សហភាព​អឺរ៉ុប៖ បញ្ហា​សិទ្ធិ​មនុស្ស​និង​នយោបាយ​មាន​សារៈ​សំខាន់​សម្រាប់​គោល​នយោបាយ​ពាណិជ្ជកម្ម​អឺរ៉ុប

ដោយ សរ ពិសី
13/07/2018
RFI

media
លោក​ស្រី Cecilia Malmström អ្នក​ដឹក​នាំ​គណៈប្រតិភូ​សហភាព​អឺរ៉ុប
@សហការី


បន្ទាប់​ពី​បាន​បញ្ចប់​បេសកកម្ម​ស្វែង​រក​ការ​ពិត​នៅ​កម្ពុជា​រយៈ​ពេល​១​សប្តាហ៍ គណៈកម្មាការ​សហភាព​អឺរ៉ុប បាន​ព្រមាន​ដក​កម្ពុជា​ចេញ​ពី​គម្រោង​អនុគ្រោះ​ពន្ធ(EBA)។ ជា​វិធានការ​ចុង​ក្រោយ ដែល​គណៈកម្មាការ​សហភាព​អឺរ៉ុប អះអាង​ថា ប្រសិន​បើ​រាល់​កិច្ច​ខិត​ខំ​ប្រឹង​ប្រែង​របស់​ពួក​គេ ដើម្បី​ស្តារ​ឡើង​វិញ​នូវ​បញ្ហា​សិទ្ធិ​មនុស្ស សិទ្ធិ​ការងារ និង​នយោបាយ​នៅ​កម្ពុជា​ត្រូវ​បរាជ័យ។ យ៉ាង​ណា​ក៏​ដោយ លោក ផៃ ស៊ីផាន អ្នក​នាំ​ពាក្យ​រដ្ឋាភិបាល មាន​សុទិដ្ឋិនិយម​ថា កិច្ច​សហការ​រវាង​សហភាព​អឺរ៉ុប និង​កម្ពុជា នឹង​នៅ​តែ​បន្ត​យ៉ាង​ស្អិត​រមួត​ដដែល។

សហភាព​អឺរ៉ុប ​កំពុង​ពិចារណា​ ថា​តើ​ត្រូវ​បន្ត​ផ្តល់​ឋានៈ​អនុគ្រោះ​ពន្ធ​ដល់​កម្ពុជា​ទៀត ​ឬ​លុប​ចោល បន្ទាប់​ពី​បញ្ចប់​បេសកកម្ម​ស្វែង​រក​ការ​ពិត​នៅ​កម្ពុជា រយៈ​ពេល​១​សប្តាហ៍ ចាប់​ពី​ថ្ងៃ​ទី​៥ ដល់​ថ្ងៃ​ទី​១១​ខែ​កក្កដា។ បេសកកម្ម​ស្វែង​រក​ការ​ពិត​របស់​គណៈប្រតិភូ​អឺរ៉ុប​នេះ​ ធ្វើ​ឡើង​​ដើម្បី​ពិនិត្យ​មើល​ឡើង​វិញ ចំពោះ​ការ​ផ្តល់​ប្រព័ន្ធ​អនុគ្រោះ​ពន្ធ​ដល់​កម្ពុជា​លើក​លែង​តែ​អាវុធឬ EBA។

លោក​ស្រី Cecilia Malmström អ្នក​ដឹក​នាំ​គណៈប្រតិភូ​សហភាព​អឺរ៉ុប​ សម្រាប់​បេសកកម្ម​ស្វែង​រក​ការ​ពិត​ បាន​លើក​ឡើង​ថា គំនិត​ផ្តួច​ផ្តើម​នៃ​គម្រោង​ពាណិជ្ជកម្ម​សេរី ​ឬ​អ្វី​ទាំង​អស់​លើក​លែង​តែ​អាវុធ EBA មាន​ឥទ្ធិពល​ខ្លាំង​ណាស់​ទៅ​លើ​ការ​អភិវឌ្ឍ​សេដ្ឋកិច្ច​ និង​ការ​លុប​បំបាត់​ភាព​ក្រីក្រ​នៅ​កម្ពុជា។

