ដោយ វណ្ណ សុគន្ធា
14/07/2018
RFI
លោក គង់ វិបុល អគ្គនាយកនៃអគ្គនាយកដ្ឋានពន្ធដារ
Taxation
ទូរទស្សន៍ Al Jazeera កាលពីថ្ងៃទី១២កក្កដាកន្លងទៅ បានចេញផ្សាយបទស៊ើបអង្កេតមួយក្រោមចំណងជើងថា ការបង្ក្រាបការបោះឆ្នោតនៅក្នុងប្រទេសកម្ពុជា។ ក្នុងវីដេអូស៊ើបអង្កេតនោះ Al Jazeeraបានលើកឡើងពីការបង្កើតក្រុមហ៊ុននៅអូស្ត្រាលីតម្លៃរាប់លានដុល្លាររបស់លោក គង់ វិបុល អគ្គនាយកនៃអគ្គនាយកដ្ឋានពន្ធដារ។ ប៉ុន្តែលោក គង់ វិបុល បានច្រានចោល។ ចំពោះរឿងនេះអ្នកនាំពាក្យបក្សកាន់អំណាចបានជំរុញឲ្យទូរទស្សន៍ Al Jazeera ដាក់ភស្តុតាងដែលខ្លួនមានទៅអង្គភាពប្រឆាំងអំពើពុករលួយដើម្បីចាត់ការ។
ថ្លែងប្រាប់វិទ្យុបារាំងអន្តរជាតិនៅព្រឹកថ្ងៃសៅរ៍នេះ លោក សុខ ឥសាន ដែលជាអ្នកនាំពាក្យគណបក្សប្រជាជនកម្ពុជា បានអះអាងថា ប្រសិនបើទូរទស្សន៍ Al Jazeera មានភស្តុតាង និងឯកសារត្រឹមត្រូវនិងគ្រប់គ្រាន់ដែលបង្ហាញថា លោក គង់ វិបុល កំពុងដំណើរការក្រុមហ៊ុននៅក្នុងប្រទេសអូស្ត្រាលីនោះ សូមយកភស្តុតាងទាំងនេះដាក់ទៅកាន់អង្គភាពប្រឆាំងអំពើពុករលួយ។ បើតាមលោក សុខ ឥសាន អង្គភាពប្រឆាំងអំពើពុករលួយនឹងចាត់ការលើរឿងនេះ បើសិនជាមានភស្តុតាងគ្រប់គ្រាន់នោះ។ លោកសុខ ឥសាន បានអះអាងទៀតថា រដ្ឋាភិបាលកម្ពុជាដែលដឹកនាំដោយលោកនាយករដ្ឋមន្ត្រី ហ៊ុន សែន នឹងមិនកាន់ជើងមន្ត្រីដែលប្រព្រឹត្តខុសច្បាប់ឡើយ។
សូមបញ្ជាក់ថា នៅក្នុងវីដេអូស៊ើបអង្កេតមួយដែលចេញផ្សាយការពីថ្ងៃទី១២ ខែកក្កដា ទូរទស្សន៍ Al Jazeera របស់កាតាដែលបានអះអាងថា អគ្គនាយកនៃអគ្គនាយកដ្ឋានពន្ធដារកម្ពុជារូបនេះកំពុងដំណើរការក្រុមហ៊ុនដែលមានតម្លៃរាប់លានដុល្លារនៅក្នុងប្រទេសអូស្ត្រាលី។ ក៏ប៉ុន្តែលោកគង់ វិបុល បានគូសបញ្ជាក់នៅក្នុងបទសម្ភាសន៍ជាមួយទូរទស្សន៍ Al Jazeera ថា លោកមិនជាប់ទាក់ទងនឹងក្រុមហ៊ុននោះទៀតទេ។ លោកថា លោកបានផ្ទេរក្រុមហ៊ុននោះទៅឲ្យអ្នកផ្សេងហើយ។
ក៏ប៉ុន្តែអ្នកជំនាញខាងការប្រឆាំងការលាងលុយកខ្វក់ម្នាក់នៅក្នុងប្រទេសអូស្ត្រាលីបានអះអាងប្រាប់ទូរទស្សន៍ Al Jazeera ថា លោក គង់ វិបុល គឺជាអគ្គនាយកក្រុមហ៊ុននោះ ហើយថា កំពុងស៊ើបអង្កេតបន្ថែមលើរឿងនេះផងដែរ។ ប៉ុន្តែលោកគង់ វិបុល បានប្រាប់ទូរទស្សន៍ Al Jazeera វិញថា កាលដែលនៅជាប់ឈ្មោះលោកទាក់ទងនឹងក្រុមហ៊ុន គឺដោយសារតែនាយកដ្ឋានចុះបញ្ជីក្រុមហ៊ុនរបស់ប្រទេសអូស្ត្រាលីមិនបានធ្វើការកែសម្រួលថ្មីនៃឈ្មោះអគ្គនាយកក្រុមហ៊ុននោះ។
លោកគង់ វិបុល ដែលជាទីប្រឹក្សាផ្ទាល់របស់លោកនាយករដ្ឋមន្ត្រីហ៊ុន សែន ត្រូវបានតែងតាំងជាអគ្គនាយកនៃអគ្គនាយកដ្ឋានពន្ធដារនៃក្រសួងសេដ្ឋកិច្ច និងហិរញ្ញវត្ថុកាលពីឆ្នាំ២០១២កន្លងទៅ។ ទូរទស្សន៍ Al Jazeera បានលើកឡើងថា លោក គង់ វិបុល មានប្រាក់ខែមិនដល់១ពាន់ដុល្លារក្នុងមួយខែផង តែបែរជាមានលុយរាប់លានដុល្លារទៅបើកក្រុមហ៊ុននៅក្នុងប្រទេសអូស្ត្រាលី។ យ៉ាងណាក៏ដោយ មកដល់ពេលនេះ លោក គង់ វិបុល មិនអាចទាក់ទងសុំការបំភ្លឺបន្ថែមបានទេចំពោះការចោទប្រកាន់ទាំងអស់នេះ៕
this parrot សុខ ឥសាន he wants to be this stupid species, at aljazirra he will be like a whore but if the other has to piss off millions he is only dirty money collectors for Hun Sen
this type of scandal is to divert the catastrophic management of hun sen for 30 years
This old dumb dude can not think straight because of his business lost in The US. His families did not want to be in public because of ???.
Now, the cage is too narrow for him to run around.
I support finding the the truth. Business can be involved with many investors to pool capital together for starting a business. Just to verbally accusing any person including yourself, how do you feel. If the law is being violated, there is the judicial system in Any country can be utilized. If you are the expert, “Show me the money”? Do you know who said this?
The corruption in cambodia is the worse nightmare of this nation ‘