តំណាងកម្ពុជាថាសេចក្តីសម្រេចរបស់ EU លំអៀងនិងមានស្តង់ដាពីរ​

| |
https://vodhotnews.com

កិច្ចប្រជុំមួយនៅទីក្រុងស្ត្រាសបួរ ប្រទេសបារាំង នៅថ្ងៃព្រហស្បតិ៍ ទី ១៣ កញ្ញា ២០១៨ (រូបភាព៖ europarl.europa.eu)


កម្ពុជាមិនទទួលស្គាល់នូវសេចក្តីសម្រេចដែលធ្វើឡើងដោយសភាអឺរ៉ុបកាលពីម្សិលមិញទេ ដោយថាវាមានភាពលំអៀងនិងជាការអនុវត្តដែលមាន​ស្តង់ដាពីរ​។

សេចក្តីថ្លែងការណ៍​កាល​ពីម្សិលមិញរបស់ស្ថានបេសកម្ម​កម្ពុជាប្រចាំសហភាព​អឺរ៉ុប​ ដែលបានឆ្លើយតបទៅនឹង​សេចក្តីសម្រេចរបស់សហភាពអឺរ៉ុបថាជាសេចក្តីសម្រេចដែល​ពឹងផ្អែកលើការអះអាងមិនត្រឹមត្រូវ ដោយ​សំអាងតែ​របាយការណ៍លំអៀងដែលមានប្រភពមកពីខាងគណបក្ស​ប្រឆាំង និង​ អង្គការក្រៅរដ្ឋាភិបាលដែលមានចរិក​នយោបាយ។

ស្ថានបេសកម្ម​កម្ពុជាប្រចាំសហភាព​អឺរ៉ុបក៏បាន​ចោទជាសំណួរទៅកាន់សហភាពអឺរ៉ុបវិញ​ថា​ សេចក្តីសម្រេចរបស់​សហភាពអឺរ៉ុបដែលកំណត់​ស្ដង់​ដារសិទ្ធិមនុស្សនិងប្រជាធិបតេយ្យដ៏​ខ្ពស់​ ដែល​​​សូម្បីតែ​ប្រទេស​ក្នុងសហភាពនេះមួយចំនួន​ក៏មិនអាចធ្វើបាន​ផងនោះ​ តើសភាអឺរ៉ុបរំពឹងភាពឥតខ្ចោះពីកម្ពុជាបានយ៉ាងដូចម្តេច។

កម្ពុជាក៏បាន​រិះគន់​សហភាពអឺរ៉ុបថាការ​ថ្កោលទោសពី​ការបោះឆ្នោតជ្រើសតាំងតំណាងរាស្ដ្រនីតិកាលទី៦ កាលពីថ្ងៃទី២៩ ខែកក្កដា របស់ស្ថាប័ននេះ គឺមិិនបាន​ខ្វាយខ្វល់​ពី​កិច្ច​ប្រឹងប្រែងរបស់កម្ពុជានោះទេ​ ហើយថាសេចក្តីសម្រេច​ដាក់ទណ្ឌកម្មនេះមិន​យុត្តិធម៌នោះទេ។

សភាអឺរ៉ុបកាលពីម្សិលមិញបាន​សម្រេច​​ទាមទារឲ្យរដ្ឋាភិបាលថ្មីរបស់កម្ពុជា​បញ្ឈប់នូវរាល់ការរឹតត្បិតសិទ្ធិសេរីភាពលើក្រុមអង្គការសង្គមស៊ីវិល អ្នកសារព័ត៌មាន អ្នកការពារសិទ្ធិមនុស្ស មេដឹកនាំសហជីព និងទម្លាក់ការចោទប្រកាន់ទាំងស្រុងលើលោក កឹម សុខា ដែលត្រូវបានរដ្ឋាភិបាលចោទថា «ក្បត់ជាតិ» និងអតីតប្រធានគណបក្សសង្គ្រោះជាតិ លោក សម រង្ស៊ី ដែលបាននិរទេសខ្លួននៅក្រៅប្រទេស។

