ពលរដ្ឋ​ខ្មែរ​ដែល​នៅ​អាមេរិក​ក្នុង​នាម​អ្នក​ភៀសខ្លួន​ប្រឈម​ការ​បញ្ជូន​ចេញ​ទៅ​ប្រទេស​កំណើត​វិញ

ដោយ ថន ថារ៉ូ
2019-03-16
RFA

អតីតជន​ភៀសខ្លួន​ខ្មែរ​មួយ​ក្រុម​ដែល​កំពុង​រស់នៅ​ក្នុង​ទីក្រុង​សាន់ហ្វ្រាន់ស៊ីស្កូ (San Francisco) រដ្ឋ​កាលីហ្វនីញ៉ា (California) សហរដ្ឋអាមេរិក បាន​ទទួល​ដីកា​កោះហៅ​ពី​អាជ្ញាធរ​អាមេរិក ដើម្បី​បង្ហាញខ្លួន​នៅ​ចំពោះ​មុខ​ភ្នាក់ងារ​អនុវត្ត​ច្បាប់​គយ និង​អន្តោ​ប្រវេសន៍​អាមេរិក (ICE) នៅ​សប្តាហ៍​នេះ។ ពួកគេ​អាច​ត្រូវ​គេ​ឃុំខ្លួន និង​បញ្ជូន​ចេញពី​ប្រទេស​អាមេរិក​តែម្ដង ដែល​នេះ​ជា​ផ្នែក​មួយ​នៃ​ការ​កំណត់​មុខសញ្ញា​ជន​អន្តោប្រវេសន៍​ដែល​បាន​ប្រព្រឹត្ត​បទឧក្រិដ្ឋ របស់​រដ្ឋបាល​លោក​ប្រធានាធិបតី​អាមេរិក ដូណាល់ ត្រាំ (Donald Trump)

សារព័ត៌មាន (San Francisco Chronicle) ផ្សាយ​នៅ​ថ្ងៃ​ទី​១១ ខែ​មីនា ថា អាជ្ញាធរ​អាមេរិក​បាន​កោះហៅ​ពលរដ្ឋ​កម្ពុជា​យ៉ាងតិច​ប្រាំបី​នាក់ (៨​នាក់​) ដើម្បី​មក​បង្ហាញ​ខ្លួន​នៅ​ការិយាល័យ​អន្តោ​ប្រវេសន៍​របស់​អាមេរិក​នៅ​ក្នុង​តំបន់​នោះ កាលពី​ថ្ងៃ​ទី​១៣ ខែ​មីនា ហើយ​មាន​ពលរដ្ឋ​ខ្មែរ​ជាច្រើន​អ្នក​ផ្សេងទៀត​ត្រូវ​គេ​រំពឹង​ថា ត្រូវ​បាន​ឃុំខ្លួន​ដោយ​អាជ្ញាធរ​អាមេរិក​នៅ​ក្នុង​ខែ​នេះ នៅ​ទូទាំង​សហរដ្ឋអាមេរិក។

ជន​អន្តោ​ប្រវេសន៍​ខ្មែរ​ទាំង​នេះ បាន​លើក​ឡើង​ស្រដៀង​គ្នា​ថា ពួកគេ​បាន​មក​រស់នៅ​ក្នុង​សហរដ្ឋអាមេរិក​ដោយមាន​អារម្មណ៍​ភ័យខ្លាច និង​ការ​បាក់​ស្បាត​ដោយសារ​សង្គ្រាម និង​អំពើ​ប្រល័យ​ពូជសាសន៍​ក្នុង​ប្រទេស​កម្ពុជា ហើយ​ពេល​មក​ដល់​អាមេរិក​ដំបូង ពួកគេ​បាន​មក​រស់នៅ​ក្នុង​តំបន់​ក្រីក្រ គ្មាន​ឱកាស​ច្រើន ហើយ​ក៏បាន​ក្លាយ​ជា​ក្មេង​កោងកាង ក្នុងនាម​ជា​ជន​អន្តោប្រវេសន៍។ ពួកគេ​បាន​ប្រើប្រាស់​គ្រឿងញៀន ចូលរួម​ក្នុង​ក្រុម​បងធំ​បង​តូច និង​ប្រព្រឹត្ត​បទឧក្រិដ្ឋ​ជាច្រើន​ប្រភេទ​នៅ​ពេល​នោះ។

