ខួប​២​ឆ្នាំ​នៃ​ការ​បាញ់​សម្លាប់ លោក កែម ឡី៖ ខ្មែរ​អូស្រ្តាលី​អំពាវនាវ​ឲ្យ​ចង​ចាំ

ដោយ អេង គីមហុង
07/07/2018
RFI

media
លោកបណ្ឌិត កែម ឡី កាលនៅរស់
@RFI


សមាគម​ខ្មែរ​នៅ​ប្រទេស​អូស្រ្តាលី​រួម​នឹង​ភរិយាសព លោក កែម ឡី អ្នកស្រី ប៊ូ រចនាបាន​រៀបចំ​ពិធី​បុណ្យ​ខួប​២​ឆ្នាំ​នៃ​ការ​បាញ់​សម្លាប់ លោក​បណ្ឌិត កែម ឡី នៅថ្ងៃទី៧​ខែកក្កដា​នេះ។ ពិធី​នេះ រៀបចំ​ធ្វើ​នៅ​វត្ត​ពុទ្ធ​រង្សី​ម៉ែល​ប៊ន ប្រទស​អូស្ត្រាលី​។ នៅ​ក្នុង​ពិធី​នេះ ខ្មែរ​អូស្រ្តាលី អំពាវនាវ​ឲ្យ​ពលរដ្ឋខ្មែរ​ចង​ចាំ​ហេតុការណ៍​បាញ់​សម្លាប់ លោក កែម ឡី ថ្ងៃ​ទី​១០ ខែ​កក្កដា ឆ្នាំ​២០១៦។

ការ​ប្រារព្ធ​ខួប​២​ឆ្នាំ​នៃ​ការ​បាញ់​សម្លាប់​លោកបណ្ឌិត កែម ឡី អ្នក​វិភាគ​បញ្ហា​សង្គម​នៅថ្ងៃ​ទី​៧​ខែ​កក្កដា​នេះ ប្រារព្ធ​ឡើង​មុន​៣​ថ្ងៃ នៃ​ហេតុការណ៍​បាញ់​សម្លាប់​លោក កែម ឡី នៅ​ថ្ងៃទី​​១០ ខែ​កក្កដា ឆ្នាំ​២០១៦ នៅ​ឯ​ស្ដារ​ម៉ាត ក្នុង​ស្ថានីយ​លក់​ប្រេង​ឥន្ធនៈ​កាល់តិច​។ នៅ​ក្នុង​ពិធី​នេះ អ្នក​ចូល​រួម​ជា​អាថិ៍៖ លោក ហុង លឹម តំណាង​រាស្រ្ត​អូស្ត្រាលី​ដើម​កំណើត​​ខ្មែរ​ប្រចាំរដ្ឋ Victoria និងអ្នកស្រី ប៊ូ រចនា ជាដើម បាន​រម្លឹក​វីរភាព​លោក កែម ឡី និង​បាន​អំពាវនាវ​ឲ្យ​ពលរដ្ឋខ្មែរ​ចងចាំ​ហេតុការ​ណ៍​បា​ញ់​សម្លាប់ លោក កែម ឡី។

លោក ហុង លឹម បាន​ចាត់​ទុក​លោក កែម ឡី ជា​ទ្រព្យ​សម្បត្តិ​ដ៏​កម្រ​សម្រាប់​ខ្មែរ នៅក្នុង​ការ​ទាមទារ​យុត្តិធម៌​សង្គម។ ហើយ​លោក កែម ឡី សម​ជា​បុគ្គល​នាយករដ្ឋមន្ត្រី ព្រោះ​ជា​និមិត្ត​រូប​នៃ​ការ​តស៊ូ។ ចំណែក​អ្នក​ស្រី ប៊ូ រចនា ភរិយាសព​លោក កែម ឡី បាន​រៀប​រាប់​​ទាំង​អួល​ដើម​ក ដោយ​ប្រកាស​ចែក​រំលែក​ថវិកា​៤០​ភាគរយ​ក្នុង​ចំណោម​បច្ច័យទទួល​បាន​ជាង​៩០០០​ដុល្លារ ក្នុង​ពិធី​ខួប​២​ឆ្នាំ​នៃ​ការ​បាញ់​សម្លាប់​លោក កែម ឡី ដល់ពលរដ្ឋ​ខ្មែរ​ដែល​ជា​យុវជន​តស៊ូ​មតិ និង​ពលរដ្ឋរង​គ្រោះ​នានា​នៅ​ក្នុង​ប្រទេស​កម្ពុជា។

គួរសម្គាល់ថា ការ​ប្រារព្ធ​ខួប​២​ឆ្នាំ​នៃ​ការ​បាញ់​សម្លាប់​លោក កែម ឡី នៅ​ប្រទេស​អូស្ត្រា​លី ​ប្រារព្ធ​ឡើង​ស្រប​ពេល​បណ្ដា​គណបក្ស​នៅ​ក្នុង​ប្រទេស​កម្ពុជា កំពុង​ប្រារព្ធ​យុទ្ធ​នាការ​ឃោសនា​បោះឆ្នោត​នៅ​ថ្ងៃ​ទី​៧​ខែ​កក្កដា​នេះ។

