ប្រតិភូ​អឺរ៉ុប​៖ ​នីតិវិធី​នៃ​ការ​ដក​ ឬ ​មិន​ដក​ប្រព័ន្ធ​អនុគ្រោះ​ពន្ធ​ពី​កម្ពុជា ​ត្រូវ​ស៊ី​ពេល​១២​ខែ​

ដោយ វ៉ា សំណព្វ
08/10/2018
RFI

media
ឯកអគ្គ​រដ្ឋទូត​សហភាព​អឺរ៉ុប​ប្រចាំ​កម្ពុជា លោក George Edgar
@សហការី


ប្រតិភូ​​សហភាព​​អឺរ៉ុប​​ប្រចាំ​​​កម្ពុជា ​កាល​ពី​​ថ្ងៃទី ​៧ ​តុលា ​បាន​​ចេញ​មក​​ពន្យល់​​ពី​​នីតិវិធី​​​នៃ​​ការ​សម្រេច​​ដក ​ឬ ​មិន​​ដក ​ប្រព័ន្ធ​​អនុគ្រោះ​​ពន្ធ ​(EBA) ​ពី​​ប្រទេស​​ណា​មួយ​​ថា ​ជា​​នីតិវិធី​​ដែល​​ត្រូវ​​ស៊ី​ពេល​៦​ខែ​​ពីរ​ដង ​បន្ទាប់​ពី​​មាន​​សេចក្តី​សម្រេច​​ពី​​គណៈកម្មការ​​អឺរ៉ុប​។ ​ការ​ពន្យល់​​នេះ ​គឺ​ធ្វើ​ឡើង ​តាម​រយៈ​សេចក្តី​ប្រកាស​​ព័ត៌មាន​​របស់​​ស្ថាន​ទូត​​សហភាព​​អឺរ៉ុប​​ប្រចាំ​​កម្ពុជា ​បន្ទាប់​ពី​​មាន​ការ​​លើក​ឡើង​ផ្សេងៗ​គ្នា​​ជុំវិញ​​នីតិវិធី​​នៃ​​ការ​ដក ​ឬ ​មិន​​ដក ​ប្រព័ន្ធ​​អនុ​គ្រោះ​​ពន្ធ​​ពី​​កម្ពុជា​។ 

«បន្ទាប់ពី​មាន​សេចក្តីសម្រេច​ពី​គណៈកម្មការ​អឺរ៉ុប នីតិវិធី​នៃ​ការដក​ប្រព័ន្ធ​អនុគ្រោះ​ពន្ធ​ជា​បណ្តោះអាសន្ន នឹង​ចាប់ផ្តើម​ជាមួយ​រយៈពេល​ពិនិត្យ​តាមដាន​ជា​ផ្លូវការ​ចំនួន ៦ខែ»។ «បន្ទាប់ពី​រយៈពេល​នេះ នឹងមាន​រយៈពេល៦ខែ​ទៀត សម្រាប់​រៀបចំ​របាយការណ៍ ស្តីពី​លទ្ធផល​រកឃើញ និង​បញ្ចប់​នីតិវិធី​នេះ ជាមួយនឹង​ការចេញ​សេចក្តីសម្រេច​មួយទៀត​ថា តើ​ត្រូវ​ដកហូត​ប្រព័ន្ធ​អនុគ្រោះ​ពន្ធ​នេះ​ឬ​អត់»។ នេះ​បើតាម​ការពន្យល់​របស់​ប្រតិភូ​សហ​ភាព​​​អឺរ៉ុប​ប្រចាំ​នៅ​កម្ពុជា តាមរយៈ​សេចក្តី​ប្រកាស​​ព័ត៌មាន​​មួយ ​ចុះ ថ្ងៃទី ៧ តុលា​។ ​ការ​ពន្យល់​​​នេះ ​គឺ​​បន្ទាប់​ពី​​មាន​ការ​​លើក​ឡើង​ផ្សេងៗ​គ្នា ​ជុំវិញ​​នីតិវិធី​​នៃ​​ការ​ដក ​ឬ ​មិន​ដក ប្រព័ន្ធ​​អនុគ្រោះ​ពន្ធ​ពី​កម្ពុជា។

