អ្នកវិភាគ៖ បដិវត្តន៍​ពណ៌​អាច​នឹង​ផ្ទុះ​ឡើង​នៅ​កម្ពុជា​ បើ​គ្មាន​វិធានការ​កាត់​បន្ថយ​អំពើ​អយុត្តិធម៌​ក្នុង​សង្គម

នយោបាយ


រូបឯកសារ៖ អ្នកគាំទ្រ​អង្គការ​សិទ្ធិមនុស្ស​ត្រូវបាន​បង្ខំឲ្យ​ដើរ​ទៅ​មុខ ដោយ​ក្រុម​ប៉ូលិស​សន្តិសុខ ខណៈ​ដែល​ពួក​គេ​នាំ​គ្នា​ដើរ​ហែរ​ក្បួនប្រឆាំង​នឹង​ការ​ចោទប្រកាន់​លើ​សកម្មជន​សិទ្ធិមនុស្ស​ នៅ​ក្បែរ​គុកព្រៃស រាជធានី​ភ្នំពេញ កាលពី​ថ្ងៃច័ន្ទ ទី៩ ខែឧសភា ឆ្នាំ២០១៦។


28 កុម្ភៈ 2019
ហ៊ុល រស្មី
វីអូអេខ្មែរ

នៅ​កម្ពុជា​ ក្រុម​មេដឹកនាំ​កម្ពុជា​ មាន​ទាំង​យោធា​ និង​តំណាង​រាស្ត្រ​ផង តែង​តែ​​លើក​ឡើង​ពី​ការ​ត្រៀម​ទប់​ស្កាត់​សកម្ម​ភាព​​នានា​ដែល​អាច​ឈាន​ទៅ​ដល់​បដិវត្តន៍​ពណ៌​នេះ ទោះបីជា​ក្រុម​អ្នក​វិភាគ​ផ្ដល់​ទស្សនៈ​ផ្សេងៗ​គ្នា​អំពី​ចលនា​បដិវត្តន៍​មួយ​នេះ​ក៏​ដោយ។

អ្នក​វិភាគ​មួយ​ចំនួន ​មិនទាន់​មាន​ចម្លើយ​ច្បាស់​លាស់​ទៅ​នឹង​សំណួរ​ថា​តើ​នឹង​មាន​បដិវត្តន៍​ពណ៌​នៅ​កម្ពុជា​ដែរ​ឬទេ​ នៅ​ក្នុង​ស្ថានភាព​របស់​កម្ពុជា​នា​ពេល​បច្ចុប្បន្ន​នេះ។

ក៏ប៉ុន្តែ​ ក្រុម​មន្ត្រី​កម្ពុជា​ មាន​ទាំង​មន្ត្រី​ថ្នាក់​ខេត្ត​ នៅ​បន្ត​បង្ហាញ​ការ​តាំងចិត្ត​វាយកម្ទេច​បណ្ដាញ​របស់​ចលនា​បដិវត្តន៍​ពណ៌។

ថ្មីៗ​នេះ​ នៅ​ឯ​ក្រុង​កំពង់ឆ្នាំង​ នៃ​ខេត្ត​កំពង់ឆ្នាំង​ អ្នក​ធ្វើ​ដំណើរ​ឆ្លងកាត់​ខេត្ត​ជាប់​បឹង​ទន្លេសាប​មួយ​នេះ​ នឹង​មិន​អាច​មើល​រំលង​បាន​ទេ​ នូវ​បដា​ធំៗ​ ដែល​មាន​សរសេរ​អក្សរ​ធំៗ​ផង​ដែរ​ថា៖

«ប្រជាជន​ខេត្ត​កំពង់​ឆ្នាំង​ប្រឆាំង​ដាច់​ខាត​ជន​ក្បត់​ជាតិ​ និង​បក្ស​ពួក​ដែល​ប៉ុនប៉ង​បង្កើត​បដិវត្តន៍​ពណ៌​នៅ​កម្ពុជា»។

នេះ​គឺ​ជា​បដា​ដែល​មិនធ្លាប់​មាន​ពីមុន​មក​ សម្រាប់​អបអរ​ពិធីបុណ្យទន្លេ កាលពី​ពាក់​កណ្ដាល​ខែ​កុម្ភៈ ឆ្នាំ​២០១៩​កន្លង​ទៅ​នេះ។

​បដាមួយដែលនិន្នាការនយោបាយ ត្រូវបានដាក់តាំងនៅលើផ្លូវជាតិកាត់ក្រុងកំពង់ឆ្នាំង ជាប់បឹងទន្លេសាប។ (ស៊ុន ណារិន/VOA)

​បដាមួយដែលនិន្នាការនយោបាយ ត្រូវបានដាក់តាំងនៅលើផ្លូវជាតិកាត់ក្រុងកំពង់ឆ្នាំង ជាប់បឹងទន្លេសាប។ (ស៊ុន ណារិន/VOA)


