កូន​ប្រុស​ច្បង​​លោក ហ៊ុន សែន និង​មេទ័ព​កំពូល​ថ្មី​ ២​រូប​ទៀត ចូល​កាន់​តំណែង​ជា​ផ្លូវ​ការ

អាស៊ីសេរី
2018-09-06

លោក ហ៊ុន ម៉ាណែត មេបញ្ជាការ​រង​កងទ័ព​ជើង​គោក និង​ជា​នាយរង​សេនាធិការ​ចម្រុះ​នៃ​កង​យោធពល​ខេមរភូមិន្ទ ក្នុង​ពិធី​រៀបចំ​ការ​ចូល​ប្រឡង​ជ្រើសរើស​នាយទាហាន កាល​ពី​ថ្ងៃ​ទី​២០ ខែ​ធ្នូ ឆ្នាំ​២០១៥។ RFA
លោក ហ៊ុន ម៉ាណែត មេបញ្ជាការ​រង​កងទ័ព​ជើង​គោក និង​ជា​នាយរង​សេនាធិការ​ចម្រុះ​នៃ​កង​យោធពល​ខេមរភូមិន្ទ ក្នុង​ពិធី​រៀបចំ​ការ​ចូល​ប្រឡង​ជ្រើសរើស​នាយទាហាន កាល​ពី​ថ្ងៃ​ទី​២០ ខែ​ធ្នូ ឆ្នាំ​២០១៥។ RFA


ព្រះមហាក្សត្រ​តែងតាំង លោក ហ៊ុន ម៉ា​ណែ​ត ជា​មេបញ្ជាការ​កងទ័ពជើងគោក


ក្រោយការ​ត្រួសត្រាយ​ផ្លូវ​ពី​ឪពុក​របស់​ខ្លួន​ហើយ​នោះ លោក ហ៊ុន ម៉ាណែត កូន​ប្រុស​ច្បង​របស់​លោក ហ៊ុន សែន ត្រូវ​បាន​លោក​ ទៀ បាញ់ ប្រកាស​ឲ្យ​ចូល​កាន់​តំណែង​ជា​ផ្លូវ​ការ ជា​មួយ​នឹង​មេទ័ព​កំពូល ២រូប​ទៀត មាន​លោក វង្ស ពិសេន និង​លោក ឥត សារ៉ាត់ នៅ​រសៀល​ថ្ងៃ​ទី​៧ ខែ​កញ្ញា ឆ្នាំ ២០១៨។

លោក ហ៊ុន ម៉ាណែត ត្រូវ​បាន​តែងតាំង​ជា​មេ​បញ្ជាការ​កងទ័ព​ជើងគោក លោក វង្ស ពិសេន ទទួល​តំណែង​ជា​អគ្គ​មេ​បញ្ជា​ការ​នៃ​កង​យោធពល​ខេមរភូមិន្ទ​ ហើយ​ លោក ឥត សារ៉ាត់ ទទួល​មុខងារ​ជា​អគ្គ​មេ​បញ្ជាការ​រង និង​ជា​នាយសេនាធិការ​ចម្រុះ​នៃ​កង​យោធពល​ខេមរភូមិន្ទ ។ ការ​ប្រកាស​តែងតាំង​នេះ ធ្វើ​ឡើង​នៅ​ក្នុង​កិច្ច​ប្រជុំ​ក្បាល​ម៉ាស៊ីន​ដឹកនាំ​គណៈរដ្ឋមន្ត្រី​លើក​ដំបូង​របស់​របប​ក្រុង​ភ្នំពេញ​ នៅ​វិមាន​សន្តិភាព ថ្ងៃទី​៧ ខែ​កញ្ញា​នេះ។

ចំពោះ​អតីត​មេទ័ព ៣រូប​ដែល​ធ្លាប់​កាន់​មុខ​តំណែង​នេះ មាន​លោក ប៉ុល សារឿន លោក គន់ គីម និង​លោក មាស សុភា ត្រូវ​បាន​របប​ក្រុង​ភ្នំពេញ​ដំឡើង ​ឋានៈ​ជា​ទេស​រដ្ឋមន្ត្រី ទទួល​បន្ទុក​បេសកកម្ម​ពិសេស ក្នុង​សមាសភាព​ដឹកនាំ​ប្រទេស​អាណត្តិទី៦។ ប៉ុន្តែ ឋានៈ​ជា​ទេសរដ្ឋមន្រ្តី​នេះ ត្រូវ​បាន​នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ​ឃ្លាំ​មើល​សិទ្ធិ​មនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ចាត់​ទុក​ដូច​ជា​ការ​ដាក់​ឲ្យ​ចូល​និវត្តន៍​ដូច្នេះ​ដែរ ដើម្បី​បើក​ផ្លូវ​ឲ្យ​កូន​លោក ហ៊ុន សែន បាន​គ្រង​តំណែង​មេទ័ព​ការពារ​អំណាច​ផ្តាច់ការ​របស់​លោក ហ៊ុន សែន​ បន្ត​ទៀត។

