លោក​ ស ខេង​ បញ្ជា​ឲ្យ​កងកម្លាំង​ត្រៀម​បង្ក្រាប​រាល់​សកម្មភាព ​ដែល​ប៉ុន​ប៉ង​ធ្វើ​ឲ្យ​កម្ពុជា​ធ្លាក់​ក្នុង​ភាព​ចលាចល​

លោក ស ខេង ឧបនាយករដ្ឋមន្ត្រី និងជារដ្ឋមន្ត្រីក្រសួងមហាផ្ទៃ។ ហេង ជីវ័ន




ភ្នំពេញប៉ុស្តិ៍

ស្ទឹងត្រែងៈ លោក ស ខេង បាន​បញ្ជា​ឲ្យមន្ត្រី​រដ្ឋបាលខេត្ត និង​កម្លាំង​ប្រដាប់អាវុធ​ត្រៀម​ បង្ការ​ ទប់ស្កាត់ និង​បង្ក្រាប ឲ្យ​ខាងតែ​បាននូវ​រាល់​​សកម្មភាព​ ដែល​ប៉ុនប៉ង​ធ្វើ​ឲ្យ​កម្ពុជា​ធ្លាក់​ក្នុងស្ថានភាពសង្គ្រាម ភាព​ចលា​ចល វឹកវរ ដែល​លោក​ថា​ បង្ក​ឡើង​ដោយក្រុម​ក្រៅច្បាប់​មួយ​នៅ​បរទេស​ដែល​កំពុង​បំផុ​ស​​​បំផុល​ពី​ការ​ប៉ុនប៉ង​វិល​ត្រឡប់​ចូល​​មក​កម្ពុជា​ទាំង​ខុស​ច្បាប់។

ទោះ​បីយ៉ាង​ណា​ បទបញ្ជា​របស់លោក ស ខេង នេះ គឺ​​មិន​បាន​សំដៅ​​ចំ​ឈ្មោះ​ក្រុម​ណា​មួយ​ជាក់​លាក់​នោះ​ទេ ប៉ុន្តែ​ត្រូវ​បាន​គេ​​យល់​ថា គឺ​សំដៅ​ទៅ​លើ​​ក្រុម​របស់លោក សម រង្ស៊ី​ ប្រធាន​ស្តី​ទី អតី​ត​គណ​បក្ស​សង្គ្រោះ​​ជាតិ ដែល​នៅ​បរទេស ដែលលោក ស ខេង​​ ថា ​តែងតែ​ញុះ​ញង់​ឲ្យប្រជាពលរដ្ឋ និង​កងកម្លាំងប្រដាប់អាវុធ​ នៅក្នុង​ប្រទេស​ ងើប​បះ​បោរ​ប្រឆាំង​រាជ​រដ្ឋាភិបាល​​កម្ពុជា និងបាន​បំផុសប្រជាពលរដ្ឋ​នៅ​ខាង​ក្នុ​ង ​ដើម្បី​រង់​​ចាំ​ស្វាគមន៍​ ការវិល​ត្រឡប់​មកវិញ ក្រោយពី​ពួកគេ​ ត្រូវបាន​ហាម​ធ្វើ​នយោ​បាយ​ស្របពេល​គណបក្ស​សង្គ្រោះ​ជាតិ​ត្រូវបាន​រំលាយដោយ​តុលាការ កាលពី​ខែ​វិច្ឆិកា ឆ្នាំ ២០១៧។

លោក ស ខេង បាន​ថ្លែង​បែប​នេះ នៅ​ក្នុង​ពិធី​បិទ​សន្និបាត​បូក​សរុប​លទ្ធផល​ការងារ​ឆ្នាំ ២០១៨​ និងលើក ទិស​ដៅ​ការងារ​សម្រាប់​អនុវត្ត​ឆ្នាំ ​២០១៩ របស់​រដ្ឋបាល​ខេត្ត​ស្ទឹង​ត្រែង កាល​ពីថ្ងៃ​ម្សិល​មិញ​ ដែល​មាន​ការចូល​រួម​ពីមន្ត្រី​រដ្ឋ​​បាលខេត្ត មន្ត្រី​នគរបាល ​និង កងរាជ​អាវុធហត្ថរាប់​រយ​នាក់​។

