របាយការណ៍ WEF​៖ កម្ពុជា​នៅតែមានអំពើពុករលួយធ្ងន់ធ្ងរនៅក្នុងស្ថាប័នរដ្ឋ

| |
https://www.vodhotnews.com

ស្ថានភាពចរាចររបស់ពលរដ្ឋ នៅតាមបណ្ដោយផ្លូវមុខទីស្ដីការគណរដ្ឋមន្ត្រី ក្រុងភ្នំពេញ។ (រូបភាព៖ ជន ចាន់រ៉ែន)


របាយការណ៍អង្គការអន្ដរជាតិមួយបានចាត់ថ្នាក់កម្ពុជាជាប្រទេសស្ថិតក្នុងចំណោមប្រទេសចំនួន៣២ លើពិភពលោក ដែលមានការប្រព្រឹត្តអំពើពុករលួយធ្ងន់ធ្ងរនៅក្នុងស្ថាប័នរដ្ឋ។

ក្នុងរបាយការណ៍ស្ដីអំពី «សន្ទស្សន៍នៃការប្រកួតប្រជែងពិភពលោកឆ្នាំ២០១៨»ចេញផ្សាយកាលពីសប្ដាហ៍មុននោះ អង្គការវេទិកាសេដ្ឋកិច្ចពិភពលោក (World Economic Forum) បានផ្ដល់ពិន្ទុ២១ លើ១០០ ដល់កម្ពុជា ទាក់​នឹង​អំពើពុករលួយក្នុងស្ថាប័នរដ្ឋ ពោលគឺកម្ពុជាស្ថិតនៅចំណាត់ថ្នាក់ ១៣៤ ក្នុងចំណោមប្រទេស ១៤០លើពិភពលោក។ របាយការណ៍នេះ បង្ហាញ​ថា​កម្ពុជាជាប្រទេសពុករលួយបំផុត ក្នុងចំណោមប្រទេសចំនួន ៣២ ពោលគឺកម្ពុជាមានអំពើពុករលួយប្រហាក់ប្រហែលគ្នានឹងប្រទេសតាជីគីស្ថាន និងសាធារណរដ្ឋប្រជាធិបតេយ្យកុងហ្គោ​ ប៉ុន្ដែ ល្អជាងប្រទេស៤ គឺសាធារណរដ្ឋឆាត អង់ហ្គោឡា យេម៉ែន និងវេណេហ្ស៊ុយអេឡា។

ការវាយតម្លៃរបស់អង្គការវេទិកាសេដ្ឋកិច្ចពិភពលោក ផ្ដោតលើសសរស្ដម្ភចំនួន១២ ដូចជាស្ថាប័នរដ្ឋ ហេដ្ឋារចនាសម្ព័ន្ធ ផ្នែកបច្ចេកវិទ្យាទំនាក់ទំនង និងព័ត៌មាន ស្ថិរភាពម៉ាក្រូសេដ្ឋកិច្ចហិរញ្ញវត្ថុ សុខភាព ជំនាញ ទីផ្សារផលិតផល ទីផ្សារការងារ ប្រព័ន្ធហិរញ្ញវត្ថុ ទំហំទីផ្សារ និងសមត្ថភាពច្នៃប្រឌិតជាដើម។

អង្គការវេទិកាសេដ្ឋកិច្ចពិភពលោកលើកឡើងក្នុងរបាយការណ៍ថា ប្រទេសអស់ទាំងនេះមានប្រព័ន្ធរដ្ឋាភិបាល និងប្រព័ន្ធទន់ខ្សោយ ខណៈស្ថានភាពក្រីក្រនៅមានកម្រិតខ្ពស់នៅឡើយ។

