លោក សម រង្ស៊ី នៅ​តែ​បន្ត​លើក​ឡើង​ប្រឆាំង​នឹង​ការ​បោះ​ឆ្នោត ថ្ងៃ​ទី​២៩ ខែ​កក្កដា

ដោយ សឿង ភារៈ
20/07/2018
RFI

media
លោក សម រង្ស៊ី ​អតីត​ប្រធាន​គណបក្ស​សង្គ្រោះជាតិ
@ Sam Rainsy’s Facebook page


ជា​ថ្មី​ម្តង​ទៀត លោក សម រង្ស៊ី បាន​អះអាង​តាម​រយៈ​បណ្តាញ​សង្គម​របស់​លោក​ថា ថ្ងៃ​ទី​២៩ ខែ​កក្កដា ខាង​មុខ​នេះ មិន​មែន​ជា​ថ្ងៃ​បោះ​ឆ្នោត​នោះ​ទេ តែ​ជា​ថ្ងៃ​អាយុ​ជីវិត​របស់​ប្រទេស​កម្ពុជា។ ជា​ការ​លើក​ឡើង​ដដែលៗ​របស់​អតីត​ប្រធាន​គណបក្ស​សង្រ្គោះ​ជាតិ​ ខណៈ​ការ​បោះ​ឆ្នោត​នៅ​ក្នុង​ប្រទេស​កម្ពុជា​នៅ​សល់​មួយ​សប្តាហ៍​ទៀត​ប៉ុណ្ណោះ។

លោក សម រង្ស៊ី តាម​រយៈ​វីដេអូ​ក្នុង​បណ្តាញ​សង្គម​ហ្វេសប៊ុក​របស់​លោក កាល​ពី​ថ្ងៃ​ទី​១៩ ខែ​កក្កដា បាន​អះអាង​ថា ប្រសិន​បើ​ពលរដ្ឋ​កម្ពុជា​ទៅ​បោះ​ឆ្នោត នោះ​នឹង​ធ្វើ​ឲ្យ​បាត់​បង់​ប្រទេស​កម្ពុជា ពី​ព្រោះ​ការ​បោះ​ឆ្នោត​ខាង​មុខ​នេះ នឹង​អនុញ្ញាត​ឲ្យ​លោក​នាយក​រដ្ឋមន្ត្រី ហ៊ុន សែន កាន់​អំណាច​ត​ទៅ​ទៀត ហើយ​ការ​កាន់​អំណាច​ត​ទៅ​ទៀត នឹង​ឲ្យ​ធ្វើ​ខូច​ខាត​ដល់​ប្រទេស​កម្ពុជា។

អតីត​មេ​ដឹក​នាំ​គណបក្ស​ប្រឆាំង ដែល​កំពុង​រស់​នៅ​និរទេស​ខ្លួន​ក្រៅ​ប្រទេស តាម​រយៈ​វីដេអូ​៣​នាទី​នោះ បាន​បន្ត​វាយ​ប្រហារ​ខ្លាំងៗ មក​លើ​លោក​នាយក​រដ្ឋមន្ត្រី ហ៊ុន សែន​ ហើយ​បាន​លើក​ឡើង​ពី​ការ​ជំពាក់​បំណុល​ប្រទេស​វៀតណាម និង​ចិន ក្រោម​ការ​ដឹក​នាំ​របស់​លោក​នាយក​រដ្ឋមន្ត្រី​ហ៊ុន សែន បច្ចុប្បន្ន។

អំឡុង​ពេល​នៃ​ការ​ធ្វើ​យុទ្ធនាការ​ឃោសនា​បោះ​ឆ្នោត​ពី​ថ្ងៃ​ទី​០៧ ដល់​ថ្ងៃ​ទី​២៧ ខែ​កក្កដា លោក សម រង្ស៊ី បាន​ធ្វើ​យុទ្ធនាការ​ផ្សាយ​ខិត្តប័ណ្ណ​អេឡិចត្រូនិច តាម​បណ្តាញ​សង្គម ដើម្បី​អំពាវនាវ​មិន​ឲ្យ​ប្រជាពលរដ្ឋ​ទៅ​បោះ​ឆ្នោត​នៅ​ថ្ងៃ​ទី​២៩ ​ខែ​កក្កដា។ ជា​ការ​បោះ​ឆ្នោត ដែល​អតីត​គណបក្ស​ប្រឆាំង​អះអាង​ថា​ក្លែង​ក្លាយ ព្រោះ​អវត្តមាន​គណបក្ស​សង្រ្គោះ​ជាតិ។​ ក្រៅ​ពី​ការ​ផ្សាយ​ខិត្តប័ណ្ណ​តាម​បណ្តាញ​សង្គម​ហ្វេសប៊ុក មន្ត្រី​អតីត​គណបក្ស​សង្រ្គោះ​ជាតិ​មួយ​ចំនួន​ទៀត បាន​ធ្វើ​យុទ្ធនាការ​សិទ្ធិ​ម្រាម​ដៃ​ស្អាត ដើម្បី​បង្ហាញ​ពីការ​មិន​ចូល​រួម​បោះ​ឆ្នោត។

