“របប​ភ្នំពេញ​ត្រូវ​ដោះលែង​លោក កឹម សុខា និង​ទម្លាក់​បទ​ចោទ​បុគ្គលិក​អាស៊ីសេរី​ដើម្បី​បង្ហាញ​ពី​ការ​លើក​ស្ទួយ​ប្រជាធិបតេយ្យ​ពិត​ប្រាកដ”

ដោយ ទីន ហ្សាការីយ៉ា
2018-12-05
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក កឹម សុខា (ដើរ​មុខ) ប្រធាន​​គណបក្ស​សង្គ្រោះជាតិ នា​ស្នាក់​ការ​កណ្ដាល​គណបក្ស​សង្គ្រោះជាតិ បន្ទាប់​ពី​ប្រជុំ​ផ្ទៃ​ក្នុង​គណបក្ស កាល​ពី​​ថ្ងៃ​ទី​៣ ខែ​មីនា ឆ្នាំ​២០១៦។ Photo: RFA
លោក កឹម សុខា (ដើរ​មុខ) ប្រធាន​​គណបក្ស​សង្គ្រោះជាតិ នា​ស្នាក់​ការ​កណ្ដាល​គណបក្ស​សង្គ្រោះជាតិ បន្ទាប់​ពី​ប្រជុំ​ផ្ទៃ​ក្នុង​គណបក្ស កាល​ពី​​ថ្ងៃ​ទី​៣ ខែ​មីនា ឆ្នាំ​២០១៦។ Photo: RFA


ពលរដ្ឋ​និង​ក្រុម​អ្នកវិភាគ ទាមទារ​ឲ្យ​របប​លោក ហ៊ុន សែន ដោះលែង​លោក កឹម សុខា បើក​ឲ្យ​គណបក្ស​សង្រ្គោះជាតិ​ដំណើរការ​ឡើង​វិញ និង​លើកលែង​ការ​ចោទ​ប្រកាន់​លើ​អតីត​អ្នក​យក​ព័ត៌មាន​អាស៊ីសេរី​ពីររូប​ទៀត ដើម្បី​បង្ហាញ​ថា របប​ក្រុង​ភ្នំពេញ​ពិត​ជា​មាន​ឆន្ទៈ​ប្រាកដ ក្នុង​ការ​លើកស្ទួយ​ប្រជាធិបតេយ្យ និង​សេរីភាព​សារព័ត៌មាន​មែន។

ក្រុម​អ្នកវិភាគ និង​ពលរដ្ឋ​លើក​ឡើង​ថា របប​លោក ហ៊ុន សែន មិន​ទាន់​មាន​ជំនឿ​ទៅ​លើ​របប​ក្រុងភ្នំពេញ ដែល​អះអាង​ពី​ការ​ប្ដេជ្ញាចិត្ត បើក​ចំហ​លទ្ធិ​ប្រជាធិបតេយ្យ និង​ផ្ដល់​សិទ្ធិ​សេរីភាព​សារព័ត៌មាន​ឯករាជ្យ​នៅ​កម្ពុជា​ឡើង​វិញ​នោះ​ទេ។

អ្នក​វិភាគ​នយោបាយ លោក គឹម សុខ មាន​ប្រសាសន៍​នៅ​ក្នុង​នាទី​វេទិកា​អ្នក​ស្ដាប់​អាស៊ីសេរី កាល​ពី​រាត្រី​ថ្ងៃ​អង្គារទី ៤ធ្នូ ថា បើ​សិន​ជា​របប​លោក ហ៊ុន សែន ពិត​ជា​ចង់​ស្ដារ​លទ្ធិប្រជាធិបតេយ្យ ផ្ដល់​សិទ្ធិ​សេរីភាព​ដល់​អង្គការ​សង្គម​ស៊ីវិល ប្រព័ន្ធ​ផ្សព្វផ្សាយ​ឯករាជ្យ ផ្ដល់​សិទ្ធិសេរីភាព​ជូន​មន្រ្តី​បក្ស​ប្រឆាំង​ទំាង ១១៨រួប ឲ្យ​ធ្វើ​នយោបាយ និង​ត្រូវ​បើក​ឲ្យ​មាន​ការ​បោះឆ្នោត​ពាក់​កណ្ដាល​អាណត្តិ​ឡើង​វិញ​ជាដើម។ ក៏​ប៉ុន្តែ​មក​ទល់​ពេល​នេះ លោក គឹម សុខ ពន្យល់​ថា របប​ក្រុង​ភ្នំពេញ​បានត្រឹម តែ​ចេញ​សេចក្ដីថ្លែងការណ៍ និង​ការ​អះអាង​ទេ តែ​ជាក់ស្ដែង​របប​នេះ បង្ហាញ​ជំហរ​លើ​ការ​ដោះស្រាយ​បញ្ហា​ទាំងអស់​នេះ​នៅ​ឡើយ​ទេ។ «»

