ពាណិជ្ជករ​អាមេរិក​ស្នើ​សភា​កុំ​មាន​វិធានការ​ទណ្ឌកម្ម​លើ​កម្ពុជា​ដើម្បី​ទប់ស្កាត់​ឥទ្ធិពល​ចិន

| |
https://vodhotnews.com

ក្រុមប្រឹក្សាភិបាល​នៃ​សភា​ពាណិជ្ជកម្ម​អាមេរិក​ប្រចាំ​កម្ពុជា​លោក Allen Dodgson Tan (រូបភាព៖ ហ្វេសប៊ុក Allen Dodgson Tan)


សភា​ពាណិជ្ជកម្ម​អាមេរិក​នៅ​កម្ពុជា​ បាន​សរសេរ​លិខិត​មួយ​ច្បាប់​ទៅ​កាន់​សភា​ទាំង​ពីរ​របស់​អាមេរិក ​ដោយ​ស្នើ​កុំ​ឲ្យ​មាន​វិធានការទណ្ឌកម្ម​ធ្ងន់ធ្ងរ​ណា​មួយ​មក​លើ​កម្ពុជា ខណៈ​ដែល​លើក​ឡើង​ថា ​ក្នុង​បរិបទ​បែប​នេះ​គួរ​តែ​ជួយ​ស្ដារ​ដល់​កម្ពុជា​វិញ​ ដើម្បី​ទប់​ស្កាត់​ឥទ្ធិពល​របស់​ប្រទេស​​ចិន​ក្នុង​ប្រទេស​មួយ​នេះ។

ក្នុង​លិខិត​ចុះ​ថ្ងៃ​ទី​១៧ កញ្ញា សភា​ពាណិជ្ជកម្ម​អាមេរិក​ប្រចាំ​កម្ពុជា​ដែល​តំណាង​ឲ្យ​ក្រុម​ហ៊ុន និង​ពាណិជ្ជករ​អាមេរិក​ចំនួន​ ១៣០នោះ បាន​ស្នើ​ដល់​ព្រឹទ្ធសភា និង​រដ្ឋសភា​អាមេរិក ឲ្យ​ពិចារណា​ឲ្យ​បាន​ច្បាស់លាស់​ពី​ការ​សម្រេច​របស់​ខ្លួន​ ដោយ​ថា ​ការ​ពិនិត្យ​តែ​ក្នុង​រយៈពេល​ខ្លី​ នឹង​ធ្វើ​ឲ្យ​ប៉ះពាល់​ដល់​ទំនាក់ទំនង​នា​ថ្ងៃ​អនាគត​រវាង​ប្រទេស​ទាំង​ពីរ ជា​ពិសេស​ប្រជា​ជន​នៃ​ប្រទេស​ទាំង​ពីរ​ផង​ដែរ។

ក្នុង​លិខិត​ដដែល​នោះ​ក្រុម​ពាណិជ្ជករ​អាមេរិក​បាន​លើក​ឡើង​ថា ខណៈ​ពេល​ដែល​ចិន​កំពុង​តែ​មាន​ឥទ្ធិពល​មក​លើ​កម្ពុជា​ ទណ្ឌកម្ម​ធ្ងន់ធ្ងរ​ណា​មួយ​នោះ​ នឹង​ធ្វើ​ឲ្យ​ចិន​កាន់​តែ​ឈរ​ជើង​រឹង​មាំ​នៅ​ប្រទេស​កម្ពុជា​ ហើយ​អ្នក​ដែល​ប៉ះពាល់​ធ្ងន់ធ្ងរ​នោះ​ គឺ​ប្រជាជន​កម្ពុជា​ដែល​មាន​ជាង ​៦៥​ភាគរយ​ជា​មនុស្ស​ពេញវ័យ​ ដែល​ជា​កម្លាំង​ពលកម្ម មាន​មហិច្ឆតា​ និង​ការ​អភិវឌ្ឍ​នោះ។