ផ្ទុយ​ទៅ​វិញ លោក សុខ ឥសាន អ្នក​នាំ​ពាក្យ​គណបក្ស​ប្រជាជន​កម្ពុជា បាន​ថ្លែង​ថា ការ​អំពាវនាវ​មិន​ឲ្យ​ប្រជាពលរដ្ឋ​ទៅ​បោះ​ឆ្នោត ម្តង​ហើយ​ម្តង​ទៀត​របស់​លោក សម រង្ស៊ី នេះ គឺ​ជា​ការ​អំពាវនាវ ដែល​គ្មាន​ប្រសិទ្ធភាព។ លោក សុខ ឥសាន បន្ត​ថា យុទ្ធនាការ​កៀង​គរ និង​ភូត​កុហក ប្រជាពលរដ្ឋ​មិន​ឲ្យ​ទៅ​បោះឆ្នោត​របស់​អតីត​មេ​ដឹក​នាំ​គណបក្ស​ប្រឆាំង មិន​មាន​ក្តី​សង្ឃឹម​ទេ ខណៈ​ដែល​ថ្ងៃ​បោះ​ឆ្នោត​កាន់​តែ​ខិត​ជិត​មក​ដល់។

គួរ​ជម្រាប​ជូន​ថា ការ​បោះ​ឆ្នោត​ជ្រើស​តាំង​តំណាង​រាស្ត្រ​នីតិកាល​ទី​៦ គ្រោង​នឹង​ធ្វើ​ឡើង​នៅ​ថ្ងៃ​ទី​២៩ ខែ​កក្កដា ខាង​មុខ ដែល​មាន​គណបក្ស​នយោបាយ​ចំនួន​២០​ចូល​រួម​ប្រកួត​ប្រជែង។ មក​ទល់​ពេល​នេះ គណៈកម្មាធិការ​ជាតិ​រៀប​ចំ​ការ​បោះ​ឆ្នោត​(គ.ជ.ប) កំពុង​ញាប់​ដៃ​ញាប់​ជើង​បំពេញ​ការងារ​របស់​ខ្លួន ដោយ​សន្លឹក​ឆ្នោត​មួយ​ចំនួន​ត្រូវ​បាន​ដឹក​ទៅ​កាន់​មណ្ឌល​បោះ​ឆ្នោត​នានា​ជា​បន្ត​បន្ទាប់ និង​ប្រកប​ដោយ​សុវត្ថិភាព។ សន្តិសុខ​ត្រូវ​បាន​ត្រៀម អ្នក​សង្កេតការណ៍​ជាតិ និង​អន្តរជាតិ ក៏​ត្រូវ​បាន​កំណត់​រួច​រាល់​ជា​ស្រេច៕

What Next?

Recent Articles

4 Responses to "លោក សម រង្ស៊ី នៅ​តែ​បន្ត​លើក​ឡើង​ប្រឆាំង​នឹង​ការ​បោះ​ឆ្នោត ថ្ងៃ​ទី​២៩ ខែ​កក្កដា"

  1. Free Cambodia says:

    “I urge the people to not go to vote and boycott this fake election,” Rainsy said.

    This man is the traitor and he should be arrested. Only crooks like Rainsy will follow his propaganda. But we are the majority will be out to vote. We never believe in fake Rainsy.

  2. Anonymous says:

    Hun-sen and mr sy and who ever crook will be go to hell

  3. Anonymous says:

    Last chance for HUN SEN, if he continue to bring Cambodia to communist or he wants to let CNRP into election pool?????????
    All international pressures are eyes ball on HUN SEN. They all want HUN SEN to answer why 1991 Paris Peace Agreement is not being used?????????? 4 Cambodian parties had agreed and signed and most importantly it is recognized by 18 countries, southeast Asian and super power
    Nations which are backing up by the United Nations.
    All objective just to find the ways for Cambodia not to fall into dictatorship or communist.
    Who leads the government by bloody coup and forces Cambodia on the way back to communist??? Cambodians know exactly who he is.
    It is up to all Cambodian society. Do we all want to be democracy or one man rule as dictator???
    The answer is up to all of us.
    First answer will be appearing up coming date, it is on July 28th, 2018. Stay tune for big event from all Cambodians who live abroad, around the world. It will be live by the witnesses…
    Thanks in advance,

  4. Anonymous says:

    Voting is your voice and it is your choice. If you don’t like to go, no one can force each every one of you going to vote.
    It is protected by the constitution.
    There is no harm or no fault if you are not showing up at the election pool station!!!!!!!!!