ពលរដ្ឋ​ខ្មែរ​​នៅ​អាមេរិក​និង​កាណាដា​រាប់រយ​នាក់​តវ៉ា​​ទាមទារ​យុត្តិធម៌​ដល់​បក្ស​ប្រឆាំង

ដោយ មួង ណារ៉េត
2019-01-19
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

ពលរដ្ឋ​ខ្មែរ​អាមេរិកាំង និង​កាណាដា តវ៉ា​ប្រឆាំង​របប​លោក ហ៊ុន សែន នៅ​ថ្ងៃ​ទី១៩ ខែ​មករា ២០១៩។ RFA/Muong Nareth
ពលរដ្ឋ​ខ្មែរ​អាមេរិកាំង និង​កាណាដា តវ៉ា​ប្រឆាំង​របប​លោក ហ៊ុន សែន នៅ​ថ្ងៃ​ទី១៩ ខែ​មករា ២០១៩។ RFA/Muong Nareth


ទោះបីជា​អាកាសធាតុ​ត្រជាក់​ខ្លាំង​ស្ទើរ​សូន្យ​ដីក្រេ ក៏​ក្រុម​អ្នក​តវ៉ា​រាប់​រយ​នាក់ មកពី​បណ្ដា​រដ្ឋ​នានា​នៅ​សហរដ្ឋ​អាមេរិក និង​មកពី​ប្រទេស​កាណាដា​ផង បាន​ប្រមូល​ផ្ដុំ​គ្នា​តាំងពី​ម៉ោង ១០​ព្រឹក នៅ​វិមាន​រដ្ឋសភា​អាមេរិក ដើម្បី​ទាមទារ​ចង់​បាន​យុត្តិធម៌​ជូន​គណបក្ស​សង្គ្រោះជាតិ និង អ្នក​និយម​ប្រជាធិបតេយ្យ។

អ្នក​តវ៉ា​ម្នាក់​មកពី​ក្រុង ស៊ីអាថល (Seattle) រដ្ឋ​វ៉ាស៊ីនតោន (Washington State) ដែល​មាន​ចម្ងាយ​ជាង​ ៤​ពាន់​គីឡូម៉ែត្រ (៤៣១៧,៨៧) ពី​រដ្ឋធានី​វ៉ាស៊ីនតោន លោកស្រី ឡុង លីនដា ថា អ្នក​តវ៉ា​ដល់​ទី​បញ្ចប់ រហូត​ទាល់តែ​មានការ​រៀបចំ​ការ​បោះ​ឆ្នោត​មុន​អាណត្តិ។ «»

អ្នក​តវ៉ា​ម្នាក់ទៀត មកពី​ទីក្រុង​ឡុងប៊ិច (Long Beach) រដ្ឋ​កាលីហ្វ័រញ៉ា (California) មក​ទាំង​សុខភាព​មិនល្អ​ពេញ​លេញ​ទេ ប៉ុន្តែ លោក​អះអាង​ថា ទឹកចិត្ត​ជំរុញ​ឲ្យ​លោក​មក​តវ៉ា ដោយសារ​លោក​ខ្លាច​លោក ហ៊ុន សែន។ លោក ណុប ហ៊តជាតិ ថា ការ​ខ្លាច​នេះ គឺ​មិនមែន​ខ្លាច​អំណាច​កោងកាច​របស់​លោក ហ៊ុន សែន ទេ តែ​ខ្លាច​អំណាច​បំផ្លាញ​ជាតិ​ខ្មែរ ដែល​លោក និង​ប្រជាពលរដ្ឋ​ខ្មែរ​នៅ​ប្រទេស​សេរី​ឯទៀត មិន​អាច​ឈរ​ឱប​ដៃ​មើល​បាន។ «»

ក្នុងចំណោម​អ្នក​តវ៉ា ក៏​មាន​តំណាងរាស្ត្រ​គណបក្ស​សង្គ្រោះ​មួយ​ចំនួន​ដែរ។ ក្នុង​នោះ​​ក៏​មាន​លោក ហូរ វ៉ាន់ ដែល​កាន់​បដា​ទាមទារ​ឲ្យ​ប្រគល់​តំណែង​មន្ត្រី​ក្រុមប្រឹក្សាឃុំ​-​សង្កាត់​ជាប់ឆ្នោត​របស់​គណបក្ស​សង្គ្រោះជាតិ​ទាំង ៥០០៧ នាក់​មក​ឲ្យ​គណបក្ស​សង្គ្រោះជាតិ​វិញ​ជាដាច់ខាត។ «»