ខេត្ត​កំពង់​ឆ្នាំង មិន​បាន​និយាយ​ចំ​ឈ្មោះ​បុគ្គល​ដែល​ដឹកនាំ​ចលនា​បដិវត្តន៍​ពណ៌​ដែល​បាន​បោកបក់​លើ​តំបន់​មជ្ឈិមបូព៌ា​ ផ្នែក​ខ្លះ​នៃ​អឺរ៉ុប​ខាង​កើត​ និង​តំបន់​អាហ្វ្រិក​នោះ​ទេ​ តែ​ក្រុម​មន្ត្រី​គ្រាក់ៗ នៃ​កង​យោធពលខេមរភូមិន្ទ​ បាន​ដាក់​ការ​សង្ស័យ​លើ​លោក​ សម​ រង្ស៊ី​ អតីត​មេដឹកនាំ​គណបក្ស​សង្គ្រោះ​ជាតិ​ ដែល​ត្រូវ​បាន​តុលាការ​កំពូល​កម្ពុជា ​រំលាយ​ចោល​កាល​ពី​ឆ្នាំ​២០១៧។

​លោក​បណ្ឌិត មាស​ នី​ អ្នកវិភាគ​ស្ថានការណ៍​នយោបាយ​កម្ពុជា​ ប្រាប់​ VOA កាលពី​ខែ​មករា​ថា​ មិន​ទាន់​មាន​ឃើញ​សញ្ញាណ​ណាមួយ​ ដែល​បង្ហាញ​ពី​ការ​ផ្ទុះ​បដិវត្តន៍​ពណ៌​នៅ​កម្ពុជា​នោះ​ទេ។

អ្នកវិភាគ​រូប​នេះ​ មានប្រសាសន៍​ថា​ រដ្ឋាភិបាល​គួរ​សិក្សា​ពី​រោគ​សញ្ញា​ដែល​អាច​បញ្ឆេះ​ចលនា​បដិវត្តន៍​ ដែល​លោក​យល់​ថា​ មិន​អាចចេះ​តែ​កើត​ឡើង​ដោយ​ឯកឯង​នោះ​ទេ។

«បដិវត្តន៍​ពណ៌​នេះ​ វា​មិនមែន​នៅ​ស្ងៀមៗ​ វា​កើត​ខ្លួន​ឯង​ទេ។ វា​កើត​ដោយសារ​តែ​រដ្ឋាភិបាល​ហ្នឹង​មិន​បាន​ទទួល​ខុស​ត្រូវ​ទៅលើ​យុត្តិធម៌​សង្គម​ ការ​គោរព​សិទ្ធិមនុស្ស​ នៅ​ក្នុង​ប្រទេស​របស់​ខ្លួន។ បាទ អ៊ីចឹង​ បើ​សិន​ជា​រដ្ឋាភិបាល​កម្ពុជា​ មាន​ការ​ព្រួយ​បារម្ភ​រឿង​ហ្នឹង​មែន​ គួរ​តែ​នាំ​គ្នា​សម្លឹងមើល​មក​វិញ​មក​ថា​ នៅ​ពេល​ដែល​យើង​តែង​តែ​និយាយ​អំពី​ការ​ព្រួយបារម្ភ​នូវ​រឿង​បដិវត្តន៍​ពណ៌​នេះ​ ក៏​ត្រូវ​តែ​មាន​ដំណោះស្រាយ​ណា​ខ្លះ​ ដែល​ត្រូវធ្វើ​ជា​បន្ត​បន្ទាប់​ ដើម្បី​ការ​ពារ​កុំ​ឲ្យ​បដិវត្តន៍​ហ្នឹង​កើត​ឡើង​ ហើយ​ការ​ការ​ពារ​បដិវត្តន៍​ពណ៌​នេះ​ គឺ​មិន​មែន​ដំណោះស្រាយ​របស់​វា​ មិនមែន​ជា​ការ​គំរាម​ មិនមែន​ជា​ការ​តាម​ដាន​ទេ»។

លោក​បណ្ឌិត​ ឈាង វណ្ណារិទ្ធ​ អ្នកវិភាគ​កិច្ចការ​តំបន់​ មានប្រសាសន៍​ថា​ បដិវត្តន៍​ពណ៌​ គឺជា​ចលនា​សកល​មួយ​ដែល​បាន​ធ្វើ​ឲ្យ​អ្នក​តាក់​តែង​គោល​នយោបាយ​របស់​រដ្ឋាភិបាល​ទីក្រុង​ភ្នំពេញ ​កើត​ការ​ព្រួយបារម្ភ។