មជ្ឈដ្ឋាន​ទូទៅ ​មើល​ឃើញ​ថា ក្បាល​ម៉ាស៊ីន​ដឹកនាំ​រដ្ឋ​ឯក​បក្ស​របស់​លោក ហ៊ុន សែន ​​អាណត្តិ​ទី៦​នេះ មិន​មាន​ការ​ដោះដូរ​តំណែង​ ក្នុង​ជួរ​រដ្ឋមន្ត្រី ទេស​រដ្ឋមន្ត្រី ឬ​ឧបនាយក​រដ្ឋមន្ត្រី នោះទេ។ ផ្ទុយ​មក​វិញ ​របប​លោក ហ៊ុន សែន មាន​តែ​រក្សា​តំណែង​ឲ្យ​ក្រុម​របស់​ខ្លួន និង​បង្កើន​ចំនួន​មន្ត្រី​កាន់​តែ​ច្រើន​ទៅ​តាម​មុខ​តំណែង ដែល​ចំនួន​នេះ​កើន​ឡើង​ច្រើន​ជាង​អាណត្តិ​មុន។ ក៏​ប៉ុន្តែ​អ្វី​ដែល​គួរ​កត់សម្គាល់​សម្រាប់​របបក្រុង​ភ្នំពេញ​ នៅ​ពេល​នេះ គឺ​មាន​ការ​ដោះ​ដូរ​តំណែង​គ្រាក់ៗ ជា​ច្រើន​ ក្នុង​ជួរ​មន្ត្រី​ជាន់​ខ្ពស់​នៃ​នគរបាល​ជាតិ កងកម្លាំង​ប្រដាប់​អាវុធ និង​ក្នុង​ជួរ​កងទ័ព។

អតីត​តំណែង​មេទ័ព​កំពូល​កងទ័ពជើងគោក របស់​លោក ប៉ុល សារឿន ត្រូវ​បាន​ជំនួស​មកវិញ​ដោយ នាយទាហាន​ជាន់ខ្ពស់​បី​រូប ដែល​របប​ក្រុងភ្នំពេញ​ជឿ​ទុក​ចិត្ត ។ អ្នក​ទាំង​បី​រូប​នោះ មានលោក ហ៊ុន ម៉ាណែត ជា​កូនប្រុស​បង្កើត​របស់ លោក ហ៊ុន សែន ឧត្ដមសេនីយ៍​ឯក វង្ស ពិសេន និង នាយ​ឧត្ដមសេនីយ៍ ឥត សារ៉ាត់។

ការ​តម្កើង​ឋានន្តរសក្ដិ​ជា​មេទ័ព​កំពូល​នៃ​កង​យោធពល​ខេមរភូមិន្ទ នេះ ធ្វើឡើង​តាម​ព្រះរាជក្រឹត្យ​របស់​ព្រះមហាក្សត្រ ព្រះបរមនាថ នរោត្ដម សីហមុនី ដែល​ចេញ​នៅ​ថ្ងៃ​ជាមួយគ្នា ក្រោយពី​មាន​លិខិតស្នើ​របស់ លោក ហ៊ុន សែន ថ្វាយ​ព្រះមហាក្សត្រ ចុះ​ថ្ងៃ​ទី​៦ ខែកញ្ញា ។ ចំណែក​កូន​បង្កើត​លោក ស ខេង រដ្ឋមន្ត្រី​ក្រសួងមហាផ្ទៃ ត្រូវ​បាន​លោក ហ៊ុន សែន ប្រកាស​ថា លោក ស សុខា សមាជិក​រដ្ឋសភា នឹង​ត្រូវ​ទៅកាន់​ជា​រដ្ឋលេខាធិការ​ក្រសួង​អប់រំ យុវជន និង​កីឡា។