លោក​ថា អាជ្ញាធរ​ និង​កម្លាំ​ង​​សមត្ថកិច្ច​គ្រប់លំដាប់​​ថ្នាក់​ ត្រូវ​បន្ត​រួមគ្នា​ពង្រឹង ​សន្តិ​ភា​​ព និងស្ថិរភាព ហើយ​ត្រូវ​ខិត​ខំរួមគ្នា​ថែរក្សា ការពារ​នូវ​សុខសន្តិភាព​ដោយ​ថ្នាក់​​បញ្ជា​ការ​ឯក​ភាព​គ្រប់​ថ្នាក់ត្រូវ​ពង្រឹ​ង អាជ្ញាធរ​និង​កម្លាំង​មាន​សមត្ថកិច្ច​នានា ដើម្បី​បង្ការ​ទប់ស្កាត់ និង​បង្ក្រាបឲ្យ​ខាង​​តែ​បាន​នូវ​រាល់​សកម្មភាព​ដែល​ប៉ុនប៉ង​ធ្វើ​ឲ្យ​កម្ពុជា​ធ្លាក់​​ទៅ​ក្នុង​ស្ថានភាព​សង្គ្រាម ភាព​ចលាចល វឹកវរ​នៅ​ក្នុង​សង្គម។

លោក​ក៏បាន​បញ្ជា​ឲ្យថ្នាក់ដឹកនាំនៅតាម​មន្ទី​រអង្គភាព​នានា ត្រូវ​​​ពង្រឹង មន្ត្រីរាជ​ការ កង​កម្លាំង​ប្រដាប់អាវុធ កម្លាំង​មានសមត្ថកិច្ច​នានា​ក្នុង​អង្គ​ភាព​របស់​ខ្លួន​ ឲ្យ​​លើក​កម្ពស់​ការ​គោរពវិន័យ​ បទបញ្ជា​ផ្ទៃក្នុង និ​ង​​ខិតខំ​បំពេញ​​​ភារកិច្ច​ប្រកប​ដោ​យការទទួល​ខុសត្រូវ ស្រប​តាម​តួ​នាទី​ភារកិច្ច​​រៀងៗ​ខ្លួន។

លោក​បញ្ជាក់​ថា៖ «​កម្លាំង​ប្រឆាំង​នឹង​សុខសន្តិភាព ​កំពុង​តែ​ខិតខំ​ ដើម្បី​រក​វិធី​បំផ្លាញ​សុខ​សន្តិភាព។ នេះ​គឺជា​បញ្ហា ​ដូច្នេះ​ គឺ​យើង​មិនត្រូវ​ភ្លេចខ្លួន យើ​​ង​មិនត្រូវ​បាត់​ការ​ប្រុង​ប្រយ័ត្ន ឬក៏​ស្ពឹក​ស្រ​ពន់ ឆ្អែត​ឆ្អន់​នឿយ​ណាយ​នោះទេ​ ចាំ​បាច់​ត្រូវ​​តែ​ម្ចាស់​ការ​បំផ្លាញចោល នូវ​រាល់​​សកម្មភាព​ទាំង​ឡាយ​ណា​ដែ​លមានបំណង ឬក៏​ដែល​ធ្វើ​សកម្មភាព​បំផ្លាញ​សុខ​សន្តិភាព»។

