មន្ត្រី​អតីត​បក្ស​ប្រឆាំង​ថា​ នៅ​តែ​ស្វែង​​រក​​ការ​​ចចារ​នយោបាយ​ជាមួយ​បក្ស​កាន់​អំណាច​​

| |
https://vodhotnews.com

លោក កឹម សុខា អតីតប្រ​ធានគណបក្សសង្គ្រោះជាតិ កាលពីពេលកន្លងទៅ


មន្ត្រីជាន់ខ្ពស់អតីតបក្សប្រឆាំង បានអះអាងថា​ ពួកគេ​នៅតែស្វះស្វែង​រកការ​ចចារជាមួយបក្សកាន់អំណាចជានិច្ច ដរាបណាបក្សនេះទទួលបានលក្ខខណ្ឌសមស្របណាមួយពីបក្សកាន់អំណាច។

ការលើកឡើងនេះ ធ្វើឡើងបន្ទាប់ពី​​​មន្រ្តី​​ជាន់​​ខ្ពស់​អតីត​គណបក្ស​សង្រ្គោះជាតិ​ចំនួន​ ២០​​រូប ​បាន​សរសេរ​លិខិត​មួយ​ច្បាប់​​ថ្វាយ​​ទៅ​ព្រះ​​មហា​​ក្សត្រ កាលពី​ថ្ងៃ​ទី១២ ​​ខែ​មេសា​​​ ​ដើម្បីស្នើ​សុំ​ព្រះ​អង្គ​ជួយ​អន្តរាគមន៍​ទៅ​តុលាការ​​កំពូល​​ ឲ្យ​ទម្លាក់​​​ចោល​​​​បម្រាម​​​នយោបាយ​លើមន្ត្រី​​គណបក្ស​ប្រឆាំង​​ទាំង ១១៨​រូប និងឲ្យ​​គណបក្សនេះដំណើរ​​​ឡើង​វិញ​ដូចកាលពីមុន។

តំណាងរាស្ត្រអតីតបក្សសង្គ្រោះជាតិ​ លោក អ៊ូ ច័ន្ទរ័ត្ន មានប្រសាសន៍នៅថ្ងៃនេះថា អតីត​បក្ស​ប្រឆាំង​របស់​លោក ​អាច​ចរចានយោ​បាយ​​ជាមួយបក្សកាន់អំណាច​បាន ​លុះត្រាតែបក្សនេះទទួលបានលក្ខខណ្ឌ​មួយចំនួន រួមមាន ​ដោះលែង​អ្នក​​ទោស​នយោបាយ ​អ្នកទោស​មនសិការ​ទាំង​អស់ អនុញ្ញាតឲ្យមេដឹកនាំ លោក កឹម សុខា រួមទាំងសមាជិកជាន់​ខ្ពស់ ១១៨រូប បាន​ចូលរួមប្រកួត​ប្រជែង​ក្នុង​ការ​បោះ​ឆ្នោត​ឡើង​វិញ រៀបចំការបោះឆ្នោត​ឡើងវិញ​ឲ្យ​បាន​ត្រឹមត្រូវ និង​អនុញ្ញាត​ឲ្យ​សង្គម​ស៊ីវិល និង​ប្រព័ន្ធ​ផ្សព្វផ្សាយ​ឯករាជ្យ មាន​វត្ត​មាននៅ​កម្ពុជា​ឡើងវិញជាដើម។


នៅថ្ងៃចុងក្រោយនៃថ្ងៃបោះឆ្នោតក៏ដោយ ក៏ខ្ញុំនៅតែមានសង្ឃឹមថា អាច​នឹងត្រឡប់មក​ជជែកគ្នាវិញ ព្រោះយើងដឹង​ហើយថា​ ការបោះឆ្នោតបែបនេះធ្វើឲ្យមានភាពអាម៉ាសនៅក្នុងឆាកអន្តរជាតិ។ វាប៉ះពាល់ដល់មុខ​មាត់ប្រទេសខ្លាំងណាស់ ហើយវាធ្វើឲ្យប៉ះពាល់សេដ្ឋកិច្ច ការអភិវឌ្ឍប្រទេសជាតិផង​ដែរ

តំណាងរាស្ត្រអតីតបក្សសង្គ្រោះជាតិ​ លោក អ៊ូ ច័ន្ទរ័ត្ន


ប្រធាន​ខុទ្ទកាល័យ​ លោក កឹម សុខា គឺ​លោក មុត ចន្ថា បាន​សរសេរ​រៀបរាប់​នៅ​លើ​ហ្វេសប៊ុក​របស់​លោក​កាលពីថ្ងៃទី៧​កក្កដាថា មេដឹកនាំ​អតីត​បក្ស​ប្រឆាំង លោក កឹម សុខា បានផ្ញើសារពីពន្ធនាគារត្រពាំងផ្លុង​ “ម៣”​ (ព្រំដែនខ្មែរ-យួន)ថា លោក​មិន​ក្បត់ឆន្ទៈរាស្ត្រ ដើម្បីបុគ្គល ឬបក្ខពួកគ្រួសារ និងមិនបោះបង់ជាតិខ្មែរនោះទេ។

ប៉ុន្តែ អ្នកនាំពាក្យគណបក្សប្រជាជនកម្ពុជា លោក សុខ ឥសាន មានប្រសាសន៍ថា គ្មានផ្លូវ​ណាដែលត្រូវ​ចរចាជាមួយអតីតបក្សប្រឆាំងនោះទេ ដោយថា បក្សកាន់អំណាច​មិនអាច​រំលោភលើច្បាប់កម្ពុជាឡើយ។


