លោក ហ៊ុន សែន និងលោក សម រង្ស៊ី បន្ដខ្វែងគំនិតគ្នា ទោះបីអឺរ៉ុបព្រមានទណ្ឌកម្មសេដ្ឋកិច្ច

| |
https://www.vodhotnews.com

លោក ហ៊ុន សែន ជួបជាមួយកម្មករ កម្មការិនីសរុបចំនួន ១៤,៧៩៩នាក់ មកពីរោងចក្រ សហគ្រាសចំនួន៦ ក្នុងខណ្ឌពោធិ៍សែនជ័យ (រូបភាព៖ FN)


លោកនាយករដ្ឋមន្ដ្រី ហ៊ុន សែន អះអាងថា អតីតគណបក្សសង្គ្រោះជាតិអាចនឹងរស់ឡើងវិញបាននៅអាណត្តិក្រោយតែប៉ុណ្ណោះ ខណៈ​លោក សម រង្ស៊ី ជំរុញឲ្យរដ្ឋាភិបាលផ្លាស់ប្ដូរជំហររបស់ខ្លួនជាបន្ទាន់ ដើម្បីកែប្រែស្ថានការណ៍​ និងបញ្ចៀសទណ្ឌកម្មសេដ្ឋកិច្ចពីអឺរ៉ុប។

ក្នុងពិធីជួបសំណេះសំណាលជាមួយសហគមន៍និស្សិតខ្មែរនៅប្រទេសតួកគីនៅថ្ងៃនេះ លោក ហ៊ុន សែន បានបន្ដថ្លែងវាយប្រហារទៅ​លើ​លោក សម រង្ស៊ី​ ដែលកំពុងរស់នៅនិរទេសខ្លួននៅក្រៅប្រទេស។

លោក ហ៊ុន សែន ព្រមានថា អតីតគណបក្សសង្គ្រោះជាតិ នឹងអាចដំណើរការឡើងវិញបាន សម្រាប់ការបោះឆ្នោតនៅអាណត្តិក្រោយតែប៉ុណ្ណោះ។

លោកថ្លែងទៀតថា នឹងគ្មានការបោះឆ្នោតឡើងវិញនោះទេ ដោយថា រដ្ឋាភិបាលរបស់លោកក៏មិនខ្លាចចំពោះការព្រមានដាក់ទណ្ឌកម្មពីសហគមន៍អន្ដរជាតិ ឬការមិនទទួលស្គាល់រដ្ឋាភិបាលថ្មីរបស់កម្ពុជាឡើយ។

លោក ហ៊ុន សែន ថ្លែងថា៖ «កុំសង្ឃឹមថា រស់ឡើងវិញអាតំណាងរាស្ដ្រនេះ រស់ឡើងវិញអាមេឃុំ ជំទប់អីហ្នឹង។ ចាំរស់នៅឆ្នាំ២០២២ទៅ សម្រាប់មេឃុំចូលបោះឆ្នោត ហើយតំណាងរាស្ដ្រចាំរស់នៅឆ្នាំ២០២៣។ កុំសង្ឃឹមទៀត គេគាបលោក ហ៊ុន សែន ដើម្បីចាត់បោះឆ្នោតឡើងវិញ គេធ្វើដល់ប៉ុណ្ណឹងហើយ កុំថា យក្ស ក៏ឃាំងផ្លូវគេមិនបានដែល»

ការថ្លែងរបស់លោក ហ៊ុន សែន នេះ គឺដូចគ្នាទៅសេចក្ដីសម្រេចរបស់តុលាការកំពូល ដែលកាត់ក្ដីរំលាយគណបក្សសង្គ្រោះជាតិ កាលពីខែវិច្ឆិកាឆ្នាំ២០១៧ និងបិទសិទ្ធិអ្នកនយោបាយអតីតបក្ស ១១៨រូប មិនឲ្យធ្វើសកម្មភាពនយោបាយ ៥ឆ្នាំ។

ប៉ុន្ដែ អតីតប្រធានគណបក្សសង្គ្រោះជាតិ លោក សម រង្ស៊ី សរសរលើទំព័រហ្វេសប៊ុករបស់លោកនៅថ្ងៃនេះថា ទង្វើរបស់លោក ហ៊ុន សែន កំពុងជំរុញឲ្យសហភាពអឺរ៉ុបដាក់ទណ្ឌកម្មមកលើកម្ពុជា។