លោក​បន្ថែមថា មាន​ក្រុម​ ១ ​ដែល​នៅក្រៅ​ច្បាប់​ ប៉ុនប៉ង ចូលមក​កម្ពុជា​ ទាំង​ខុសច្បាប់ ​ហើយ​​​ថា ​នៅ​ឆ្នាំពី ២០១៣ ពួកគេ​ចូលមក​ដោយ​ស្រប​ច្បាប់​ ដើម្បី​ចូលរួម​ប្រកួត​ប្រជែង​ ការ​បោះឆ្នោតឆ្នាំ ២០១៣ ប៉ុន្តែ ឥឡូវនេះ វា​ខុសពី​ឆ្នាំ ២០១៣ បំណង​របស់​ពួកគេ​ដែល​ចង់​ចូល​មក​​គឺ​ខុសច្បាប់ ដោយសារ​បាន​បំផុសពលរដ្ឋ​នៅ​ខាង​​​ក្នុង​ឲ្យ​រង់​ចាំ​ស្វាគមន៍​ការ​វិល​ត្រឡប់​មក​វិញ​​របស់​ពួកគេ។

លោក​បញ្ជាក់​ដូច្នេះ​ថា៖ «​ការស្វា​គម​ន៍​របៀបនេះ វា​មិន​ដូចគ្នា នៃ​ការ​ស្វា​រគម​ន៍​នៅ​ឆ្នាំ ២០១៣ ទេ។​ នេះ​ហើយ​​ដែល​ខ្ញុំ​ចង់​និយាយ​ថា ​ការ​ប៉ុនប៉ង​ ដើម្បី​បំផ្លាញ​សុខសន្តិភាព​ និង​ស្ថិរភាព​នៅ​កម្ពុជានោះ​ ពីព្រោះ​ថា​ កាល​ណា​ចូលមក​ខុស​ច្បា​ប់ ​ប្រមូល​កម្លាំង​គាំទ្រ​ចូលរួម​ដើម្បី​​ទទួល​ឬ​ធ្វើ​សកម្មភាព​ណា​មួ​យ​ប្រែ​មក​ថា ​ប្រឆាំង​ជាមួយនឹង​ច្បាប់ ប្រឆាំងនឹង​សុខ​សន្តិភាព ស្ថិរភាព ដែល​យើង​កំពុង​តែ​មាន​សព្វថ្ងៃ​នេះ ប្រឆាំង​នឹង​ការ​អភិវឌ្ឍ»។

លោក​ ស ខេង ក៏បាន​ណែនាំ​ដល់​មន្ត្រី​ទាំងអស់​ត្រូវ​យក​ចិត្តទុកដាក់​អប់រំ​ប្រជាជន​គ្រប់​មជ្ឈដ្ឋាន​ ឲ្យ​ពង្រឹង​នូវ​កិច្ច​សហការ​ប្រកបដោយ​ការ​យោគយល់​ និង​អ​ធ្យា​​ស្រ័យ​គ្នា និង​លើក​កម្ពស់​ស្មារតី​ជួយ​ឧបត្ថម្ភ​គាំទ្រ​គ្នា​ទៅវិញ​ទៅមក​ព្រមទាំង​​ខិតខំ​រួមគ្នា ការពារ​ផល​ប្រយោជន៍​ជាតិ ផល​ប្រយោជន៍ សាធា​រណៈ​ និង​ត្រូវ​ចៀស​វាង​ការចូល​រួម​ក្នុង​សកម្មភាព​ទាំង​ឡាយ​ណា ដែល​ផ្ទុយ​ទៅ​នឹង​ច្បាប់និង​សកម្មភាព​ទាំង​ឡា​យ​​ណា​ដែល​នាំ​ឲ្យ​ប៉ះពាល់​សន្តិភាព ស្ថិរ​ភាព ​សណ្តាប់​ធ្នាប់ សាធា​រណៈក្នុងសង្គម​ជាតិ​ទាំង​មូល។

លោក​បញ្ជាក់​បន្ថែម​ថា៖ «​យើង​ដឹង​ទាំងអស់គ្នា​ហើយ​ បើ​គ្មាន​សុខសន្តិភាព​ទេ យើង​ធ្វើ​អី​មិន​បានទេ ហើយ​មិនមែន​នៅតែ​កម្ពុជា​ទេតែ​ប្រទេស​ទាំងអស់នៅលើ​សកល​លោក​ដូចគ្នា​ដែរ។ បន្ទាប់ពី​យើ​ង​បាន​សុខសន្តិភាព យើង​ខិតខំ​ធ្វើ​ម៉េ​ច ការពារ​សុខសន្តិភាព​ឲ្យបាននេះ​គឺជា​ការ​ចាំបាច់»។