សភាសហភាពអឺរ៉ុបក៏ជម្រុញ​ឲ្យគណៈកម្មាការអឺរ៉ុបរៀបចំបញ្ជី​ឈ្មោះអ្នកដែល​ជាប់​ពាក់ព័ន្ធនឹងការរំលាយគណបក្សសង្គ្រោះជាតិ និងអ្នកដែលចូលរួមបំផ្លាញ​លទ្ធិប្រជាធិបតេយ្យ និងសិទ្ធិមនុស្សក្នុងប្រទេសកម្ពុជា ដើម្បីដាក់ទណ្ឌកម្មបង្កកទ្រព្យសម្បត្តិ និងទណ្ឌកម្មទិដ្ឋាការ។​

កញ្ញា លី ស្រីស្រស់ អ្នកវិភាគនយោបាយវ័យក្មេងនៅកម្ពុជាបានប្រាប់វីអូឌីអោយដឹងតាមទូរស័ព្ទថា​ រដ្ឋាភិបាលកម្ពុជាគួរតែបន្ទន់ឥរិយាបថ​និងពិចារណានូវការសម្រេចរបស់សហភាពអឺរ៉ុប។


ខ្ញុំគិតថារដ្ឋាភិបាលកុំគួររឹងទទឹងពេក យើងធ្វើម៉េចបើយើងរស់នៅក្នុងពិភពលោកនេះវា ត្រូវតែទទួលស្គាល់អំពីឥទ្ធិពលប្រទេស និងតំបន់មួយចំនួនមកលើប្រទេសកម្ពុជា។ ហើយ ដូច្នេះខ្ញុំយល់ថារដ្ឋាភិបាលគួរតែបន្ទន់ទៅ ហើយពិចារណាទៅលើជម្រើស​ដែលសហភាពអឺរ៉ុបអោយទៅថា តើចំណុចណាដែលខ្លួនអាចធ្វើបាន

កញ្ញា លី ស្រីស្រស់ អ្នកវិភាគនយោបាយវ័យក្មេងនៅកម្ពុជា


កាលពីថ្ងៃទី១១ កញ្ញា កន្លងទៅ​លោក ណី សំអុល ឯកអគ្គរាជទូតតំណាង​អចិន្តៃ្រ​យ៍កម្ពុជាប្រចាំអង្គការសហប្រជាជាតិ​នៅទីក្រុងហ្សឺណែវ​ ក៏បាន​ចេញសេចក្តីថ្លែងការណ៍មួយសម្ដែងការខកចិត្តទៅ​នឹង ឧត្តមស្នងការអង្គការសហប្រជាជាតិទទួលបន្ទុកកិច្ចការសិទ្ធិមនុស្ស លោក​​ស្រី Michelle Bachlete ដែល​ស្នើឲ្យ​​រដ្ឋាភិបាល​កម្ពុជា​ទម្លាក់នូវការចោទប្រកាន់ទាំងស្រុងចំពោះលោក កឹម សុខា ដោយ​ថាលោក​ស្រីនិងគណប្រតិភូផ្សេងទៀត​ពឹងផ្អែកលើប្រភពពត៌មានដែលមានលក្ខណៈនយោបាយ៕​


CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

2 Responses to "តំណាងកម្ពុជាថាសេចក្តីសម្រេចរបស់ EU លំអៀងនិងមានស្តង់ដាពីរ​"

  1. Anonymous says:

    Cambodia is in the cage of Veitcong mafia dictator and his groups since 1997 coup’ So that enough for EUROPE and US ,U N should not let this illegal government capture this country in their hand’ they can dissolve opposition party without any thing wrong and jail the leader without respected constitution or law&order ‘ they they did rob mr So kha in the night time and break in mr so kha house without any warren from court ‘ so this bunce of mafia are the worse khmer politicians who rule like mafia . Please punish this illegal group and no need to compromise with theses mafia groups’

  2. louhawk says:

    We are all Khmer We are no longer able to Accept (This Animal Group)
    The Animal Group leader is Hun Sen.
    Hun Sen has no brain , He lives as An Animal.
    Hun Sen has no conscience due to his Hooker Wife bunrany hun sen leads him to destroy
    Khmer population and Khmer country.
    Why Hun Sen needs to kill all Khmer population? Because of his Boss Viet strategies.
    I am very sure that Hun Sen Destiny and deserved to live in Hell for less than 20 year,
    Living in Hell forever.that is Hun sen home.

Leave a Reply

Submit Comment