“លោក ហ៊ុន សែន បរាជ័យ​នយោបាយ​ប្រជាភិថុតិ​នៅ​កិច្ចប្រជុំ​កំពូល​អាស៊ី​អឺរ៉ុប​លើក​ទី​១២”

ដោយ មួង ណារ៉េត
2018-10-20
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក ហ៊ុន សែន ថ្លែងការណ៍​ក្នុង​មហា​សន្និបាទ​អង្គការ​សហប្រជាជាតិ កាល​​នៅ​ថ្ងៃ​ទី២៩ កញ្ញា ​២០១៨។ Photo Screenshot
លោក ហ៊ុន សែន ថ្លែងការណ៍​ក្នុង​មហា​សន្និបាទ​អង្គការ​សហប្រជាជាតិ កាល​​នៅ​ថ្ងៃ​ទី២៩ កញ្ញា ​២០១៨។ Photo Screenshot


អ្នកវិភាគ​ថា របប​ក្រុងភ្នំពេញ បាន​បរាជ័យ​ទាំងស្រុង ក្នុង​ការ​ធ្វើ​នយោបាយ​ការទូត​បែប​ប្រជាភិថុតិ ជាមួយ​សហគមន៍​អឺរ៉ុប ក្នុង​ពេល​ចូលរួម​កិច្ចប្រជុំ​កំពូល​អាស៊ី​អឺរ៉ុប លើក​ទី​១២។

សមាជិក​ក្រុម​អ្នកវិភាគ​វ័យក្មេង លោក បុង ដែត មើល​ឃើញ​ថា របប​ក្រុងភ្នំពេញ បាន​បរាជ័យ ព្រោះ មិន​អាច​បញ្ចុះបញ្ចូល​ឲ្យ​សហភាព​អ៊ីយ៉ុង ទទួលយក​ហេតុផល​របស់​ខ្លួន​បាន ដូចជា ការ​យក​ហេតុផល ចំនួន​ពលរដ្ឋ​ជាង​ ៨០​ភាគរយ ចេញទៅ​បោះ​ឆ្នោត​​ជាដើម។ លោក បុង ដែត ថា សហគមន៍​អឺរ៉ុប​មាន​ភស្តុតាង​ពេញដៃ បញ្ជាក់​ថា របប​ក្រុងភ្នំពេញ​ពិតជា​បាន​រំលោភ​សិទ្ធិ​មនុស្ស​ធ្ងន់ធ្ងរ​ពិតមែន។

លោក បុង ដែត សង្កេត​ឃើញ​ថា បំណង​ការចូលរួម​កិច្ចប្រជុំ​កំពូល​អាស៊ី​អ៊ឺរ៉ុប នៅ​ទីក្រុង​ប្រ៊ុចសែល ប្រទេស​បែលហ្សិក ក្រៅពី​ទៅ​ចូលរួម​កិច្ចប្រជុំ គឺ​របប​នេះ ចង់​ចំណេញ​នយោបាយ​ការទូត តាមរយៈ​ការ​បញ្ចុះ​បញ្ចូល​ឲ្យ​សហគមន៍​អ៊ឺរ៉ុប ជឿ​ថា ពលរដ្ឋ​​ខ្មែរ​​ពេញចិត្ត​ការដឹកនាំ​របស់​ខ្លួន ហើយ​ត្រលប់​មក​កម្ពុជា​វិញ ប្រាប់​ពលរដ្ឋ​ក្នុង​ប្រទេស​ថា សហគមន៍​អ៊ឺរ៉ុប សម្ដែង​ការ​ពេញចិត្ត​ក្នុង​ការ​ដឹកនាំ​របស់​របប​ក្រុងភ្នំពេញ។ «»

