ពុ​ជាមាន​ភាព​ច្បាស់​លាស់​ហើយ​យក​យន្តការ​នៃ​ការអនុវត្ត​ច្បាប់​ដោយសារ​រាជរដ្ឋាភិបាល​ចង់​រក្សា​ស្ថិរភាព​សន្តិសុខ​និង​សណ្តាប់​ធ្នាប់​សង្គម​ជាពិសេស​គឺ​ថែរក្សា​សន្តិភាព​ដែល​ប្រទេស​កម្ពុជា​កំពុង​តែ​មាន​ហើយ​កម្ពុជា​ឈរ​លើ​គោល​ការណ៍​នៃ​ការ​អនុវត្ត​ច្បាប់​ហើយ​ថា រដ្ឋាភិបាលនឹង​បន្ត​ធ្វើការ​ជាមួយ EU និង​នៅ​តែ​ពន្យល់​បកស្រាយ​គ្រប់​បែប​យ៉ាង​ទាំង​អស់​ដើម្បី​បង្ហាញ​ថា​អ្វី​ដែល​រដ្ឋាភិបាល​ធ្វើ​ប៉ុណ្ណឹង​គឺ​មិន​មែន​ជា​ការ​គាប​សង្កត់​គណបក្ស​ប្រឆាំង និង​រំលោភ​បំពាន​ទៅ​លើ​សិទ្ធិ​សេរីភាព​របស់​ពលរដ្ឋ​នោះ​ទេ​តែ​វា​ជា យន្តការ​អនុវត្ត​ច្បាប់។

លោក​បាន​បន្តថា៖ «យើង​មាន​ការបារម្ភ​ប្រសិនបើ​មានការ​ដាក់ទណ្ឌកម្ម​ដោយសារ​វា​នឹង​ធ្វើ​ឲ្យប៉ះពាល់​ដល់​ផល​ប្រយោជន៍​ប្រជា​ពលរដ្ឋ កម្មករ នយោជិត និង​រំលោភ​សិទ្ធិ​របស់​ពលរដ្ឋ»។

លោក​បានបញ្ជាក់​បន្ថែម​ថា​ការដែល​សុំ​ជួប​លោក​កឹម សុខា​នេះ​គឺ​វា​ខុស​នីតិវិធី​ច្បាប់ ទាំងស្រុង​តែ​ម្តង​ដោយ​សារ​ច្បាប់​អនុញ្ញាត​ឲ្យ​តែ​មេធាវី​និង​សាច់​ញាតិ​និង​មិន​អនុញ្ញាត​ឲ្យ​ពី​ណា​ជួប​បានទេ​ដោយសារ​វា​ស្ថិត​នៅ​ក្នុងដំណាក់កាល​នីតិវិធី និង​ថា «ការ​ដាក់​សម្ពាធ​នេះ​គឺជា​ការ​រំលោភ​ទៅ​លើ​អំណាច​តុលាការ​និង​ច្បាប់​កម្ពុជា»។

រដ្ឋលេខាធិការ និង​ជា​អ្នកនាំពាក្យ​ទីស្ដីការគណៈរដ្ឋមន្ត្រី លោក ផៃ ស៊ីផាន បាន​ថ្លែង​ដែរ​ថា៖ «ចំពោះ​កម្ពុជា​មិន​ធ្វើ​តាម​បង្គាប់​នរណា​នោះ​ឡើយ​ទោះបី​ជា​ប្រទេស​នោះ​ជា​ប្រទេស​ដៃគូ​អភិវឌ្ឍន៍​ជាមួយ​គ្នា​ក៏ដោយ​ពីព្រោះ​ប្រទេស​កម្ពុជា​ជា​ប្រទេស​មាន​អធិបតេយ្យ​និង​ឯករាជ្យ​ក្នុង​ការ​សម្រេច​ជោគ​វាសនា​របស់​ខ្លួន ដូច្នេះ​រាល់​គំនាប​គឺ​គិត​របស់​ដៃគូ​យើង។​យើង​មិន​អាច​កាត់​ក្បាល​ខ្លួន​យើង​តម្រូវ​មួក​នោះ​ទេ»។

ដោយឡែក​លោក​សុខ ឥសាន អ្នកនាំពាក្យ​គណ​កប្ស​ប្រជាជន​កម្ពុជា​បាន​បញ្ជាក់ថា៖ «ដំណើរការ វា​ទៅ​មុខ​រួច​ហើយ​ដើម្បី​ពង្រឹង​លទ្ធិ​ប្រជាធិប​តេយ្យ​និង​នីតិរដ្ឋ​នៅ​កម្ពុជា។ វា​ទាមទារ​នូវ​ការ​អនុវត្ត​ច្បាប់​ចំពោះ​ជន​ដែល​ប្រព្រឹត្ត​លើ្មស​ច្បាប់ ដូច្នេះ​ការ​អនុវត្ត​នីតិរដ្ឋ​គឺជា​ការ​ពង្រឹង​លទ្ធិ​ប្រជាធិប​តេយ្យ​រាល់​ការ​ទាមទារ​ទាំង​ឡាយ​ណា​ដែល​ផ្ទុយ​អំពី​នីតិរដ្ឋ​នៅ​កម្ពុជា​មិន​អាច​ទទួល​យក​បាន​ជា​ដាច់​ខាត។ កុំ​សង្ឃឹម​ថា និង​ត្រឡប់​ក្រោយ បែរ (ការ​រស់​រាន​ឡើង​វិញ​របស់​គណបក្ស​សង្គ្រោះ​ជាតិ) ទោះបី​ក្នុង​ស្ថានភាព​ណា​ក៏ដោយ»។

