រដ្ឋាភិបាលអំពាវនាវកុំឲ្យពលរដ្ឋព្រួយបារម្ភហួសហេតុពីការដក EBA

| |
https://vodhotnews.com

លោក ផៃ ស៊ីផាន អ្នកនាំពាក្យរដ្ឋាភិបាល (រូបពីហ្វេសប៊ុក លោក ផៃ ស៊ីផាន)


ការិយាល័យអ្នកនាំពាក្យរដ្ឋាភិបាលបានអំពាវនាវកុំឲ្យពលរដ្ឋមានការព្រួយបារម្ភពេកពីការដកប្រព័ន្ធអនុគ្រោះពន្ធ(EBA)ដោយថា ពេលនេះរដ្ឋាភិបាលកម្ពុជានៅតែមានកិច្ចសហប្រតិបត្តិការល្អលើផ្នែកជាច្រើនជាមួយសហភាពអឺរ៉ុប។​

សេចក្តីថ្លែងការណ៍របស់ការិយាល័យអ្នកនាំពាក្យរដ្ឋាភិបាលកាលពីម្សិលមិញបានលើកឡើងថា បច្ចុប្បន្នរដ្ឋាភិបាលកម្ពុជាកំពុងមានកិច្ចសហប្រតិបត្តិការល្អលើផ្នែកជាច្រើនជាមួយអឺរ៉ុប។ សេចក្តីថ្លែងការណ៍បន្តថា បើពិនិត្យលើកិច្ចព្រមព្រៀងលើប្រព័ន្ធអនុគ្រោះពន្ធទៀតនោះ មិនមានអ្វីព្រួយបារម្ភទេ។

សេចក្តីថ្លែងការណ៍៖«ទាក់ទងទៅនឹងកម្មវិធី ពន្ធអនុគ្រោះពាណិជ្ជកម្មសម្រាប់កម្ពុជាគឺមិនបានធ្វើឱ្យកម្ពុជាមានការព្រួយបារម្ភហួសហេតុ ឬបង្កផលប៉ះពាល់ធ្ងន់ធ្ងរដល់សេដ្ឋកិច្ចនោះឡើយ។ ពីព្រោះយោងទៅតាមលក្ខខណ្ឌនៃកិច្ចព្រមព្រៀងរវាងកម្ពុជា និងសហភាពអឺរ៉ុប ចំពោះពន្ធអនុគ្រោះ EBAs គឺមានគោលការណ៍ និងទិសដៅ “សម្រាប់ផ្ដល់ឱ្យប្រទេសដែលមានការអភិវឌ្ឍតិចតួច (LDCs)” ដូចជាប្រទេសកម្ពុជា ហើយក៏ជាប្រទេស ដែលនាំមុខគេក្នុងការផ្តល់សច្ចាប័ន នៃកិច្ចព្រមព្រៀងជាមួយអង្គការពលកម្មអន្តរជាតិ (ILO) ដែលជាកត្តាចម្បងមួយ ក្នុងការទទួលបានពន្ធអនុគ្រោះពាណិជ្ជកម្មEBAsនេះ។»
អ្នកនាំពាក្យរដ្ឋាភិបាល ក៏បានអំពាវនាវកុំឲ្យប្រជាពលរដ្ឋមានការព្រួយបារម្ភលើករណីនេះ។​

សេចក្តីថ្លែងការណ៍៖«សូមជម្រាបជូនដល់ជនរួមជាតិទាំងអស់ កុំឱ្យមានការព្រួយបារម្ភតាមរយៈការវិភាគ និងការវាយតម្លៃមិនសមហេតុផល ស្តីពីពន្ធអនុគ្រោះ EBAs។ ហើយពន្ធអនុគ្រោះនេះ គឺមាននីតិវិធីក្នុងការអនុវត្ត ឬការដោះស្រាយ ដែលនឹងត្រូវចំណោយពេលវែងឆ្ងាយទៅមុខទៀត ក្នុងកិច្ចសហប្រតិបត្តិការ រវាងភាគីសហភាពអឺរ៉ុប និងកម្ពុជា។»

នៅដើមខែតុលានេះ លោកនាយករដ្ឋមន្ត្រីហ៊ុន សែន បញ្ជាក់ជំហរជាថ្មីទៀតថា លោកមិន ឱនដាក់អឺរ៉ុប ឬ ប្រទេសលោកសេរី ដើម្បីទទួលបានជំនួយ ហើយបោះបង់សុខសន្តិភាព អធិបតេយ្យភាពរបស់ប្រទេសនោះទេ។​

ក្រោយការប្រកាសរបស់លោកហ៊ុន សែន មានស្ថាប័នរដ្ឋផ្សេងៗបានចេញសេចក្តី ថ្លែងការណ៍ គាំទ្រជាបន្តបន្ទាប់។

អត្ថបទទាក់ទង

EU ដំណើរការដកប្រព័ន្ធអនុគ្រោះពន្ធលើកម្ពុជានិងមីយ៉ាន់ម៉ា
អ្នកនាំពាក្យ CPP៖ EU ដកប្រព័ន្ធអនុគ្រោះពន្ធមិនមានបញ្ហាអ្វីដល់កម្ពុជាទេ


រក្សាសិទ្វិគ្រប់យ៉ាងដោយ CCIM/VOD

គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

One Response to "រដ្ឋាភិបាលអំពាវនាវកុំឲ្យពលរដ្ឋព្រួយបារម្ភហួសហេតុពីការដក EBA"

  1. Anonymous says:

    OH ….GOD …do not believe this monkey the lowest former Cambodian American . this guy got his high degree officer in Cambodia by former Khmer Rou killer . he know nothing beside burking to please his master for food . if this animal was in the State he was just a dish washer in the restaurant . when he got his luck by gone back to Cambodia he became a monster. this is the attitude of some Cambodian just like HUN SEN . I do not believe that it go along quit well whit each other. GOD bless Cambodia

Leave a Reply

Submit Comment