ដោយ មួង ណារ៉េត
2019-02-10
RFA
លោក គឹម សុខ អ្នកវិភាគនយោបាយ។ រូបថតពីហ្វេសប៊ុកលោក គឹម សុខ
បញ្ញវន្តខ្មែរមួយរូប និងជាអ្នកវិភាគបញ្ហានយោបាយ និងសង្គមលោក គឹម សុខ យល់ ថាមន្ត្រីរបបលោក ហ៊ុន សែន បង្ហាញចរិតនៃការដឹកនាំខ្វះភាពថ្លៃថ្នូរ ករណីប្រកាសរករឿងម្ដាយឪពុកអ្នកប្រើហ្វេសប៊ុក (Facebook) ឈ្មោះ ថារិទ្ធិ ប៊ុន នេះ។
លោក គឹម សុខ ចាត់ទុកសាររបស់មន្ត្រីនាំពាក្យរបបលោក លោក ហ៊ុន សែន គឺលោក ផៃ ស៊ីផាន ដែលផ្សាយតាមហ្វេសប៊ុក តាមរកឪពុកម្ដាយ និងកន្លែងស្នាក់នៅរបស់ពួកគាត់បែបនេះ គឺជាការប្រាសចាកពីក្រមសីលធម៌ នៃមន្ត្រីថ្លៃថ្នូរ និងបង្ហាញសារជាតិជាមន្ត្រី បែបមនុស្សយូកូង គួរឲ្យរាស្ត្រស្អប់ខ្ពើមបំផុត៖ «នេះជារបៀបនៃសកម្មភាពជនបាតសង្គម ពួកម៉ាហ្វីយ៉ា បើពួកអ្នកដឹកនាំប្រទេស គឺជារបៀបនៃពួកកុម្មុយនិស្តផ្ដាច់ការ សាហាវយង់ឃ្នង»។
លោក ផៃ ស៊ីផាន កាលពីថ្ងៃទី៨ ខែកុម្ភៈ បានប្រកាសជូនរង្វាន់ ថែមទៀត បើនរណា អាចផ្ដល់ព័ត៌មាន អំពីទីកន្លែងដែលឪពុកម្ដាយ និងអ្នកប្រើប្រាស់ហ្វេសប៊ុកឈ្មោះ ថារិទ្ធិ ប៊ុន ស្នាក់នៅ។ លោក ផៃ ស៊ីផាន បង្ហោះរូបភាពនៃម្ចាស់ហ្វេសប៊ុកនោះ ដោយអមជាមួយនឹងសារថា “សូមជួយផ្សព្វផ្សាយ និងស្វែងរកឪពុកម្ដាយបុរសរូបនេះ និងកន្លែងស្នាក់នៅរបស់វា (លោក ផៃ ស៊ីផាន ប្រើពាក្យវា ជំនួសគាត់) ហើយថា មានជូនរង្វាន់។ ជាពិសេសអាជ្ញាធរមេមត់“។
សូម្បីតែអ្នកប្រើប្រាស់បណ្ដាញសង្គមហ្វេសប៊ុក ដែលឃើញសាររបស់មន្ត្រីរបបលោក ហ៊ុន សែន រូបនេះ ក៏ភ្ញាក់ផ្អើលនឹងរឿងនេះដែរ។ សាររបស់លោក ផៃ ស៊ីផាន ត្រូវអ្នកប្រើប្រាស់ហ្វេសប៊ុកម្នាក់ឈ្មោះ រតនៈបណ្ឌិត អ៊ួន ផ្តល់យោបល់ទៅលោក ផៃ ស៊ីផាន មិនគួររករឿងអ្នកដទៃ ដែលមិនដឹងរឿងអ្វីនោះទេ។ ម្ចាស់គណនីហ្វេសប៊ុកដដែលនេះ បន្តថា រករឿងតែសាមីខ្លួន ដែលរងការសង្ស័យពីបទប្រមាថជីវិតលោក ហ៊ុន សែន នោះបានហើយ មិនត្រូវរករឿងឪពុកម្ដាយគាត់បែបនេះនោះទេ។ ឈ្មោះ រតនៈបណ្ឌិត អ៊ួន សរសេរថា “ម៉ែឪវា អត់ដឹងអីទេ រកតែវាទៅបានហើយ“។
