សេចក្ដី​ព្រាង​ច្បាប់​ដក ​EBA ពី​កម្ពុជា​នឹង​ត្រូវ​សម្រេច​ចុងក្រោយ​នៅ​ប៉ុន្មាន​សប្ដាហ៍​ខាងមុខ

ដោយ មួង ណារ៉េត
2018-10-21
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

អ្នកស្រី Federica Mogherini នាយិកា​រង​គណៈកម្មការ​អឺរ៉ុប ឬ​តំណាង​ជាន់ខ្ពស់​របស់​សហភាព​អឺរ៉ុប សម្រាប់​កិច្ចការ​ការបរទេស និង​គោលនយោបាយ​សន្តិសុខ និង​ជា​តំណាង​ពិសេស​របស់​សហភាព​អឺរ៉ុប ដើម្បី​សិទ្ធិមនុស្ស។ Photo courtesy of her Facebook
អ្នកស្រី Federica Mogherini នាយិកា​រង​គណៈកម្មការ​អឺរ៉ុប ឬ​តំណាង​ជាន់ខ្ពស់​របស់​សហភាព​អឺរ៉ុប សម្រាប់​កិច្ចការ​ការបរទេស និង​គោលនយោបាយ​សន្តិសុខ និង​ជា​តំណាង​ពិសេស​របស់​សហភាព​អឺរ៉ុប ដើម្បី​សិទ្ធិមនុស្ស។ Photo courtesy of her Facebook


មន្ត្រី​ការទូត​សហភាព​អឺរ៉ុប ប្រាប់​ថា សេចក្ដីព្រាងច្បាប់ ដក​ការ​អនុគ្រោះ​ពន្ធ​ពី​កម្ពុជា (EBA) បាន​ធ្វើ​រួចរាល់​អស់ហើយ នៅឡើយ​ចាំតែ​សម្រេច​ចុងក្រោយ នៅ​ប៉ុន្មាន​សប្ដាហ៍​ខាងមុខ​ទៀត​នេះ​តែ​ប៉ុណ្ណោះ។ ថ្លែងប្រាប់​សារព័ត៌មាន POLITICO ក្នុង​លក្ខខណ្ឌ​មិន​បញ្ចេញ​ឈ្មោះ កាលពី​ថ្ងៃ​ទី​២០ ខែ តុលា មន្ត្រី​ទាំងនោះ បញ្ជាក់​ថា សេចក្ដី​សម្រេច​ដក​ការ​អនុគ្រោះ​ពន្ធ​នេះ មិន​បាច់​មានការ​យល់​ព្រម​បន្ថែម​ទៀត ពី​សមាជិក​របស់​សហភាព​អឺរ៉ុប​នោះ​ឡើយ។

មន្ត្រី​សហភាព​អឺរ៉ុប​ដដែល សង្កត់ធ្ងន់​ថា របប​លោក ហ៊ុន សែន កាន់តែ​ជិត​អស់​ពេល​ហើយ។ មន្ត្រី​ដដែល​បន្ត​ថា “​ផ្លូវ​ដើរ​របស់​យើង​ជាមួយ​កម្ពុជា ឈាន​មកដល់​ចុង​បំផុត​ហើយ ជាពិសេស​ពាក់ព័ន្ធ​នឹង​ការ​ដក​ការ​អនុគ្រោះ​ពន្ធ​នេះ។ យ៉ាង​យូរ ប៉ុន្មាន​សប្ដាហ៍​ខាងមុខ​ទៀត​នេះ នីតិវិធី​ផ្លូវការ​ក្នុង​ការ​ចាប់​ផ្ដើម បញ្ឈប់​ផ្ដល់​ការ​អនុគ្រោះ​ពន្ធ​ដល់​កម្ពុជា នឹង​ចាប់ផ្ដើម​ហើយ​”​។ ប្រភព​ដដែល បន្ថែម​ថា នេះ​មិនមែន​ជា ការ​គំរាម​ចោល​ទទេ ឬ​គ្រាន់តែ​ព្រុស​ឲ្យ​ឮ​ក្ដុងក្ដាំង​នោះ​ទេ។