​«អ្នកវិភាគ​ ក៏​ដូច​ជា​អ្នក​តាក់​តែង​គោលនយោបាយ​ គាត់​មាន​ការ​បារម្ភ។ អ៊ីចឹង​ ការ​បារម្ភ​ហ្នឹង​ គឺ​វា​មាន​ហេតុ​ផល ទាក់​ទង​ទៅ​នឹង​អា​ចលនា​សកល​ហ្នឹង។ ហើយ​យើង​មើល​ពី​ទិដ្ឋភាព​ជាក់​ស្ដែង​នៅ​កម្ពុជា​ ក៏​វា​គួរ​ឲ្យ​មានការ​បារម្ភ​ខ្លះ​ដែរ​ ពីព្រោះ​ថា​ អាច​នឹង​មាន​ គេ​ហៅថា​ ចលនា​មហា​ជន​ណា​មួយ​ ដើម្បី​ធ្វើ​ការ​តវ៉ា​ប្រឆាំង​ហ្នឹង​រដ្ឋាភិបាល​ហ្នឹង​ ហើយ​វា​អាច​ឈាន​ទៅ​រក​ ចលនា​មហាជន​ធំ​ កាន់តែ​ធំ​ទៅ​ៗ​ អ៊ីចឹង​អា​ហ្នឹង​ ក៏​ជា​ការ​បារម្ភ​មួយ។ ខ្ញុំ​ថា​ វា​មាន​ហេតុផល​ វា​សម​ស្រប​ទៅ​នឹង​កាលៈទេសៈ​ ដែល​ពិភពលោក​កំពុង​តែ​ជួបប្រទះ​ ក្នុងរយៈពេល​ទសវត្សរ៍​ចុង​ក្រោយ​នេះ​បាទ»។

អ្នកវិភាគ​កិច្ច​ការ​តំបន់​រូប​នេះ​ ក៏​មិន​ទាន់​ប្រាកដ​ថា​តើ​នឹង​មាន​រោគសញ្ញា​ជាក់​លាក់​ណាមួយ​ដែល​នាំ​ឲ្យ​មាន​ការ​ផ្ទុះឡើង​នូវ​បដិវត្តន៍​នៅ​កម្ពុជា​ជាថ្មី​ តែលោក​បាន​ប្រមើល​ថា​ ចលនា​មហាជន​មួយ​អាច​នឹង​កើត​មាន​ឡើង​ នៅ​ពេល​មាន​វត្តមាន​អតីត​មេ​បក្ស​ប្រឆាំង​នៅ​កម្ពុជា។

​លោក ​ឈាង វណ្ណារិទ្ធ ថ្លែង​បន្ថែម​ថា៖​

«ទាក់​ទង​រោគសញ្ញា​ វា​អាស្រ័យ​ទៅលើ​អ្នក​គេ​ហៅ​ថា​ វិភាគ​ ក៏​ដូច​ជា​អ្នក​វាយ​តម្លៃ​ទៅលើ​ស្ថាន​ការណ៍​ជាក់​ស្ដែង​ ហើយ​បើ​យើង​មើល​ទៅ​ឃើញ​ថា​ ចលនា​ហ្នឹង​ មហាជន​ហ្នឹង​អាច​កើត​ឡើង​ខ្លាំង​ ប្រសិន​បើ​មេដឹកនាំ​គណបក្ស​ប្រឆាំង​គាត់​សម្រេច​ចូល​មក​ស្រុក​ខ្មែរ​វិញ​ ខ្ញុំ​ឧទាហរណ៍​ វា​អាច​បង្កើត​ជា​ចលនា​មហាជន​មួយ​បាទ​។ អ៊ីចឹង​ អា​ហ្នឹង​ក៏​ជា​ ការ​ព្រួយ​បារម្ភ​ ហើយ​វា​អាច​ជា​ការ​គំរាម​ទៅ​ដល់​ស្ថានការណ៍សន្តិសុខ​ នយោបាយ​នៅ​កម្ពុជា​ហ្នឹង​ដែរ។ វា​អាស្រ័យ​ទៅលើ​ អ្នក​ដឹកនាំ​នយោបាយ​ដែរ»។

រូបឯកសារ៖ កសិករខេត្តកោះកុងត្រូវបានរារាំងដោយកងសន្តិសុខ នៅពេលដែលពួកគេតវ៉ានៅក្បែរផ្ទះរបស់លោកនាយករដ្ឋមន្ត្រី ហ៊ុន សែន រាជធានីភ្នំពេញ ថ្ងៃទី១៤ ខែកុម្ភៈ ឆ្នាំ២០១៧។

រូបឯកសារ៖ កសិករខេត្តកោះកុងត្រូវបានរារាំងដោយកងសន្តិសុខ នៅពេលដែលពួកគេតវ៉ានៅក្បែរផ្ទះរបស់លោកនាយករដ្ឋមន្ត្រី ហ៊ុន សែន រាជធានីភ្នំពេញ ថ្ងៃទី១៤ ខែកុម្ភៈ ឆ្នាំ២០១៧។


រដូវ​ផ្ការីកអារ៉ាប់​ បាន​ធ្វើឲ្យ​រង្គោះ​រង្គើ​ប្រព័ន្ធ​ដឹកនាំ​នៅ​ក្នុង​ប្រទេស​អារ៉ាប់​ស្ថិត​ក្នុង​តំបន់​មជ្ឈិម​បូព៌ា​ និង​តំបន់​អាហ្វ្រិក ​ហើយ​រាល​ដាល​មក​ដល់​តំបន់​អឺរ៉ុប​ ដោយសារ​តំបន់​ទាំង​នោះប្រឈម​នឹងរោគសញ្ញា​នៃ​វិបត្តិ​សង្គម​និង​នយោបាយ​ធំៗ រួម​នឹង​ជម្លោះ​សាសនា​នៅ​ក្នុង​ប្រទេស​ទាំង​នោះ។