លោក សម រង្ស៊ី ថា ដើម្បីបញ្ចៀសនូវទណ្ឌកម្មពីអឺរ៉ុបនេះ លោក ហ៊ុន សែន ត្រូវដោះលែងលោក កឹម សុខា ជាបន្ទាន់ បើកផ្លូវឲ្យគណបក្សសង្គ្រោះជាតិដំណើរការឡើងវិញ និងរៀបចំការបោះឆ្នោតសាជាថ្មីម្ដងទៀត ដែលចាំបាច់ត្រូវមានការចូលរួមពីគណបក្សសង្គ្រោះជាតិ។

លោក សម រង្ស៊ី សរសរលើទំព័រហ្វេសប៊ុកថា៖ «ដើម្បីជៀសវាងទណ្ឌកម្មនេះ ហើយជៀសវាងផលវិបាកដល់កម្មករ សហភាពអឺរ៉ុបតម្រូវឲ្យ ហ៊ុន សែន ដោះលែងលោក កឹម សុខា ជាបន្ទាន់ បើកផ្លូវឲ្យគណបក្សសង្គ្រោះជាតិដំណើរការឡើងវិញ ហើយរៀបចំការបោះឆ្នោតសាជាថ្មី ដោយមានការចូលរួមពីគណបក្សសង្គ្រោះជាតិ។ បើ ហ៊ុន សែន ស្រលាញ់ និងអាណិតកម្មករមែន គាត់ត្រូវតែធ្វើតាមសំណើរបស់សហភាពអឺរ៉ុបនេះ»។

យោងតាមសុន្ទរកថា ដែលថ្លែងក្នុងសន្និសីទសារព័ត៌មានមួយកាលពីថ្ងៃទី១៩ ខែតុលា នៅទីក្រុងប្រ៊ុចសែល ប្រទេសប៊ែលហ្ស៊ិក អនុប្រធានស្នងការអឺរ៉ុបទទួលបន្ទុកកិច្ចការបរទេស និងគោលនយោបាយ លោកស្រី​ Federica Mogherini អះអាងថា លោកស្រីបានថ្លែងប្រាប់លោក ហ៊ុន សែន ដោយផ្ទាល់អំពីដំណើរការដក«ប្រព័ន្ធអនុគ្រោះពន្ធអ្វីគ្រប់យ៉ាងលើកលែងតែអាវុធ» ពីកម្ពុជា។

លោកស្រីក៏បានសំដែងក្ដីព្រួយបារម្ភផងដែរ ដោយថា រដ្ឋាភិបាលកម្ពុជាមិនទាន់បានដោះស្រាយបញ្ហាដែលក្រុមប្រទេសលោកសេរីលើកឡើងទាក់ទងនឹងបញ្ហាសិទ្ធិមនុស្ស លទ្ធិប្រជាធិបតេយ្យ និងបញ្ហានយោបាយក្នុងប្រទេសនេះ៕

អត្ថបទដែលទាក់ទង


រក្សាសិទ្វិគ្រប់យ៉ាងដោយ CCIM/VOD

គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

2 Responses to "លោក ហ៊ុន សែន និងលោក សម រង្ស៊ី បន្ដខ្វែងគំនិតគ្នា ទោះបីអឺរ៉ុបព្រមានទណ្ឌកម្មសេដ្ឋកិច្ច"

  1. Anonymous says:

    You both are bull-shit’ and shut-up ‘ This fake government need to be punished because Veitcong mafia dictator dissolve opposition without respected Constitution or democracy’ and specially Veitcong mafia dictayor have a lot of crimes killing a lot of khmer 1997 coup’ GOD will punish the criminals soon

  2. so socheath says:

