វប្បធម៌
|
https://www.vodhotnews.com
អ្នកលេងចាប៉ីដងវែងដែលមានគោរមងារថា ព្រឹទ្ធាចារ្យសិល្បៈភិរម្យវោហារ ប្រាជ្ញ ឈួន បានទទួលមរណភាពដោយរោគាពាធក្នុងជន្មាយុ៨២ឆ្នាំ។ នេះបើតាមហ្វេស៊្បុគវត្តបទុមវតីរាជវរារាម។
ហ្វេសប៊ុកវត្តបទុមវតីរាជវរារាមបានឲ្យដឹងនៅថ្ងៃនេះថា លោក ប្រាជ្ញ ឈួន បានទទួលមរណភាពនៅម៉ោង១និង៣០នាទីរំលងអធ្រាត្រ ឈានចូលថ្ងៃទី១៧ ខែវិច្ឆិកា ឆ្នាំ២០១៨នេះ ដោយជំងឺនៅមន្ទីរពេទ្យកាល់ម៉ែតក្នុងអាយុ៨២ឆ្នាំ។
ដោយឡែក បើតាមសេចក្តីជូនដំណឹងរបស់អគ្គនាយកដ្ឋានវិទ្យុជាតិកម្ពុជា សិល្បករចាប៉ីដងវែងរូបនេះក៏ធ្លាប់បានបម្រើការងារនៅនាយកដ្ឋានផលិតកម្មវិទ្យុនៃស្ថាប័ននេះ តាំងពីឆ្នាំ១៩៧៩រហូតដល់ឆ្នាំ២០០២។
លោក ប្រាជ្ញ ឈួន មានស្រុកកំណើតនៅភូមិត្រពាំងកក់ ឃុំខ្វាវ ស្រុកទ្រាំង ខេត្តតាកែវ។ នៅថ្ងៃនេះដែរ សពរបស់ព្រឹទ្ធាចារ្យសិល្បៈភិរម្យវោហារ ប្រាជ្ញ ឈួន កំពុងរៀបចំពិធីបុណ្យនៅវត្តវត្តបទុមវតី រាជធានីភ្នំពេញ។