មន្ត្រីនគរបាលជាតិប្រើប្រាស់រថយន្តនគរបាលក្នុងសកម្មភាពឃោសនាបោះឆ្នោត (រូបភាពពី អគ្គស្នងការនគរបាលជាតិ)
ក្រសួងមហាផ្ទៃបានលើកឡើងថាការឃោសនារកសម្លេងបោះឆ្នោតក្នុងរយៈពេល ៨ថ្ងៃកន្លងមកមានមន្រ្តី មួយចំនួនតូចបានប្រព្រឹត្តមិនត្រឹមត្រូវតាមច្បាប់ ដែលនាំឲ្យមានការរិៈគន់ពីពលរដ្ឋ។
ការសារការប្រព្រឹត្តមិនត្រឹមត្រូវតាមច្បាប់នេះ ទើបក្រសួងមហាផ្ទៃចេញសេចក្ដីណែនាំមួយចុះថ្ងៃទី ១៤ ខែ កក្ដដា ស្ដីអំពីការប្រើប្រាស់មធ្យោបាយ សម្ភារៈ និង សកម្មភាពមន្រ្តីរាជការស៊ីវិល អាជ្ញាធរដែនដី គ្រប់លំដាប់ថ្នាក់ និង មន្រ្តីនគរបាលក្នុងដំណើរការឃោសនាបោះឆ្នោតខាងមុខ។
ក្នុងសេចក្ដីណែនាំនោះក្រសួងមហាផ្ទៃបានលើកឡើងថាក្នុងបំណងដើម្បីពង្រឹងស្មារតីទទួលខុសត្រូវអនុវត្តតួនាទី ភារកិច្ចរបស់មន្រ្តីរាជការស៊ីវិល អាជ្ញាធរគ្រប់លំដាប់ថ្នាក់ និង នគរបាលជាតិក្រោមឱវាទ ក្រសួងបានធ្វើការណែនាំពីច្បាប់ និងបទបញ្ជា និង នីតិវិធីសម្រាប់ការបោះឆ្នោតដូចជាការហាមមិនឲ្យលើក ឬបិទស្លាកគណបក្ស និង សម្ភារៈឃោសនាលើអគា ការិយាល័យរដ្ឋ ឬកាតទទឹងផ្លូវសាធារណៈ។
ជាងនោះទៅទៀតគឺការហាមប្រើប្រាស់មធ្យោបាយដឹកជញ្ជូនដែលជាសម្បត្តិរដ្ឋ ដូចជាយានយានគ្រប់ប្រភេទប្រើប្រាស់ស្លាកសញ្ញារាជការ រដ្ឋ ន.ប.ខ.ម និង រាជរដ្ឋាភិបាល ដើម្បីធ្វើការឃោសនា ឬការចូលរួលក្នុងសកម្មភាពឃោសនា និងការដឹកជញ្ជូនអ្នកបោះឆ្នោតទៅកាន់ការិយាល័យបោះឆ្នោត។
ក្នុងសេចក្ដីណែនាំនោះដែរក៏ហាមមិនឲ្យប្រមូលផ្ដុំមន្រ្តីរាជការស៊ីវិល អាជ្ញាធរដែនដីគ្រប់លំដាប់ថ្នាក់ និង នគបាលជាតិដើម្បីធ្វើការបញ្ចុះបញ្ចូលស្វែងរកសម្លេងឆ្នោតនៅក្នុងអគា ឬការិយាល័យរដ្ឋ។
ជាងនេះទៅទៀតក្រសួងមហាផ្ទៃក៏ណែនាំមិនឲ្យមន្រ្តីរាជការក្នុងសកម្មភាពឃោសនាដូចជាការចូលរួមស្ទង់មតិប្រជាពលរដ្ឋ ការបើកបរយានជំនិៈរបស់បក្សក្នុងសកម្មភាពឃោសនា សកម្មភាពថ្លែងការណ៍ជាសាធារណៈដើម្បីគាំ ទ្របក្សនយោបាយ ឬបេក្ខជន និង ការចូលរួមលេងភ្លេង ច្រៀង ឬផ្សព្វផ្សាយសារនយោបាយតាមឧបរកណ៍បំពងសម្លេងដើម្បីគាំទ្របក្ស ឬបេក្ខជននយោបាយ។
ទោះបីជាយ៉ាងណាក្រសួងមហាផ្ទៃថាមន្រ្តីរាជការ អាជ្ញាធរគ្រប់លំដាប់ថ្នាក់ ឬមន្រ្តីនគរបាល អាចចូលរួមសកម្មភាពឃោសនារបស់បក្សនយោបាយបាន នៅក្រៅម៉ោងធ្វើការ ឬថ្ងៃឈប់សម្រាកការងារដែលកំណត់ដោយរដ្ឋ តែពេលចូលរួមសកម្មភាពឃោសនាមិនត្រូវពាក់ឯកសណ្ឋាន និងមិនត្រូវធ្វើអ្វីដេលនាំឲ្យមានការគំរាមកំហែងឡើយ៕