លោក ​សម​ រង្ស៊ី​ ថា មិនចាំបាច់ចរចាជាមួយលោក ហ៊ុន​ សែន ទេ

| |
https://vodhotnews.com

លោក សម រង្ស៊ី កាលពីពេលកន្លងទៅ


ជាថ្មីម្តងទៀត អតីតមេដឹកនាំបក្សប្រឆាំង លោក សម រង្ស៊ី បានផ្ញើសារនយោបាយ ដោយ​មានជំនឿថា ​ក្រុម​ប្រទេស​លោក​សេរី នឹងជួយស្តារប្រជាធិបតេយ្យនៅកម្ពុជាឡើងវិញ តាម​រយៈ​វិ​ធាន​​កា​រនា​នា​ទៅ​លើ​​បក្សកាន់អំណាច ខណៈ​គណបក្ស​ប្រឆាំង​មួយ​នេះ ត្រូវបានគេផាត់ចេញពីឆាកនយោបាយ។

តាមវីដេអូឃ្លីមបង្ហោះលើគេហទំព័រផ្លូវការណ៍របស់ខ្លួន លោក សម រង្ស៊ី បានបន្តអំពាវនា​វឲ្យសកម្ម​ជន និ​ង​​អ្ន​​​​ក​​គាំទ្រ​ពង្រឹង​ឯកភាព​ផ្ទៃក្នុងបក្ស និងថា គណបក្សស​ង្គ្រោះជាតិក៏មិនចាំបា​ច់ទៅចរចាជាមួយមេដឹ​​ក​​​​នាំ​​​​​​គណបក្ស​ប្រជាជន​កម្ពុជា លោក ហ៊ុន សែន ដែរ ដោយថា ពេលនេះទុកឲ្យ លោ​ក ​ហ៊ុន សែន ចរចា​ជា​មួ​យ​អ​ន្ត​រ​ជាតិទៅ។


កុំភ្លេចថា ហ៊ុន សែន បំណងរបស់គាត់ គឺ​កម្ចាត់សង្គ្រោះជាតិ។ គាត់សម្លុត គាត់ទិញ គាត់បំបែក គា​ត់​​ញុះញង់ គាត់បង្កើតគណបក្សតូចៗឲ្យបេះសំឡងពីសង្គ្រោះជាតិ [….] ដូច្នេះយើងត្រូវតែឆ្លាត យើ​ងត្រូ​វ​តែ​​​​​​យល់ឲ្យច្បាស់ យើង​នៅ​តែ​ស្ងៀម ហើយរក្សាឯកភាពរួបរួមគ្នា ឲ្យហ៊ុន សែន ជល់​ជាមួយអន្តរជាតិទៅ

អតីតមេដឹកនាំបក្សប្រឆាំង លោក សម រង្ស៊ី


សារនយោបាយរបស់លោក សម រង្ស៊ី នេះធ្វើឡើងចំពេលដែលសហភាពអឺរ៉ុប មានសមាជិ​ក ២៨ប្រទេ​ស ​បាន​បើកកិ​ច្ចប្រជុំនៅថ្ងៃនេះ ពិភាក្សាពីបញ្ហាសិទ្ធិមនុស្ស លទ្ធិប្រជាធិបតេយ្យ នីតិរដ្ឋ និងបញ្ហាឃុំខ្លួន​ប្រធាន​គណបក្សប្រឆាំង កឹម សុខា។

កិច្ចប្រជុំនៅថ្ងៃនេះ ក៏មានការស្នើពីក្រុមសមាជិកសភាអឺរ៉ុប ឲ្យគណៈកម្មការអឺរ៉ុប ផ្តាច់ប្រព័ន្ធអ​នុគ្រោះព​ន្ធ​ពី​​​​ក​ម្ពុជាវិញផងដែរ ដោ​​យ​​​ពួកគេ​វាយម្លៃថា របត់នយោបាយ​នៅកម្ពុជានៅពេ​លនេះ បានកាត់ផ្តាច់​ឫ​ស​គល់​​​ល​​ទ្ធិប្រជាធិ​ប​តេ​យ្យ​។​

អ្នកនាំពាក្យគណបក្សប្រជាជនកម្ពុជា លោក សុខ ឥសាន ហៅការលើកឡើងរបស់លោក សម រង្ស៊ី នេះ​ថា ​ជា​​​កា​រ​ទទួលស្គាល់ បរាជ័យរបស់ខ្លួនផ្ទួ​នៗ​ក្នុងជីវិតនយោបា​យ។ លោកថា អន្តរជាតិក៏គ្មានសិទ្ធិ​មកបង្គាប់​កម្ពុជាដែរ។


អញ្ចឹងទេ អាការនិយាយផ្ទេរមុខព្រួញរវាងគណបក្សប្រជាជនទៅនឹងសហគមន៍អឺរ៉ុប វាគ្រាន់​តែ​ជា​​​​កា​រ​ទទួ​ល​ស្គាល់​ភាព​រលំរលួយដែលមិនអាចមានលទ្ធភាព មិនអាចរស់ឡើ​ងវិញបានរប​ស់អតីតប​ក្សប្រ​ឆាំ​ង និង​​ច​លនាសង្គ្រោះជាតិរបស់​គាត់​ដែលទើបនឹងបង្កើត​ថ្មីនេះទេ