កាលពី​ថ្ងៃ​ទី​១៩ តុលា សហភាព​អឺរ៉ុប បាន​ចេញ​សេចក្ដី​ប្រកាស​ថា តំណាង​ជាន់ខ្ពស់​ទទួលបន្ទុក​កិច្ចការ​បរទេស និង​គោល​នយោបាយ​​សន្តិសុខ និង​ជា​អនុប្រធាន​ស្នងការ​អឺរ៉ុប អ្នកស្រី ហ្វេដេរីកា ម៉ូហ្គែរីនី (Federica Mogherini) បាន​ជួប​ជជែក​ជាមួយ មេដឹកនាំ​របប​ក្រុងភ្នំពេញ លោក ហ៊ុន សែន​ក្នុង​ឱកាស​នៃ​ជំនួប​កំពូល​អាស៊ី​-​អឺរ៉ុប (ASEM) នៅ​ទីក្រុង​ប្រ៊ុច​សែល (Brussels) ប្រទេស​បែលហ្ស៊ិក។ នៅ​ក្នុង​ជំនួប​នោះ តំណាង​ជាន់ខ្ពស់​ទទួលបន្ទុក​កិច្ចការ​បរទេស និង​គោលនយោបាយ​សន្តិសុខ បាន​រម្លឹក​លោក ហ៊ុន សែន ឲ្យ​ស្តារ​សិទ្ធិមនុស្ស និង​ប្រជាធិបតេយ្យ​កម្ពុជា​ឡើងវិញ។

អ្នកនាំពាក្យ​ទីស្ដីការគណៈរដ្ឋមន្ត្រី លោក ផៃ ស៊ីផាន បដិសេធ មិន​ទាន់​ទទួល​បាន​ព័ត៌មាន​បែប​ណា​ទេ ជុំវិញ​សេចក្តី​ប្រកាស​ព័ត៌មាន​ជំនួប រវាង​តំណាង​សហគមន៍​អឺរ៉ុប ជាមួយ លោក ហ៊ុន សែន នៅ​ទីក្រុង​ប្រ៊ុចសែល កាលពី​ថ្ងៃ​ទី​១៩ តុលា​ទេ។ ប៉ុន្តែ​យ៉ាងណា អ្នកនាំពាក្យ​របប​ក្រុងភ្នំពេញ​រូប​នេះ ជឿ​ថា គ្មាន​របៀបវារៈ​ណាមួយ និយាយ​ពី​របប​ក្រុងភ្នំពេញ​ទេ ហើយ​បើ​ទោះ​ជា​និយាយ​ក៏​មិន​មាន​ឥទ្ធិពល​សម្រាប់​របប​មួយ​នេះ​ដែរ។ «»

លោក ហ៊ុន សែន បាន​ចាក​ចេញពី​ប្រទេស​បែលហ្សិក​ហើយ នៅ​ថ្ងៃ​ទី​២០ តុលា បន្ដ​ទៅ​ប្រទេស​ទួគី។ លោក ហ៊ុន សែន សរសេរ​នៅ​ក្នុង​ហ្វេសប៊ុក​ពី​សាធារណៈរដ្ឋ​តួគី (Turkey) ថា របប​លោក ទទួល​បាន​លទ្ធផល​ត្រចះត្រចង់ ពី​កិច្ចប្រជុំ​កំពូល​អាស៊ី​អឺរ៉ុប​លើក​ទី​១២ នៅ​ទីក្រុង​ប្រ៊ុចសែល។

ថ្វីបើ​លោក ហ៊ុន សែន អះអាង​ពី​ភាព​ទទួល​បាន​ជោគជ័យ​ដ៏​ត្រ​ចេះ​ត្រចង់ សម្រាប់​របប​លោក ប៉ុន្តែ​ពី​ក្រុម​បាតុករ​ប្រឆាំង​របប​ក្រុងភ្នំពេញ នៅ​ទ្វីប​អឺរ៉ុប ក៏​អះអាង​ថា ទទួល​បាន​ជោគជ័យ​របស់​ខ្លួន​ដែរ។ មេដឹកនាំ​ក្រុម​បាតុករ ប្រឆាំង​របប​ក្រុងភ្នំពេញ​ម្នាក់ គឺ​លោក លី ពឿង អះអាង​ថា ក្រុម​បាតុករ មាន​គ្នា​ប្រហែល​ ១.៣០០​នាក់ ក្នុង​នោះ ក៏​មាន​ព្រះសង្ឃ​ផង​ដែរ បាន​ធ្វើ​បាតុកម្ម និង​ប្រកាសប្រាប់​សហគមន៍​អន្តរជាតិ កុំ​ឲ្យ​ទទួលស្គាល់​របប​ក្រុងភ្នំពេញ។

