ស្ថាន​ទូត​អាមេរិក​អះអាង​ថា ​អាមេរិក​មិន​បាន​ជាប់​ព័ន្ធ​នឹង​ការ​ធ្វើ​រដ្ឋ​ប្រហារ​របស់ ​លោក ​លន់ ​នល់ ​​ឡើយ​​

ដោយ វណ្ណ សុគន្ធា
01/02/2019
RFI

media
លោក លន់ នល់ ឈរជិត ព្រះអង្គម្ចាស់ ស៊ីសុវត្ថិ សិរិមតៈ
@FB


ស្ថាន​ទូត​អាមេរិក​ប្រចាំ​នៅ​ទីក្រុង​ភ្នំពេញ តាម​រយៈ​ទំព័រ​ហ្វេស​ប៊ុក កាល​ពី​ថ្ងៃ​ព្រហស្បតិ៍​ម្សិល​មិញ បាន​ចេញ​មុខ​មក​អះអាង​ថា អាមេរិក​មិន​បាន​ជាប់​ពាក់ព័ន្ធ​នឹង​ការ​ធ្វើ​រដ្ឋ​ប្រហារ​របស់​លោក​លន់ នល់ ដើម្បី​ទម្លាក់​សម្តេច​នរោត្តម សីហនុ​នៅ​ក្នុង​ឆ្នាំ​១៩៧០​ឡើយ​។ ការ​ចេញ​មក​អះអាង​នេះ ធ្វើ​ឡើង​ក្រោយ​ពី​មន្រ្តី​រដ្ឋា​ភិបាល​កម្ពុជា និង​ប្រជាពល​រដ្ឋ​ខ្មែរ​មួយ​ចំនួន​បាន​ចោទ​ប្រកាន់​រដ្ឋបាល​អាមេរិក​ថា បាន​ចូល​រួម​ជាមួយ​លោក​សេនា​ប្រមុខ​លន់ នល់ ធ្វើ​រដ្ឋ​ប្រហារ​ទម្លាក់​សម្តេច នរោត្តម សីហនុ​។ 

“សូម​អរគុណ​ចំពោះ​មតិ​របស់​លោក​អ្នក​។ តែ​យើង​សូម​ធ្វើ​ការ​កត់​សម្គាល់​ថា សហ​រដ្ឋ​អាមេរិក​មិន​បាន​ពាក់​ព័ន្ធ​នៅ​ក្នុង​រដ្ឋ​ប្រហារ​ដែល​នាំ​ឱ្យ​លោក លន់ នល់ ឡើង​កាន់​អំណាច​នោះ​ទេ”។ នេះ គឺ​ជា​សារ​អត្ថា​ធិប្បាយ​(Comment) របស់​ស្ថាន​ទូត​អាមេរិក​ប្រចាំ​នៅ​កម្ពុជា ឆ្លើយ​តប​ទៅ​នឹង​អ្នក​ប្រើ​ប្រាស់​បណ្ដាញ​សង្គម​ហ្វេសប៊ុក ដែល​បាន​ចោទ​ប្រកាន់​អាមេរិក​ថា បាន​ជួយ​លោក​លន់ នល់ ទម្លាក់ សម្តេច នរោត្តម សីហនុ ហើយ​ក្រោយ​មក​ក៏​បាន​បណ្តាល​ឱ្យ​កើត​មាន​នូវ​របប​ខ្មែរ​ក្រហម​។ ប៉ុន្តែ​អាមេរិក បាន​ទាត់​ចោល​នូវ​ការ​ចោទ​ប្រកាន់​នេះ ​ដោយ​អះអាង​ថា រហូត​មក​ដល់​ពេល​នេះ គ្មាន​ភស្តុតាង​ណា​មួយ​ដែល​បញ្ជាក់​ពី​ការ​ពាក់​ព័ន្ធ​របស់​សហ​រដ្ឋអាមេរិក​ក្នុង​ការ​ជួយ​ដល់​លោក​លន់ នល់ ធ្វើ​រដ្ឋ​ប្រហារ​ក្នុង​ឆ្នាំ​១៩៧០​នោះ​ទេ​។

