By ឌឹ ខេមបូឌា ដេលី
ឌឹ ខេមបូឌា ដេលី
ព្រះសង្ឃមួយអង្គ និងប្រធានរដ្ឋសភាលោក ហេង សំរិន រងការរិះគន់ជាខ្លាំងពីពលរដ្ឋ សង្គមស៊ីវិល ពិសេសអ្នកប្រើប្រាស់បណ្តាញសង្គមហ្វេសប៊ុក ក្រោយពេលមានការបង្ហោះរូបភាពជាច្រើនសន្លឹកជុំវិញការលុតជង្គង់ របស់ព្រះអង្គនៅចំពោះមុខប្រធានរដ្ឋសភាលោក ហេង សំរិន កាលពីសប្តាហ៍មុន។
ក្រោយពេលមានការរិះគន់ ព្រះសង្ឃអង្គនេះបានចេញសង្ឃដីកាបកស្រាយអំពីមូលហេតុនោះថា រូបភាពព្រះអង្គលុតជង្គង់នោះ ជាទង្វើអចេតនារបស់ព្រះអង្គទេ ដោយសារតែព្រះអង្គរំភើបពេក ដែលបានជួបលោក ហេង សំរិន។ ព្រះតេជគុណអង្គនោះបន្តថា ព្រះអង្គរំភើបនៅពេលលោក ហេង សំរិន បានផ្ដល់ថវិកាប្រគេនព្រះអង្គសម្រាប់យកទៅកសាងព្រះវិហារនៅព្រំដែនកម្ពុជា-វៀតណាម ទើបធ្វើឲ្យព្រះអង្គភ្លេចខ្លួនឯងថា ខ្លួនជាសង្ឃហើយទន់ជង្គង់ចុះ និងសំពះនៅចំពោះមុខប្រធានរដ្ឋសភាតែម្ដង។
ជាមួយគ្នានេះ ព្រះអង្គក៏បានសុំការអធ្យាស្រ័យពីសំណាក់ពលរដ្ឋ ជាពិសេសអ្នកប្រើប្រាស់បណ្ដាញសង្គមហ្វេសប៊ុកឈប់បកស្រាយ និងរិះគន់ក្នុងន័យធ្វើឱ្យប៉ះពាល់សេចក្តីថ្លៃថ្នូររបស់ថ្នាក់ដឹកនាំ និងព្រះពុទ្ធសាសនាផងដែរ។
យ៉ាងណាក៏ដោយ ធម្មនុញ្ញរបស់កម្ពុជាមាត្រា៤បានចែងថា បាវចនានៃព្រះរាជាណាចក្រកម្ពុជាគឺជាតិ សាសនា ព្រះមហាក្សត្រ។
ក្រោយរូបភាពនេះត្រូវបានគេបញ្ចេញ អ្នកលេងបណ្តាញសង្គមហ្វេសប៊ុកក៏បានយករូបភាពអតីតព្រះមហាក្សត្រខ្មែរគឺព្រះបាទនរោត្តមសីហនុគោរពប្រណិបត្តិចំពោះព្រះសង្ឃ ដោយភាពទន់ភ្លន់ ហើយព្រះសង្ឃនៅតែបង្ហាញភាពធម្មតា។ ចំណែករូបភាពមួយទៀតបង្ហាញពីការលុតជង្គង់ និងសំពះរបស់ព្រះសង្ឃ នៅចំពោះមុខលោកហេង សំរិនដោយលោក ហេង សំរិន បង្ហាញចរិតមាំមិនបានគោរពចំពោះព្រះសង្ឃឡើយ។
ប្រធានសម្ព័ន្ធគណនេយ្យភាពសង្គមកម្ពុជាលោក សន ជ័យ បានសរសេរនៅគណនីហ្វេសប៊ុករបស់លោកដោយបានបង្ហោះរូបភាពព្រះសង្ឃលុតជង្គង់ និង សំពះលោក ហេង សំរិន នោះ ហើយសរសេរថា «ចង់ឱ្យមានការបកស្រាយ ចំពោះបញ្ហានេះ»។ ក្រោយមានការរិះគន់ និងចង់ឱ្យមានការបកស្រាយគឺមានតែភាគីព្រះសង្ឃអង្គនោះប៉ុណ្ណោះដែលបានចេញព្រះភក្ត្របកស្រាយ ចំណែកប្រធាន រដ្ឋសភាលោក ហេង សំរិន នៅមិនទាន់មានការបកស្រាយណាមួយចំពោះសកម្មភាពនោះនៅឡើយទេ៕
© 2019, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.
You can see, ” the money talk and walk”
Who can say money is nothing…?
Money can buy heaven and hell the same time. (Am i wrong with this one?). But I do see people burn fake money during funeral procession or New year (why money is burned?) or donate money to the monks at Pshum Ben festival.