ពលរដ្ឋ​ខ្មែរ​អាមេរិកាំង​គ្រោង​ធ្វើ​បាតុកម្ម​ប្រឆាំង​វត្ត​មាន​របស់​លោក ហ៊ុន សែន នៅ​ឯ​អង្គការសហ​ប្រជាជាតិ

ដោយ វ៉ា សំណព្វ
08/09/2018
RFI

media
​លោក​នាយក​រដ្ឋមន្រ្តី ហ៊ុន សែន និងអ្នកគាំទ្រ​នៅប្រទេស​អូស្រ្តាលីនាពេលកន្លងមក
@សហការី


ពលរដ្ឋខ្មែរ-អាមេរិកាំង ដែល​គេ​ដឹង​ថា ជា​អ្នក​គាំទ្រ​អតីត​គណបក្ស​សង្គ្រោះជាតិ គ្រោង​រៀប​ចំ​ធ្វើបាតុកម្ម​មួយ នៅ​ថ្ងៃ​ទី ២៩ កញ្ញា ខាង​មុខ​នេះ ដើម្បី​ប្រឆាំង​នឹង​វត្តមាន​របស់​លោក​នាយក​រដ្ឋមន្ត្រី ហ៊ុន សែន នៅ​លើ​ទឹក​ដី​សហរដ្ឋ​អាមេរិក។ បើ​តាម​គម្រោង បាតុកម្ម​នេះ​នឹង​ធ្វើ​ឡើង​នៅ​មុខទីស្នាក់​ការ អង្គការ​សហ​ប្រជាជាតិ ជាទី​ដែល​លោក​នាយករដ្ឋមន្ត្រី ហ៊ុន សែន បាន​ប្រកាស​ថា លោក​នឹង​ទៅ​ចូល​រួម​កិច្ច​ប្រជុំ​នៅ​ចុង​ខែ​កញ្ញា។

គម្រោង​បាតុកម្ម​របស់​ពលរដ្ឋ​ខ្មែរ​អាមេរិកាំង នឹង​ធ្វើ​ឡើង​នៅ​ថ្ងៃ​ទី ២៩ ខែកញ្ញា នៅ​មុខ​អគារ​ទីស្នាក់​ការ​អង្គការ​សហប្រជាជាតិ​នៅ​ទី​ក្រុង​ញូវយ៉ក​សហរដ្ឋ​អាមេរិក។ នេះ​បើ​យោង​តាម​លិខិតអំពាវនាវ​របស់​អតីត​គណបក្ស​សង្រ្គោះជាតិ​ប្រចាំ​សហរដ្ឋ​អាមេរិក (CNRP-USA) ចុះ​ថ្ងៃ​ទី ៦ កញ្ញា។ លិខិត​ដដែល​នេះ បាន​លើក​ឡើង​ថា គម្រោង​បាតុកម្ម​នេះ ធ្វើ​ឡើង​ដើម្បី​ប្រឆាំង​នឹងវត្ត​មាន​របស់​លោកនាយករដ្ឋមន្ត្រី ហ៊ុន សែន នៅ​លើ​ទឹក​ដី​សហរដ្ឋ​អាមេរិក និង​ដើម្បី​អំពាវនាវដល់​សហគមន៍​អន្តរជាតិ និង​ប្រទេស​ហត្ថលេខី​នៃ​កិច្ច​ព្រម​ព្រៀង​សន្តិភាព​ទីក្រុង​ប៉ារីស កុំ​ឲ្យទទួល​ស្គាល់​រាជរដ្ឋាភិបាល​ថ្មី​របស់​កម្ពុជា ដែល​ទើប​បង្កើត​ឡើង កាល​ពី​ថ្ងៃ​ទី ៦ កញ្ញា។