នេះ​ជា​យុទ្ធនាការ​ថ្មី​មួយទៀត​នៃ​ការ​បញ្ជូន​ជន​អន្តោប្រវេសន៍​ចេញ​ពី​ទឹកដី​អាមេរិក នៅ​ពេល​ដែល​អាជ្ញាធរ​អាមេរិក កំពុង​បង្ក្រាប​ដល់​អតីតជន​ភៀសខ្លួន​ខ្មែរ​ដែល​បាន​មក​រស់នៅ​សហរដ្ឋអាមេរិក​ជា​យូរ​មក​ហើយ និង​បាន​ប្រព្រឹត្ត​បទឧក្រិដ្ឋ​រាប់​ឆ្នាំ ឬ​រាប់​ទសវត្ស​មក​ហើយ ដែល​ភាគច្រើន​នៃ​បទឧក្រិដ្ឋ​ទាំងនោះ ត្រូវ​បាន​ប្រព្រឹត្ត​ធ្វើ​នៅ​ពេល​ពួកគេ​នៅ​ក្មេង​នៅឡើយ។ បទឧក្រិដ្ឋ​ទាំងនេះ បាន​ភ្ជាប់​ពួកគេ​សម្រាប់​ការ​បញ្ជូន​ចេញពី​ទឹកដី​អាមេរិក។

រហូតមកដល់​ខែ​កញ្ញា ឆ្នាំ​២០១៨ មាន​ពលរដ្ឋ​ខែ្មរ​ប្រមាណ​ជិត​ពី​ពាន់​នាក់ (.៨៥៥នាក់) ដែល​កំពុង​រស់នៅ​សហរដ្ឋអាមេរិក មានឈ្មោះ​លើ​បញ្ជី​ចុងក្រោយ​ដែល​ត្រូវ​បញ្ជូន​ចេញ​ពី​ប្រទេស​អាមេរិក ដែល​ក្នុង​នោះ​ចំនួន ១.៣៦២​នាក់ ត្រូវ​បាន​កាត់ទោស​ពី​បទ​ឧក្រិដ្ឋ​ក្នុង​ពេល​កន្លង​មក៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "ពលរដ្ឋ​ខ្មែរ​ដែល​នៅ​អាមេរិក​ក្នុង​នាម​អ្នក​ភៀសខ្លួន​ប្រឈម​ការ​បញ្ជូន​ចេញ​ទៅ​ប្រទេស​កំណើត​វិញ"

  1. Anonymous says:

    it is good to bring those who are not real refugee . also send back who ever came to live in the stated and supporting communist. I knew the UNITED STATE investigated any communist’s spy that living in their country . for example Mr GEM SOK should be the one that the US investigate into his cases . this hidden communist spy may give some US internal technology or any military movement to Communist that we never have known what he can do. I knew in the state there are citizen around the world living in and they should knew what the democracy all about. constitution was their main policy every one included precedence have to obey the rule of law no one can accepted to be on top of the law. this is why their sovereignty was strong it was superpower’s nation for so many decade . we are human being and we all knew that one nation have to be a superpower’s nation to polishing the world . we understood that if no one nation to can leaded the world there will be no one nation can be safe. please look at the two policy that we knew was Democracy and Communist what the deference we can tell. for example China the communist nation and the rising tar in this century trying to be No 1 superpowers the question is what do we think about it????? I can tell right now what China want by look at the problem in south China sea. we have to stop China from being the boss of the world. I knew 100% all Democracy nations can not accept the Communist China becoming a No1 superpowers . the only HUN SEN and GEM SOK is supporting the communist China.

Leave a Reply

Submit Comment