ផ្ទុយ​ពី​ការ​លើក​ឡើង​របស់​ស្ថាន​ទូត​អាមេរិក ការិយាល័យ​អ្នក​នាំ​ពាក្យ​របស់​រដ្ឋា​ភិបាល​កម្ពុជា អះអាង​ថា អាមេរិក​បាន​លូក​ដៃ​ចូល​ក្នុង​នយោបាយ​ផ្ទៃ​ក្នុង​របស់​កម្ពុជា​ក្នុង​ឆ្នាំ​១៩៧០​។ តាម​រយៈ​សេចក្តី​ថ្លែង​ការណ៍​របស់​ខ្លួន​កាល​ពី​ថ្ងៃ​ព្រហស្បតិ៍ ការិយាល័យ​អ្នក​នាំ​ពាក្យ​របស់​រដ្ឋា​ភិបាល​កម្ពុជា បាន​បញ្ជាក់​ថា អ្នក​នយោបាយ​អាមេរិក និង​បេក្ខជន​ប្រធានា​ធិបតី​ទី៤៥​របស់​អាមេរិក​បាន​ទទួល​ស្គាល់ និងស្វែង​នូវ​ការ​សោក​ស្តាយ​ក្នុង​កិច្ច​ពាក់​ព័ន្ធ​របស់​សហ​រដ្ឋអាមេរិក​ដែល​បាន​ឈ្លាន​ពាន​ឯករាជ្យ អធិបតេយ្យ និង​បូរណភាព​ទឹក​ដី​កម្ពុជា​ចន្លោះ ឆ្នាំ១៩៧០ ដល់១៩៧៥។ ជា​ការ​ជ្រៀត​ជ្រែក​នយោបាយ​ផ្ទៃ​ក្នុង​របស់​កម្ពុជា​ដែល​បង្កើត​ឱកាស​ឱ្យ​ខ្មែរ​ក្រហម​ឈាន​ឡើង​មក​កាន់​អំណាច​ជាមួយ​នឹង​ការ​សម្លាប់​រង្គាល​។

ក៏​ប៉ុន្តែ​សហ​រដ្ឋអាមេរិក​មិន​ទទួល​ស្គាល់​នូវ​ការ​លើក​ឡើង​នេះ​ទេ​។ មិន​ប៉ុណ្ណោះ អាមេរិក​បាន​ទម្លាក់​បញ្ហា​ទាំង​អស់​នេះ​ទៅ​លើ​រដ្ឋា​ភិបាល​ចិន​។ អាមេរិក​បាន​គូស​បញ្ជាក់​ថា គេ​មាន​ភស្តុតាង​យ៉ាង​ច្រើន​ដែល​បង្ហាញ​ថា រដ្ឋា​ភិបាល​ចិន​បាន​គាំទ្រ​យ៉ាង​សកម្ម​ដល់​របប​ខ្មែរ​ក្រហម​ពី​ឆ្នាំ ១៩៧៥ ដល់ឆ្នាំ ១៩៧៩ និង នៅ​ក្នុង​រយៈ​កាល​ក្រោយ​ពីនោះ​មក​។ បន្ថែម​លើ​នេះ តាម​រយៈ​សេចក្តីការណ៍​មួយ​កាល​ពី​ថ្ងៃ​ពុធ អាមេរិក បាន​រំលេច​ឱ្យ​ដឹង​ដែរ​ថា ក្រុម​ខ្មែរ​ក្រហម​បាន​ពឹង​ផ្អែក​យ៉ាង​ងប់​ងល់​ទៅ​លើ​មហា​អំណាច​ធំ​មួយ ដែល​មាន​ផល​ប្រយោជន៍​ខុស​ពី​ផល​ប្រយោជន៍​របស់​ប្រជាជន​កម្ពុជា​។