ក្នុង​លិខិត​នោះ​សរសេរ​ថា៖


អវត្តមាន​របស់​អាមេរិក​ នឹង​ធ្វើ​ឲ្យ​ចិន​ពង្រឹង​ឥទ្ធិពល​របស់​ពួកគេ​ក្នុង​ពេល​ដែល​ពួកគេ​កំពុង​ពង្រឹង​អធិបតេយ្យ​របស់​គេ(ចិន)​នៅ​ក្នុង​តំបន់។ ពួក​យើង​មិន​អាច​ធ្វើ​ឲ្យ​បាត់​បង់​សំឡេង​របស់​យើង​នៅ​កម្ពុជា​ឡើយ ហើយ​ពាណិជ្ជកម្ម​យ៉ាង​ជាក់លាក់​មួយ​​ក្នុង​តំបន់​ដែល​ពួក​យើង​ធ្លាប់​មាន និង​អាច​មាន​ផល​ប៉ះពាល់


​​​ក្រុម​ពាណិជ្ជករ​អាមេរិក​ក៏​បាន​លើក​ឡើង​ថា ​ក្នុង​ស្ថានភាព​ដែល​កម្ពុជា​កំពុង​​តស៊ូ​ក្នុង​បរិបទ​តំបន់​ដ៏​ស្មុគស្មាញ​​នៅ​ពេល​ដែល​ពាណិជ្ជកម្ម​​អាមេរិក​អាច​លើក​មក​និយាយ​បាន ​គឺ​គួរ​តែ​និយាយ​ពី​ការ​ភ្ជាប់​ មិនមែន​និយាយ​ពី​ការ​ដាក់​ទណ្ឌកម្ម​នោះ​ទេ។

ការ​ស្នើ​របស់​ក្រុម​ពាណិជ្ជករ​អាមេរិក​នេះ​ គឺ​​ធ្វើ​ឡើង​បន្ទាប់​ពី​រដ្ឋសភា​អាមេរិក​បញ្ជូន​សេចក្ដី​សម្រេច​ ៥៧៥៤ ទៅ​កាន់​ព្រឹទ្ធសភា​កាល​ពី​ចុង​ខែ​កក្កដា​កន្លង​ទៅ​ ដែល​អាច​ឈាន​ដល់​ការ​ហាម​មិន​ឲ្យ​ជាន់​ទឹក​ដី​អាមេរិក និង​បង្កក​ទ្រព្យ​សម្បត្តិ​លោក​នាយក​រដ្ឋ​មន្ត្រី​ហ៊ុន សែន ​និង​ថ្នាក់​ដឹកនាំ​បក្ស​កាន់​អំណាច​ចំនួន ១៦​នាក់​ផ្សេង​ទៀត ខណៈ​រដ្ឋាភិបាល​កម្ពុជា​ចាត់​ទុក​ការ​អនុម័ត​ច្បាប់​នេះ​ជា​ការ​បំពាន​ដល់​អធិបតេយ្យ​ភាព​កម្ពុជា លំអៀង​រក​បក្ស​ប្រឆាំង ហើយ​គ្មាន​ឥទ្ធិពល​អ្វី​មក​កម្ពុជា​នោះ​ទេ។

ក្រុមប្រឹក្សាភិបាល​នៃ​សភា​ពាណិជ្ជកម្ម​អាមេរិក​ប្រចាំ​កម្ពុជា​លោក Allen Dodgson Tan បាន​ឲ្យ VOD បន្ថែម​ថា អ្វី​ដែល​ស្ថាប័ន​លោក​ស្នើ​ឡើង​​នេះ​ គឺ​ចង់​ឲ្យ​សភា​អាមេរិក​ដឹង​ពី​កង្វល់​របស់​អ្នក​រក​ស៊ី​អាមេរិក​​ពី​បញ្ហា​ដែល​កំពុង​ប្រឈម​ដោយ​សារ​នយោបាយ ដោយ​មិន​ចង់​ឲ្យ​មាន​ភាព​ល្អក់​កករ​រវាង​ប្រទេស​ទាំង​ពីរ​នោះ​ទេ ខណៈ​លោក​បារម្ភ​ពី​ឥទ្ធិពល​ចិន​នៅ​ពេល​ដែល​មាន​បញ្ហា​នេះ​កើត​ឡើង។