ក្រសួង​ការបរទេស និង​រដ្ឋសភា​ឯកបក្ស​បាន​ចេញ​សេចក្ដី​ជូន​ដំណឹង​ថា តំណាងរាស្រ្ត​ឯកបក្សចំនួន ៨៧រូប កាលពីថ្ងៃទី៣ ខែ​ធ្នូ បាន​ធ្វើ​សេចក្ដី​ស្នើ​ច្បាប់​ស្ដីពី​វិសោធនកម្ម មាត្រា៤៥ថ្មី (ស្ទួន) នៃ​ច្បាប់​ស្ដីពី​គណបក្សនយោបាយ ដែល​ចែង​បន្ថែម​វាក្យ ខណ្ឌ​មួយ​ថ្មី​នៅ​ក្នុង​មាត្រា៤៥ថ្មី ស្ទួន​មួយ ដែល​អាច​បង្កើត​គណបក្ស​នយោបាយ ឬ​ចូលរួម​ក្នុង​គណបក្ស​ណាមួយ ឬ​ឈរ​ឈ្មោះ​ឲ្យ​គេ​បោះឆ្នោត ឬ​ធ្វើ​សកម្មភាព​ណាមួយ​គាំទ្រ ឬ​ប្រឆាំង​គណបក្ស​ណាមួយ​បាន​ឡើយ។ បុគ្គល​ដែល​បាន​តុលាការ សម្រេច​ហាម​ឃាត់​ការ​ធ្វើ​សកម្មភាព​នយោបាយ​នេះ នឹង​អាច​ទទួល​បាន​វិញ​នូវ​សិទ្ធិ​ធ្វើ​នយោបាយ​ពេញលេញ​ដោយ​ពេញ​ច្បាប់ បន្ទាប់​ពី​ផុត​រយៈពេល​នៃ​ការ​ហាមឃាត់ ដែល​កំណត់​ដោយ​សាលដីកា​របស់​តុលាការ​កំពូល ឬ​ក្នុង​ករណី​ដែល​បុគ្គល​នោះ ត្រូវ​បាន​ផ្ដល់​នីតិសម្បទា​ឡើងវិញ​ដោយ​ព្រះមហាក្សត្រ តាម​សំណើ​របស់​នាយករដ្ឋមន្រ្តី។

អ្នកនាំពាក្យ​គណបក្ស​ប្រជាជនកម្ពុជា លោក សុខ ឥសាន បាន​សរសេរ​នៅ​ក្នុង​ប្រព័ន្ធ​តេឡេហ្រ្គាម កាលពីថ្ងៃទី៤ ធ្នូ ថា របប​ក្រុង​ភ្នំពេញ​ចង់​ដោះស្រាយ​រាល់​បញ្ហា​នានា ដែល​បាន​កើត​ឡើង​នៅ​ក្នុង​សង្គម​កម្ពុជា ដើម្បី​ពង្រឹង​លទ្ធិប្រជាធិបតេយ្យ នីតិរដ្ឋ និង​អនុវត្ត​នយោបាយ​បង្រួបបង្រួម​ជាតិ។

លោក សុខ ឥសាន សម្ដែង​ការ​សោកស្ដាយ ដែល​ជន​មួយ​ចំនួន​មិន​មើល​ឃើញ​ពី​បំណង​ល្អ​របស់​របប​លោក ហើយ​ថា ការ​លើកឡើង​របស់​របប​ក្រុង​ភ្នំពេញ​អំពី ការ​ពង្រឹង​លទ្ធិប្រជាធិបតេយ្យ មកពី គំនាប​ពី​ការ​ផ្ដាច់​ប្រព័ន្ធ​អនុគ្រោះ​ពន្ធEBA ចេញ​ពី​កម្ពុជា របប​ក្រុង​ភ្នំពេញ​មិន​មានឆន្ទៈពិត​ប្រាកដ ហើយ​ថា ការ​កែប្រែ​ឥរិយាបថ​នេះ ជា​ការ​ពន្យារ​ពេល​ទៅវិញ។

ទោះបីជា​យ៉ាង​នេះ​ក្ដី ពលរដ្ឋ​មក​ពី​ខែត្រ​ត្បូងឃ្មុំ លោក ណា រិន មក​ពី​ខែត្រ​ក្រចេះ អះអាង​ថា របប​លោក ហ៊ុន សែន បាន​រំលាយ​គណបក្ស​សង្រ្គោះជាតិ និង​ចាប់​លោក កឹម សុខា ដាក់​ពន្ធនាគារ និង​ឃុំ​ខ្លួន​ក្នុងផ្ទះ ចោទ​ពី​បទ​ក្បត់ជាតិ​នោះ គឺ​មិន​ត្រឹមត្រូវ​ឡើយ។ ផ្ទុយ​ទៅ​វិញ​គឺ​មន្ត្រី​នៅ​ក្នុង​របប​លោក ហ៊ុន សែន ទៅវិញ​ទេ ដែល​ក្បត់​ជាតិ​នោះ។ «»

