នយោបាយ
|
https://www.vodhotnews.com
អ្នកការទូតអាមេរិក បានជំរុញជាថ្មីទៀតឲ្យរដ្ឋាភិបាលកម្ពុជាធានាការផ្សះផ្សាជាតិ និងបើកលំហរនយោបាយឡើងវិញ ខណៈអតីតគណបក្សប្រឆាំងធំមួយនៅតែត្រូវបានគេផាត់ចេញពីឆាកនយោបាយ និងការបន្ដខ្វែងគំនិតគ្នារវាងមេដឹកនាំខ្មែរ។
គេហទំព័រហ្វេសប៊ុកផ្លូវការរបស់ស្ថានទូតអាមេរិកប្រចាំនៅកម្ពុជា បានចុះផ្សាយថា ក្នុងជំនួបមួយកាលពីថ្ងៃម្សិលមិញ ឯកអគ្គរដ្ឋទូតអាមេរិកប្រចាំកម្ពុជាដែលទើបជិតចប់អាណត្តិ លោក William Heidt បានជួបពិភាក្សាជាមួយរដ្ឋមន្ដ្រីក្រសួងមហាផ្ទៃ លោក ស ខេង ដោយភាគីទាំងពីរបានពិភាក្សាលើបញ្ហាមួយចំនួន រួមទាំងបញ្ហានយោបាយនៅកម្ពុជាផងដែរ។
បើតាមទំព័រហ្វេសប៊ុករបស់ស្ថានទូតអាមេរិកប្រចាំកម្ពុជា ក្នុងជំនួបកាលពីម្សិលមិញនោះ លោក William Heidt បានស្នើទៅរដ្ឋាភិបាលរបស់លោកនាយករដ្ឋមន្ដ្រី ហ៊ុន សែន ឲ្យអនុវត្តនូវវិធានការបន្ថែមទៀត ដើម្បីជំរុញការផ្សះផ្សាជាតិ និងបើកលំហរនយោបាយនៅកម្ពុជាឡើងវិញ។
ហ្វេសប៊ុករបស់ស្ថានទូតអាមេរិកប្រចាំនៅកម្ពុជាចុះផ្សាយថា៖ «នៅក្នុងបរិបទនេះ លោកឯកអគ្គរដ្ឋទូតបានសុំអោយរដ្ឋាភិបាលអនុវត្តនូវវិធានការបន្ថែមទៀត នៅក្នុងការជំរុញការផ្សះផ្សាជាតិ និងបើកឡើងវិញនូវលំហនយោបាយ»។
អ្នកនាំពាក្យស្ថានទូតអាមេរិកប្រចាំកម្ពុជា លោក Arend Zwartjes បានឲ្យដឹងថា លោក William Heidt ពិតជាបានជំរុញដូច្នេះមែន នៅក្នុងជំនួបជាមួយលោក ស ខេង នោះ ប៉ុន្ដែ លោកសុំមិនធ្វើអត្ថាធិប្បាយបន្ថែមពាក់ព័ន្ធនឹងកិច្ចសន្ទនារបស់អ្នកទាំងពីរនោះទេ។
វីអូឌីពុំអាចស្វែងរកការបកស្រាយពីខាងអ្នកនាំពាក្យក្រសួងមហាផ្ទៃ លោក ខៀវ សុភ័គ បានឡើយ ដោយលោកបានចុចផ្ដាច់នៅពេលទូរសព្ទចូលជាច្រើនដងនៅថ្ងៃនេះ។
អ្នកនាំពាក្យគណបក្សប្រជាជនកម្ពុជា លោក ឈឹម ផលវរុណ មានប្រសាសន៍យ៉ាងខ្លីថា សហរដ្ឋអាមេរិកមិនអាចបញ្ជាកម្ពុជាបានឡើយ ជុំវិញបញ្ហាផ្សះផ្សាជាតិនេះ។
លោកបន្ដថា៖ «សហរដ្ឋអាមេរិក ជាពិសេសឯកអគ្គរដ្ឋទូតអាមេរិកដែលជិតចប់អាណត្តិ គួរទៅប្រាប់លោក ដូណាល់ ត្រាំ វិញអំពីការផ្សះផ្សាជាតិរបស់ប្រជាជាតិអាមេរិក។ រឿងកម្ពុជា កម្ពុជាស្គាល់អំពីការផ្សះផ្សាជាតិច្បាស់ណាស់»។
វិវាទនយោបាយកម្ពុជា នៅតែគ្មានដំណោះស្រាយដដែល ចាប់តាំងពីគណបក្សសង្គ្រោះជាតិ ត្រូវបានរំលាយចោលកាលពីឆ្នាំមុន ហើយមេដឹកនាំបក្សប្រឆាំងមួយនេះ គឺលោក កឹម សុខា នៅតែស្ថិតនៅក្រោមការឃុំខ្លួននៅឡើយ។
