ពលរដ្ឋ​ខ្មែរ​នៅ​ជប៉ុន​ជាង​១​ពាន់​នាក់​ធ្វើបាតុកម្ម​ប្រឆាំង​វត្តមាន​លោក ហ៊ុន សែន

ដោយ ជី វិតា
2018-10-07
RFA

ស្ដាប់ ឬទាញ​យក​សំឡេង
ស្តាប់សំឡេងថតសំឡេង

ពលរដ្ឋ​ខ្មែរ​រស់នៅ​ជប៉ុន​ប្រមូល​ផ្ដុំ​គ្នា​ធ្វើបាតុកម្ម​ប្រឆាំង​វត្តមាន​លោក ហ៊ុន សែន នា​ទីក្រុង​តូក្យូ នៅ​ថ្ងៃអាទិត្យ ទី​៧ ខែ​តុលា ឆ្នាំ​២០១៨។ Photo courtesy of Hay Vanna Facebook
ពលរដ្ឋ​ខ្មែរ​រស់នៅ​ជប៉ុន​ប្រមូល​ផ្ដុំ​គ្នា​ធ្វើបាតុកម្ម​ប្រឆាំង​វត្តមាន​លោក ហ៊ុន សែន នា​ទីក្រុង​តូក្យូ នៅ​ថ្ងៃអាទិត្យ ទី​៧ ខែ​តុលា ឆ្នាំ​២០១៨។ Photo courtesy of Hay Vanna Facebook


ពលរដ្ឋ​ខ្មែរ​រស់នៅ​ប្រទេស​ជប៉ុន​ប្រមាណ​១ពាន់​នាក់ បាន​ប្រមូល​ផ្ដុំ​គ្នា​ធ្វើបាតុកម្ម​ប្រឆាំង​វត្តមាន​លោក ហ៊ុន សែន នៅ​ថ្ងៃអាទិត្យ ទី​៧​តុលា នេះ។ ការ​ទាមទារ​នេះ ខណៈ​លោក ហ៊ុន សែន កំពុង​មាន​វត្តមាន​នៅ​ប្រទេស​ជប៉ុន​ដើម្បី​ចូលរួម​កិច្ចប្រជុំ​កំពូល​មេគង្គ​-​ជប៉ុន​លើក​ទី​១០ នៅ​ទីក្រុង​តូក្យូ ប្រទេស​ជប៉ុន។

ពលរដ្ឋ​ខ្មែរ​នៅ​ប្រទេស​ជប៉ុន​ប្រមាណ​១​ពាន់​នាក់​បាន​ចេញ​មក​ស្វាគមន៍ មេដឹកនាំ​ក្រុងភ្នំពេញ​ដោយ​កាន់​សារ​មាន​គូស​សញ្ញា​ខ្វែង​លើ​រូបលោក ហ៊ុន សែន និង​សរសេរ​ថា លោក ហ៊ុន សែន ជា ប៉ុល ពត ទី​ពីរ ព្រម​ទាំង​បាន​ស្រែកថា ពួកគេ​មិន​ទទួលស្គាល់​របប​ថ្មី​លោក ហ៊ុន សែន ទេ។

អ្នក​នាំ​ដឹកនាំ​បាតុកម្ម​ម្នាក់​លោក ហៃ វណ្ណា ឲ្យ​អាស៊ីសេរី​ដឹង​តាម​ទូរស័ព្ទ​ថា ក្រុម​បាតុករ​មាន ចំនួន​ប្រមាណ​១​ពាន់​នាក់​ដែល​ភាគច្រើន​ជា​យុវជន​បាន​នាំគ្នា​ដើរ​ជា​ក្បួន​សំដៅ​ទៅ​ជួបជុំគ្នា​នៅ​ទីធ្លា​សួនឧទ្យាន​មួយ​នៅ​ទីក្រុង​តូក្យូ។ ការ​ទាមទារ​នេះ​គឺជា​ការ​បញ្ជាក់​ថា ពលរដ្ឋ​ខ្មែរ​ចង់បាន​ប្រជាធិបតេយ្យ​ពិតប្រាកដ​ហើយក៏​មិន​ទទួល​ស្គាល់​ការបោះឆ្នោត​ក្លែងក្លាយ និង​ទាមទារ​ឲ្យ​មានការ​បោះឆ្នោត​ឡើង​ដែល​ត្រូវ​មាន​គណបក្ស​សង្គ្រោះ​ជាតិ​ចូលរួម៖ «ប្រជាពលរដ្ឋ​ខ្មែរ​ចង់បាន​ប្រជាធិបតេយ្យ​ពិតប្រាកដ ហើយ​យើង​មិន​ទទួលស្គាល់​ការបោះឆ្នោត​ក្លែងក្លាយ​ថ្ងៃ​ទី​២៩ កក្កដា និង​លោក ហ៊ុន សែន មិនមែន​ជា​នាយករដ្ឋមន្ត្រី​ស្របច្បាប់​របស់​កម្ពុជា​ទេ នេះ​ជា​សា​រដែ​យើង​ចង់​ឲ្យ​អន្តរជាតិ​ជាពិសេស​ប្រទេស​ជប៉ុន​ហ្នឹង​តែម្ដង​ដឹង​លឺ»