លោក ផៃ ស៊ីផាន នៅតែការពារជំហរនេះ ដោយតបទៅឈ្មោះ រតនៈបណ្ឌិត អ៊ួន នោះវិញដោយ ចោទថា យុវជន ថារិទ្ធ ប៊ុន មានចរិតជាឃាតក ក៏ដោយសារចាប់ផ្ដើមពីឪពុកម្ដាយរបស់យុវជននេះឯង។
អាស៊ីសេរី នៅមិនទាន់អាចសុំការបំភ្លឺពីលោក ផៃ ស៊ីផាន បាននៅឡើយទេ។
ទោះបីមិនទាន់មានការស៊ើបអង្កេតណាមួយ តាមផ្លូវតុលាការ ក្នុងករណីម្ចាស់គណនីហ្វេសប៊ុកឈ្មោះ ថារិទ្ធិ ប៊ុន ដែលលោក ផៃ ស៊ីផាន អះអាងថា បានសរសេរសារប្រមាថជីវិតលោក ហ៊ុន សែន យ៉ាងណាក្តី ក៏ក្រមព្រហ្មទណ្ឌកម្ពុជា ជំពូកទី១ មាត្រា ២៤ ចែងច្បាស់អំពីការទទួលខុសត្រូវព្រហ្មទណ្ឌ របស់បុគ្គល។ មាត្រានោះចែងថា បុគ្គលម្នាក់ៗ ទទួលខុសត្រូវព្រហ្មទណ្ឌ តែចំពោះអំពើផ្ទាល់ខ្លួនប៉ុណ្ណោះ។ ក្នុងន័យនេះ បើបុគ្គលណាប្រព្រឹត្តកំហុស បុគ្គលនោះទទួលទោស ដោយមិនត្រូវឡូកឡំ ជាមួយសមាជិក គ្រួសារ ឬអ្នកដទៃណាម្នាក់ ដែលមិនជាប់ពាក់ព័ន្ធ ក្នុងការការប្រព្រឹត្តិនេះនោះឡើយ។
លោក គឹម សុខ ស្នើឲ្យមន្ត្រីរបបលោក ហ៊ុន សែន បញ្ឈប់ការការគំរាមកំហែង សម្លុតបំភ័យ និង អាងតួនាទី និងអំណាច មកបន្លាចអ្នកដទៃបែបនេះ តទៅទៀត ព្រោះវារឹតតែបង្ហាញពីភាពមិនថ្លៃថ្នូរ ដល់មន្ត្រីរាជការសាធារណៈ និងប្រព័ន្ធដឹកនាំប្រទេសបែបកុម្មុយនិស្តឆ្អិនឆ្អៅ ដែលផ្ទុយពីស្មារតី នៃរដ្ឋធម្មនុញ្ញកម្ពុជា៕
I weigh my words regarding the statements of ផៃ ស៊ី ផា ន sorry to be rude
ផៃ ស៊ី ផា ន it’s a TRUE ASSHOLE LOW FLOOR
Communist alway do that’ this guy is so dirty mind’ PI C PEST is the real angka lour order like pol-pot . Pi c pest is like mad-dog’ and must ask mr so socheat
ស្អីអាពូជឆ្កែ គឹមសុខហ្នឹង បញ្ញវ័ន្តផង ? អ្ហែងម៉េចមិនអួតវាថា ជាវិរជនតាហ្នងទៅអាមាត់វៀច
មួងណារ៉េត ? ក្រុមអាវិទ្យុលាងក្តRFA និយាយចេញម៉ោបើមិនឆ្កួតក៍ឡប់ដែរ ។