លិខិត​របស់​អតីត​គណបក្ស​សង្រ្គោះជាតិ​ប្រចាំ​សហរដ្ឋ​អាមេរិក (CNRP-USA) ដដែល ក៏​បានអំពាវនាវ​ដល់​អ្នក​គាំទ្រ សមាជិក-សមាជិកា និង​ប្រជាពលរដ្ឋ​ខ្មែរ-អាមេរិកាំង​ទាំង​អស់ ចូល​រួមនៅ​ក្នុង​បាតុកម្ម​នេះ ដើម្បី​ប្រឆាំង​នឹង​វត្តមាន​លោក​នាយករដ្ឋមន្ត្រី ហ៊ុន សែន ប្រសិន​បើគម្រោង​របស់​លោក​មិន​ត្រូវ​បាន​លុប​ចោល​ទេ​នោះ។

គួរជំរាបជូនថា កាល​ពី​ខែ​សីហា​កន្លង​ទៅ លោកនាយករដ្ឋមន្រ្តី ហ៊ុន សែន បាន​ប្រកាស​ពី​ការប្រញាប់​ប្រញាល់​ក្នុង​ការ​បង្កើត​រាជរដ្ឋាភិបាល​ថ្មី​អាណត្តិ​ទី​៦​ឲ្យ​បាន​រួចរាល់ ក្នុង​អំឡុង​ដើម​ខែកញ្ញា​នេះ ដើម្បី​ផ្តល់​លទ្ធភាព​ឲ្យ​លោក​អាច​អញ្ជើញ​ទៅ​ចូលរួម​ថ្លែង​ការណ៍​នៅ​ក្នុង​កិច្ច​ប្រជុំមហាសន្និបាត​លើក​ទី៧៣​របស់​អង្គការ​សហប្រជាជាតិ។ មហាសន្និបាត​លើក​ទី៧៣​របស់​អង្គការ​សហប្រជាជាតិ ដែល​គ្រោង​ធ្វើ​ឡើង​ចាប់​ពី​ថ្ងៃ​ទី ២៥ កញ្ញា ខាង​មុខ​នេះ។ ក្រៅ​ពី​នោះ លោក​នាយករដ្ឋមន្ត្រី ក៏​គ្រោង​នឹង​ទៅ​ចូលរួម​កិច្ច​ប្រជុំ​មួយ​ចំនួន​ទៀត​នៅ​អឺរ៉ុប ជា​អ្វី​ដែល​អ្នកវិភាគ​បាន​មើល​ឃើញ​ថា គឺ​ជា​ការ​ផ្គើន​នឹង​គម្រោង​ធ្វើ​បាតុកម្ម​របស់​ពលរដ្ឋ​ខ្មែរ-អាមេរិ​កាំង ដែល​ភាគ​ច្រើន គឺ​ជា​អ្នក​គាំទ្រ​អតីត​គណបក្ស​សង្គ្រោះ​ជាតិ។

យ៉ាង​ណា​​ក៏ដោយ លោក ផៃ ស៊ីផាន អ្នក​នាំ​ពាក្យ​រាជរដ្ឋាភិបាល​ថ្មី បាន​ឲ្យ​ដឹង​ថា គម្រោងរបស់​លោក​នាយករដ្ឋមន្ត្រី ហ៊ុន សែន នឹង​មិន​ផ្លាស់​ប្តូរ​នោះ​ឡើយ។ ឆ្លើយ​តប​ទៅ​នឹង​គម្រោងបាតុកម្ម​នៅ​សហរដ្ឋអាមេរិក លោក ផៃ ស៊ីផាន ដែល​ទើប​ទទួល​បាន​ការ​តែង​តាំង​ជា​រដ្ឋមន្រ្តីប្រតិភូ​អម​នាយករដ្ឋមន្ត្រី​បាន​ចាត់​ទុក​ថា គឺ​គ្រាន់​តែ​ជា​សម្រែក​របស់​អ្នក​ចាញ់ និង​ជា​សម្រែករបស់​សម្លេង​ភាគ​តិច​ប៉ុណ្ណោះ។ បើ​តាម​លោក ផៃ ស៊ីផាន តាម​គម្រោង​លោក​នាយករដ្ឋមន្រ្តី ហ៊ុន សែន ក៏​នឹង​មាន​ជំនួប​ជាមួយ​ពលរដ្ឋខ្មែរ-អាមេរិកាំង ដែល​គាំទ្រ​រដ្ឋាភិបាល​កម្ពុជា នៅ​លើទឹក​ដី​សហរដ្ឋ​អាមេរិក​ផង​ដែរ៕

What Next?