វិបត្តិ​ទាំងនោះ​រួមមាន​ ការ​រីក​រាល​ដាល​នៃ​ភាព​ក្រី​ក្រ​ អំពើ​ពុក​រលួយ​ គម្លាត​ទ្រព្យ​សម្បត្តិ ការ​ប្រមូល​ផ្ដុំ​អំណាច​នៅ​លើ​តែ​ថ្នាក់​កណ្ដាល​របស់​រដ្ឋាភិបាល ការ​ធ្លាក់​ចុះ​ដុនដាប​នៃ​សេដ្ឋកិច្ច​ ការ​រំលោភ​សិទ្ធិ​ធ្ងន់ធ្ងរ​ ហើយ​នឹង​ការ​ស្ថិត​នៅ​ក្នុង​អំណាច​យូរ​ហួស​ហេតុ​របស់​មេដឹកនាំ។

លោក​បណ្ឌិត ​អ៊ា សុផល​ សាស្ត្រាចារ្យ​ផ្នែក​កិច្ចការ​ទូត​ ​និង​កិច្ចការ​ពិភពលោក​នៃ​មហា​វិទ្យាល័យ​ Occidental​ រដ្ឋ​កាលីហ្វ័រញ៉ា​ និង​ជា​អ្នកវិភាគ​គោល​នយោបាយបាន​បញ្ជាក់​ VOA ឲ្យ​ដឹង​តាម​សារ​អេឡិចត្រូនិក​ ឬ​ Email ​កាលពី​ថ្ងៃអង្គារ​នៅ​សប្ដាហ៍​នេះ​ថា​ មិនទាន់​មាន​តម្រុយ​ណា​បង្ហាញ​ថា​ បដិវត្តន៍​នឹង​មក​ដល់​កម្ពុជា​ទេ​ តែ​ការផ្លាស់ប្ដូរ​ទៅ​វិញ​ទេ​ ដែល​កំពុង​មក​កាន់​កម្ពុជា។

លោក​បាន​សរសេរ​ជា​ភាសា​អង់គ្លេស​ និង​ត្រូវ​បាន​ប្រែ​សម្រួល​ជា​ភាសា​ខ្មែរ​តាម​ន័យ​ដើម​ថា៖​

«​ខ្ញុំ​គិត​ថា​ ការ​ផ្លាស់ប្ដូរ​កំពុង​មក​កាន់​កម្ពុជា។ បដិវត្តន៍​ពណ៌​គឺ​ការ​ច្នៃប្រឌិត​របស់​អាជ្ញាធរ​ក្រុង​ភ្នំពេញ​ ហើយខ្សែ​បណ្ដាញ​របស់​ពួកគេ​នៅ​តាម​ខេត្ត​ គឺ​គ្រាន់​តែ​ចាំ​បញ្ជា​ពី​មេ​ធំ​ប៉ុណ្ណោះ។ ពួក​គេ​គ្រាន់​តែ​ធ្វើ​ទៅ​តាម​អ្វី​ដែល​ពួកគេ​បាន​ប្រាប់ ហើយ​វាត្រូវ​បាន​កែច្នៃ​ឲ្យ​ត្រូវ​ទៅ​តាម​អ្វី​ដែលមេ​កើយ​របស់​ពួក​គេ​ចង់​បាន»។

ក៏ប៉ុន្តែ​ អ្នកជំនាញការ​ខាង​វិទ្យាសាស្ត្រ​នយោបាយ​រូប​នេះ​ បាន​ព្រមាន​ថា​ ចលាចល​ស៊ីវិល​នឹង​កើត​ឡើង​ ប្រសិនបើ​ប្រព័ន្ធ​ឋានៈ​អនុគ្រោះពន្ធ​របស់​សហភាព​អឺរ៉ុប​ក្រោម​កម្មវិធី Everything But Arm ​ឬ​ «គ្រប់​មុខទំនិញ​ទាំង​អស់​លើក​លែង​តែ​សព្វាវុធ» ​EBA ​និង​ប្រព័ន្ធ​អនុគ្រោះ​ពន្ធ​ទូទៅ​ ​របស់​សហ​រដ្ឋ​អាមេរិក​ Generalized System of Preferences​ ឬ​ GSP​ ត្រូវ​បាន​ព្យួរ​ នៅ​ចំពោះ​មុខការ​លាង​លុយ​កខ្វក់​របស់​ចិន​នៅ​កម្ពុជា។

លោក​បាន​បញ្ជាក់​តាម​ន័យ​ដើម​ថា៖​

«ប្រសិនបើ EBA ត្រូវ​បាន​គេ​ព្យួរ​ទុក​នោះ​ GSP ​ក៏​នឹង​ត្រូវ​បាន​គេ​ព្យួរ​ទុក​ផង​ដែរ។ ហើយ​ជាមួយ​ការ​លាង​លុយ​កខ្វក់​ និង​ការ​បំពារបំពាន​របស់​ចិន​នោះ​ ចលាចល​ស៊ីវិល​អាច​នឹង​កើត​មាន​ឡើង»។