បាតុករ​ម្នាក់​ឈ្មោះ​កែវ ប្រាប់​អាស៊ីសេរី​ថា ការចូលរួម​ធ្វើ​បាតុកម្ម​នៅ​ពេល​នេះ​ព្រោះ​កញ្ញា​មិន​អាច​ទទួល​យក​បានទេ​នូវ​របប​ថ្មី​របស់​លោក ហ៊ុន សែន ទេ។ បាតុករ​ដដែល​នេះ​បញ្ជាក់​ថា កញ្ញា​នៅតែ​បន្ត​ទាមទារ​រហូត​មានការ​ផ្លាស់ប្ដូរ​មួយ​ដែល​មាន​ប្រជាធិបតេយ្យ​ពិតប្រាកដ៖ «និយាយ​ទៅ​យើង​ចង់​បាន​ការដឹកនាំ​មួយ​ដែល​ត្រឹមត្រូវ​តាម​លទ្ធិប្រជាធិបតេយ្យ យើង​នៅតែ​ធ្វើ​រហូតដល់​តែ​មាន​ការ​ផ្លាស់ប្តូរ ព្រោះ​ប្រជាពលរដ្ឋ​យើង​កាន់តែ​លំបាក​ទៅៗ​ដែល​យើង​មិន​អាច​ទទួល​បានទេ»

លោក ហ៊ុន សែន បាន​ដឹកនាំ​គណៈប្រតិភូ​ជាន់ខ្ពស់​ទៅ​ចូលរួម​កិច្ចប្រជុំ​កំពូល​មេគង្គ​-​ជប៉ុន លើក​ទី១០ នៅ​ទីក្រុង​តូក្យូ ប្រទេស​ជប៉ុន ពី​ថ្ងៃ​ទី​៦ ដល់​ថ្ងៃ​ទី​១០ ខែ​តុលា កិច្ចប្រជុំ​នេះ​ផ្ដោត​សំខាន់​លើ​ការ​អភិវឌ្ឍ​ប្រកបដោយ​ចិរភាព និង​ការកាត់បន្ថយ​គម្លាត​អភិវឌ្ឍន៍​រវាង​ប្រទេស​មេគង្គ និង​ប្រទេស​សមាជិក​អាស៊ាន​ផ្សេងទៀត។ ក្រៅពី​កិច្ចប្រជុំ​នេះ លោក​ក៏​នឹង​ជួប​សំណេះ សំណាល​ជាមួយ​សហគមន៍​ខ្មែរ ព្រមទាំង​និស្សិត​ដែល​កំពុង​រស់នៅ​និង​សិក្សា​នៅ​ក្នុង​ប្រទេស​ជប៉ុន​ផង​ដែរ។ ពេល​ចេញ​ដំណើរ​ទៅ​ប្រទេស​ជប៉ុន​លោក ហ៊ុន សែន បាន​ចំអក​ដល់​ក្រុម​បាតុករ​ដែល​ព្រមាន​ធ្វើបាតុកម្ម​ប្រឆាំង​វត្តមាន​លោក​ថា អ្នក​ដែល​ចូលរួម​ធ្វើបាតុកម្ម​គឺ​មាន​តែ​១០% ប៉ុណ្ណោះ នៃ​ចំនួន​អ្នក​មក​គាំទ្រ​លោក។