    (send to facebook)
    អ្នកចិញ្ចឹមចិត្តបំផ្លាញការរស់នៅ
    ដោយសុខសាន្តរបស់ប្រជាជនកម្ពុជា គឺជាជនក្បត់ជាតិ
    *******
    ប្រជាជនកម្ពុជា បានប្រាប់រួចហើយថា ប្រជាជនកម្ពុជាអត់អ្នកណា ទៅខ្វល់ខ្វាយ បាយមិននឹក
    ទឹកមិនស្រេក ឬទៅឈឺក្បាល ស្អី អារឿង EBA ស្អីហ្នឹងទេ ។
    បើទោះបីវាមិនដក ក៍កម្ពុជាត្រឹមតែនឹងសុំដកខ្លួនចេញនាពេលខាងមុខនេះដែរហើយ ។
    បើទោះបីវាមិនដក ក៍កម្ពុជាត្រឹមតែនឹងសុំដកខ្លួនចេញនាពេលខាងមុខនេះដែរហើយ ។
    កម្រឹតជីវភាពប្រជាជនកម្ពុជា មានសន្ទុះឈានឡើងរាល់ឆ្នាំ ។ ចំណូលជាមធ្យមក្នុងម្នាក់
    លើសពី ១៣០០ ដុល្លាក្នុងមួយឆ្នាំ ។ ឆ្នាំ២០២០ ប្រជាជនកម្ពុជាតាមការព្យាករណ៍ អាចកើនដល់
    ២០០០ដុល្លារអាមេរិក ដែលជាចំណូលមានកម្រឹតខ្ពស់ ក្នុងចំណោមប្រទេសជាច្រើនក្នុង
    អាសាន ។
    អគុណកន្លងមកសហគមន៍អឺរ៉ុប បានជួយសម្រាលការលំបាកកម្ពុជា ជាមួយប្រព័ន្ធអនុគ្រោះពន្ធ
    EBA នេះ ។
    ប៉ុន្តែការជួយនេះ ប្រជាជនកម្ពុជា ត្រូវការ ទទួលយកការជួយដោយភាពស្មោះត្រង់ មិនត្រូវការការជួយ ដែលគ្មានភាពបរិសុទ្ធ ដែលមាត់អ្នកជួយតែងទន្ទេញជាប់ ក្នុងអ្វីដែល
    និយាយថាជួយដោយភាពមនុស្សធម៍នោះទេ ។
    ទទួលជំនួយដែលប្រកបដោយល្បិចកល មិនខុសអ្វី ពីការសម្លាប់ខ្លួនឯងនោះទេ ។
    កម្ពុជាជាប្រទេសអធិបតេយ្យ ។ ដូច្នេះកម្ពុជាមានអធិបតេយ្យភាពយ៉ាងពេញលេញ ក្នុងការ
    សម្រេចជោគវាសនារបស់ខ្លួនដោយខ្លួនឯង មិនចាំបាច់ឲ្យអ្នកណាមកបង្វិលក្បាល ដឹកនាំ
    នយោបាយជាតិខ្លួននោះទេ ។
    មានតែក្រុមជនក្បត់ជាតិតែប៉ុណ្ណោះ ដែលជានិច្ចកាលចិញ្ចឹមចិត្តលក់អធិបតេយ្យជាតិខ្លួន
    ដោយអោនក្បាលបំរើនយោបាយបរទេស ដើម្បីទទួលយកជំនួយ ដែលមិនគួរទទួលយក
    ហើយដែលវានិងបង្ករនូវគ្រោះមហន្តរាយ ក្នុងការបំផ្លាញជាតិសាសន៍ខ្លួនក្នុងពេលខាងមុខ
    តែប៉ុណ្ណោះ។
    កម្ពុជាមិនមែនជាទីលានសាកល្បងអាវុធ របស់ប្រទេសណាមួយនោះទេ ។
    ប្រជាជនកម្ពុជាដ៍ស្លូតបូត ត្រូវការការរស់នៅប្រកបដោយសន្តិភាព ជាមួយបណ្តារប្រទេសនានា
    ជុំវិញខ្លួននៅលើសកលលោកយើងនេះ ។
    ការចង់ឈ្នះចាញ់ ដោយយកជិវិតប្រជាពលរដ្ឋ យកឈាម ប្រជាពលរដ្ឋក្រាលធ្វើជាដើមទុន របស់ក្រុមជនក្បត់ជាតិអតីតបក្សសង្គ្រោះជាតិ ត្រូវបានប្រជាជនកម្ពុជាឃើញ
    និងស្គាល់ច្បាស់ពីនយោបាយទុច្ចរឹតរបស់ពួកអ្នកអស់ហើយ ។
    គ្រប់ឧបាយកលប៉ងបំផ្លាញជាតិខ្មែរ តាមខ្សែញាក់បរទេស ដែលពួកអ្នកដាក់ខ្លួនធ្វើជាអាយ៉ង
    ប្រជាជនកម្ពុជា មិនអនុញ្ញាតិឲ្យអ្នកសម្រេចបំណងអ្នកទេ ។
    ពួកអ្នកនឹងត្រូវកំទេចចោល ល្គឹកណាពួកអ្នកនៅតែចិញ្ចឹមចិត្តបំផ្លាញការរស់នៅដោយសុខសាន្ត
    របស់ប្រជាជនកម្ពុជា ដែលកំពុងរស់នៅក្នុងសុខសន្តិភាពដែលរកបានដោយការយកជិវិតទៅ
    ប្តូររបស់ថ្នាក់ដឹកនាំជាតិបច្ចុប្បន្ននេះ ៕

Leave a Reply

Submit Comment