មន្ត្រី​រូប​នេះ បន្ត​ទៀត​ថា អ្វី​ដែល​សហភាព​អឺរ៉ុប ទាមទារ គឺ​មិនមែន​គ្រាន់តែ​ឲ្យ​ដោះលែង​លោក កឹម សុខា ប្រធាន​គណបក្ស​សង្គ្រោះ​ជាតិ ពី​ការ​ឃុំខ្លួន​ក្នុង​ផ្ទះ​ប៉ុណ្ណោះ​ទេ ប៉ុន្តែ តម្រូវ​ឲ្យ​របប​លោក ហ៊ុន សែន បើក​ឲ្យ​ប្រព័ន្ធ​ផ្សព្វផ្សាយ​ឯករាជ្យ​ដំណើរការ​ឡើងវិញ ជា​រួម​គឺ​ត្រូវ​ស្តារ​សិទ្ធិមនុស្ស និង ប្រជាធិបតេយ្យ​ឡើងវិញ។

អ្នកវិភាគ និង​អ្នកឃ្លាំមើល​សង្គម មើល​ឃើញ​ថា របប​លោក ហ៊ុន សែន ពិបាក​នឹង​បញ្ចុះបញ្ចូល សហគមន៍​អន្តរជាតិ ជាពិសេស​ប្រទេស​សេរី ឲ្យ​គាំទ្រ​របប​លោក​ខ្លាំង​ណាស់។ ដំណើរ​ទៅ​ចូលរួម​ក្នុង​មហាសន្និបាត​អន្តរជាតិ ទាំង​នៅ​សហភាព​អន្តរ​សភា (IPU) នៅ​ទីក្រុង​ហ្សឺណែវ ប្រទេស​ស្វីស និង​នៅ​ជំនួប​កំពូល​អាស៊ី​-​អឺរ៉ុប នៅ​ទីក្រុង​ប្រ៊ុចសែល ប្រទេស​បែលហ្ស៊ិក គណៈប្រតិភូ​របប​លោក ហ៊ុន សែន មិន​ទទួល​បាន​ជោគជ័យ ក្នុង​ការ​បញ្ចុះបញ្ចូល​អន្តរជាតិ ឲ្យ​ទទួលយក​ស្ថានការណ៍​បច្ចុប្បន្ន​នៅ​កម្ពុជា​បាន​នោះ​ឡើយ។

ទោះបីជា​លោក ហ៊ុន សែន និង គណៈប្រតិភូ​នៃ​របប​នេះ បាន​ជួប​មន្ត្រី​សហភាព​អឺរ៉ុប ដើម្បី​ចរចា​កុំ​ឲ្យ​កាត់ផ្ដាច់​ការ​អនុគ្រោះ​ពន្ធ​នេះ ក៏​តំណាង​ជាន់ខ្ពស់​ទទួលបន្ទុក​កិច្ចការ​បរទេស និង​គោល​នយោបាយ​សន្តិសុខ និង​ជា​អនុប្រធាន​ស្នងការ​អឺរ៉ុប អ្នកស្រី ហ្វេដេរីកា ម៉ូហ្គេរីនី (Federica Mogherini) បញ្ជាក់​ថា គ្មាន​លទ្ធផល​អ្វី​ប្រែប្រួល​ជា​វិជ្ជមាន​ពី​ជំនួប​នោះ​ឡើយ។ មិនតែប៉ុណ្ណោះ អ្នកស្រី នៅតែ​ប្រកាន់​ជំហរ​ថា បញ្ហា​ធ្លាក់​ចុះ​ដុនដាប នៃ​លទ្ធិប្រជាធិបតេយ្យ ការរំលោភ​សិទ្ធិមនុស្ស និង​បញ្ហា​នីតិរដ្ឋ​នៅ​កម្ពុជា គឺជា​កត្តា​ដែល​កម្ពុជា​នឹង​បាត់បង់​ការ​អនុគ្រោះ​ពន្ធ​នេះ។

សហភាព​អឺរ៉ុប កាលពីដើម​ខែ​តុលា​នេះ បាន​ជូនដំណឹង​រួចទៅ​ហើយ ទៅ​របប​លោក ហ៊ុន សែន អំពី​ចំណាត់​ការ ឈាន​ទៅ​រក​ការលុបចោល​ប្រព័ន្ធ​អនុគ្រោះ​ពន្ធ​នេះ ដោយសារតែ​ពុំ​មាន​ការ​កែប្រែ​ស្ថានភាព​វិបត្តិ​ប្រជាធិបតេយ្យ និង​ការរំលោភ​សិទ្ធិមនុស្ស​ធ្ងន់ធ្ងរ​នៅ​កម្ពុជា ក្នុង​រយៈកាល​កន្លងមក​នេះ។