ទីផ្សារ​ដែល​យើង​ធ្លាប់​មាន​ដល់ពេល​ដែល​យើង​ដក​ខ្លួន​ចេញ​ ប្រាកដ​ណាស់​នឹង​មាន​អ្នក​ផ្សេង​ចូល​មក​ជំនួស

ក្រុមប្រឹក្សាភិបាល​នៃ​សភា​ពាណិជ្ជកម្ម​អាមេរិក​ប្រចាំ​កម្ពុជា​លោក Allen Dodgson Tan


អ្នក​នាំ​ពាក្យ​ក្រសួង​ពាណិជ្ជកម្ម​ លោក ស៊ាង ថៃ មាន​ប្រសាសន៍​ថា ​ស្ថានភាព​ពាណិជ្ជកម្ម​រវាង​សហរដ្ឋ​អាមេរិក និង​កម្ពុជា​រហូត​មក​ដល់​ពេល​នៅ​តែ​រក្សា​ភាព​ល្អ​ប្រសើរ​ដដែល។ ប៉ុន្តែ លោក​មិន​អាច​បញ្ជាក់​បាន​ទេ​ថា ​ស្ថានការណ៍​នេះ​នឹង​ទៅ​ជា​យ៉ាង​ណា​នោះ​ទេ ​ប្រសិន​ជា​អាមេរិក​មាន​វិធានការ​ទណ្ឌកម្ម​មក​លើ​មន្ត្រី​ជាន់​ខ្ពស់​កម្ពុជា​នោះ។​


ខ្ញុំ​មិន​អាច​ឆ្លើយ​បាន​ទេ។ តែ​សម្ដេច​ធ្លាប់​មាន​ប្រសាសន៍​ហើយ​ថា ​គាត់​ដាក់​លុយ​វិនិយោគ​តែ​នៅ​តាម​មន្ទីរ​ពេទ្យ​វត្ត​អារាម​សាលា​រៀន​​ឯនេះ​ហ្នឹង។ អញ្ចឹង ​គេ​បង្កក​អី​បង្កក​ទៅ ​បង្កក​ខ្យល់​ហ្នឹង​

អ្នក​នាំ​ពាក្យ​ក្រសួង​ពាណិជ្ជកម្ម​ លោក ស៊ាង ថៃ


​អ្នក​តាម​ដាន​នយោបាយ​កម្ពុជា ​លោក​ ឯម សុវណ្ណារ៉ា បាន​ប្រាប់ ​VOD កាលពី​ម្សិល​មិញ​ថា​ ទណ្ឌកម្ម​អាមេរិក និង​អឺរ៉ុប​​ គឺ​ស្ថិត​នៅ​លើ​ឥរិយាបថ​របស់​អ្នក​ដឹក​នាំ​កម្ពុជា​តែ​ប៉ុណ្ណោះ​ ដោយ​ថា​ បើ​សិន​ជា​រដ្ឋាភិបាល​នៅ​តែ​មិន​ព្រម​ស្ដារ​ប្រជាធិបតេយ្យ​តាម​ការ​ចង់​បាន​របស់​លោក​សេរី​នោះ​ លោក​គិត​ថា ​វិធាន​ការណ៍​របស់​លោក​សេរី ​ប្រាកដ​ជា​កើត​មាន​ ហើយ​នៅ​ពេល​នោះ​ហើយ​ជា​ការ​ប្រឈម​ដ៏​ធំ​មួយ​របស់​រដ្ឋាភិបាល។


បណ្ដា​ឥស្សរជន​ធំ​ៗ​​គឺ​មាន​ផល​ប្រយោជន៍​សេដ្ឋកិច្ច និង​មាន​ក្រុម​ហ៊ុន​ធំ​ៗ អញ្ចឹង​ខ្ញុំ​គិត​ថា​អាច​រង​ផល​ប៉ះពាល់​ដល់​សេដ្ឋកិច្ច​កម្ពុជា​ដែរ​