លោក​ អ៊ា សុផល​ មិន​ផ្ដល់​ការ​បញ្ជាក់​លម្អិត​អំពី​ដំណើរ​ការ​លាង​លុយ​កខ្វក់​របស់​ចិន​យ៉ាង​ណា​នោះ​ទេ​ តែ​លោក​បាន​ចង្អុល​ដល់​ការ​យក​ពន្ធ​មិន​ត្រឹម​ត្រូវ​របស់​រដ្ឋ​ទៅ​លើ​អាជីវកម្ម​កាស៊ីណូ ​របស់​ជនជាតិ​ចិន​នៅ​ក្នុង​ក្រុង​ព្រះសីហនុនៃ​ខេត្ត​ព្រះសីហនុ​ ដែល​ស្ថិត​នៅ​ទិស​និរតី​របស់​ប្រទេស​កម្ពុជា។

យ៉ាងណា​ក៏ដោយ​ចុះ​ អ្នកនាំពាក្យ​រដ្ឋាភិបាល​ខ្មែរ​គឺ​លោក​ ផៃ ស៊ីផាន​ មាន​ប្រសាសន៍​ថា​ ការ​រក​ស៊ី​របស់​ចិន​ គឺ​ត្រឹមត្រូវ។

«បាទ​ គាត់​មក​តាម​ស្រប​ច្បាប់​របស់​យើង។ ការ​ប្រព្រឹត្ត​ខុស​ច្បាប់​ យើង​ចាប់​បញ្ជូន​ទៅ​វិញ​ ហើយ​អ្នក​វិភាគ​ហ្នឹង គ្រាន់​តែ​បញ្ចូល​បន្ថែម​នៅ​ក្នុង​បញ្ហា​នៅ​កម្ពុជា​នោះ​ទេ។ ក៏ប៉ុន្តែ​ ចំពោះ​រាជ​រដ្ឋាភិបាល​ យើង​មើល​យ៉ាង​ជិត​ស្និទ្ធ​បំផុត​ មិន​ឲ្យ​មាន​បុគ្គល​ទាំង​ឡាយ​ណា​ ទោះ​ជាតិ​ និង​បរទេស​ ដែល​មាន​លទ្ធភាព​ក្នុង​ការ​ធ្វើ​ឲ្យ​ខូច​សណ្ដាប់​ធ្នាប់​សង្គម ធ្វើ​ឲ្យ​មាន​វិបត្តិ​ ដែល​ធ្វើ​ឲ្យ​ប្រជា​ពលរដ្ឋ​បះបោរ​ យើង​ទប់​ស្កាត់»។​

រូបឯកសារ៖ កង​កម្លាំង​សន្តិសុខ​ត្រៀម​ខ្លួនបង្រាប​បាតុកម្មមួយ នៅក្បែរ​រដ្ឋសភាជាតិ រាជធានីភ្នំពេញ ថ្ងៃទី៣០ ខែមិថុនា ឆ្នាំ២០១៥។

រូបឯកសារ៖ កង​កម្លាំង​សន្តិសុខ​ត្រៀម​ខ្លួនបង្រាប​បាតុកម្មមួយ នៅក្បែរ​រដ្ឋសភាជាតិ រាជធានីភ្នំពេញ ថ្ងៃទី៣០ ខែមិថុនា ឆ្នាំ២០១៥។


គ្រា​ដែល​អ្នកវិភាគ​ មិន​អាច​បញ្ជាក់​ចំៗ​ថា​ តើ​តម្រុយ​ណាមួយ​ ដែល​អាច​ទាញ​កម្ពុជា​ឲ្យ​ងាក​ទៅ​រក​ការ​ធ្វើ​បដិវត្តន៍​ជាថ្មី​ទៀត​នោះ​ លោក ​ផៃ ស៊ីផាន​ បាន​បញ្ចេញ​ឈ្មោះ​លោក​ សម​ រង្ស៊ី​ អតីត​មេដឹកនាំ​គណបក្ស​សង្គ្រោះ​ជាតិ​ថា​ ជា​អ្នក​អាច​នៅ​ពី​ក្រោយ​ចលនា​បដិវត្តន៍​ពណ៌​ ដោយ​ហេតុ​ថា​ អតីត​មេ​បក្ស​ប្រឆាំង​រូប​នេះ​ បាន​អំពាវនាវ​ឲ្យ​កង​ទ័ព​ បែរ​កាណុង​កាំភ្លើង​មក​រក​មេដឹកនាំ​កំពូល​របស់​រដ្ឋាភិបាល​ខ្មែរ​នា​ពេល​បច្ចុប្បន្ន។

«តម្រុយ​ដែល​កើត​ឡើង​ គឺ​សម រង្ស៊ី​ អ្នក​អំពាវនាវ​ឲ្យ​កងទ័ព​ បែរ​កាណុង​ ឬ​ប្រយុទ្ធ​ប្រឆាំង​ជាមួយ​នឹង​សម្ដេច​ដែល​ជា​នាយក​រដ្ឋ​មន្ត្រី​កម្ពុជា​កើត​ចេញ​ពី​ការ​បោះឆ្នោត។ ហើយ​តម្រុយ​ដែល​យើង​មើល​ឃើញ ​គាត់​អំពាវនាវ​ឲ្យ​អ្នក​ដែល​ប្រជា​ពលរដ្ឋ​ខ្មែរ​ គឺ​ថា​បះបោរ​ឡើង​ទៅ​ចាប់​នាយករដ្ឋមន្ត្រី។ អានេះ​ គឺ​ចំណុច​សំខាន់ៗ​ ដែល​យើង​មើល​ឃើញ​ ហើយ​ចំណុច​ដទៃ​ទៀត​នោះ​ យើង​មិន​អាច​និយាយជា​សាធារណៈបាន​ទេ​បាទ»។