សម្រាប់​ប្រទេស​កម្ពុជា រហូតមក​ទល់នឹង​ពេលនេះ នៅ​មិនទាន់មាន​សេចក្តីសម្រេច​ណាមួយ​ពី​គណៈកម្មការ​អឺរ៉ុប ទាក់ទង​នឹង​ការព្យួរ ឬ ការដកហូត​នូវ​ប្រព័ន្ធ​អនុគ្រោះ​ពន្ធ​នេះ​នៅឡើយ​ទេ។ ប៉ុន្តែ កាលពី​ថ្ងៃទី ៥ តុលា កន្លងទៅ លោកស្រី Cecilia Malstrom ស្នងការ​អឺរ៉ុប​សម្រាប់​ពាណិជ្ជកម្ម បាន​ជូនដំណឹង​ជា​លើកចុងក្រោយ​ដល់​ប្រទេស​កម្ពុជា​ថា «សហភាព​អឺរ៉ុប​កំពុង​អនុវត្ត​ដំណើរការ​សម្រាប់​ការដកហូត នូវ​ប្រព័ន្ធ​អនុគ្រោះ​ពន្ធ​នេះ ដោយសារ​គ្មាន​ការកែលម្អ​ច្បាស់លាស់ និង​ជាក់ស្តែង​ណាមួយ ទាក់ទង​នឹង​បញ្ហា​សិទ្ធិមនុស្ស និង​សិទ្ធិ​ការងារ​នៅក្នុង​ប្រទេស​កម្ពុជា។ ហើយ​ថា ដំណើរការ​នេះ នឹង​នាំ​ទៅ​រក​​ការ​ព្យួរ ឬ​ដកហូត នូវ​ការអនុគ្រោះ​ពាណិជ្ជកម្ម ដែល​កម្ពុជា​ទទួលបាន​នាពេល​បច្ចុប្បន្ន​»​។

ប្រទេស​កម្ពុជា បានទទួល​ផលចំណេញ​ប្រមាណ​ជា៦០០លាន​ដុល្លារ​អាមេរិក​ ក្នុង​មួយ​ឆ្នាំ​ៗ ​ពី​កិច្ចព្រមព្រៀង​អនុគ្រោះ​ពន្ធ ឬ EBA (Everything But Arms) ដែល​សហភាព​អឺរ៉ុប បានផ្តល់​ឲ្យ​កម្ពុជា និង​ប្រទេស​អភិវឌ្ឍន៍​តិចតួច​ផ្សេងទៀត នូវ​ឱកាស​នាំ​គ្រប់​ផលិតផល​ទាំងអស់ (លើកលែងតែ​អាវុធ) ចូលទៅក្នុង​ទីផ្សារ​រួម​តែមួយ​របស់​សហភាព​អឺរ៉ុប ដោយ​មិន​ជាប់​ពន្ធគយ និង​មិន​ជាប់​កូតា។ ការទទួលបាន​ផលប្រយោជន៍​ពី​ប្រព័ន្ធ​អនុគ្រោះ​ពន្ធ​នេះ គឺ​ត្រូវ​ផ្អែកលើ​ការគោរព​របស់​ប្រទេស ដែល​ទទួលបាន​ផល​ទាំងនោះ ចំពោះ​គោលការណ៍​ដែល​មានចែង​នៅក្នុង​អនុសញ្ញា​ជា​មូលដ្ឋានចំនួន១៥របស់​អង្គការ​សហ​ប្រ​ជា​ជាតិ ​និង​អង្គការ​អន្តរជាតិ​ខាង​ការងារ (ILO) ស្តីពី សិទ្ធិមនុស្ស និង​សិទ្ធិ​ការងារ។ សេចក្តី​ប្រកាស​របស់​ប្រតិភូ​សហភាព​អឺរ៉ុប​បាន​ចាត់ទុកថា ការចាប់ផ្តើម​ដំណើរការ​រៀបចំ​អនុវត្ត​ដក​ប្រព័ន្ធ​អនុគ្រោះ​ពន្ធ​បែបនេះ បាន​ឆ្លុះបញ្ចាំង​ពី​ការព្រួយបារម្ភ​ធ្ងន់ធ្ងរ​ជុំវិញ​ស្ថានការណ៍​វិវឌ្ឍន៍​នៅក្នុង​ប្រទេស​កម្ពុជា ទាក់ទិន​នឹង​ការគោរព​សិទ្ធិ និង​សេរីភាព ដែល​មានចែង​ក្នុង​អនុសញ្ញា​ទាំងនេះ។