ការប្រញាប់​ប្រញាល់​រៀបចំ​ក្បាលម៉ាស៊ីន​ដឹកនាំ​ប្រទេស និង​ប្រកាស​តែង​មុខតំណែង​ពី​របប​ក្រុងភ្នំពេញ បន្ទាន់​បែបនេះ ធ្វើឡើង បន្ទាប់ពី​តំណាងរាស្ត្រ​ឯកបក្ស របស់ លោក ហ៊ុន សែន ទាំង​១២៥​រូប បាន​ស្បថ​ចូលកាន់​តំណែង ដោយមាន​ព្រះ​វត្តមាន​អង្គ​ព្រះមហាក្សត្រ​ជា​អធិបតីភាព កាលពី​ថ្ងៃ​ទី៥ កញ្ញា ឆ្នាំ​២០១៨។

ថ្វីត្បិតតែ របប​ក្រុងភ្នំពេញ​ខិតខំ​ដុតដៃដុតជើង រៀប​រចនាសម្ព័ន្ធ​ដឹកនាំ​ប្រទេស ដោយ​គ្មាន​បង្អន់​ពេល​សូម្បីតែ​១​ថ្ងៃ​ក៏ដោយ ក៏​មិន​ទាន់​មាន​ការ​ទទួល​ជា​ផ្លូវការ​ណាមួយ​ទេ ពី​តំណាង​ទូត​ប្រចាំ​ប្រទេស​លោក​ខាងលិច​ដែល​ប្រកាស​ខ្ជាប់​លទ្ធិប្រជាធិបតេយ្យ ដូចជា សហគមន៍​អឺរ៉ុប សហរដ្ឋអាមេរិក បារាំង អង់គ្លេស កាណាដា អូស្ត្រាលី ស៊ុយអែត អាល្លឺម៉ង់ និង​ប៊ុលហ្គារី។ ផ្ទុយ​មក​វិញ របប​នេះ មាន​តែ​ការ​អបអរសាទរ​និង​ស្វាគមន៍ ពី​ប្រទេស​លោក​កុម្មុយនិស្ត មាន​ប្រទេស​ចិន រុស្ស៊ី វៀតណាម ឡាវ និង​បណ្ដា​ប្រទេស​ក្នុង​អាស៊ាន​មួយ​ចំនួន​ទៀត​ដូចជា ថៃ និង​ហ្វីលីពីន ជាដើម៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

2 Responses to "កូន​ប្រុស​ច្បង​​លោក ហ៊ុន សែន និង​មេទ័ព​កំពូល​ថ្មី​ ២​រូប​ទៀត ចូល​កាន់​តំណែង​ជា​ផ្លូវ​ការ"

  1. Anonymous says:

    that was the action of dictator in the world do . at first they take military as their main road to stay in powers . after they have full powers they can do whatever they wanted . in some case they are not hesitated to kill people if any one again whit them . we Cambodian knew HUN SEN is a fake GOD . right now HUN SEN is getting older it seem to be getting crazier then ever. I can see this animal getting too close to his end time . GOD bless Cambodia

  2. Người bạn Khmer says:

    yes he came out of west point, a pity he did not try his luck at polytechnic school or
    Saint-Cyr Military Special School One person is the Sisowath family
    while the other loafer sihanouk just he learned to ride the horses
    two years of preparatory classes level mats sup or math spe and on contest please
    Free school and not like West point pay and super expensive still money finally funding studies of sons of hun sen it is thanks to the Khmer blood we deliver to Manet with the diploma in a foreign country, as his name is indicates, underrated degree
    vâng anh ta ra khỏi điểm tây, đáng tiếc anh ta không thử vận may ở trường bách khoa hay
    Trường Đặc biệt Quân sự Saint-Cyr Một người là gia đình Sisowath
    trong khi người đi rong khác sihanouk chỉ cần anh học cưỡi ngựa
    hai năm chuẩn bị lớp học cấp độ sup hoặc toán học và cuộc thi xin vui lòng
    Trường học miễn phí và không giống như tiền lương của Tây và tiền cực kỳ đắt tiền cuối cùng cũng tài trợ cho các nghiên cứu về con trai của hun sen đó là nhờ vào máu Khmer chúng tôi giao cho Manet với bằng tốt nghiệp ở nước ngoài, như tên của ông ấy cho biết, mức độ thiếu