អ្នក​តាម​ដាន​នយោបាយ​កម្ពុជា ​លោក​ ឯម សុវណ្ណារ៉ា


​របាយការណ៍​របស់​ការិយាល័យ​ស្ថិតិ​អាមេរិក បានឲ្យ​ដឹង​ថា ក្នុង​រយៈពេល ​៦ខែ​ដើម​ឆ្នាំ​២០១៨​ កម្ពុជា​នាំ​ទំនិញ​ទៅ​កាន់​ទី​ផ្សារ​​អាមេរិក ​មាន​តម្លៃ​ប្រមាណ ​២ពាន់​លាន​ដុល្លារ ដោយ​បាន​​កើន​ឡើង​ជិត​ ២០ភាគ​រយ​បើ​ធៀប​នឹង​រយៈពេល​ដូចគ្នា​ក្នុង​ឆ្នាំ​២០១៧ ខណៈពេញ​មួយ​ឆ្នាំ​២០១៧ ​ទំហំ​ពាណិជ្ជកម្ម​កម្ពុជា​អាមេរិ​មាន​ទំហំជាង​ ៣ ៤០០លានដុល្លារ៕


CCIM/VOD

រក្សាសិទ្វិគ្រប់យ៉ាង។ គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

3 Responses to "ពាណិជ្ជករ​អាមេរិក​ស្នើ​សភា​កុំ​មាន​វិធានការ​ទណ្ឌកម្ម​លើ​កម្ពុជា​ដើម្បី​ទប់ស្កាត់​ឥទ្ធិពល​ចិន"

  1. Sam says:

    Regardless keeping trade with Cambodia to curbing the influence of China or not, the innocent view point of commercial traders always to make money everywhere they can touch on. It is pure and simple philosophy.
    $3.4 billion price tag of Cambodia-US trade is a minuscule volume, but making some money as well as spreading little influence are the mission of intent purpose.
    China continues to have far more reaching outpaced of US dominance in Cambodia’s every aspect of domestic affairs and daily living of Cambodian people. US is running behind the curve.

  2. Anonymous says:

    Why not?? cambodia accused U S behind mr Sokha problem and dissolve opposition party and destroyed democracy in cambodia so don’t need to do business with cambodia any more ‘

  3. so socheath says:

    អាឡប់មូសមើល ! (Anonymous)
    ដូណាល់ ត្រាំ អះអាងថា ខ្លួនរីករាយនឹងធ្វើការជាមួយកម្ពុជា ធ្វើឲ្យទំនាក់ទំនងកាន់តែស៊ីជម្រៅ
    (ភ្នំពេញ)៖ ប្រធានាធិបតីអាមេរិក លោក ដូណាល់ ត្រាំ បានអះអាងថា ខ្លួនរីករាយនឹងធ្វើការងារ
    ជាមួយកម្ពុជា ដើម្បីធ្វើឲ្យទំនាក់ទំនងរវាងកម្ពុជា និងអាមេរិក កាន់តែស៊ីជម្រៅ។
    ការអះអាងរបស់លោកប្រធានាធិបតីអាមេរិក បានធ្វើឡើងនៅចំពោះមុខឯកអគ្គរាជទូតខ្មែរប្រចាំសហរដ្ឋអាមេរិក ឯ/ឧ ជុំ សុន្ទរី ក្នុងពេលអញ្ជើញប្រគល់សារតាំងបំពេញបេសកកម្មការងារជាឯកអគ្គរាជទូតនៅថ្ងៃទី១៧ ខែកញ្ញា ឆ្នាំ២០១៨កន្លងទៅនេះ។
    យោងតាមសេចក្តីប្រកាសព័ត៌មានរបស់ស្ថានទូតកម្ពុជាប្រចាំសហរដ្ឋអាមេរិក បានគូសបញ្ជាក់ថា ក្នុងឱកាសនោះ លោកប្រធានាធិបតីអាមេរិក បានលើកឡើងថា ការបំពេញបេសកកម្មការងារ
    របស់ឯ/ឧជុំ សុន្ទរី មានសារៈសំខាន់នៅក្នុងកម្រិតជាច្រើន ដែលមានអត្ថន័យបញ្ជាក់ពីទំនាក់ទំនង ដែលត្រូវបានស្តារឡើងវិញក្នុងរយៈពេលជាង ២៥ឆ្នាំបន្ទាប់ពីកិច្ចព្រមព្រៀងទីក្រុងប៉ារីស។
    លោក ដូណាល់ ត្រាំ ក៏បង្ហាញពីការស្ញប់ស្ញែង និងភ្ញាក់ផ្អើលចំពោះវឌ្ឍនភាពលើផ្នែកសេដ្ឋកិច្ចរបស់កម្ពុជាដែលសម្រេចបាននាពេលកន្លងទៅ ក៏ដូចបច្ចុប្បន្នផងដែរ។
    សេចក្តីប្រកាសព័ត៌មាននេះ បានដកស្រង់សម្តីលោក ដូណាល់ ត្រាំ មកបញ្ជាក់យ៉ាងដូច្នេះ «កិច្ចអភិវឌ្ឍសេដ្ឋកិច្ចដែលប្រទេសរបស់ឯកឧត្តមសម្រេចបានក្នុងពេលនេះ គឺគួរឲ្យភ្ញាក់ផ្អើលណាស់ ហើយសហរដ្ឋអាមេរិកមានមោទនភាព ដែលជាដៃគូនៅក្នុងកិច្ចអភិវឌ្ឍនេះ»។
    លោក ត្រាំ បានបន្ថែមថា «យើងដឹងថា កម្ពុជាមានសក្តានុពលសម្រាប់កិច្ចអភិវឌ្ឍធំធេងជាងនេះនៅក្នុងអាគត ហើយយើងមានក្តីរីករាយធ្វើការជាមួយគ្នានៅចំពោះមុខការប្រឈម និងកាលានុវត្តភាពជាច្រើនអនេក។ យើងមានការរំពឹងថា នឹងមានការរីកចម្រើនក្នុងពាណិជ្ជកម្មសេរី និងត្រឹមត្រូវ សន្តិសុខតំបន់ ហើយនិងអភិបាលកិច្ច ប្រកបដោយការទទួលខុសត្រូវ និងប្រជាធិបតេយ្យ ហើយនឹងខិតខំ ដើម្បីពង្រីកកិច្ចសហប្រតិបត្តិការលើផ្នែកសុខាភិបាលទូទៅ»។
    លោកប្រធានាធិបតីអាមេរិក ក៏បានបញ្ជាក់ពីជំហរក្នុងការធ្វើការងារឲ្យកាន់តែប្រសើរជាមួយឯកអគ្គរាជទូតកម្ពុជា ដើម្បីធ្វើឲ្យទំនាក់ទំនងកម្ពុជា និងអាមេរិកកាន់តែស៊ីជម្រៅថែមទៀតផងដែរ។ លោកប្រធានាធិបតីបានបញ្ជាក់យ៉ាងដូច្នេះ«ខ្ញុំរីករាយនឹងធ្វើការជាមួយឯកឧត្តម ដើម្បីជំរុញរបៀវារៈរួមរបស់យើង ហើយនឹងធ្វើឲ្យទំនាក់ទំនងរវាងប្រទេសទាំងពីរកាន់តែស៊ីជម្រៅថែមទៀត»។
    ក្នុងឱកាសប្រគល់សារតាំងនោះ ឯ/ឧជុំ សុន្ទរី ក៏បានគូសបញ្ជាក់ប្រាប់ប្រធានាធិបតីអាមេរិក ពីសមិទ្ធផលមួយចំនួនដែលកម្ពុជាសម្រេចបានលើកិច្ចអភិវឌ្ឍសេដ្ឋកិច្ច-សង្គមក្នុងរយៈពេលពីរទសវត្សរ៍កន្លងមកនេះ បន្ទាប់ពីកម្ពុជាទទួលបាននូវសុខសន្តិភាព និងស្ថេរភាពទាំងស្រុងក្នុងទសវត្សរ៍ឆ្នាំ៩០។
    ឯ/ឧឯកអគ្គរាជទូតបានបន្ថែមថា ការផ្លាស់ប្តូរពាណិជ្ជកម្មទ្វេភាគី និងជំនួយអភិវឌ្ឍរបស់អាមេរិក បានរួមចំណែកដ៏សំខាន់ក្នុងការរីកលូតលាស់របស់កម្ពុជា។
    ឯ/ឧ ជុំ សុន្ទរី ក៏បានបង្ហាញសុឆន្ទៈរបស់រាជរដ្ឋាភិបាលកម្ពុជាក្នុងការពង្រឹង និងពង្រីកទំនាក់ទំនង
    មិត្តភាព និងកិច្ចសហប្រតិបត្តិការរវាងកម្ពុជា និងអាមេរិក ដើម្បីជាផលប្រយោជន៍ទៅវិញទៅមករបស់ប្រជាជននៃប្រទេសទាំងពីរផងដែរ៕
    ***********************