Recent Articles

4 Responses to "ពលរដ្ឋ​ខ្មែរ​អាមេរិកាំង​គ្រោង​ធ្វើ​បាតុកម្ម​ប្រឆាំង​វត្ត​មាន​របស់​លោក ហ៊ុន សែន នៅ​ឯ​អង្គការសហ​ប្រជាជាតិ"

  1. so socheath says:

    ( បកប្រែក្រៅផ្លូវការ )
    នាយករដ្ឋមន្ត្រីនៃប្រទេសអ៊ុយក្រែន លោកវ៉ូឡូឌីមៀរ ក្រយស្មាន់ Volodymyr Groysman នៅថ្ងៃទី០៧ ខែកញ្ញា ឆ្នាំ២០១៨ បានផ្ញើសារលិខិតជូនសម្តេចតេជោ ហ៊ុន សែន នាយករដ្ឋមន្ត្រីកម្ពុជា ក្នុងឱកាសដែលសម្តេចតេជោ បានបន្តឡើងកាន់តំណែងជានាយករដ្ឋមន្ត្រីនៃកម្ពុជា សម្រាប់អាណត្តិថ្មី។

    នៅក្នុងលិខិតរបស់លោកនាយករដ្ឋមន្រ្តីអ៊ុយក្រែន បានសរសេររៀបរាប់ថា៖ «តាងនាមឲ្យរដ្ឋាភិបាល​នៃប្រទេសអ៊ុយក្រែន និងខ្លួនខ្ញុំផ្ទាល់ សូមទទួលយកការចូលរួមអបអរសាទរដោយ​ស្មោះត្រង់​ពីរូបខ្ញុំ ចំពោះ​ការ​តែងតាំង​​របស់សម្តេច ក្នុងការបន្តកាន់មុខតំណែងនាយករដ្ឋមន្រ្តី​នៃព្រះរាជាណាចក្រកម្ពុជា»។

    នាឱកាសនេះផងដែរ ខ្ញុំសូមជូនពរ​សម្តេចឲ្យមានសុខភាពល្អ និងទទួលបានជោគជ័យក្នុង​សកម្មភាពសំខាន់ៗនៃការដឹកនាំប្រទេស​ជាតិ ព្រមទាំង​ប្រជាជននៃព្រះរាជាណាចក្រកម្ពុជា ឲ្យជួបតែសុខសន្តិភាព ក៏ដូចជាភាពរួបរួមគ្នា ព្រមទាំងវិបុលភាពតរៀងទៅ»។

    (​នៅមានសារ លិខិត លោកស្រី អែន ជែរឡាមឺគែល អធិការបតី អាល្លឺម៉ង់ទៀត)

  2. Khmer Morn says:

    Do you see paper from president of Germany ? It advises to follow the peace Parish accord 1991

  3. Anonymous says:

    So Socheath = So Chet= Dead Number= 00
    Ah Chet can not even spell his own name, how could he translate from English to Khmer.
    If you know too much, ask HUN SEN to come and explain to UN in New York on September 29, 2019. We all would like to hear your real word from your stinky mouth, how well you can answer to media!!!!!!

  4. Anonymous says:

    gold will still be gold no matter what some one think about it. the gold plate is just a fake material to confuse people. sorry your gold is worse nothing and please do not trying to sell it to Cambodian . I just wonder the money in Cambodia is so powerful it can buy this dog to burking every day as the meaning of fake gold . some one should know what I mean if this guy burking like a dump dog he will die as a dump dog. as the word from our old Cambodian said >> people we take words the elephant they took ivory and the bird they took father . I knew some one was kill by their mentality speak because their word is painful to some one else . my word to some one that knowing themselves he or she should change that little corrupted money will not last that long. please go to look for some thing else to make your honest living that is a price and joy of wonderful human being. GOD bless Cambodia

Leave a Reply

Submit Comment