សមាជិក​ក្រុម​អ្នកវិភាគ​វ័យក្មេង លោក បុង ដែត និយាយ​ថា ការ​ធ្វើ​បាតុកម្ម​ប្រឆាំង​លោក ហ៊ុន សែន នៅ​ពេល​នេះ​គឺជា​លទ្ធផល​ដែល​លោក ហ៊ុន សែន មិន​ស្ដាប់​តាម​ការ​ចង់​បាន​របស់​អន្តរជាតិ​ដែល​ទាមទារ​ឲ្យ​វិល​មក​រក​គន្លង​ប្រជាធិបតេយ្យ​ឡើងវិញ។ លោក​បន្ត​ថា បាតុកម្ម​នេះ​នឹង​ធ្វើ​ឲ្យ​លោក ហ៊ុន សែន អាម៉ាស់មុខ​លើ​ឆាក​អន្តរជាតិ៖ «ចំណុច​នេះ​គឺ​ធ្វើ​ឲ្យ​របប​ក្រុងភ្នំពេញ​អាម៉ាស់​ទៅ​កន្លែង​ណា​ក៏​បាតុកម្ម ដោយសារតែ​ការ​ចង់​បាន​អំណាច»

ក្រោយ​ព្រឹត្តិការណ៍​ថ្ងៃ​ទី​២៩ កក្កដា ដែល​រង​ការ​ចោទ​ប្រកាន់​ថា ជា​ការ​បោះឆ្នោត​ក្លែងក្លាយ​នៅ​កម្ពុជា របប​ក្រុងភ្នំពេញ​ក៏បាន​រង​ការ​ថ្កោលទោស​ពី​ក្រុម​ប្រទេស​លោក​សេរី​ជា​បន្តបន្ទាប់​ដែរ ហើយ​បំពេញ​ទស្សនកិច្ច​នៅ​ក្រៅ​ប្រទេស​របស់​លោក ហ៊ុន សែន តែង​ត្រូវ​ទទួល​ស្វាគមន៍​ដោយ​ការ​ធ្វើ​ការ​បាតុកម្ម​ប្រឆាំង​វត្តមាន​របស់​លោក។

អ្នក​នាំ​ដឹកនាំ​បាតុកម្ម លោក ហៃ វណ្ណា ព្រមាន​ថា នៅ​ពេល​លោក ហ៊ុន សែន ជួប​អ្នកគាំទ្រ​របស់​ខ្លួន​នៅ​ជប៉ុន​ហើយ ៗ​និយាយ​បំផើ្លស ឬ​និយាយ​មិន​ត្រូវ​តួលេខ​ចំនួន​ក្រុម​បាតុករ​ដែល​ប្រឆាំង​រូបលោក ហ៊ុន សែន លោក​នឹង​ដឹកនាំ​បាតុករ​បន្ត​ប្រឆាំង​វត្តមាន​លោក ហ៊ុន សែន បន្ត​ទៀត​គឺ​មិន​បញ្ឈប់​ត្រឹម​មួយថ្ងៃ​នេះ​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។

What Next?

Recent Articles

4 Responses to "ពលរដ្ឋ​ខ្មែរ​នៅ​ជប៉ុន​ជាង​១​ពាន់​នាក់​ធ្វើបាតុកម្ម​ប្រឆាំង​វត្តមាន​លោក ហ៊ុន សែន"

  1. so socheath says:

    ទោះខំប្រឹងអួតថាមហាបាតុកម្ម ខំព្រុសលូដូចឆ្កែយ៉ាងណា ក៍លទ្ធផលបានមក
    ត្រឹមតែក្តម៉ាចង្កោម រលាកគ្រលៀន ហើមតែកាដួយអត់ប្រយោជន៍ហ្នឹងហ្អី !
    ហាស! ហាស ពួក អាពូចឆ្កែ អាពូជល្ងង់ គឺល្ងង់ចុយតែម៉ែវាគឺយ៉ាងនេះអែង !

  2. Anonymous says:

    Bravo brothers&sisters in japan’ Veitcong mafia dictator will go down to hell’

  3. Anonymous says:

    Your voices will be heard !!!!!
    The world 🌎 community are demanding real democracy in Cambodia.!!!!

  4. Anonymous says:

    we knew HUN SEN is using Cambodian as his tool to grape his powers. that was not question to ask the deference is did our Cambodian inside the country are willing to sacrificing their life for him???????. I do not think Cambodian are not that dump like this evil guy. HUN SEN speak is showing clearly about his dictatorship’s intention of leading this poor nation. HUN SEN should not saying the word Democracy because he never have been doing it . as a Cambodian I knew every thing was fake . I knew HUN SEN will be isolate from world community because of his stubbornness from his uneducated brain . how can this guy be that powerful I can see his knowledge in politic was not even matching a mayor in one province that I live in. because one of this province is tree time bigger then Cambodia. do not be underestimated HUN SEN you are nothing all those big nation they keep Cambodia as a nation because the KHMER culture have been establish in this region for many generation. it was a great nation that escapade to be under neighboring intension. GOD bless Cambodia