ទាញ​ភ្ជាប់​នឹង​យុទ្ធនាការ​ឃោសនា​បោះឆ្នោត នៅ​ថ្ងៃ​ទី​៧​ខែ​កក្កដា​នេះដែរ លោក ហុង លឹម តំណាង​រាស្រ្ត​អូស្ត្រាលី​ដើម​កំណើត​ខ្មែរ​ប្រចាំរដ្ឋ Victoria បាន​ជំរុញ​ឲ្យ​ពលរដ្ឋ​ធ្វើ​ពហិការ​បោះឆ្នោត តាម​រយៈ​ម្រាម​ដៃ​ស្អាត ដើម្បី​ប្រឆាំង​រដ្ឋាភិបាល​កម្ពុជា។ រដ្ឋាភិបាលកម្ពុជា​ដែល​ត្រូវ​បាន​លោក ហុង លឹម អះអាង​ម្ដង​ហើយ​ម្ដង​ទៀត​ថា មាន​ជាប់​ទាក់​ទងនឹង​ការ​សម្លាប់​របស់​លោក កែម ឡី ។

ដោយឡែក ទាក់ទង​បច្ចុប្បន្ន​ភាព​នៃ​សំណុំ​រឿង​ឃាតកម្ម​បាញ់​សម្លាប់​លោក​បណ្ឌិត កែម ឡី គឺ​ឃាតករ​ឈ្មោះ អឿត អាង ឬជួប សម្លាប់ បាន​ប្តឹង​សារទុក្ខ​ទៅ​កាន់​តុលាការកំពូល​កាល​ពី​ខែ​មិថុនា ដើម្បី​បន្ថូរ​បន្ថយ​ទោស បន្ទាប់​ពី​សាលា​ឧទ្ធរណ៍​តំកល់​សេចក្តី​សម្រេច​របស់​សាលា​ដំបូង​រាជធានី​ភ្នំពេញ​ទុក​ជា​បាន​ការ​ដដែល។ សាលា​ដំបូង​រាជធានី​ភ្នំពេញ បាន​ផ្តន្ទា​ទោស​ឈ្មោះ អឿត អាង ឬ ជួប សម្លាប់ ដាក់​ពន្ធនាគារ​អស់​មួយ​ជីវិត ចំពោះ​ករណី​ឃាតកម្ម​សម្លាប់​លោក​បណ្ឌិត​ កែម ឡី៕

What Next?

Recent Articles

5 Responses to "ខួប​២​ឆ្នាំ​នៃ​ការ​បាញ់​សម្លាប់ លោក កែម ឡី៖ ខ្មែរ​អូស្រ្តាលី​អំពាវនាវ​ឲ្យ​ចង​ចាំ"

  1. Anonymous says:

    all Cambodian will never forget Dr KEM LAI accept those who did not like their own nation. the history is repeat again and again to this sad nation. we Cambodian knew when some one is having true knowledge and ability to be a good leaders, those person always in danger . now Cambodian should study all over again to see what was behind those reason. for my own knowledge I already knew from the history of this nation. thirty eight years ago in my young age at school I have been study the history of this poor nation and made a lot of research carefully through the history. I found out in one hundred fifty years ago Cambodia was a great nation in this region . after the king CHAI YATA No 2 Cambodia have gone down hell and the whole nation start to lost unity . for who ever trying to get those unity back away top down by the person who had powers . I would like all Cambodian to remembers that the reason why our nation lost all our unity, No1 because>>>> of interfering from the neighboring nation. No 2 their intension of being big brother in this region. I found out one nation beside us really wanted to completely eliminated us. please look at our Cambodia situation today what is going on>> then you will understanding what I mean. I knew Cambodian is every intelligent as another nation in the world but the question is >>>will Cambodia unit to get our unity back ******* this is my hones request and please do not trying to read my massage in wrong way. I really appreciated all the person who away having comment in the media we are trying to fine out what was wrong in our society this day and fine out a new solution to the problem. please remembers my word >>> ( blood is thicker the waters ) even those I ‘m safe and sound I have freedom as every one wishing for but>> I will never forget you back home I want all of you to get the same thing . GOD bless Cambodian and we will get our unity back for the future of our nation.

  2. Free Cambodia says:

    Comemoration of a two year anniversary of Kim Ley’s death should be neutral and pay respect to the sole and his family. I donated $30 for his funeral and now I can only pray for his sole to be in a better place.

    The anniversary should not be the political arena for fighting and hating Cambodians. This article is a cheap shot to score their political point. If any person love peace and justice, I advise to send donation or a condolence card to his wife.

  3. Anonymous says:

    I’m sorry>> didn’t I said >>please do not read my massage in the wrong way??????????????

  4. Anonymous says:

    I’m sorry>> didn’t I said >>please do not read my massage in the wrong way??????????????

  5. Anonymous says:

    មានមនុស្សខ្លះចិត្តមិនបរិសុទ្ធ បានប្រើល្បិចជាឆ្មាអង្គុយយំពេលកណ្តុរត្រូវបានសម្លាប់។ យើងជឿថាបច្ច័យបុណ្យដែលបានមកពីក្រុមជនអន្ធពាលមានដៃប្រឡាក់ឈាមគឺជាការបញ្ឈឺដល់វិញ្ញាណក្ខន្ធលោកបណ្ឌិត កែម ឡី ក្រុមគ្រួសារ និងអ្នកគោរពស្រឡាញ់គាត់តែបណ្ណោះ។ កល្បិចរបស់ពួកឧក្រិដ្ឋជននេះ គឺជាការបំបែកបំបាក់ បន្សាបឥទ្ធិពលប្រជាជនដែល គាំទ្រលោកបណ្ឌិត កែម ឡី នោះហើយគឺជាឆាកល្ខោនកេងចំណេញនយោបាយ ដ៏សែនអាក្រក់។

Leave a Reply

Submit Comment