លោក​ សម រង្ស៊ី​ ដែល​ពេល​នេះ​កំពុង​រស់​នៅ​ដោយ​និរទេស​ខ្លួនឯង​នៅ​ឯ​ប្រទេស​បារាំង ​មិន​ឆ្លើយ​តប​សំណួរ​របស់​ VOA ​ដែល​ផ្ញើ​ជូន​លោក​តាម​សារ​អេឡិចត្រូនិក​ ឬ Email តាំង​ពី​ថ្ងៃ​អង្គារ​ ទី​២៦ ខែ​កុម្ភៈ​ ឆ្នាំ​២០១៩​ រហូតមកដល់​ល្ងាច​ថ្ងៃ​ព្រហស្បតិ៍​នេះ។

នៅ​ឯ​ខេត្ត​កំពង់​ឆ្នាំង​ឯណោះ​វិញ​ អាជ្ញាធរ​ខេត្ត​ជាប់​បឹង​ទន្លេសាប​មួយ​នេះ​ មិន​ត្រឹមតែ​លើក​បដា​វាយប្រហារ​ក្រុម​ក្បត់​ជាតិ​ ដែល​មិន​មាន​ឈ្មោះ​ក្នុង​ការ​ធ្វើ​បដិវត្តន៍​នោះ​ទេ​ តែ​អាជ្ញាធរ​ថែម​ទាំង​បាន​លើក​សរសើរ​លោក​នាយក​រដ្ឋមន្ត្រី ហ៊ុន សែន ថា​ជា​«រដ្ឋបុរស​ និង​មគ្គទេសក៍​ដ៏​ឆ្នើម​របស់​ប្រជាជន​កម្ពុជា»៕

What Next?

Related Articles

7 Responses to "អ្នកវិភាគ៖ បដិវត្តន៍​ពណ៌​អាច​នឹង​ផ្ទុះ​ឡើង​នៅ​កម្ពុជា​ បើ​គ្មាន​វិធានការ​កាត់​បន្ថយ​អំពើ​អយុត្តិធម៌​ក្នុង​សង្គម"

  1. Anonymous says:

    color revolution that HUN SEN always saying is no true . the real color revolution may come true if this childish leader can not stop those who hart innocent Cambodia. as I used to say Cambodia look wealthy but inside was rotten just about breaking apart . this is what we say it come close to the end . in POL POT we said year zero but in HUN SEN regime is year minus zero . soon Cambodian will be refugee in their own home land . HU SEN have to go that will make this nation come back to life .

  2. so socheath says:

    អូហូក្រុមអាពូជឆ្កែ ខំប្រឹងព្រុសចោលម្សៀតទៀតហើយ ។
    ក្រុមបដិវត្តិពណ៏ គឺំមានតែពួកអាក្បត់ជាតិបក្សសង្គ្រោះផេះប៉ុនម្មានក្បាល ពួកអាសិទ្ធិមនុស្ស
    ការពារចោរ ដែលខំបំផុសញុះញង់ ក្រុមជនលោភល លួចដីរដ្ឋ ​ ប្លន់យកដីប្រជាជន
    អត់កេរ្តិ៍ខ្មាស់ ប៉ុម្មានក្បាលសោះហ្នឹង ។
    តើប្រជាជនឯណាទៅភ្លើជឿតាមពួកអាពូជឆ្កែអ្នកវិភាគចោលម្សៀតដូចពួកអ្ហែង ធ្វើបដិវត្តន៍ពណ៍
    ដុតផ្ទះខ្លួនឯងចោលនោះ ?
    ហាស ! ហាស
    យ៉ាប់មែន ពួកអាថោកជាងឆ្កែ !

  3. Anonymous says:

    So socheat ‘ what about the drug in rock ?? who run this case? and you should be involve and say something because you are the government supporter and swearing to the people who talk truly ‘

  4. so socheath says:

    ពួកអាពូជឆ្កែបក្សសង្គ្រោះផេះហ្នឹងហើយ ដែលនាំថ្នាំញៀនចូលពង្វក់យុវជននោះ ។
    អ្ហែងសួរស្អីទៀតអាពូជឆ្កែ ?
    សម័យសាធារណរដ្ឋប្រជាមានិតុកម្ពុជា រដ្ឋកម្ពុជា កុំថាឡើយគ្រឿងញៀន តែមាន់មួយមិនដែល
    មានចោរលួចផង ។
    តែពេលមានក្បាលពួកអាពូជឆ្កែអ្ហែងហ្នឹង បែកវ៉ល់ទាំងអស់ ចឹងហ្មង !