ជាមួយ​គ្នា​នេះ អាមេរិក​ក៏​បាន​អំពាវ​នាវ​ត្រង់ៗ​មក​កាន់​រដ្ឋាភិបាល​កម្ពុជា​ឱ្យ​ប្រកាន់​ខ្ជាប់​នូវ​នយោបាយ​ការបរទេស​ឯករាជ្យ អធិបតេយ្យ​ភាព និង​ប្រកប​ដោយ​តុល្យភាព ដែល​រក្សា​បាន​នូវ​អនាគត​របស់​ប្រទេស​សម្រាប់​ប្រជាជន​កម្ពុជា​ទាំង​អស់​។ រីឯ​រដ្ឋា​ភិបាល​កម្ពុជា​ក៏​បាន​អំពាវ​នាវ​ត្រង់ៗ​ទៅ​វិញ​ដែរ ដោយ​ស្នើ​ឱ្យ​អាមេរិក កុំ​លូក​ដៃ​ចូល​ជ្រៀក​ជ្រែក​បញ្ហាផ្ទៃ​ក្នុង​កម្ពុជា ដែល​ជា​ប្រជា​ជាតិ​អធិបតេយ្យ​៕

What Next?

Recent Articles

6 Responses to "ស្ថាន​ទូត​អាមេរិក​អះអាង​ថា ​អាមេរិក​មិន​បាន​ជាប់​ព័ន្ធ​នឹង​ការ​ធ្វើ​រដ្ឋ​ប្រហារ​របស់ ​លោក ​លន់ ​នល់ ​​ឡើយ​​"

  1. Vannarith says:

    ដើម្បីអំណាចផ្តាច់ការមេដឹកនាំខ្មែរទាំងអស់តែងតែទឞ្លាក់កំហុសទៅលើនាក់ដ៏ទៃ ពួកគេមិនដែលទទួលខុសត្រូវទេ។នោះហើយជាមូលហេតុដែលប្រទេសកម្ពុជាស្ថិតនៅក្នុងភាពវេទនារហូតដល់ថ្ងៃនេះ។តើពេលណាទើបខ្មែរភ្ញាក់ខ្លួន៕

  2. Vannarith says:

    ដើម្បីអំណាចផ្តាច់ការមេដឹកនាំខ្មែរទាំងអស់តែងតែទឞ្លាក់កំហុសទៅលើនាក់ដ៏ទៃ ពួកគេមិនដែលទទួលខុសត្រូវទេ។នោះហើយជាមូលហេតុដែលប្រទេសកម្ពុជាស្ថិតនៅក្នុងភាពវេទនារហូតដល់ថ្ងៃនេះ។តើពេលណាទើបខ្មែរភ្ញាក់ខ្លួន៕

  3. Anonymous says:

    Just like the current situation in Cambodia, there is nothing to do with China or Vietnam. It’s entirely up to Hun Sen and he will say there is nothing to do with China. If neither Lon Nol nor Hun Sen asked for help from the other countries, there won’t be any of them on Cambodia territory

  4. Anonymous says:

    first communist king went to help Veitcong communist and china too ‘ After that all khmer dictator continue from dictator king to dictator pol-pot and now we have dictator hun-sen so cambodia and her people still suffer ‘never stop unless this country become a no-soldiers and become a UN zone and controlled by U N that make up khmer living in no suffer’

  5. kh says:

    មានតែអ្នកមិនមានភ្នែក រឺត្រជៀកទេមិនដឹង

  6. Anonymous says:

    please every body think about SY HANOU’s word said Vietcong is a crocodile . we should know what it mean SI HANOU feet Vietcong not even that he let Vietcong to used Cambodian’s land for military hided out and bring war material to fight whit the US . right at this moment this crocodile is swallowing us what do you fell right now. I tell you what there is no Cambodian hero that can recue this nation out of problem. I do not know what else Cambodian can do to recue themselves and their own nation. in the country there are a lot of Vietcong educated person you can see and tell the way they speak and the evil act that they are doing . too bad so sad I’m still believe in our old prediction said there will be those silver eyes people escort the Cambodia HERO to take powers that will be the end of this sadness. GOD bless Cambodia and it’s people