តែ​យ៉ាងណាក៏ដោយ សហភាព​អឺរ៉ុប បាន​គូសបញ្ជាក់​ជាថ្មី​ថា ស្ថាប័ន​នេះ​នៅតែ​បន្ត​បើក​ច្រក​សន្ទនា​ដោយ​ចំហ​ជាមួយ​ប្រទេស​កម្ពុជា ហើយ​ប្រសិនបើ​ប្រទេស​កម្ពុជា​ចាត់វិធាន​​ការ​ជា​បន្ទាន់ ​ដើម្បី​​កែ​ប្រែ​​ស្ថានការណ៍ ​ដែល​នាំ​ឲ្យ​មានការ​ចាប់ផ្តើម​នីតិវិធី​ដក​ប្រព័ន្ធ​អនុ​គ្រោះ​​ពន្ធ​​នេះ សហភាព​អឺរ៉ុប នឹងធ្វើ​ការពិចារណា​ជាថ្មី​អំពី​ស្ថានភាព​នេះ។ យ៉ាង​ណា​ក៏​ដោយ កាលពី​ថ្ងៃទី ៧ តុលា ពី​ទីក្រុង​តូ​ក្យូ ប្រទេស​ជប៉ុន លោកនាយក​រដ្ឋមន្ត្រី ហ៊ុន សែន ​បានប្រកាស​ជំហរ​ថា កម្ពុជា​មិនត្រូវ​យក​អធិបតេយ្យ​របស់​ជាតិ ទៅ​ប្តូរ​នឹង​ជំនួយ ឬ ការ​​គំរាម​​ណាមួយ​ពី​បរទេស​នោះទេ៕

What Next?

Recent Articles

One Response to "ប្រតិភូ​អឺរ៉ុប​៖ ​នីតិវិធី​នៃ​ការ​ដក​ ឬ ​មិន​ដក​ប្រព័ន្ធ​អនុគ្រោះ​ពន្ធ​ពី​កម្ពុជា ​ត្រូវ​ស៊ី​ពេល​១២​ខែ​"

  1. Anonymous says:

    I just want to tell HUN SEN and his supporters that the policy of all these EU democratic nation is very clear. when they say they will do according to their policy they will do it as said. right now they are looking for another alternative to get supply from the other nation to replacing Cambodia . when the time come they will not looking back to talk whit HUN SEN any more. too bad so sad this poor nation will still be the lowest and the poorest nation on art under it’s own leader that never think about his own nation. I’m very disappointed to have HUN SEN to be Cambodian leader till this day. I knew Cambodian will never have peace as long as HUN SEN still in powers. at this moment the future of this sad nation is in the hand of HUN SEN the Cambodia evil leader of this century. right now Cambodia is going back to year zero in the past Cambodia just lose a quarter of it own population at this time Cambodia may lost every thing not even the name call KAPOUCHEA. GOD bless KAMPOUCHEA

Leave a Reply

Submit Comment