    អាឡប់មូសមើល
    *****

    នាយករដ្ឋមន្រ្តីបារាំង ផ្ញើលិខិតជូនសម្តេចតេជោ ហ៊ុន សែន ដោយបញ្ជាក់ជំហរថា បារាំងត្រៀមលក្ខណៈដើម្បីធ្វើការងារជាមួយរាជរដ្ឋាភិបាលកម្ពុជា អាណត្តិថ្មី
    (ភ្នំពេញ)៖ លោកអេឌូអាដ ហ្វីលីព Edouard Philippe នាយករដ្ឋមន្រ្តីបារាំង នៅថ្ងៃទី១៧
    ខែកញ្ញា ឆ្នាំ២០១៨ បានផ្ញើលិខិតមួយជូន សម្តេចតេជោ ហ៊ុន សែន នាយករដ្ឋមន្រ្តីនៃកម្ពុជា ដោយបញ្ជាក់ជំហរថា រដ្ឋាភិបាលបារាំងត្រៀមរួចហើយ ដើម្បីធ្វើការងារជាមួយ រាជរដ្ឋាភិបាលកម្ពុជា អាណត្តិថ្មីនេះ ដែលដឹកនាំដោយគណបក្សប្រជាជនកម្ពុជា។
    លិខិតបញ្ជាក់ជំហររបស់នាយករដ្ឋមន្រ្តីបារាំង គឺជាលិខិតទី២ របស់ប្រទេសមេដឹកនាំប្រចាំនៅអឺរ៉ុប ដែលបានផ្ញើសារទទួលគាំទ្រចំពោះរដ្ឋាភិបាលថ្មី ដែលដឹកនាំដោយ សម្តេចតេជោ ហ៊ុន សែន បន្ទាប់ពីរដ្ឋាភិបាលអាល្លឺម៉ង ដែលផ្ញើសារដោយអធិការបតីអាល្លឺម៉ង់ លោកស្រីអែនជែរឡាមឺគែល
    Angela Merkel ដែលបានជូនពរ សម្តេចតេជោ ហ៊ុន សែន ដែលបន្តទទួលបានជោគជ័យ ឈ្នះការបោះឆ្នោតដឹកនាំរាជរដ្ឋាភិបាល ក្នុងអាណត្តិទី០៦នេះ។
    នៅក្នុងលិខិតរបស់នាយករដ្ឋមន្រ្តីបារាំង ផ្ញើសារជូនសម្តេចតេជោនាយករដ្ឋមន្រ្តី បានបញ្ជាក់អំពីការត្រៀមលក្ខណៈរបស់បារាំង ដើម្បីធ្វើការជាមួយសម្តេចនាយករដ្ឋមន្រ្តី
    និងរាជរដ្ឋាភិបាល នីតិកាលទី ៦ នៃរដ្ឋសភា ក្នុងការគាំទ្រដល់ការស្ថាបនាកម្ពុជាជាមួយប្រជាធិបតេយ្យ មានសន្តិភាព និងការអភិវឌ្ឍន៍ប្រកបដោយបរិយាប័ន។ បារាំងក៏បង្ហាញ បំណងប្រាថ្នាក្នុងការ
    ធ្វើកិច្ចសន្ទនា ជាមួយកម្ពុជាលើប្រធានបទជាប្រយោជន៍រួម ហើយធ្វើការជាមួយគ្នា ដើម្បីអភិវឌ្ឍកិច្ចសហប្រតិបត្តិការរបស់ប្រទេសទាំងពីរ៕