ជា​មួយ​គ្នា​នេះ លោក​​ឧបនាយករដ្ឋមន្ត្រី​ ស ខេង ក៏​បាន​លើក​ឡើង​​ដែរ​ថា ប្រទេស ​កម្ពុជា ​មិនល្អ​ឥតខ្ចោះ​នោះ​ទេ​ ដូច្នេះហើយបានជា​រាជរដ្ឋា​ភិបា​ល​បន្ត​កែ​ទម្រង់ និង​ដោះស្រាយ​បញ្ហា​ប្រឈមទាំង​ឡា​យ ហើយ​ថា ក្រោយ​ការ​បោះ​​​ឆ្នោត​ជាតិលើក​ទី៦ រហូតដល់​ពេល​នេះ ​សភាព​ការណ៍​ជាទូទៅ នៃ​ប្រទេស​កម្ពុ​ជា មាន​លក្ខណៈ​អំណោយ​ផល​ជាង​ពេល​ណា​ទាំង​អស់។

លោក គិ​ន ភា ប្រធាន​វិទ្យាស្ថាន​ទំនាក់ទំនង​អន្តរជាតិ​ នៃ​រាជបណ្ឌិត្យសភាកម្ពុជា ​បាន​​គាំទ្រ​ការដាក់​បញ្ជា​ និងការ​ណែនាំ​របស់លោក​ ស ខេង ដល់​អាជ្ញា​ធរ និង​កង​កម្លាំង​មាន​សមត្ថកិច្ច។

លោក​បញ្ជាក់​ថា​៖ «នេះ​គឺជា​ការ​ដាស់តឿន​មន្ត្រី​របស់​យើង​ឲ្យ​មានការ​ប្រុងប្រ​​យ័ត្ន ឬ​ធ្វើ​សកម្មភាព​ណា​មួយ​ដែល​គាំទ្រ លោក សម រង្ស៊ី​ ដោយសារ​មន្ត្រី​អាជ្ញាធរមាន​សមត្ថកិច្ច​គឺជា​​អ្នកអនុវត្ត​ច្បាប់​។ បើសិនប្រជាពលរដ្ឋ​ទៅ​ចូលរួ​ម និង​ស្វាគមន៍ ក្នុងន័យ​នយោ​​បាយ គាត់​បាន​រំលោភច្បាប់​ ដោ​យ​ការ​ទៅ​ទទួល​ស្វា​គម​ន៍​តាម​លក្ខ​ណៈន​យោ​បាយធ្វើ​ឲ្យ​ខូចនិង​បាត់​បង់​ស្ថិរភាព​សង្គ​ម និង​ផ្ទុយ​នឹង​សាលក្រម​តុលាការ​កំពូល​ដែល​​ហាម​ពួកគេ​ធ្វើ​សកម្ម​ភាព​នយោបាយ»។

ប៉ុន្តែ លោក មាស នី អ្នក​វិភា​គ​​នយោបាយ​ម្នាក់ទៀត ​បាន​ចាត់​​ទុក ការលើកឡើង​របស់​លោក ស ខេង ថា គ្រាន់​តែ​ជា សារ​នយោបាយ​ ដែល​មាន​បំណង​លាង​សម្អាត​នូវ​ការ​សង្ស័យ​រប​ស់​លោកនាយក​រដ្ឋមន្ត្រី នាពេ​ល កន្លង​មក ចំពោះ​ភក្តី​ភាព​របស់​លោក​ ស ខេង ចំពោះ​លោក​ ហ៊ុន សែន ហើយ​​ការដាក់​បញ្ជា​នេះ ​វា​ក៏​បង្ហាញ​ថា ​រាជ​រដ្ឋា​ភិបា​ល​ ក៏មាន​ការ​សង្ស័យ​ទៅ​លើ​កម្លាំង​ប្រដាប់​អាវុធ​របស់​ខ្លួន​ដែរ។