ក៏​ប៉ុន្តែ​ទន្ទឹម​នឹង​នេះ ​គណៈប្រតិភូ​សហភាព​អឺរ៉ុ តាម​រយៈ​សេចក្តី​ប្រកាស​ព័ត៌មាន​ចុះ​ថ្ងៃ​ទី ១២ កក្កដា បាន​លើក​ឡើង​ថា ការ​វិវត្ត​ថ្មីៗ​ដ៏​គួរ​ឲ្យ​បារម្ភ​នៅ​កម្ពុជា បាន​ធ្វើ​ឱ្យមាន​ការ​វាយ​តម្លៃ​កាន់​តែ​ល្អិត​ល្អន់​ជាង​មុន​ ថា​តើ​កម្ពុជា​កំពុង​បំពេញ​តាម​ការ​ប្តេជ្ញា​ចិត្ត​ និង​កិច្ច​សន្យា​របស់​ខ្លួន​ឬ​យ៉ាង​ណា។ ខណៈ​ការ​ពិភាក្សា​ និង​ការ​ប្រមូល​ព័ត៌មាន នៅ​អំឡុង​ដំណើរ​បេសកកម្ម​ បាន​ផ្តោត​លើ​ការ​ធ្លាក់​ចុះ​យ៉ាង​ធ្ងន់​ធ្ងរ​ នៅ​ក្នុង​ផ្នែក​នយោបាយ​ និង​សិទ្ធិ​បោះ​ឆ្នោត។ ព្រម​ជាមួយ​នឹង ការ​រា​រាំង​សកម្មភាព​អង្គការ​សង្គម​ស៊ីវិល បញ្ហា​ចន្លោះ​ប្រហោង​ចំពោះ​យន្តការ​ដោះ​ស្រាយ​វិវាទ​ដី​ធ្លី និង ការ​គំរាម​កំហែង​​យ៉ាង​ធ្ងន់​ធ្ងរ​ដល់​សេរីភាព​ក្នុង​ការ​បង្កើត​សមាគម​ និង​សិទ្ធិ​ចរចា​ជា​សមូហភាព។

បើ​តាម​លោក​ស្រី Cecilia Malmström គោល​នយោបាយ​ពាណិជ្ជកម្ម​របស់​សហភាព​អឺរ៉ុប យុត្តិធម៌​សង្គម ​គឺ​ជា​ផ្នែក​ដ៏​សំខាន់​មួយ ដែល​ក្នុង​នោះ​រួម​មាន​ ការ​គោរព​សិទិ្ធ​មនុស្ស​ សេរីភាព​ជា​មូលដ្ឋាន ​និង​ស្តង់ដា​ការងារ។ ដូច្នេះ​ការ​ដក​កម្ពុជា​ចេញ​ពី​គ្រោង​ការណ៍​ពាណិជ្ជកម្ម គឺ​ជា​វិធានការ​នៃ​ជម្រើស​ចុង​ក្រោយ ប្រសិន​ជា​កិច្ច​ខិត​ខំ​ប្រឹង​ប្រែង​ផ្សេង​ទៀត​របស់​សហភាព​អឺរ៉ុប ត្រូវ​បាន​បរាជ័យ ក្នុង​ការ​ដោះ​ស្រាយ​ការ​ព្រួយ​បារម្ភ​ទាំង​នោះ។

ប្រសិន​បើ​សហភាព​អឺរ៉ុប​តម្រូវ​ឲ្យ​កម្ពុជា​បង់​ពន្ធ​នាំ​ចូល​នោះ ប្រាក់​ពន្ធ​ដែល​ត្រូវ​បង់​គិត​ជា​មធ្យម មាន​រហូត​ដល់ ៦៧៦​លាន​ដុល្លារ​អាមេរិកក្នុង​មួយ​ឆ្នាំ ដែល​ផលិតកម្ម​ទំនិញ​នាំ​ចេញ​ទាំង​នេះ​ប្រើ​ប្រាស់​កម្មករ​ប្រមាណ​៤០​ម៉ឺន​នាក់។