ប្រធានអង្គភាពប្រឆាំងអំពើពុលរលួយ លោក ឱម យ៉ិនទៀង បានបដិសេធមិនផ្ដល់បទសម្ភាសន៍ជាមួយវីអូឌីនោះទេ។ ចំណែក អនុប្រធានអង្គភាពប្រឆាំងអំពើពុក​រលួយ លោក ឃាង សេង ប្រាប់ថា លោកមិនអាចឆ្លើយនឹងសំណួរនេះបានទេ ដោយសារគ្មានព័ត៌មាននៅក្នុងដៃ។

អ្នកនាំពាក្យគណបក្សប្រជាជនកម្ពុជា លោក ឈឹម ផលវរុណ ទាត់ចោលរបាយការណ៍អន្ដរជាតិមួយនេះ ដោយថា មិនត្រឹមត្រូវ និងមិនឆ្លុះបញ្ចាំងការពិត។

លោកបន្ដថា៖ «កម្ពុជាធ្វើការងារដើម្បីអភិវឌ្ឍប្រទេសជាតិរបស់ខ្លួនក្នុងការកសាងប្រទេសឈរលើគោលការណ៍ស្អាតស្អំ មានវិធានការលើកស្ទួយអភិបាលកិច្ចល្អ ខំពង្រឹងនូវគោលការណ៍នីតិរដ្ឋ រួមទាំងសេវាជូនប្រជាពលរដ្ឋ និងលុបបំបាត់ជាជំហានៗ និងកាត់បន្ថយអំពើពុករលួយហ្នឹងឯង ដែលជាយន្ដការស្រាប់»។

បើតាមរបាយការណ៍អង្គការវេទិកាសេដ្ឋកិច្ចពិភពលោក កាលពីឆ្នាំ២០១៧ កម្រិតប្រកួតប្រជែងរបស់កម្ពុជាស្ថិតនៅចំណាត់ថ្នាក់ទី៩៤ ក្នុងចំណោមប្រទេស ១៣៧លើពិភពលោក។ ហើយកម្ពុជាទទួលបានចំណាត់ថ្នាក់ទី១១៣ ក្នុងចំណោមប្រទេស ១៣៧ ដែលមានបញ្ហាអំពើពុករលួយ៕

អត្ថបទទាក់ទង


រក្សាសិទ្វិគ្រប់យ៉ាងដោយ CCIM/VOD

គ្មានផ្នែកណាមួយនៃអត្ថបទនេះ អាចត្រូវបានផលិតឡើងវិញក្នុងការបោះពុម្ពផ្សាយ ការសរសេរឡើងវិញ ឬ ការចែកចាយឡើងវិញដោយគ្មានការអនុញ្ញាតជាលាយលក្ខណ៍អក្សរឡើយ។

What Next?

Recent Articles

3 Responses to "របាយការណ៍ WEF​៖ កម្ពុជា​នៅតែមានអំពើពុករលួយធ្ងន់ធ្ងរនៅក្នុងស្ថាប័នរដ្ឋ"

  1. Anonymous says:

    The world and cambodian people knew for so long that this government leaded by veitcong mafia dictator and his groups are the worse corruption from the top to bottom ‘ if you want to know more ask so socheat’

  2. Anonymous says:

    speaking as a Cambodian born I would like to ask all Cambodian some question?????????? No 1 who was our nation’s traitor in our history ???? No 2 what do we see about overall situation in Cambodia right now????No 3 are we going to keep quiet and let HUN SEN doing whatever he want??????? please answer this question it is very importance to all Cambodian to express our concern toward our nation’s survival this century. I can see clearly that Cambodia and it’s nation is in COMA right now just waiting for the last minute. please do not cry when it is over . when the time come even if we cry till our tear become sea waters it will not help any thing at all. wakeup Cambodian this is the last minute that our nation can come back to life if we together come as one and take HUN SEN out of powers. GOD bless Cambodia

  3. Dara Chan says:

    Denying or rejecting the right accusation is not the way to solve the problems. Don’t pretend to be a bind person.

Leave a Reply

Submit Comment