អ្នកសិក្សា​ពី​បញ្ហា​សង្គម​លោក មាស នី បាន​ថ្លែងថា៖ «អ្វីដែល​កើតមានឡើង​មក​ដល់​ពេល​នេះ​គឺជា​ការ​ដណ្តើម​អំណាចរ​វាង​អ្នកនយោបាយ ដូច្នេះ​គណបក្ស​ប្រជាជន​បាន​សម្រេច​បន្ត​ដំណើរ​ទៅមុខ ទោះបី​ជា​មាន​សម្ពាធ​ពី​អន្តរជាតិ​ក៏ដោយ។​ទន្ទឹម​នេះ​សហគមន៍​អន្តរជាតិ​ក៏​គេ​មាន វិធីសាស្ត្រ​របស់គេ​ដើម្បី​តបត​វិញ​ជាមួយ​រដ្ឋាភិបាល​ដែរ»។

លោក​បន្ថែមថា៖ «រាជ​រដ្ឋា​ភិបាល​គ្មាន​ជម្រើស​មានតែ​រុញ​ទៅមុខ​ដោយ​មិន​ដោះ​លែង​លោក កឹម សុខា និង​ធ្វើ​ឲ្យ​រស់​រាន​គណបក្ស​ប្រឆាំង ទោះបី​ជា​សម្ពាធ​អន្តរជាតិ​ក៏ដោយ»៕


Contact authors: ម៉ិច ដារ៉ា and វង្ស សុខេង

What Next?

Recent Articles

5 Responses to "មន្ត្រី​គណៈកម្មការ​សហភាព​អឺរ៉ុប ស្នើ​ឲ្យ​ដោះ​លែង​លោក កឹម សុខា ខណៈ​កម្ពុជា​ថា ​វា​មិន​អាច​ទៅ​រួច​ទេ"

  1. Anonymous says:

    It is suitable time for Cambodians people to vote or not, without CPP and CNRP, international communities would not allow Hun’s government doing whatever they want. Real democracy will be restored or Hun Sen will be pushed back by all pressures mean.
    Time for Hun Sen to sit down and think, not sit down and make it stinks.

  2. Anonymous says:

    warning to Cambodian leader???? please listening to their word I knew this is their last warning . if HUN SEN leadership not change the consequent will hit hart to this country . HUN SEN can not blame to any one if he stubborn he will take responsible for all Cambodian. your last chance Mr HUN SEN as I used to say DO or DEI this is the time that come to you right now. I ‘m felling so sad that you HUN SEN educated in wrong way that no one Cambodian accepting your evil act. please do not lei to GOD learn to admit and change what every one see you are doing wrong thing. my WARNING to you is you have only one week to do it I know it is a bite too late but you still can. the whole world seem to be lost their confident . my last request is please do not bleed you people blood you will never get away from it. I swear to GOD if I can change your mind I will keep your as my second GOD to fulfill my dream as a Cambodian born to save this sad nation. GOD bless Cambodia and all Cambodian people

  3. Anonymous says:

    warning to Cambodian leader???? please listening to their word I knew this is their last warning . if HUN SEN leadership not change the consequent will hit hart to this country . HUN SEN can not blame to any one if he stubborn he will take responsible for all Cambodian. your last chance Mr HUN SEN as I used to say DO or DEI this is the time that come to you right now. I ‘m felling so sad that you HUN SEN educated in wrong way that no one Cambodian accepting your evil act. please do not lei to GOD learn to admit and change what every one see you are doing wrong thing. my WARNING to you is you have only one week to do it I know it is a bite too late but you still can. the whole world seem to be lost their confident . my last request is please do not bleed you people blood you will never get away from it. I swear to GOD if I can change your mind I will keep you as my second GOD to fulfill my dream as a Cambodian born and save this sad nation. GOD bless Cambodia and all Cambodian people

  4. Free Cambodia says:

    You know that Cambodia must enforce its own law just like EU and other free country. If Cambodia tells EU to release its hardcore criminals, would EU listen to Cambodia? I don’t believe EU will do.

    Remember that Cambodia had been granted tax preferences for European markets under the scheme “Importing all types of goods, except weapons.” In the agreement, it does not state that Cambodia must release any person who commited a crime. Read the agreement.

  5. Anonymous says:

    this is what I say >>> I’m talking about cow he talking about buffalo . the question is?? up to this day did they find out that KIM SOKHA is this nation’s traitor yet. please do not talking some thing else that is complicated for some people to understand. but>> can you swear to GOD that every thing you speak is true?????? I tell you what>> as I stated on my last stamen I said>> if Free Cambodia can fine out who was behind the murder of Dr KEM LAI , I will donate $ 100,000 . can you make my dream come true ?????? please… GOD bless Cambodia and all innocent Cambodian