សមាជិក​ក្រុម​អ្នកវិភាគ​វ័យក្មេង លោក បុង ដែត ថា បរាជ័យ​មួយទៀត សម្រាប់​របប​ក្រុងភ្នំពេញ គឺ​រាល់ពេល​ធ្វើដំណើរ​ទៅកាន់​ប្រទេស​លទ្ធិប្រជាធិបតេយ្យ​ម្ដងៗ តែង​ទទួល​បាន​ការ​ធ្វើ​បាតុកម្ម​ប្រឆាំង​ជានិច្ច៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

2 Responses to "“លោក ហ៊ុន សែន បរាជ័យ​នយោបាយ​ប្រជាភិថុតិ​នៅ​កិច្ចប្រជុំ​កំពូល​អាស៊ី​អឺរ៉ុប​លើក​ទី​១២”"

  1. roumrith says:

    you do not have to be a pathologist to analyze the psychopathic behavior of hun sen
    violence characterized by the weak sponsor of assassination who dared to oppose
    egocentrist desire constant to extend his power
    falsification of facts, refusal to admit wrongs
    But submission to the forts
    As Buddhism, the democrats felt empathy for Hun Sen and these clans
    But we can not help but understand some of these expats who came to welcome him, we wonder why are not they going back if they thought that Hun sen is a savior
    These profiteers the authorities in France know who does what the case of money laundering dirty and the traffics of human beings with the accomplice of the government authorities of this psychopath The days are counted for them We know that it is a sin to denounce but denounced mecha- ts, it is to save dozens of lives of the innocents

  2. so socheath says:

    (send to facebook)
    អ្នកចិញ្ចឹមចិត្តបំផ្លាញការរស់នៅ
    ដោយសុខសាន្តរបស់ប្រជាជនកម្ពុជា គឺជាជនក្បត់ជាតិ
    *******
    ប្រជាជនកម្ពុជា បានប្រាប់រួចហើយថា ប្រជាជនកម្ពុជាអត់អ្នកណា ទៅខ្វល់ខ្វាយ បាយមិននឹក
    ទឹកមិនស្រេក ឬទៅឈឺក្បាល ស្អី អារឿង EBA ស្អីហ្នឹងទេ ។
    បើទោះបីវាមិនដក ក៍កម្ពុជាត្រឹមតែនឹងសុំដកខ្លួនចេញនាពេលខាងមុខនេះដែរហើយ ។
    បើទោះបីវាមិនដក ក៍កម្ពុជាត្រឹមតែនឹងសុំដកខ្លួនចេញនាពេលខាងមុខនេះដែរហើយ ។
    កម្រឹតជីវភាពប្រជាជនកម្ពុជា មានសន្ទុះឈានឡើងរាល់ឆ្នាំ ។ ចំណូលជាមធ្យមក្នុងម្នាក់
    លើសពី ១៣០០ ដុល្លាក្នុងមួយឆ្នាំ ។ ឆ្នាំ២០២០ ប្រជាជនកម្ពុជាតាមការព្យាករណ៍ អាចកើនដល់
    ២០០០ដុល្លារអាមេរិក ដែលជាចំណូលមានកម្រឹតខ្ពស់ ក្នុងចំណោមប្រទេសជាច្រើនក្នុង
    អាសាន ។
    អគុណកន្លងមកសហគមន៍អឺរ៉ុប បានជួយសម្រាលការលំបាកកម្ពុជា ជាមួយប្រព័ន្ធអនុគ្រោះពន្ធ
    EBA នេះ ។
    ប៉ុន្តែការជួយនេះ ប្រជាជនកម្ពុជា ត្រូវការ ទទួលយកការជួយដោយភាពស្មោះត្រង់ មិនត្រូវការការជួយ ដែលគ្មានភាពបរិសុទ្ធ ដែលមាត់អ្នកជួយតែងទន្ទេញជាប់ ក្នុងអ្វីដែល
    និយាយថាជួយដោយភាពមនុស្សធម៍នោះទេ ។
    ទទួលជំនួយដែលប្រកបដោយល្បិចកល មិនខុសអ្វី ពីការសម្លាប់ខ្លួនឯងនោះទេ ។
    កម្ពុជាជាប្រទេសអធិបតេយ្យ ។ ដូច្នេះកម្ពុជាមានអធិបតេយ្យភាពយ៉ាងពេញលេញ ក្នុងការ
    សម្រេចជោគវាសនារបស់ខ្លួនដោយខ្លួនឯង មិនចាំបាច់ឲ្យអ្នកណាមកបង្វិលក្បាល ដឹកនាំ
    នយោបាយជាតិខ្លួននោះទេ ។
    មានតែក្រុមជនក្បត់ជាតិតែប៉ុណ្ណោះ ដែលជានិច្ចកាលចិញ្ចឹមចិត្តលក់អធិបតេយ្យជាតិខ្លួន
    ដោយអោនក្បាលបំរើនយោបាយបរទេស ដើម្បីទទួលយកជំនួយ ដែលមិនគួរទទួលយក
    ហើយដែលវានិងបង្ករនូវគ្រោះមហន្តរាយ ក្នុងការបំផ្លាញជាតិសាសន៍ខ្លួនក្នុងពេលខាងមុខ
    តែប៉ុណ្ណោះ។
    កម្ពុជាមិនមែនជាទីលានសាកល្បងអាវុធ របស់ប្រទេសណាមួយនោះទេ ។
    ប្រជាជនកម្ពុជាដ៍ស្លូតបូត ត្រូវការការរស់នៅប្រកបដោយសន្តិភាព ជាមួយបណ្តារប្រទេសនានា
    ជុំវិញខ្លួននៅលើសកលលោកយើងនេះ ។
    ការចង់ឈ្នះចាញ់ ដោយយកជិវិតប្រជាពលរដ្ឋ យកឈាម ប្រជាពលរដ្ឋក្រាលធ្វើជាដើមទុន របស់ក្រុមជនក្បត់ជាតិអតីតបក្សសង្គ្រោះជាតិ ត្រូវបានប្រជាជនកម្ពុជាឃើញ
    និងស្គាល់ច្បាស់ពីនយោបាយទុច្ចរឹតរបស់ពួកអ្នកអស់ហើយ ។
    គ្រប់ឧបាយកលប៉ងបំផ្លាញជាតិខ្មែរ តាមខ្សែញាក់បរទេស ដែលពួកអ្នកដាក់ខ្លួនធ្វើជាអាយ៉ង
    ប្រជាជនកម្ពុជា មិនអនុញ្ញាតិឲ្យអ្នកសម្រេចបំណងអ្នកទេ ។
    ពួកអ្នកនឹងត្រូវកំទេចចោល ល្គឹកណាពួកអ្នកនៅតែចិញ្ចឹមចិត្តបំផ្លាញការរស់នៅដោយសុខសាន្ត
    របស់ប្រជាជនកម្ពុជា ដែលកំពុងរស់នៅក្នុងសុខសន្តិភាពដែលរកបានដោយការយកជិវិតទៅ
    ប្តូររបស់ថ្នាក់ដឹកនាំជាតិបច្ចុប្បន្ននេះ ៕

Leave a Reply

Submit Comment