លោក ហូរ វ៉ាន់ បញ្ជាក់​ថា អ្នក​តវ៉ា​ទាំងអស់ រួម​ទាំង​លោក​ផង មិន​ចុះ​ញ៉ម​នឹង​សារ​គំរាមកំហែង​របស់​លោក ហ៊ុន សែន ដែល​ហាម​ធ្វើ​បាតុកម្ម​តវ៉ា ដើម្បី​ផ្ញើ​សារ​ដល់​សហគមន៍​អន្តរជាតិ ជាពិសេស​សហរដ្ឋអាមេរិក ដើម្បី​ដាក់​សម្ពាធ​របប​លោក ហ៊ុន សែន ឲ្យ​ស្ដារ​សិទ្ធិមនុស្ស និង​ប្រជាធិបតេយ្យ​ឡើងវិញ​នោះ​ទេ។ «»

តំណាងរាស្ត្រ​គណបក្ស​សង្គ្រោះជាតិ ដែល​ជាប់​ឈ្មោះ​ក្នុង​បញ្ជី​ខ្មៅ​របស់​របបលោក ហ៊ុន សែន ដែល​ត្រូវ​ហាមឃាត់​សិទ្ធិ​នយោបាយ​ដែរ និង​ដែល​បាន​និទ្ទេស​ខ្លួន​មក​ក្រៅ​ប្រទេស ដើម្បី​សុវត្ថិភាព និង​បន្ត​ការ​តស៊ូ​ពី​ក្រៅ​ប្រទេស​នេះ បាន​បង្ហាញ​សុទិដ្ឋិនិយម​ថា ដំណោះស្រាយ​នឹង​មាន​ក្នុង​ពេល​ណាមួយ​ជាក់​ជា​មិនខាន ឲ្យ​តែ​អ្នក​និយម​ប្រជាធិបតេយ្យ នៅ​បន្ត​តស៊ូ​តទៅទៀត។ «»

ចំណែក​ឯ​អ្នក​តវ៉ា​ម្នាក់ទៀត មកពី​ទីក្រុង​ម៉ុងរ៉េអាល់ ប្រទេស​កាណាដា បញ្ជាក់​ថា លោកស្រី មក​តវ៉ា​នេះ ក៏ដោយ​សារ​នៅតែ​សង្ឃឹមលើ​ស្មារតី​នៃ​កិច្ចព្រមព្រៀង​សន្តិភាព​ទីក្រុង​ប៉ារីស ដែល​នាំមក​នូវ​សិទ្ធិ​សេរីភាព និង​ប្រជាធិបតេយ្យ​នៅ​កម្ពុជា។ លោកស្រី ទិត្យ ស្រីណាល់ មិន​ពេញចិត្ត​ទៅ​នឹង​ការណ៍​ដែល​លោក ហ៊ុន សែន និង របប​នេះ រំលោភបំពាន​កិច្ចព្រមព្រៀង​នេះ ដែល​ធ្វើ​ឲ្យ​ប្រទេស​កម្ពុជា​ធ្លាក់​ក្នុង​គ្រោះ​មហន្តរាយ ក្រោម​ការដឹកនាំ​ផ្ដាច់ការ និង​គ្រួសារនិយម។ លោកស្រី ទិត្យ ស្រីណាល់ បញ្ជាក់​បន្ថែម​ថា ការ​តវ៉ា​ឲ្យ​អន្តរជាតិ​ដាក់​សម្ពាធ​លើ​របប​លោក ហ៊ុន សែន គឺ​ដើម្បី​អនាគត​យូរអង្វែង​របស់​ប្រជាពលរដ្ឋ​កម្ពុជា​ទូទៅ ព្រោះ​ការ​ទាមទារ​ទាំងនេះ ក៏​ជា​ចំណែក​ដើម្បី​យក​ធនធាន និង​ផលប្រយោជន៍ ដែល​លោក ហ៊ុន សែន និង​បក្សពួក ប្លន់​ពី​រាស្ត្រ មក​ឲ្យ​រាស្ត្រ​វិញ។ «»