លោក សម រង្ស៊ី សហ​ស្ថាបនិក​គណបក្ស​សង្គ្រោះជាតិ និង ជា​ប្រធាន​ចលនា​សង្គ្រោះជាតិ ថា​លោក ហ៊ុន សែន ជា​មេដឹកនាំ​ហិង្សា រំលោភ​សិទ្ធិ​មនុស្ស និង​បំផ្លាញ​ប្រជាធិបតេយ្យ ដែល​កំពុងតែ​នាំ​គ្រោះភ័យ​យ៉ាង​ខ្លាំង ដល់​ជោគវាសនា​ប្រទេសជាតិ​ទាំងមូល ជាពិសេស​កំពុង​នាំ​ទុក្ខ​ដល់​ពលរដ្ឋ​ខ្មែរ​ស្លូតត្រង់ ដូចជា​កម្មករ​រោងចក្រ​កាត់ដេរ។

ថ្លែង​ទៅកាន់​អ្នកគាំទ្រ​គណបក្ស​សង្គ្រោះជាតិ នៅ​ទីក្រុង​ប្រ៊ុចសែល កាលពី​ថ្ងៃទី១៩ ខែ​តុលា លោក សម រង្ស៊ី ថា មានតែ​លោក ហ៊ុន សែន ចុះ​ចេញពី​តំណែង​ទេ ទើប​កម្ពុជា រួច​ផុត​ពី​ទណ្ឌកម្ម​អន្តរជាតិ៖ «លោក ហ៊ុន សែន គាត់​ថា​គាត់​ស្រលាញ់​ប្រជារាស្ត្រ​ខ្មែរ អាណិត​ប្រជារាស្ត្រ​ខ្មែរ គាត់​ចែក​លុយ​កម្មករ​បួនដប់​ដុល្លារ​ជាដើម។ បើ​គាត់​អាណិត​ប្រជារាស្ត្រ​ខ្មែរ ស្រលាញ់​ប្រជារាស្ត្រ​ខ្មែរ ចង់​ជួយ​កម្មករ កុំ​ឲ្យ​កម្មករ​បាត់បង់​ការងារ​ធ្វើ ចង់​ឲ្យ​កម្មករ​បាន​ឡើង​ប្រាក់ខែ ចង់​ឲ្យ​កូន​ខ្មែរ​មាន​ការងារ​ធ្វើ​កាន់តែ​ច្រើន​ឡើង ប្រាក់ខែ​កាន់តែ​ច្រើន​ឡើង​ឲ្យ ហ៊ុន សែន ចុះ​ចេញ​ទៅ»

លោក ហ៊ុន សែន ដែល​ជា​អតីត​កម្មាភិបាល​ខ្មែរក្រហម និង​ល្បី​ថា​ជា​បុរស​ខ្លាំង ខាង​ប្រើ​អំពើ​ហិង្សា​បង្ក្រាប និង​បំបែកបំបាក់​សំឡេង​ប្រឆាំង រង​ការ​ថ្កោលទោស​យ៉ាង​ចាស់ដៃ ពី​សហគមន៍​អន្តរជាតិ រួម​ទាំង​សហរដ្ឋអាមេរិក និង​សហភាព​អឺរ៉ុប ដែល​សុទ្ធ​តែ​ជា​ដៃគូ​ពាណិជ្ជកម្ម ដ៏​ធំ​របស់​កម្ពុជា។ ប្រទេស​ទាំងនេះ ថ្កោលទោស​លោក ហ៊ុន សែន និង​របប​សព្វថ្ងៃ ដោយសារ​ការរំលោភ​សិទ្ធិ​មនុស្ស និង ការបំផ្លាញ​លទ្ធិប្រជាធិបតេយ្យ​ធ្ងន់ធ្ងរ ក្រោយ​ការ​ចាប់​ប្រធាន​គណបក្ស​សង្គ្រោះ​ជាតិ​លោក កឹម សុខា ដាក់​ពន្ធនាគារ រម្លាយ​គណបក្ស​សង្គ្រោះ​ជាតិ ហាមឃាត់​សិទ្ធិ​នយោបាយ​ក្បាលម៉ាស៊ីន​ដឹកនាំ​បក្ស​ប្រឆាំង ១១៨​រូប បណ្ដេញ​អង្គការ​សង្គម​ស៊ីវិល បិទ​ប្រព័ន្ធ​ផ្សព្វផ្សាយ​ឯករាជ្យ និង​បង្ក្រាប​ការ​ជួបជុំ​តវ៉ា​ដោយ​សន្តិវិធី​ជាដើម។