អ្នកនាំពាក្យគណបក្សប្រជាជនកម្ពុជា លោក សុខ ឥសាន


អ្នកវិភាគនយោបាយលោក​បណ្ឌិត មាស នី និយាយថា លោកមិនភ្ញាក់ផ្អើលទៅ​នឹងសារន​យោបា​យ​នេះ​ទេ ដោយថា លោក សម រង្ស៊ី និងលោក ហ៊ុន សែន តែងតែយកបញ្ហាផ្ទាល់ខ្លួន ទៅវាយប្រហារគ្នា ហើយ​ថា ​មេដឹ​ក​នាំទាំងពីរ មិនសូវឃើញត្រូវរ៉ូវគ្នា ស្វែងរកដំណោះស្រាយបញ្ហាជាតិ​ដោយសន្តិវិធីទេ។

ប៉ុន្តែ លោក មាស នី រំឭកថា ថ្វីត្បិតតែសហគមន៍អន្តរជាតិអាចឥទ្ធិពលខ្លះទៅលើរដ្ឋាភិបាល​តាមរយៈ​ដា​ក់​​ទ​​​ណ្ឌ​​​ក​​ម្ម​ឬ​ផ្តាច់​ទំនាក់​ទំនង​សេដ្ឋកិច្ចក៏ដោយ តែថា កូនសោរ​នៃការផ្សះ​ផ្សាជាតិ ស្ថិត​នៅលើដៃប​ក្សកា​ន់អំ​ណា​ច​ច្រើ​​​នជាង។


យើងដឹងហើយថា ជួនកាលយើងប្រើភា​សាធ្ងន់ៗពេក វានឹង​មិនអាចធ្វើឲ្យដំណោះ​ស្រាយណាមួ​យ​​ចេ​​ញរួចទេ។ យើង​ដឹងហើ​យថា ភាសាធ្ងន់ៗជារបៀបសងសឹកគ្នាបែបបុគ្គល ប៉ុន្តែ ជាការឆ្លាត​វៃក្នុងការ​ធ្វើ​ន​​យោ​​បាយ អ្នក​ដឹកនាំ​ត្រូវ​មាន​គំនិត​ខ្លះ​ជាយុទ្ធសាស្ត្រ កុំឲ្យមើលមកយើងពឹក​ផ្អែកលើអ្នកខាងក្រៅ​ទាំង​ស្រុង​​ ឬ​ពឹង​បរទេស​ទាំង​អស់​ពេក​ដោយ​មិន​បាន​ប្រឹង​ខ្លួន​ឯង​សោះនោះ

អ្នកវិភាគនយោបាយលោក​បណ្ឌិត មាស នី


បើតាមលោក មាស នី បើអ្នកនយោបាយខ្មែរ មិនចេះអង្គុយទល់មុខគ្នា ដើម្បីស្វែងរក​ដំណោះស្រា​យប​ញ្ហា​ជា​តិទេ ប្រទេស​ដ៏​កម្សត់មួយនេះ នឹងជួបបញ្ហាគ្មានទីបញ្ចប់ ហើយទីបំផុតប្រទេសជិតខាង ជាអ្នកទា​ញយក​​ផល​ចំណេញ​ពី​ជម្លោះ​ផ្ទៃ​ក្នុង​របស់​កម្ពុជា​នេះ៕


CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

5 Responses to "លោក ​សម​ រង្ស៊ី​ ថា មិនចាំបាច់ចរចាជាមួយលោក ហ៊ុន​ សែន ទេ"

  1. so socheath says:

    ហាស! ហាស
    អាពូជឆ្កែ អាក្បត់ជាតិសមរង្សី អស់ក្រឡាលោត ឥឡូវវា​ឡប់ហើយតើ !

  2. Khmer Morn says:

    Who is treason I think people know already

  3. Khmer Morn says:

    Mr zHun Sen finish in Eu rope voting 100 per cent to support new law!

  4. W says:

    It is the right move, at this stage CNRP should stay behind and let CPP deal directly with EU and US on the issues that those countries demand which is to restore the democratic system and the basic requirement for CPP to full file as follow:

    1. Release All the conscious political preasoners, include All CNRP ‘s leaders
    2. Drop All none-sense accusation on them
    3. Restore CNRP and let them operate fully
    4. Return All the 5000+ communes electoral that CNRP won in 2017
    5. Restore All independent medias and NGO organizations
    6. Re-election must be done.

    Then CNRP will start the negotiation with CPP to find the commons ground for the maximum benefit of the country and the people. The second priority is to set the specific that for the re-election.

  5. Anonymous says:

    for many decade opposition have asked HUN SEN to talk. I think right now just wait to see if that animal come to bagging you to come to the table and talk. other then that just let that animal going hell by himself . GOD bless Cambodia

Leave a Reply

Submit Comment