កម្ពុជាធ្វើជាម្ចាស់ផ្ទះកិច្ចប្រជុំកិច្ចការព្រំដែនកម្ពុជា-ថៃ


|
https://www.vodhotnews.com

លោករដ្ឋមន្ត្រីក្រសួងការពារជាតិ ទៀ បាញ់ ជួបសំណេះសំណាលស្វាគមន៍គណៈប្រតិភូកងទ័ពជើងគោកភូមិន្ទថៃ ដឹកនាំដោយ នាយឧត្តមសេនីយ៍ Apirat Kongsompong មេបញ្ជាការ កងទ័ពជើងគោកភូមិន្ទថៃ នៅថ្ងៃទី២៩ ខែមករា ឆ្នាំ២០១៩។ រូបភាព៖ ហ្វេសប៊ុក លោក ទៀ បាញ់ / General TEA Banh

ក្រសួងការពារជាតិប្រកាសថា កម្ពុជានឹងធ្វើជាម្ចាស់ផ្ទះនៃកិច្ចប្រជុំមួយស្ដីពីបញ្ហាព្រំដែនកម្ពុជា-ថៃ ដែលធ្វើឡើងនៅប្រទេសកម្ពុជានាពាក់កណ្ដាលខែនេះ។

ក្នុងសេចក្ដីប្រកាសព័ត៌មាននៅថ្ងៃនេះ ក្រសួងការពារជាតិកម្ពុជាអះអាងថាខ្លួននឹងធ្វើជាម្ចាស់ផ្ទះរៀបចំកិច្ចប្រជុំលើកទី១៤ នៃគណៈកម្មាធិការព្រំដែនកម្ពុជា-ថៃ ដែលធ្វើឡើងនៅរាជធានីភ្នំពេញចាប់ពីថ្ងៃទី១៣ ដល់ថ្ងៃទី១៤កុម្ភៈ ឆ្នាំ២០១៩។ កិច្ចប្រជុំនេះធ្វើឡើងក្រោមអធិបតីភាពរដ្ឋមន្ដ្រីក្រសួងការពារជាតិកម្ពុជា លោក ទៀ បាញ់ និងរដ្ឋមន្ដ្រីការពារជាតិថៃ លោក ប្រាវីត វង្សសូវណ្ណ។

សេចក្ដីប្រកាសព័ត៌មានឲ្យដឹងទៀតថា កិច្ចប្រជុំនេះផ្ដោតសំខាន់ទៅលើការពង្រឹងនិងលើកកម្ពស់កិច្ចសហប្រតិបត្តិការកងទ័ពប្រទេសទាំងពីរ បន្ដថែរក្សាសន្ដិភាពនិងស្ថិរភាពនៅតំបន់ជាប់ព្រំដែននិងដោះស្រាយបញ្ហាប្រឈមនានានៅតំបន់ព្រំដែនប្រទេសទាំងពីរ។​

បើតាមសេចក្ដីប្រកាសព័ត៌មាន កិច្ចប្រជុំនៃគណៈកម្មាធិការព្រំដែនកម្ពុជា-ថៃ គឺកើតចេញពីកិច្ចព្រមព្រៀងឆ្នាំ២០១៦ ដោយមានការជួបប្រជុំប្ដូរវេនគ្នាជាទៀងទាត់ហើយនៅឆ្នាំ២០១៩ កម្ពុជាត្រូវធ្វើជាម្ចាស់ផ្ទះរៀបចំកិច្ចប្រជុំនេះ៕


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

Leave a Reply

Submit Comment