មេដឹកនាំ​បក្ស​១៥​ត្រូវ​បាន​តែង​តាំង​ឋានៈ​ពី​រដ្ឋ​មន្ត្រី​ដល់​ទេស​រដ្ឋ​មន្ត្រី

| |
https://vodhotnews.com

លោក​នាយករដ្ឋ​មន្ត្រី ហ៊ុន សែន ចាប់​ដៃ​ជា​មួយ​មេដឹកនាំ​គណបក្ស​នយោបាយ​នានា អំឡុង​ជំនួប​ជាមួយ​មេដឹកនាំ​គណបក្ស​នយោបាយ​នានា ដែល​បាន​ចូលរួម​ក្នុង​ការ​បោះឆ្នោត​កាល​ពី​ថ្ងៃទី​២៩ ខែ​កក្កដា​កន្លង​មក។ រូបថត់៖ ទំព័រ​ហ្វេសប៊ុក​លោក ហ៊ុន សែន


មេដឹកនាំ​គណបក្ស​នយោបាយ​ចំនួន ១៥ នៅ​ក្នុង​ចំណោម​គណបក្ស​នយោបាយ ១៩ ដែល​បាន​ចូល​រួម​ប្រកួត​ប្រជែង​នៅ​ក្នុង​ការ​បោះ​ឆ្នោត​កាល​ពី​ចុង​ខែ​កក្កដា​កន្លង​មក ត្រូវ​បាន​ដាក់​បញ្ចូល​ទៅ​ក្នុង​សមាសភាព​ឧត្ដម​ក្រុម​ប្រឹក្សា​ពិគ្រោះ​ និង​ផ្ដល់​យោបល់ ដែល​មាន​ឋានៈ​ចាប់​ពី​​ទេស​រដ្ឋ​មន្ត្រី។

ក្នុង​ព្រះ​រាជ​ក្រឹត្យ​ចុះ​នៅ​ថ្ងៃ​នេះ ព្រះមហាក្សត្រ​កម្ពុជា សម្ដេច​ព្រះ នរោត្ដម សីហមុនី បាន​តែង​តាំង​មេដឹកនាំ​គណបក្ស​នយោបាយ​ចំនួន ១៥ ក្នុង​នោះ​មាន​ទាំង​ព្រះ​អង្គ​ម្ចាស់ នរោត្ដម ចក្រាវុឌ្ឍ មេដឹកនាំ​ស្ដី​ទីគណបក្ស​ហ៊្វុនស៊ិនប៉ិច និង​លោក ញឹក ប៊ុនឆៃ មេដឹកនាំ​គណបក្ស​​រួបរួម​ជាតិ ទៅ​ក្នុង​សមាសភាព​ឧត្ដម​ក្រុម​ប្រឹក្សា​ពិគ្រោះ និង​ផ្ដល់​យោបល់ ដោយ​មាន​ឋានៈ​ស្មើ​នឹង​ទេស​រដ្ឋ​មន្ត្រី។

ក្នុង​ព្រះ​រាជ​ក្រឹត្យ​ដដែល​នេះ អនុ​ប្រធាន​គណបក្ស​នយោបាយ​ទាំង ១៥​នោះ ក៏​ត្រូវបាន​​តែង​តាំង​ផង​ដែរ ដោយ​មាន​ឋានៈ​ស្មើ​នឹង​រដ្ឋ​មន្ត្រី។

ព្រះ​មហាក្សត្រ​បាន​ត្រាស់​បង្គាប់​បែប​នេះ ទៅ​តាម​ការ​ស្នើ​សុំ​របស់​លោក​នាយករដ្ឋ​មន្ត្រី ហ៊ុន សែន ដែល​ទើប​តែ​ត្រូវ​បាន​ជ្រើស​តាំង​ជា​នាយករដ្ឋ​មន្ត្រី​ជា​ថ្មី​ម្ដង​ទៀត​នៅ​ក្នុង​អាណត្តិ​ទី​៦​នេះ។

ក្នុងពិធីមួយកាលពីថ្ងៃ​ទី​១៥ សីហា លោក​ ​ហ៊ុន សែន​ បាន​​​ប្រកាសថា​​ នឹងបង្កើតឲ្យមានវេទិកា​ពិ​​គ្រោះ​​​​​យោ​បល់ជា​មួ​យ​​​​​គ​ណ​​​​​​​ប​ក្សដែ​លមិន​ទទួល​បាន​អាសនៈក្នុងរដ្ឋសភា នៅមុនបង្កើត​រដ្ឋាភិបាលថ្មី ដើម្បីប្រមូលគំនិត​ជំរុញ​ដល់​​​កា​​​រ​​អ​​​​ភិ​​វឌ្ឍ​តាមបែ​ប​​ប្រ​ជាធិ​ប​តេ​យ្យ​សេ​រីពហុប​ក្ស។

គណបក្ស​នយោបាយ​ចំនួន ១៥ នៅ​ក្នុង​ចំណោម​គណបក្ស​ចំនួន ១៩ ដែល​ចូល​រួម​ប្រកួត​ប្រជែង​នៅ​ក្នុង​ការ​បោះ​ឆ្នោត​ទល់​នឹង​គណបក្ស​ប្រជាជន​កម្ពុជា​នៅ​ក្នុង​ការ​បោះ​ឆ្នោត​កាល​ពី​ថ្ងៃ​ទី​២៩​កក្កដា បាន​សម្រេច​ចូលរួម​ក្នុង​វេទិកា​នេះ លើក​លែង​គណបក្ស​ប្រជាធិបតេយ្យ​មូលដ្ឋាន គណបក្ស​សម្ព័ន្ធ​ដើម្បី​លទ្ធិ​ប្រជាធិបតេ្យ និង​​គណបក្ស​ខ្មែរ​ឈប់​ក្រ​តែ​ប៉ុណ្ណោះ ដែល​បាន​បដិសេធ​ចូល​រួម​ក្នុង​វេទិកា​នេះ៕


CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

4 Responses to "មេដឹកនាំ​បក្ស​១៥​ត្រូវ​បាន​តែង​តាំង​ឋានៈ​ពី​រដ្ឋ​មន្ត្រី​ដល់​ទេស​រដ្ឋ​មន្ត្រី"

  1. Vannarith N. says:

    ខ្មែរស្រេកឃ្លានឋានះ វណ្ណះណាស់ទើបយួនអាចឈ្លានពានខ្មែរបាន ទោះឋានះនោះជាឋានះខ្ចល់ក្តី៕

  2. Anonymous says:

    ស្វាគំុលេាកតា”ឞ៉ឞ ឥត អាសូរ” បានស្គាល់ខ្លឹនលាមកសមមិត្តប៉ាក់ហើយ បន្ទាប់ពីប្រឹងភរបោកប្រជាពលរដ្ធាខ្លួនស្រឡាញ់ជាតិខ្លាំងណាស់។

  3. Anonymous says:

    Give away a piece of pie. Hun Sen will explain to UN that his dictator government is having multi parties in it. Too bad from illegal election. Anything after illegal election is not legal, international communities cannot accept the results.
    Robed by yourself, voted by yourself, won with no recognition.🇨🇳😜🇰🇭

  4. Anonymous says:

    the person like Mr PECH KREAM he is not a peace of some one shite . I will die if this animal going to lead Cambodia. this is what I call the dump going a long whit dumber not thing that make me wonder. GOD bless Cambodia

Leave a Reply

Submit Comment