  5. Anonymous says:

    Cambodia right now is very clean under HUN SEN leadership. there is no thief no drug what was so embarrassing is they only using drug and they are not still one chicken but they stool more then one. every thing was CNRP wrong the only SOCHEATH boss is right . sorry Mr right sooner or later this country will be free do whatever you always want . no one in the world will care about Cambodia any more because HUN SEN is so strong. isolation from the world is good for you and your favorite boss . please do not crying eat grass or eat each other shit instate and do not kill each other like animal . this is my only request to you Mr.

  6. Anonymous says:

    So socheat is fully of drug that why when he talking he swearing and become a mad-dog haha

  7. so socheath says:

    ឱ !លោកប៉ាធាន ដ៏មហិមា
    ………….
    ដូចជាស្ងប់ស្ងាត់ខុសសព្វមួយដង លោកប៉ាធានខ្ញុំ
    ថ្ងៃនេះ គាត់អង្គុយមើលហ្វេសប៊ុកយ៉ាងជក់ចិត្ត។
    គាត់អង្គុយសុខៗ មិនដឹងជាខ្យល់ចង្រៃស្អី ហក់មកធាក់គាត់
    ធ្វើឲ្យគាត់ស្ទុះក្រញ៉ាង ស្រែកគំហកចង្អុលមុខហ្វេសប៊ុក
    ស្លេវៗ ជាមួយសម្តីថា -អ្ហែងនិយាយភ្លើ អាពភ្លើ !
    -អ្ហែងភ្លើណាស់ អាភ្លើ !
    គាត់និយាយផង ចង្អុលផង បែបនេះជាច្រើនដង។ បើតាម
    អារម្មណ៍ខឹងរបស់គាត់ ហាក់បីដូចជាគាត់ចង់ទំពារទូរស័ព្ទ
    ដែលគាត់កំពុងមើលហ្វេសប៊ុកនេះ ឲ្យម៉ត់ដូចអាចម៌ភេ
    តែម្តង ។
    អេង ឆៃអ៊ាង អ្នកតាមស៊ីតាមផឹកជាមួយលោកប៉ាធាន កាល
    បើឃើញសភាវៈលោកប៉ាធានបែបនេះ បានស្ទុះវឹង រួចដើរត្រុនៗ
    ចូលមកក្បែរជាមួយសម្តីថា (សម្តេច ?) ប៉ាធាន តើមានរឿងអី!
    -វាឲ្យខ្ញុំទៅចូលគុក (សមរង្សីនិយាយ)
    -អ្នកណាឲ្យសម្តេចប៉ាធានទៅចូលគុក ? (អេងឆៃអ៊ាងបញ្ជាក់)
    -គឺវា ! (សមរង្ស៊ីនិយាយផង ចង្អុលទៅទូរស័ព្ទដែលខ្លួនកំពុងកាន់ផង)
    ឃើញបែបនេះ អេងឆៃអ៊ាង លួចសើច ដោយងាកមុខចេញ។
    អ៊ាងនិយាយថា
    -សម្តេចប៉ាធាន ទៅចាប់អារម្មណ៍ស្អីជាមួយសម្តី ពួកអាយើង
    បោកបានហ្នឹងនោះ! ។ ពួកអាអស់ហ្នឹង! ល្ងង់ដូចគោ ពួកវាមិនយល់សាច់ការស្អីទេ !
    -តែវាដេញខ្ញុំឲ្យចូលខ្លួនឲ្យហ៊ុនសែនចាប់ ។ វាថាអាហ្នឹង
    បានហៅថាតស៊ូ។ ចាប់ខ្លួនខ្ញុំដាក់គុក ណា! មិនមែនវា
    ជាប់គុកឯណា ។ រឿងអីថាតស៊ូនោះ ខ្ញុំមិនមែនកឹមសុខាទេ។
    យាយចាស់ខ្ញុំមិនឲ្យទៅទេ ហើយពួកនាងៗក៏មិនឲ្យខ្ញុំទៅដែរ ។
    រឿងថាទៅវិញហ្នឹង ខ្ញុំចេះតែថាកុំឲ្យសមាជិកវារលាយ
    លឿនពេកអីតើ ! ។ ដល់គេជឿ បានលុយចាយដែរហ្នឹង។
    តែអារឿងទៅ ទោះយកច្រវ៉ាក់មកទាក់ ក ក៏ខ្ញុំមិនទៅដែរ
    ចាំតែភ្លើដេកស៊ីបាយគុកអីតើ។
    ស្តាប់ចប់អ៊ាងនិយាយតប