ប្រធានក្រុមអ្នកវិភាគនយោបាយវ័យក្មេង កញ្ញា លី ស្រីស្រស់ បានជំរុញទៅអ្នកនយោបាយកម្ពុជា ឲ្យងាកទៅរកតុចរចា និងការផ្សះផ្សាជាតិ ដើម្បីបញ្ចៀសទណ្ឌកម្មផ្នែកកាទូត និងសេដ្ឋកិច្ចមកលើប្រទេសកម្ពុជា។
កញ្ញាបន្ដថា៖ «កូនសោរសំខាន់ជាងគេ គឺស្ថិតនៅលើរដ្ឋាភិបាលមានតួនាទីខ្លាំងក្នុងការដោះស្រាយហ្នឹង […] តិច ឬច្រើន គឺកម្ពុជានឹងត្រូវប៉ះពាល់ទាំងផ្នែកការទូត និងផ្នែកសេដ្ឋកិច្ច ដូចជាការប្រកាសជាសាធារណៈចំពោះជំហររបស់ EU ពាក់ព័ន្ធនឹងប្រព័ន្ធអនុគ្រោះ EBA អញ្ចឹងទៅ»។
សហគមន៍អន្ដរជាតិនាំមុខដោយសហរដ្ឋអាមេរិក សហភាពអឺរ៉ុប និងអង្គការសហប្រជាជាតិ បានថ្កោលចំពោះចំណាត់ការរបស់រដ្ឋាភិបាលជុំវិញការធ្លាក់ចុះនៃបញ្ហាសិទ្ធិមនុស្ស និងលទ្ធិប្រជាធិបតេយ្យក្នុងប្រទេសនេះ។
កាលពីខែដើមខែតុលា ឆ្នាំ២០១៨ សហគមន៍អឺរ៉ុបបានជូនដំណឹងដល់រដ្ឋាភិបាលអំពីការចាប់ផ្ដើមដំណើរការដកប្រព័ន្ធអនុគ្រោះ EBA ពីកម្ពុជា និងជំរុញឲ្យរដ្ឋាភិបាលកែលម្អបញ្ហាសិទ្ធិមនុស្សរបស់ខ្លួនដើម្បីបន្ដទទួលបានប្រព័ន្ធអនុគ្រោះពន្ធនេះ៕
I knew Mr William Heidt he have relation whit Cambodia at lease he wanted Cambodia as a peaceful nation. I do not think he what to see any bad situation in Cambodia like in the past. any request and suggestion was in fever of Cambodian even those he work for US government. I’m felling sad about our nation by having influence from communist our poor nation keep US as our enemy . I knew that is not going to work without the US the whole world can be massy that you can not imagine . even right now CHINA want to have the whole ocean in south CHINA my question is which country can fighting and mad CHINA scar and stop their intention. as our old said being in the rich owner we will also having enough food to eat. if we going along whit the poor master we even have no born to bit. please think about this do not just dump like HUN SEN the jungle educated animal. GOD bless KAPOUCHEA