សភា​នឹង​ប្រជុំ​ទទួល​ស្គាល់​តំណាងរាស្ត្រ ៣៨រូប​ដែល​មក​ជំនួស

2018-09-18
RFA

សមាជិក​សភា​ឯកបក្ស​បើក​កិច្ច​ប្រជុំ​ដំបូង នៅ​ថ្ងៃ​ទី​៥ ខែ​កញ្ញា ឆ្នាំ ២០១៨។ រូប៖ រដ្ឋសភា
សមាជិក​សភា​ឯកបក្ស​បើក​កិច្ច​ប្រជុំ​ដំបូង នៅ​ថ្ងៃ​ទី​៥ ខែ​កញ្ញា ឆ្នាំ ២០១៨។ រូប៖ រដ្ឋសភា


រដ្ឋសភា​ឯក​បក្ស​គ្រោង​បើក​កិច្ចប្រជុំ​ប្រកាស​ទទួល​ស្គាល់ និង​ផ្តល់​សុពលភាព​ដល់​តំណាង​រាស្ត្រ​ថ្មី​ចំនួន ៣៨រូប នៅ​ថ្ងៃ​ពុធ ទី១៩ ខែ​កញ្ញា។

អគ្គលេខាធិការ​រដ្ឋសភា លោក ឡេង ប៉េងឡុង មាន​ប្រសាសន៍​ប្រាប់​អាស៊ី​សេរី តាម​ទូរស័ព្ទ​ថា គណៈកម្មាធិការ​ជាតិ​រៀបចំ​ការ​បោះ​ឆ្នោត គ... បាន​យល់​ព្រម​តាម​សំណើសុំ​របស់​លោក នាយករដ្ឋមន្ត្រី ហ៊ុន សែន កាល​ពី​ថ្ងៃ​ទី១០ ខែ​កញ្ញា ដែល​បាន​បញ្ជូន​បញ្ជី​ឈ្មោះ​តំណាងរាស្ត្រ​ទាំង ៣៨រូប​នោះ ដើម្បី​ជំនួស​តំណាងរាស្ត្រ ដែល​បាន​លាលែង​ពី​តំណែង៖ «បាទ​លាលែង​ជំនួស ៣៨រូប ទៅ​ធ្វើការ​ខាង​រដ្ឋាភិបាល។ តាម​ច្បាប់​គណបក្ស​របស់​តំណាងរាស្ត្រ​នោះ ធ្វើ​សំបុត្រ​ទៅ គ..ប ដើម្បី​សុំ​អ្នក​មក​ជំនួស។ សភា​បាន​ទទួល​ឈ្មោះ​ពី គ..ប សភា​នឹង​ប្រកាស​ទទួល​ស្គាល់​តំណាង​រាស្ត្រ​ទាំង​នោះ ហើយ​ក្រោយ​ស្បថ​ហើយ​នឹង​ចូល​កាន់​តំណែង»

តំណាងរាស្ត្រដែលបានលាលែងពីតំណែងទាំងនោះ គឺ​ដោយសារ​ពួក​គេ​បាន​ចូល​កាន់​តំណែង ក្នុង​ជួរ​រដ្ឋាភិបាល រួម​មាន អ្នក​ខ្លះ​កាន់​តំណែង​ជា​រដ្ឋមន្ត្រី ទេសរដ្ឋមន្ត្រី និង​រដ្ឋលេខាធិការ។ ចំណែក​អ្នក​ដែល​អាច​មាន​តំណែង​ជា​តំណាង​រាស្ត្រ​ផង និង​កាន់​តំណែង​ក្នុង​គណៈរដ្ឋមន្ត្រី​ផង មាន​តែ​ឧបនាយករដ្ឋមន្ត្រី និង​នាយករដ្ឋមន្ត្រី​ទេ។

អ្នកវិភាគនយោបាយ និង​មន្ត្រី​សង្គម​ស៊ីវិល រិះគន់​របប​ក្រុង​ភ្នំពេញ​ថា បាន​បង្កើត​មុខ​តំណែង​ដ៏​ច្រើន​លើសលុប​ជាង​អណត្តិ​មុនៗ ដែល​ជា​ការ​ចែក​អំណាច​គ្នា​នោះ គឺ​បណ្តាល​ឲ្យ​ខ្ជះខ្ជាយ​ថវិកា​ជាតិ​ឥត​ប្រយោជន៍។

សហគមន៍​អន្តរជាតិ ជាពិសេស​ពី​ប្រទេស​លោក​សេរី​ធំៗ ហៅ​ការ​បោះ​ឆ្នោត​កាល​ពី​ថ្ងៃ​ទី២៩ ខែកក្កដា​ថា មិន​សេរី និង​មិន​យុត្តិធម៏ ហើយ​ប្រកាស​មិន​ទទួល​ស្គាល់ ព្រម​ទាំង​កំពុង​ព្រមាន​ដាក់​ទណ្ឌកម្ម​សេដ្ឋកិច្ច​ទៀត​ផង៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

One Response to "សភា​នឹង​ប្រជុំ​ទទួល​ស្គាល់​តំណាងរាស្ត្រ ៣៨រូប​ដែល​មក​ជំនួស"

  1. Anonymous says:

    Just do what ever you because you all are the bunch of mafia groups O K ‘ this country is belong to you all ‘