    -សម្តេចប៉ាធាន កុំខ្វល់ ! កុំខឹង នាំបែករឿងខ្ចរខ្ចាយ ។ យើង
    គ្រាន់តែថា ទៅ ! ចាំទៅ ! បង្កើតចលនាតស៊ូ មាត់យើង អីតើ
    វាមានទៅទាក់ព្រៃឯណា ! ។ ការទន្ទេញពាក្យនេះ ទុកឲ្យខ្ញុំនិងយាយហួរ ។
    ឯសម្តេចប៉ាធានចាំតែបន្ទរតាមក្រោយទៅ នោះវាមិន
    ចំណេញទាំងសងខាង។ ធ្វើបែបនេះយើងបានលុយចាយ
    រហូត ។ សំខាន់យើងបង្កើតរឿងថ្មីៗ ឲ្យបានច្រើន ដើម្បី
    បង្វែងការចាប់អារម្មណ៍ លើរឿងវិលត្រឡប់ជាការស្រេច។
    -អើ ! អ៊ាងអែងនិយាយត្រូវ ខ្ញុំខំតែច្រឡោត ប៊ិះបែកការណ៍។
    មានអ្នកណានៅក្បែរលួចស្តាប់យើងទេ (សមរង្ស៊ីនិយាយ)
    -អត់មានទេ ! សម្តេចប៉ាធាន (អ៊ាងនិយាយ)
    លបរំសៀកខ្លួនចេញពីទីនោះផុតឆ្ងាយ ខ្ញុំឈររឹតទ្រូង
    ព្រមជាមួយការ ធ្លោយសម្តីថា ឱ! លោកប៉ាធានខ្ញុំអ៊ើយ
    អញ្ចឹងអីតើទើបលោកប៉ាធាន ចាត់ទុកអ្នកជឿគាត់
    ថាសុទ្ធតែពួកល្ងង់ដូចគោ ។
    មូលនិធិ៣០ម៉ឺនដុល្លារ ប្តូរនឹងការវិលត្រឡប់មកជាប់គុក
    របស់សមរង្ស៊ី ពេលនេះវាបានក្លាយទៅជាពេលវេលានៃ
    ការផោមសម្អុយចោលរបស់លោកប្រធាន ដើម្បីចែកចាយ
    ក្រុមជនអគតិ ដែលចេះត្រឹមស្រេកឃ្លានអំណាច មុខតំណែង
    ស្រូបស្រង់ក្លិន សំរាប់ការពិចារណា ថាតើវាមានក្លិនស្អុយ
    ឬមិនស្អុយហើយ។
    ក្រុមសហសេវិកដែលល្ងឹតល្ងង់ មួយចំនួនក្រោយបានហឹត
    ក្លិនផោមលោកប្រធានដ៍មហិមារួចហើយ ពួកគេនៅតែស្រែក
    អះអាងថា ផោមលោកប្រធានមិនស្អុយទេ ។ ពួកគេនៅបាន
    ស្រែកបន្ទរទៀតថា អ្នកដែលថាផោមលោកប្រធានស្អុយ
    គឺមកពីពួកគេមិនចេះហឹតតែប៉ុណ្ណោះ។
    សម្រាប់អ្នកដែលដឹងថាផោមលោកប្រធានស្អុយណាស់
    ពេលនេះពួកគេបានសម្រេចចិត្តដើរចេញ លែងទ្រាំ ដោយការ
    ដេកចាំហឹតក្លិនផោមបែបនេះទៀតហើយ។
    ការស្នើសុំសិទ្ធិធ្វើនយោបាយឡើងវិញរបស់ពួកអ្នកជាប់
    បំរាមធ្វើនយោបាយនៃអតីតបក្សសង្គ្រោះជាតិ បានបោះ
    ជំហានតាមតិថីនយោបាយថ្មីក្នុងក្តីប្រាថ្នារបស់ខ្លួន មាន
    ជាបណ្តើរៗហើយ។ ពួកគេមិនដេកហើយដេកទៀត រង់ចាំ
    ពេលយប់ដ៏យូរ ក្នុងសុបិន្តដ៏ច្រើនស្អេកស្កះហើយផ្តេសផ្តាស
    នោះទេ។
    ជាមួយមូលនិធិ៣០ម៉ឺនដុល្លារ ជាថ្នូរនឹងការចូលមកជាប់គុក
    របស់លោកប្រធានសមរង្ស៊ី ពេលនេះបានរសាត់ទៅឆ្ងាយ
    ជាមួយពាក្យថាបាយ! បាយ ដោយគ្រាន់តែទុកអនុស្សាវរីយ៍
    ក្លិនផោមរបស់លោកប៉ាធាន អប់ទុកដល់ អស់លោក-អ្នក
    ដែលហឹតក្លិនផោមលោកប៉ាធានអត់ដឹងថាស្អុយតែប៉ុណ្ណោះ។
    លោកប៉ាធានសន្យាថាមិនមានមុខមកជាប់គុកច្រវ៉ាក់ទេ ។
    តែលោកប៉ាធានមិនចោលទេលុយមូលនិធិ គឺសុំទទួល
    យកទាំងអស់ហើយទាន! ។
    រាត្រីសមោ-ស ហាំបាហ្គើរ៍ ហតដក ស្រីក្មេងសម្រាប់
    កៀកកើយប្រឡែង ក្រេបក្លិនលំអងនាពេលរាត្រី វាជា
    ចំណូលចិត្តរបស់លោកប៉ាធាន រឿងអីត្រូវឲ្យលោក
    ប៉ាធានមកជាប់គុកនោះ ! ។ ភ្លើមែនវ៉ី !
    ដូច្នេះក្តីសង្ឃឹមចាំលោកប៉ាធានមក សូមរង់ចាំជាតិក្រោយ
    ទៀតចុះ៕

Leave a Reply

Submit Comment