លោក គង់ គាំ និង​កូន​ប្រុស​ត្រៀម​ដាក់​ពាក្យ​សុំ​ធ្វើ​នយោបាយ​ឡើង​វិញ ខណៈ​រដ្ឋ​មន្ត្រី​មហាផ្ទៃ ប្រកាស​ថា​មិន​ទាន់​ឃើញ​ការ​ស្នើ​សុំ​នៅ​ឡើយ​

ដោយ ញឹម សុផល
04/01/2019
RFI

media
លោក គង់ គាំ មានបំណងចង់ស្នើសុំសិទ្ធិធ្វើនយោបាយ
រូបថត៖ គង់ គាំ


លោក​គង់ គាំ និង​លោក គង់ បូរ៉ា ជា​កូនប្រុស ដែលជា​អតីតមន្ត្រី​ជាន់ខ្ពស់​អតីត​គណបក្ស​សង្គ្រោះ​ជាតិ បានបញ្ជាក់​នៅថ្ងៃនេះ​ថា លោក និង​កូនប្រុស នឹងដាក់​ពាក្យសុំ​អន្តរាគមន៍​ទៅ​រដ្ឋាភិបាល ដើម្បី​សុំ​លើក​បំរាម​ធ្វើ​នយោបាយ​ភ្លាម បន្ទាប់ពី​ព្រះមហាក្សត្រ​ឡាយព្រះហស្ថលេខា​ហើយ​លើ​វិសោធនកម្ម​ច្បាប់​ស្តីពី​គណបក្សនយោបាយ។ ការលើកឡើង​ដូចនេះ ខណៈ​រដ្ឋមន្ត្រី​ក្រសួងមហាផ្ទៃ​បង្ហើប​ថា នៅ​មិនទាន់មាន​មន្ត្រី​អតីត​គណបក្ស​សង្គ្រោះ​ជាតិ​ណា​ម្នាក់​នៅឡើយ​ទេ ដាក់ពាក្យ​ទៅកាន់​ក្រសួងមហាផ្ទៃ។ 

អតីត​ឧ​ត្ត​ម​ទីប្រឹក្សា​អតីត​គណបក្ស​សង្គ្រោះ​ជាតិ លោក គង់ គាំ ថ្លែងប្រាប់​វិទ្យុ​បារាំង RFI នៅថ្ងៃនេះ​ថា លោក​បាន​ត្រៀម​ឯកសារ​រួចរាល់​ហើយ ដើម្បី​ស្នើសុំ​ទៅ​រដ្ឋមន្ត្រី​ក្រសួងមហាផ្ទៃ ជួយ​អន្តរាគមន៍ ឲ្យ​បាន​រួច​ផុតពី​បំរាម​ធ្វើ​នយោបាយ។ ការត្រៀម​លក្ខណៈ​នេះ គឺ​រង់ចាំតែ​ច្បាប់​ស្តីពី​វិសោធនកម្ម​មាត្រា៤៥ថ្មី(ស្ទួន) នៃ​ច្បាប់​ស្តីពី​គណបក្សនយោបាយ ចូល​ជា​ធរមាន​ភ្លាម បន្ទាប់ពី​ព្រះមហាក្សត្រ​ឡាយព្រះហស្ថលេខា។ ជាមួយគ្នានេះ កូនប្រុស របស់លោក គឺ​លោក គង់ បូរ៉ា ក៏​នឹងដាក់​ពាក្យ​ដំណាលគ្នា​ដែរ រួមទាំង​អ្នក​ថ្កោ​ក​ទោស​ការអំពាវនាវ​រប​ស់លោក សម រង្សី មួយចំនួនទៀត។ នេះ​បើតាម​លោក គង់ គាំ។

កាលពី​ថ្ងៃទី២៨ធ្នូ ឆ្នាំ២០១៨ ក្រុមប្រឹក្សាធម្មនុញ្ញ បានសម្រេច​ជា​ឯកច្ឆ័ន្ទ៨សម្លេង​លើ៨ ថា​ស្របតាម​រដ្ឋធម្មនុញ្ញ ចំពោះ​ច្បាប់​ស្តីពី​វិសោធនកម្ម មាត្រា៤៥ថ្មី(ស្ទួន) នៃ​ច្បាប់​ស្តីពី​គណបក្សនយោបាយ ដើម្បី​បើកផ្លូវ​ឲ្យ​អតីតមន្ត្រី គណបក្សប្រឆាំង​ទាំង១១៨រូប អាចមាន​សិទ្ធិ​ធ្វើ​នយោបាយ​ឡើងវិញ។ ទោះយ៉ាងណា​ច្បាប់​ថ្មី​នេះ នៅ​មិនទាន់​ត្រូវបាន​ព្រះមហាក្សត្រ​ឡាយព្រះហស្ថលេខា​ដាក់​ឲ្យ​ប្រើប្រាស់​នៅឡើយ​ទេ។