លោក សម រង្ស៊ី ថា​លោក ហ៊ុន សែន មាន​ចរិត​កាច​សាហាវ ដែល​កម្ពុជា និង​ពិភពលោក មិន​ត្រូវ​ការ​នោះ​ទេ៖ «មាន​មនុស្ស​ម្នាក់​ហ្នឹង​នាំ​បញ្ហា​ឲ្យ​យើង​ទាំងអស់​គ្នា។ មនុស្ស​ម្នាក់​ហ្នឹង​នាំ​គ្រោះថ្នាក់​ឲ្យ​យើង​ទាំងអស់​គ្នា​។ មនុស្ស​ហ្នឹង​ជា​មនុស្ស​ចង្រៃ​! ដូច្នេះ​បើ​ចង់​ឲ្យ​ខ្មែរ​បាន​សុខ ចង់​ឲ្យ​ខ្មែរ​សម្បូរ​សប្បាយ​រុងរឿង ដក​មនុស្ស​ចង្រៃ​ហ្នឹង​ចេញទៅ»

ការ​មិន​ពេញចិត្ត​នឹង​ការដឹកនាំ​របស់​លោក ហ៊ុន សែន នេះ​បាន​ឆ្លុះបញ្ចាំង ឲ្យ​ឃើញ​តាមរយៈ​ការ​តវ៉ា​ប្រឆាំង​វត្តមាន​របស់​លោក នៅ​គ្រប់ទិសទី រាល់ពេល​លោក ហ៊ុន សែន ធ្វើដំណើរ​ទៅ​ក្រៅ​ប្រទេស។ កាលពី​ទៅ​ចូលរួម​មហាសន្និបាត​នៅ​អង្គការសហប្រជាជាតិ នៅ​បុរី​ញូវយ៉ក សហរដ្ឋអាមេរិក ពលរដ្ឋ​ខ្មែរ​ជាង​មួយ​ពាន់​នាក់ ធ្វើ​បាតុកម្ម​ប្រឆាំង​លោក ពីរ​ថ្ងៃ​ជាប់ៗ​គ្នា។ ពេល​លោក​ធ្វើដំណើរ​ទៅ​ចូលរួម​ប្រជុំ​នៅ​ទីក្រុង​ប្រ៊ុចសែល កាលពី​ថ្ងៃទី១៩ ខែ​តុលា ក៏​មាន​ពលរដ្ឋ​ខ្មែរ​ជាង ១.០០០ នាក់​ធ្វើបាតុកម្ម​ប្រឆាំង​ទៀត។

អាស៊ីសេរី មិន​ទាន់​អាច​សុំ​ការ​ឆ្លើយ​តប​ពី​មន្ត្រី​នាំ​ពាក្យ​របប​លោក ហ៊ុន សែន បាន​នៅ​ឡើយ​ទេ កាលពី​ថ្ងៃ​ទី២០ ខែ​តុលា។ ប៉ុន្តែ​របប​លោក ហ៊ុន សែន ធ្លាប់​ចេញ​សេចក្ដីថ្លែងការណ៍ ស្រែក​ថា ជា​រឿង​អយុត្តិធម៌​ណាស់ ដែល​សហភាព​អឺរ៉ុប ពិចារណា​ចំណាត់​ការ​បែបនេះ។ ចំណែក​លោក ហ៊ុន សែន នៅតែ​អះអាង​ថា កម្ពុជា​មិន​ស្លាប់​ទេ ទោះ​អត់​ជំនួយ​អនុគ្រោះ​ពន្ធ​ពី​សហភាព​អឺរ៉ុប​ក៏ដោយ។

បើ​តាម​ប៉ាន់ប្រមាណ​របស់​ក្រសួងពាណិជ្ជកម្ម​នៃ​របប​លោក ហ៊ុន សែន នៅ​ពេល​សហភាព​អឺរ៉ុប ផ្ដាច់ការ​អនុគ្រោះ​ពន្ធ នឹង​ប៉ះពាល់ ៤០% ទៅ​នឹង​វិស័យ​នាំចេញ​ទំនិញ​ទៅ​ទីផ្សារ​អន្តរជាតិ​សរុប។ ផល​ប៉ះពាល់​នេះ គិត​ជា​ទឹកប្រាក់​ជិត ៧០០​លាន​ដុល្លារ (៦៧៦) ក្នុង​មួយ​ឆ្នាំ។