ទោះក្នុងករណីណាក៏ដោយ ទោះមានសំណូមពរយ៉ាងណាក៏ដោយ​ ឲ្យមានការស្រុះស្រួលគ្នារវាង​គណបក្សទាំងពីរគឺ​យើងមិនអាចទៅរួច​ទេ ពីព្រោះយើងមិនអា​ចរំលោភលើដីកាស្ថាពររបស់តុលាការកំពូលបានជាដាច់ខាត


​អ្នក​ស្រា​វជ្រាវ​ពីការ​អភិវឌ្ឍ​សង្គម លោក មាស នី វិភាគថា ដំណាក់កាលនេះ អ្នកនយោបាយបក្សកាន់អំណាច និងអតីតបក្សសង្គ្រោះជាតិ មិនអាចចរចាគ្នាមុនបោះឆ្នោតថ្នាក់ជាតិនេះបានទេ ដោយថា បក្សកាន់អំណាចកំពុង​រុញទូកបណ្តោយទឹក និងទុកពេលសម្រាប់ពិនិត្យមើលលទ្ធផលបោះឆ្នោតក្រោយការបោះឆ្នោត​ថ្នាក់ជាតិថា តើមានអ្នកគាំទ្រ ឬមិនគាំទ្រកម្រិតណា ដើម្បីងាយស្រួលសម្រេចចិត្តទៅចរចា ឬមិនទៅចរចាជាមួយអតីតបក្សប្រឆាំង។

លោកវិភាគថា៖ «ការចរចាទាំងឡាយ​ដែលសមស្រប​ មានតែក្រោ​យ២០១៨ ក្រោយបោះឆ្នោត​។ សម្រាប់ពេលនេះហាក់ដូចជាតក់ក្រហល សម្រាប់គូភាគីទាំងសងខាង​មកធ្វើការចរចា ហើយសង្គ្រោះជាតិក៏មិនទាន់សមស្របក្នុងការទទួលយកការចរចាមួយនៅក្នុងកំឡុង​ នៅពេលការបោះឆ្នោតថ្នាក់ជាតិជិតមក​ដល់ដែរ​»។

គណបក្សសង្គ្រោះជាតិដែលមានអ្នកបោះឆ្នោតគាំទ្រជាង ៣​លាននាក់ កាលពីឆ្នាំ២០១៣ ត្រូវបានតុលាការកំពូលរំលាយកាលពីថ្ងៃទី១៦ ខែវិច្ឆិកា ឆ្នាំ២០១៧ ខណៈដែល​​មេដឹកនាំអតីតគណបក្សប្រឆាំង គឺលោក កឹម សុខា ត្រូវបានចាប់ឃុំខ្លួន​មកដល់ពេលនេះ ក្រោម​ការ​​ចោទពី​រដ្ឋាភិបាល​ថា «ក្បត់ជាតិ»។

ក្រោយពីរំលាយបក្សប្រឆាំង មេដឹកនាំបក្សនេះនិងមន្ត្រីជាន់ខ្ពស់មួយចំនួន បានស្វែងរកកិច្ចអន្តរាគមន៍បន្តបន្ទាប់​ពីប្រទេសលោក​សេរី ជាពិសេសសហភាពអឺរ៉ុប ឲ្យ​ដាក់ទណ្ឌកម្មសេដ្ឋកិច្ចលើ​កម្ពុជា និង​ថ្វាយលិខិតទៅព្រះមហាក្សត្រឲ្យជួយធ្វើព្រះរាជអន្តរាគមន៍នយោបាយផងដែរ ប៉ុន្តែ រហូតដល់ថ្ងៃទី៩ខែកក្កដានេះ មិនទាន់មានដំណោះស្រាយ​នយោបាយណាមួយនៅឡើយ​ ខណៈការបោះឆ្នោតថ្នាក់ជិតនឹងចាប់ផ្តើមនៅថ្ងៃទី២៩ ខែកក្កដានេះ ដោយពុំមានវត្តមានអតីតបក្សសង្គ្រោះជាតិចូលរួមប្រកួតជាមួយបក្សកាន់អំណាច៕


CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

4 Responses to "មន្ត្រី​អតីត​បក្ស​ប្រឆាំង​ថា​ នៅ​តែ​ស្វែង​​រក​​ការ​​ចចារ​នយោបាយ​ជាមួយ​បក្ស​កាន់​អំណាច​​"

  1. Anonymous says:

    Why need to negotiate with this beast regime?? It use-less to talk to Veitcong mafia dictator because the dictator never listen or listen to other people ‘ only their mafia groups he listen ‘ look at dictator in the world ‘they are prepare to die to hold power ‘. It too late to thave opposition (cnrp) back to joint the politic

  2. Free Cambodia says:

    After betraying and protesting, Cambodians are sick with those disrespectable attitude. Therefore. The time for talk is over. Remember the phrase “we don’t negotiate with the terrorist.”? Think harder before you say or act next time, if there is next time.

  3. Anonymous says:

    No negotiation!!!!!!!!
    No need international supports.
    Sam Dach is rich, he will give money for every one. He has lots of envelopes and the money inside.
    US, EU, UK, are nothing. Sam Dach says communist China have more money than the world.
    Communist China is a super money power.

  4. so socheath says:

    shamefully Anonymous !
    you interested not conclusive such mad

Leave a Reply

Submit Comment