ទាក់ទង​ទៅនឹង​បញ្ហា​នេះដែរ លោក ស ខេង រដ្ឋមន្ត្រី​ក្រសួងមហាផ្ទៃ បាន​ថ្លែងប្រាប់​អ្នកសារព័ត៌មាន​នៅឯរ​ដ្ឋ​សភាជាតិ​ដែរ​ថា រហូតមកដល់​ថ្ងៃ​ម្សិលមិញ នៅ​មិនទាន់មាន​សមាជិក​អតីត​គណបក្ស​សង្គ្រោះ​ជាតិ​ណា​ម្នាក់ ក្នុងចំណោម​អ្នក​ដែល​ច្បាប់​ហាម​ធ្វើ​នយោបាយ​ទាំង១១៨នាក់ ដាក់ពាក្យ​ស្នើសុំ​ធ្វើ​នយោបាយ​ឡើងវិញ​នៅឡើយ​ទេ។

សូម​រំលឹកថា រដ្ឋសភា​កម្ពុជា កាលពី​ថ្ងៃទី៣ ខែធ្នូ ឆ្នាំ២០១៨ បានប្រកាស​ពី​ការធ្វើ​វិសោធនកម្ម​ច្បាប់ គណបក្សនយោបាយ ដើម្បី​បើកផ្លូវ​ផ្តល់​សិទ្ធិ​ឲ្យ​នាយករដ្ឋមន្ត្រី ផ្តល់​សម្បទា​ដល់​អ្នកនយោបាយ១១៨រូប របស់​អតីត​គណបក្ស​សង្គ្រោះ​ជាតិ ដែល​តុលាការ​ហាមឃាត់​ធ្វើ​នយោបាយ រយៈពេល៥ឆ្នាំ ឲ្យ​មាន​សិទ្ធិ​ធ្វើ នយោបាយ​ឡើងវិញ ដោយមាន​តំណាងរាស្ត្រ​ហត្ថលេខី ចំនួន៨៧រូប បាន​ផ្តួច​ផ្តើមធ្វើ​សេចក្តីស្នើច្បាប់ ស្តីពី​វិសោធនកម្ម​មាត្រា៤៥ថ្មី (ស្ទួន) នៃ​ច្បាប់​ស្តីពី គណបក្សនយោបាយ​នេះ។ ជុំវិញ​ការធ្វើ​វិសោធនកម្ម​មាត្រា​ច្បាប់​ស្តីពី​គណបក្សនយោបាយ​នេះដែរ ក្រុម​អ្នកនយោបាយ​អតីត​បក្ស​ប្រឆាំង ក៏​មានការ​ខ្វែងយោបល់​គ្នាច្រើន​ដែរ ដោយ​លោក សម រង្ស៊ី ដែល​អះអាងថា​ប្រធានស្តីទី​អតីត​គណបក្ស​សង្គ្រោះ​ជាតិ ប្រកាសថា​អ្នក​ដែល​ដាក់​ពាក្យសុំ​ធ្វើ​នយោបាយ​ឡើងវិញ​គឺជា​អ្នក​ក្បត់បក្ស។ ក៏ប៉ុន្តែ​ការលើកឡើង​នេះ ក៏មាន​ការរិះគន់​ខ្លាំង​ពី​មន្ត្រី​អតីត​គណបក្ស​សង្គ្រោះ​ជាតិ​ឯទៀត​ផងដែរ៕

What Next?

Recent Articles

4 Responses to "លោក គង់ គាំ និង​កូន​ប្រុស​ត្រៀម​ដាក់​ពាក្យ​សុំ​ធ្វើ​នយោបាយ​ឡើង​វិញ ខណៈ​រដ្ឋ​មន្ត្រី​មហាផ្ទៃ ប្រកាស​ថា​មិន​ទាន់​ឃើញ​ការ​ស្នើ​សុំ​នៅ​ឡើយ​"

  1. CHẾT SO says:

    in his youth គង់ គាំ had to frequent the bonzes and the noble principles of the BUDDHA, but គង់ គាំ let himself be dominated by the enemy LOBHA (GREED), it is sad that he trained his children to attend with people innocent Khmer blood worms
    Les គាំ has the double penalties to frequent the assasins and train these ennemies to frequent the assasins

  2. so chết says:

    in his youth គង់ គាំ had to frequent the bonzes and the noble principles of the BUDDHA, but គង់ គាំ let himself be dominated by the enemy LOBHA (GREED), it is sad that he trained his children to attend with people innocent Khmer blood worms
    Les គាំ has the double penalties to frequent the assasins and train these ennemies to frequent the assasins

  3. Anonymous says:

    Came from where you are going back!!!

  4. Anonymous says:

    go ahead and F yourself Mr no brainer

Leave a Reply

Submit Comment