លោក​បញ្ជាក់​ថា​៖ «ធម្មតា​លោក ស ខេង ត្រូវ​ថ្លែង​សារ​បែបនេះដើម្បី​ការពារ​ខ្លួន​គាត់​ កុំ​ឲ្យ​មានការ​សង្ស័យ​តទៅ​ទៀ​ត​​​ចំពោះ​​ការ​មន្ទិល​ពីស​ម្តេច ហ៊ុន​ សែន និង​សមាជិក (CPP) ផ្សេង​ទៀត»។

ក្រៅ​ពី​នេះលោ​ក ​​មាស នី ក៏​បាន​គូស​បញ្ជាក់​ផងដែរថា​ បើ​ទោះ​បី​ជា​មាន​ប្រជាពល​រដ្ឋ​ចេញ​ទៅ​រង់​ចាំ​ទទួល​ស្វាគម​ន៍​លោក​ សម រង្ស៊ី ក៏​ដោយ ក៏​វា​មិនមែន​ជា​អំពើ​ខុស​ច្បាប់​អ្វី​ដែរ ដោយ​សារ​តែ​សំណុំ​រឿង​ដែល​ធ្វើការ​ចោទ​ប្រកាន់​ទៅ​លើ​លោក​ សម រង្ស៊ី គឺ​ជា​រឿង​នយោបាយ៕


Contact author: ម៉ិច ដារ៉ា

What Next?

Recent Articles

2 Responses to "លោក​ ស ខេង​ បញ្ជា​ឲ្យ​កងកម្លាំង​ត្រៀម​បង្ក្រាប​រាល់​សកម្មភាព ​ដែល​ប៉ុន​ប៉ង​ធ្វើ​ឲ្យ​កម្ពុជា​ធ្លាក់​ក្នុង​ភាព​ចលាចល​"

  1. Anonymous says:

    as a Cambodian bored I always think about Cambodian and it’s nation back home. some time I do not like politician that mad harm to their nation and their own people. my research from the history of Cambodia found out there was no leader who truly love their own people and it’s nation. in three generation of Cambodian leadership I only found the king NORRO DAM SIHANOU was better after that LON NOL, POL POT, in LON NOL it just a short period we did not know what he have don to made this nation safe because it was in the war in region interest of supper powers . Cambodia that all Cambodian have known for many generation was always under influence of Vietnamese’s government policy their main policy was to take over our sad nation. in POL POT regime there was a mix understanding of who was the real genocidal for this poor nation . during POL POT there was another leadership that Vietnam had formed and both of them was in and during the killing field sadly over two million Cambodian life was vanish from this sad land. Vietnam invaded Cambodia in 1979 and put this CPP to leaded this poor nation until this day . the question is do we Cambodian though that Vietnamese government love our nation then their . we knew after they got in our country they stool just about every thing from our country . one more I myself want all Cambodian to think over about the CPP that HUN SEN is a top man who is in powers right now . CPP was form by Vietcong long be for POL POT regime in 1952 and from that year we did not know what was their action the killing field was the case that making us wonder. the peace that CPP always said is in the big question . Cambodian should think what kind of peace they are having right now. this question is only Cambodia that living inside the country can judge . I knew the peace agreement in PARIS was sing by CPP but right now world community still crying out for this CPP to follow this agreement???????????it is too long for me to write but my last question to all Cambodian is. in time that world community putting pressure to HUN SEN leadership and I know for sour they will put economy sanction again HUN SEN please believing me they will never give up to this dump dictator . after all every thing is up to all Cambodian the future in your hand no one can help you until you help yourself first. we are whit you to see some thing change for the sage of this nation . GOD bless Cambodia and it people

  2. Sam says:

    សូមជំរាបអោយដឹងថា​​ អង្ការគឺភ្នែកម្នាស់។

Leave a Reply

Submit Comment