កំណើន​សេដ្ឋកិច្ច​ប្រមាណ ៧% ក្នុង​រយៈពេល ២០​ឆ្នាំ​កន្លង​មក​នេះ គឺ​មួយ​ចំណែក​ធំ បាន​មក​ពី​ការ​អនុគ្រោះ​ពន្ធ​ផ្នែក​វាយនភណ្ឌ​នេះឯង។ ដូច្នេះ បើ​បាត់បង់​អត្ថប្រយោជន៍​នេះ ប្រទេសជិតខាង រួម​ទាំង​ប្រទេស​បង់ក្លាដេស និង​លីបេរីយ៉ា ឯណោះ នឹង​ដណ្ដើម​ឱកាស​ពី​កម្ពុជា។

ចំណែក​ឯ​ផលិតផល ដូចជា​អង្ករ​កម្ពុជា ក៏​នឹង​រង​ផល​ប៉ះពាល់​យ៉ាង​ដំណំ​ផង​ដែរ ព្រោះ​រាល់​ឆ្នាំ​កម្ពុជា​នាំ​អង្ករ​ទៅ​ទីផ្សារ​អឺរ៉ុប ប្រមាណ ២០០ លាន​ដុល្លារ (€154)

អ្នកវិភាគ​ថា ការ​អួតអាង​របស់​លោក ហ៊ុន សែន ដែល​ថា​មិន​ឱន​ក្បាល ចំពោះ​សម្ពាធ​អន្តរជាតិ គឺ​គ្រាន់តែ​ជា​សារ​លួង​ចិត្ត​សាធារណជន​ខ្មែរ ឲ្យ​ជឿ​ថា លោក​នៅតែ​ជា​បុរស​ខ្លាំង។ តែ​តាម​ការពិត លោក ហ៊ុន សែន ចៀស​មិន​ផុត ពី​លួច​ចរចា​ស្ងាត់ៗ ជាមួយ​បរទេស​ជាក់​ជាមិនខាន៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

4 Responses to "សេចក្ដី​ព្រាង​ច្បាប់​ដក ​EBA ពី​កម្ពុជា​នឹង​ត្រូវ​សម្រេច​ចុងក្រោយ​នៅ​ប៉ុន្មាន​សប្ដាហ៍​ខាងមុខ"

  1. roumrithrain says:

    we can not hear the ouaha ouaha fans club psychopath hun sen
    the latter said why EU BURMA has suffered the same boycott from the EU
      reminder to this illiterate psychopath hun sen Burma has stopped the creation of another state Islamism on its territory and I support Burma Burma is rich in the subsoil especially fossils and minerals
    When one is Buddhism and Democrat the free Khmer and Buddhism have only Meta goodwill
    karuna compassion
    medita sympathetic
    uppekkha equanimity
    for this psychopath his clans we consider who are AVIIYA and PETA of this real world
    please all of them ANUMODANA and radically change their thought design it’s never too late
    That these clans deliver their leader this psychopath to THE INTERNATIONAL COURT OF JUSTICE

  2. Anonymous says:

    So happy to EUROPE punish this fake government leaded by former veitcong killer

  3. so socheath says:

    ប្រជាជនកម្ពុជា បានប្រាប់រួចហើយថា ប្រជាជនកម្ពុជាអត់អ្នកណា ទៅខ្វល់ខ្វាយ បាយមិននឹក
    ទឹកមិនស្រេក ឬទៅឈឺក្បាល ស្អី អារឿង EBA ស្អីហ្នឹងទេ ។
    បើទោះបីវាមិនដក ក៍កម្ពុជាត្រឹមតែនឹងសុំដកខ្លួនចេញនាពេលខាងមុខនេះដែរហើយ ។
    កម្រឹតជីវភាពប្រជាជនកម្ពុជា មានសន្ទុះឈានឡើងរាល់ឆ្នាំ ។ ចំណូលជាមធ្យមក្នុងម្នាក់
    លើសពី ១៣០០ ដុល្លាក្នុងមួយឆ្នាំ ។ ឆ្នាំ២០២០ ប្រជាជនកម្ពុជាតាមការព្យាករណ៍ អាចកើនដល់
    ២០០០ដុល្លារអាមេរិក ដែលជាចំណូលមានកម្រឹតខ្ពស់ ក្នុងចំណោមប្រទេសជាច្រើនក្នុង
    អាសាន ។ ​
    អគុណកន្លងមកសហគមន៍អឺរ៉ុប បានជួយសម្រាលការលំបាកកម្ពុជា ជាមួយប្រព័ន្ធអនុគ្រោះពន្ធ
    EBA នេះ ។
    ប៉ុន្តែការជួយនេះ ប្រជាជនកម្ពុជា ត្រូវការទទួលយកការជួយដោយភាពស្មោះត្រង់ មិនត្រូវការការជួយ ដែលគ្មានភាពបរិសុទ្ធ ដែលមាត់អ្នកជួយតែងទន្ទេញ​ជាប់ ក្នុងអ្វីដែល
    និយាយថាជួយដោយភាពមនុស្សធម៍នោះទេ ។
    ទទួលជំនួយដែលប្រកបដោយល្បិចកល មិនខុសអី ពីការសម្លាប់ខ្លួនឯងនោះទេ ។
    កម្ពុជាជាប្រទេសអធិបតេយ្យ ។ ដូច្នេះកម្ពុជាមានអធិបតេយ្យភាពយ៉ាងពេញលេញ ក្នុងការ
    សម្រេចជោគវាសនារបស់ខ្លួនដោយខ្លួនឯង មិនចាំបាច់ឲ្យអ្នកណាមកបង្វិលក្បាល ដឹកនាំ
    នយោបាយជាតិខ្លួននោះទេ ។
    មានតែក្រុមជនក្បត់ជាតិតែប៉ុណ្ណោះ ដែលជានិច្ចកាលចិញ្ចឹមចិត្តលក់អធិបតេយ្យជាតិខ្លួន
    ដោយអោនក្បាលបំរើនយោបាយបរទេស​ ដើម្បីទទួលយកជំនួយ​ ដែលមិនគួរទទួលយក
    ​ហើយដែលវានិងបង្ករនូវគ្រោះមហន្តរាយ ក្នុងការបំផ្លាញជាតិសាសន៍ខ្លួនក្នុងពេលខាងមុខ
    តែប៉ុណ្ណោះ។
    កម្ពុជាមិនមែនជាទីលានសាកល្បងអាវុធ របស់ប្រទេសណាមួយនោះទេ ។
    ប្រជាជនកម្ពុជាដ៍ស្លូតបូត ត្រូវការការរស់នៅប្រកបដោយសន្តិភាព ជាមួយបណ្តារប្រទេសនានា
    ជុំវិញខ្លួននៅលើសកលលោកយើងនេះ ។
    ការចង់ឈ្នះចាញ់ ដោយយកជិវិតប្រជាពលរដ្ឋ យកឈាម ប្រជាពលរដ្ឋក្រាលធ្វើជាដើមទុន របស់ក្រុមជនក្បត់ជាតិអតីតបក្សសង្គ្រោះជាតិ ត្រូវបានប្រជាជនកម្ពុជាឃើញ
    និងស្គាល់ច្បាស់ពីនយោបាយទុច្ចរឹតរបស់ពួកអ្នកអស់ហើយ ។
    គ្រប់ឧបាយកលប៉ងបំផ្លាញជាតិខ្មែរ​ តាមខ្សែញាក់បរទេស ដែលពួកអ្នកដាក់ខ្លួនធ្វើជាអាយ៉ង
    ប្រជាជនកម្ពុជា មិនអនុញ្ញាតិឲ្យអ្នកសម្រេចបំណងអ្នកទេ ។
    ពួកអ្នកនឹងត្រូវកំទេចចោល ល្គឹកណាពួកអ្នកនៅតែចិញ្ចឹមចិត្តបំផ្លាញការរស់នៅដោយសុខសាន្ត
    របស់ប្រជាជនកម្ពុជា ដែលកំពុងរស់នៅក្នុងសុខសន្តិភាពដែលរកបានដោយការយកជិវិតទៅ
    ប្តូររបស់ថ្នាក់ដឹកនាំជាតិបច្ចុប្បន្ននេះ ។

  4. roumrith says:

    dear sir so socheath
    I am addressing you this link if you really are a patriot you will have to read, but if you are a true fake Khmer, I mean a real Vietnamese true so I congratulate you by Vietnamese intelligence But I just want to restore the historical TRUTH Lon LOl and Sirimatak are NOT FELONS like Sihanouk and Hun Sen of true psychopaths
    Good reading and click on this link which confirms the historical truth of the milleniares
    http://www.ideology.news/2017/10/file.html#.W82gZJFDYqU.facebook

Leave a Reply

Submit Comment