ក្រោយពី​បញ្ចប់​ការ​តវ៉ា​នៅមុខ​វិមាន​រដ្ឋសភា នៅ​ម៉ោង ១:៣០ ល្ងាច ក្រុម​អ្នកតវ៉ា​បាន​ដង្ហែ​ក្បួន​បាតុកម្ម​ពី​វិមាន​រដ្ឋសភា ឆ្លងកាត់​ដង​វិធី​ក្នុង​រដ្ឋធានី​វ៉ាស៊ីនតោន ឆ្ពោះ​ទៅ​កាន់តែ​សេត​វិមាន​ប្រធានាធិបតី​សហរដ្ឋអាមេរិក ដែល​មាន​ចម្ងាយ​ជាង ៥​គីឡូ​ពី​វិមាន​រដ្ឋសភា​នោះ។ ក្បួន​បាតុកម្ម​នេះ ត្រូវ​បាន​ប៉ូលិស​ក្រុង ជួយ​បើក​រថយន្ត​បើកផ្លូវ និង​មាន​មន្ត្រី​ប៉ូលិស​រាប់​សិប​នាក់​ផ្សេងទៀត ជួយ​សម្រួល​ចរាចរណ៍ នៅ​ក្នុង​ទីក្រុង​ដ៏​មមាញឹក​មួយ​នេះ ថែម​ទៀត​ផង។

ក្បួន​បាតុកម្ម ក៏​មាន​ព្រះសង្ឃ​ខ្មែរ​ជាច្រើន​អង្គ ដឹក​មុខ​ក្នុង​ពេល​ដង្ហែ​នោះ​ដែរ ដោយ​ព្រះសង្ឃ​មាន​ព្រះតេជព្រះគុណ ប៊ុត ប៊ុនតិញ ផង បាន​សូត្រ​ធម៌​តាម​ផ្លូវ​រហូត ដល់​សេត​វិមាន។

លោក វ៉ាយ សារឿន មកពី​រដ្ឋ North Carolina ក៏​បាន​ឮ​ពី​សារ​គំរាមកំហែង​របស់​លោក ហ៊ុន សែន ដែល​ថា​នឹង​ធ្វើទុក្ខបុកម្នេញ​បក្ស​ប្រឆាំង​បន្ថែម​ទៀត​ដែរ បើ​មន្ត្រី និង​អ្នកគាំទ្រ​បក្ស​នេះ នៅតែ​បន្ត​ការ​តវ៉ា​ឲ្យ​សហគមន៍​អន្តរជាតិ ដាក់​សម្ពាធ​លើ​របប​នេះ។ ប៉ុន្តែ លោក វ៉ាយ សារឿន ថា បើ​នៅតែ​ខ្លាច ខ្មែរ​នឹង​បាត់​ឱកាស​ជួយ​ស្ដារ​ស្រុកទេស​ឡើងវិញ។ «»

អ្នក​តវ៉ា​បាន​បន្ត​ស្រែក​តវ៉ា និង​ថ្លែង​សារ​នៅមុខ​សេត​មាន​រហូត​ដល់​ម៉ោង ៤​ល្ងាច ទើប​រំសាយ។ ពួកគាត់​អះអាង​ថា បើ​លោក ហ៊ុន សែន នៅតែ​ចចេស​មិន​ព្រម​ស្ដារ​សិទ្ធិមនុស្ស និង​ប្រជាធិបតេយ្យ​ឡើង​វិញ តាម​សំណូមពរ​ពួកគាត់​ទេ ពួកគាត់​នឹង​នៅតែ​បន្ត​ការ​តវ៉ា​នេះ តទៅ​ទៀត ដោយ​មិន​រាយ​ថយ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "ពលរដ្ឋ​ខ្មែរ​​នៅ​អាមេរិក​និង​កាណាដា​រាប់រយ​នាក់​តវ៉ា​​ទាមទារ​យុត្តិធម៌​ដល់​បក្ស​ប្រឆាំង"

  1. so socheath says:

    ប្រមុខការទូតកម្ពុជា បន្ដប្រកាសជំហរចំពោះមុខ
    រដ្ឋមន្ដ្រីការបរទេសអាស៊ានថា កម្ពុជាមិនដោះដូរអធិបតេយ្យជាតិ ដើម្បីជំនួយជាដាច់ខាត
    (ភ្នំពេញ)៖ ឧបនាយករដ្ឋមន្ដ្រី ប្រាក់ សុខុន រដ្ឋមន្ដ្រីក្រសួងការបរទេស និងសហប្រតិបត្តិការអន្ដរជាតិ ក្នុងកិច្ចប្រជុំចង្អៀតរដ្ឋមន្ដ្រីការបរទេសអាស៊ាន នៅខេត្តឈៀងម៉ៃ ប្រទេសថៃ បានថ្លែងថា ប្រទេសកម្ពុជាមិនដោះដូរអធិបតេយ្យជាតិ ដើម្បីជំនួយជាដាច់ខាត ព្រោះកម្ពុជាបានឆ្លងកាត់ភាពលំបាក ពីអតីតកាលរួចអស់ហើយ។ នេះបើយោងតាមសេចក្ដីប្រកាសព័ត៌មានផ្លូវការ របស់ក្រសួងការបរទេស
    ដែល ទទួលបានឲនៅថ្ងៃទី២០ ខែមករា ឆ្នាំ២០១៩ ។
    សេចក្តីប្រកាសព័ត៌មាន បានដកស្រង់សំដីរបស់ឯ/ឧប្រាក់ សុខុន ថា «ឯកឧត្ដម ឧបនាយករដ្ឋមន្រ្ដី ក៏បានសង្កត់ធ្ងន់យ៉ាងមុតមាំថា ប្រទេសកម្ពុជានឹងមិនដោះដូរអធិបតេយ្យជាតិ ដើម្បីជំនួយជាដាច់ខាត កម្ពុជាបានឆ្លងកាត់ ភាពលំបាក ពីអតីតកាលរួចហើយ»។
    ក្នុងកិច្ចប្រជុំចង្អៀតនោះឯ/ឧ ឧបនាយករដ្ឋមន្ដ្រី ប្រាក់ សុខុន ក៏បានបង្ហាញការសោកស្ដាយ ទៅលើការសម្រេចចិត្ដរបស់គណៈកម្មការអឺរ៉ុប នាពេលថ្មីៗនេះ ចំពោះការដាក់ចេញនូវវិធានការការពារចំពោះការនាំចូលអង្ករ ពីប្រទេសកម្ពុជា និងមីយ៉ាន់ម៉ា កាលពីថ្ងៃទី១៦ ខែមករា ឆ្នាំ២០១៩ ទៅកាន់រដ្ឋមន្ដ្រីការបរទេសអាស៊ានផងដែរ។
    កិច្ចប្រជុំក៏បានពិភាក្សាផងដែរ ពីការពង្រឹងទំនាក់ទំនងអាស៊ាន-សហភាពអឺរ៉ុប និងការត្រៀមចូលរួមកិច្ចប្រជុំថ្នាក់ រដ្ឋមន្រ្តីការបរទេស អាស៊ាន-សហភាព អឺរ៉ុបលើកទី២២ នៅថ្ងៃទី២១ ខែមករា ឆ្នាំ២០១៩ នៅទីក្រុងព្រុចសែល ប្រទេសប៊ែលហ្សិក ដើម្បីពិនិត្យមើលការរីកចម្រើន នៃទំនាក់ទំនងដៃគូសន្ទនាអាស៊ាន-សហភាពអឺរ៉ុប និងទិសដៅអនាគត ព្រមទាំងផ្លាស់ប្តូរយោបល់លើបញ្ហាតំបន់ និងអន្តរជាតិ ដែលជាកង្វល់រួមសម្រាប់តំបន់ទាំងពីរ និងពិភពលោកទាំងមូល។
    រដ្ឋមន្រ្ដីការបរទេសអាស៊ាន ក៏បានឯកភាពជាគោលការណ៍ ចំពោះការលើកតម្លើងពីភាពជាដៃគូទូលំទូលាយអាស៊ាន-សហភាពអឺរ៉ុប ទៅជាកម្រិតដៃគូយុទ្ធសាស្រ្ដ ក្រោមការបន្តចរចាលើចំនុចលម្អិត និងកាលបរិច្ឆេទច្បាស់លាស់។
    ឯ/ឧឧបនាយករដ្ឋមន្រ្ដី ប្រាក់ សុខុន បានបង្ហាញការព្រួយបារម្ភ ចំពោះការប្រើប្រាស់វិធីសាស្រ្ដស្ដង់ដាពីរ សម្រាប់ជ្រើសរើសយកតែចំណុចណាដែលសមស្រប និងផ្ដល់ប្រយោជន៍ដល់ប្រទេសដែលខ្លាំងជាង។
    កិច្ចប្រជុំក៏បានកត់សម្គាល់អំពីការព្រួយបារម្ភ ចំពោះការបិទមិនឲ្យប្រេងដូង របស់ប្រទេសឥណ្ឌូនេស៊ី និងម៉ាឡេស៊ី ទៅកាន់ទីផ្សារអឺរ៉ុប។ រដ្ឋមន្រ្តីទាំងអស់ បានផ្លាស់ប្តូរយោបល់លើបញ្ហាតំបន់ និងអន្តរជាតិ រួមមាន ការប្រយុទ្ធប្រឆាំងភេរវកម្ម និងហិង្សាជ្រុលនិយម រដ្ឋរ៉ាក់ខាញ ឧបទ្វីបកូរ៉េ
    និងសមុទ្រចិនខាងត្បូង៕