យ៉ាង​ណា​ក៏​ដោយ លោក ផៃ ស៊ីផាន អ្នក​នាំ​ពាក្យ​ទីស្តីការ​គណៈរដ្ឋមន្រ្តី បាន​អះអាង​ថា ការ​ចាប់​ខ្លួន​ប្រធាន​អតីត​គណបក្ស​សង្រ្គោះ​ជាតិ លោក កឹម សុខា និង​ការ​រំលាយ​គណបក្ស​នេះ គឺ​ជា​ការ​អនុវត្ត​ច្បាប់​របស់​កម្ពុជា។ លោក ផៃ ស៊ីផាន អះអាង​ថា នៅ​អំឡុង​ពេល​បំពេញ​បេសកកម្ម​នេះ គណៈប្រតិភូ បាន​យល់​កាន់​តែ​ច្បាស់​ពី​ភាព​ប្រសើរ​ឡើង​នៃ​លក្ខខណ្ឌ ជា​ពិសេស​ដំណើរ​ការ​លទ្ធិប្រជាធិបតេយ្យ​នៅ​កម្ពុជា។ មិន​ត្រឹម​តែ​ប៉ុណ្ណោះ អ្នក​នាំ​ពាក្យ​រាជ​រដ្ឋាភិបាល​កម្ពុជា មាន​សុទិដ្ឋនិយម​ថា ប្លុក​សេដ្ឋកិច្ច​មួយ​នេះ នឹង​បន្ត​ផ្តល់​ប្រព័ន្ធ​អនុគ្រោះ​ពន្ធ​នៅ​កម្ពុជា តាម​រយៈ​ការ​បែង​ចែក​ឱ្យ​ដាច់​រវាង បញ្ហា​ទំនាក់​ទំនង​ពាណិជ្ជកម្ម និង​ការ​ដោះ​ស្រាយ​វិបត្តិ​នយោបាយ​នៅ​កម្ពុជា។

នៅ​ក្នុង​ដំណើរ​ទស្សនៈកិច្ច​រយៈ​ពេល​ពេញ​មួយ​សប្តាហ៍​នេះ​​ គណៈប្រតិភូ​សហភាព​អឺរ៉ុប បាន​ជួប​ជាមួយ​នឹង សមាជិក​រដ្ឋាភិបាល​កម្ពុជា តំណាង​សហជីព សង្គម​ស៊ីវិល​ ពាណិជ្ជករ តំណាង​អង្គការ​សហប្រជាជាតិ និង​តំណាង​អង្គការ​ពលកម្ម​អន្តរជាតិ​នៅ​ក្នុង​ប្រទេស​ជា​ដើម៕

What Next?

Recent Articles

3 Responses to "សហភាព​អឺរ៉ុប៖ បញ្ហា​សិទ្ធិ​មនុស្ស​និង​នយោបាយ​មាន​សារៈ​សំខាន់​សម្រាប់​គោល​នយោបាយ​ពាណិជ្ជកម្ម​អឺរ៉ុប"

  1. Anonymous says:

    Hun Sen is responsible for all sanctions because of:
    – All political prisoners not being released.
    – All independent News and media have been monitored.
    – All members of CNRP are threatened and ousted from opposition party.
    – The whole CNRP party are excused as traitors against the laws that made by Hun Sen.
    – Erasing CNRP from the race which more than 3,000,000 votes or 1/2 of Cambodians populations supporters.
    Cambodians now are making revolution against dictatorship, or communist regimes.
    Thanks for the era of Facelooks, for all share and like.
    Thanks all generations men and women, old, young and the youths who play very significant roles for our motherland. Together we will succeed. Thanks for your faithfulness to our nation,
    and I’m very proud being born as Khmer blood.
    I’m so far away but my heart is nearby Cambodia and all of you. We will celebrate together in front of Ankor Temple.
    Thanks again for your determination to free Cambodia as independent.

  2. Serey says:

    On Fri 13/July,2018

    Dear Ms. Cecilia,

    If like you say, how about U.S.A increase TAX 25% on E.U. goods.
    Whether E.U. violate on human right or not ?.
    If not, why U.S.A. put SANCTION on E.U. ?.
    Every sanction is not transparency to the TRUE.
    Please go to school and learn more !.
    God bless all Cambodia !

    Thank a lots.

  3. Free Cambodia says:

    Human rights and political issues are important for any economic-based country trade policy including Cambodia. EU is only larger of land and population, but it’s not any thing more special than Cambodia. Yes, EU has more money per capita than Cambodia.

    But when it comes to enforcing law and order, Cambodia is doing the same as EU or US. Cambodia has zero tolerance for those who commit the crime. Remember, what goes up must come down. EU will change nothing.

Leave a Reply

Submit Comment