អ្នក​ជំនាញ​វិទ្យាសាស្ត្រ​នយោបាយ លោក ឯម សុវណ្ណរ៉ា មាន​ប្រសាសន៍​ថា ការ​បើក​លំហរ​ប្រជាធិបតេយ្យ និង​ការ​បង្រួបបង្រួម​ជាតិ ពិត​ប្រាកដ​នៅ​ឡើយ​ទេ ពី​ព្រោះ​ថា បើ​សិន​ជា​របប​ក្រុង​ភ្នំពេញ​ចង់​លើក​មុខមាត់​កម្ពុជា​នៅ​លើ​ឆាក​អន្តរជាតិ និង​រួចផុត​ពី​គំនាប​សហគមន៍​អន្តរជាតិ​នោះ របប​លោក ហ៊ុន សែន ត្រូវ​បង្ហាញ​ពី​យន្តការ​ជាក់ស្ដែង ព្រោះ​សហគមន៍​អន្តរជាតិ​បាន​ទាមទារ​ឲ្យ​របប​នេះ​ងាក​មក​គោរព​ប្រជាធិបតេយ្យ​យូរ​ហើយ ពោល​គឺ​មុន​ពេល​រៀបចំ​ការ​បោះឆ្នោត​មក​ម៉្លេះ ក៏​ប៉ុន្តែ​គោលបំណង​ពិត​នៅ​ពេល​នេះ អាច​ជា​ការ​ចង់​បំបែកបំបាក់​រវាង លោក កឹម សុខា និង លោក សម រង្ស៊ី ទៅ​វិញ​ទេ។ «»

អ្នកវិភាគ​លើកឡើង​ថា ការ​បង្ហាញ​ជំហរ​របស់​របប​ក្រុង​ភ្នំពេញ​នៅ​ពេល​នេះ មិនមែន​ជា​កាយវិការ​មួយ​ច្បាស់លាស់​ក្នុង​ការ​វិល​មក​គោរព​ប្រជាធិបតេយ្យ និង​ចង់​បង្រួបបង្រួម​ជាតិ​ឡើង​វិញ​ទេ គឺ​ជា​ការ ដោះសា​ដើម្បី​ចង់​បន្លំ​ភ្នែក​រាស្រ្ត​តែ​ប៉ុណ្ណោះ ក៏​ប៉ុន្តែ​បើ​សិន​ជា​របប​នេះ នៅ​តែ​អូស​បន្លាយ​ល្បែង​នយោបាយ​កម្ទេច​បក្ស​ប្រឆាំង​បែប​នេះ​យូរ​ទៅ​ទៀត របប​នេះ​ក៏​នឹង​មិន​មាន​អាយុកាល​វែង​ដែរ ព្រោះថា បច្ចុប្បន្ន​នេះ របប​ក្រុង​ភ្នំពេញ​កំពុង​តែ​រង​សម្ពាធ​បី ទី១ សម្ពាធ​ពី​សហគមន៍​អន្តរជាតិ ដែល​ប្រឈម​នឹង​ការ​ផ្ដាច់​ប្រព័ន្ធEBA សម្ពាធ​ពី​ប្រជា​ពលរដ្ឋ​របស់​ខ្លួន និង​សម្ពាធ​ពី​ផ្ទៃ​ក្នុង​បក្ស​របស់​ខ្លួន ដោយសារ​ថា មន្រ្តី​នៅ​កៀក​នឹង​លោក ហ៊ុន សែន មាន​ក្រុមហ៊ុន​នាំ​ចេញ​ផលិតផល​ទៅកាន់​ទីផ្សារ​អឺរ៉ុប​ជាច្រើន ដែល​នឹង​ធ្វើ​ឲ្យ​ប៉ះពាល់​ដល់​ផល​ប្រយោជន៍​អ្នក​ទំាង​នោះ​ដែរ មិនមែន​ប្រជាពលរដ្ឋ​កម្មករ​រោងចក្រ​ប៉ុណ្ណោះ​ទេ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "“របប​ភ្នំពេញ​ត្រូវ​ដោះលែង​លោក កឹម សុខា និង​ទម្លាក់​បទ​ចោទ​បុគ្គលិក​អាស៊ីសេរី​ដើម្បី​បង្ហាញ​ពី​ការ​លើក​ស្ទួយ​ប្រជាធិបតេយ្យ​ពិត​ប្រាកដ”"

  1. Target says:

    អាណាក៏ដោយបើមិនស្គាល់ចរិក ហ៊ុនសែន ទេប្រៀបដូចមិនស្គាល់ក្ដខ្លួនឯងអញ្ចឹងដែរ។ប្រយ័ត្ន! ប្រយ័ត្ន!ប្រយ័ត្ន!

Leave a Reply

Submit Comment