គណៈ​កម្ម​ការ​សិទ្ធិ​មនុស្ស​អាស៊ី ​ស្នើ​ឲ្យ​ទម្លាក់​ចោល​ ដី​កា​ចាប់​ខ្លួន​ លោក​ សម​ រង្ស៊ី​ និង​ថ្នាក់​ដឹក​នាំ​អតីត​បក្ស​ប្រ​ឆាំង​

ដោយ អ៊ឹង ប៊ុនថន
24/03/2019
RFI

media
មន្រ្តីជាន់ខ្ពស់អតីតបក្សប្រឆាំងដែលតុលាការក្រុងភ្នំពេញចេញដីកាចាប់ខ្លួន
@Sam Raingsy


គណៈ​កម្មការ​សិទ្ធិ​មនុស្ស​អាស៊ី​ដែល​មាន​មូល​ដ្ឋាន​នៅ​ទី​ក្រុង​ហុងកុង​ បាន​បរិហារ​មក​លើរ​ដ្ឋាភិបាល​កម្ពុជា​ថា​កំពុង​តែ​បន្ត​បង្រ្កាប​លើ​គណ​បក្ស​ប្រឆាំង​ ដែល​ផ្ទុយ​ទៅ​នឹង​កិច្ច​ព្រម​ព្រៀង​ក្រុង​ប៉ារីស​ឆ្នាំ​១៩៩១​។​ ការ​បរិហារ​របស់​អង្គការ​អន្តរ​ជាតិ​មួយ​នេះ ​បាន​កើត​ឡើង​ ខណៈ​ដែល​តុលា​ការ​ក្រុង​ភ្នំពេញ​កាល​ពី​ថ្ងៃ​ទី​១២​ខែមីនា​នេះ​ បាន​ចេញ​ដី​កា​ចាប់​ខ្លួន ​លោក​ សម​ រង្ស៊ី ​និង​មនុស្ស​ស្និទ្ធ​ចំនួន​៧​រូប​ទៀត​ជា​ថ្នាក់​ដឹក​នាំ​អតីត​គណបក្ស​សង្រ្គោះ​ជាតិ​។​

នៅ​ក្នុង​សេចក្តី​ថ្លែង​ការណ៍ ​ចុះ​ថ្ងៃ​ទី​២២​ខែ​មីនា​ឆ្នាំ​២០១៩​នេះ ​គណៈ​កម្មការ​សិទ្ធិ​មនុស្ស​អាស៊ី ​បានលើក​ឡើង​ថា​ សហគមន៍​អន្តរ​ជាតិ ​ត្រូវ​ដាក់​សម្ពាធ​លើ​រដ្ឋាភិបាល​កម្ពុជា ​ដើម្បី​ឲ្យ​ដក​ចេញ​ដីកា​ចាប់​ខ្លួនមេដឹក​នាំ​គណ​បក្ស​ប្រឆាំង​និង​ត្រូវ​ធានា​ចំពោះ​អ្នក​នយោបាយ​ទាំង​នោះ ​ក្នុង​ការ​វិល​ត្រឡប់​មក​កាន់​ប្រទេស​កម្ពុជា​វិញ​ដោយ​សុវត្ថិភាព​ និង​មិន​ត្រូវ​បាន​កាត់​ទោស​។

ការ​ចេញ​មុខ​មក​បរិហារ​របស់​អង្គការ​អន្តរ​ជាតិ​មួយ​នេះ ​បាន​កើត​ឡើង ​ខណៈ​ដែល​តុលាការ​ក្រុង​ភ្នំពេញ​កាល​ពីថ្ងៃ​ទី​១២​ខែ​មីនា​នេះ បាន​ចេញ​ដី​កា​ចាប់​ខ្លួន លោក សម រង្ស៊ី និង​មនុស្ស​ស្និទ្ធ​ចំនួន​៧​រូប​ទៀត​រួមមាន​៖ លោក អេង ឆៃអ៊ាង លោក ហូរ វ៉ាន់ លោកស្រី មូរ សុខហួរ លោក អ៊ូ ច័ន្ទឬទ្ធិ លោក តុ វ៉ាន់ច័ន្ទ លោក ឡុង រី និង​លោក ម៉ែន សុថាវរិន្ទ្រ។​ អ្នកទាំង​នេះគឺ​សុទ្ធ​តែ​ជា​អតីត​តំណាង​រាស្ត្រ​អតីត​គណ​បក្ស​សង្រ្គោះ​ជាតិ ដែល​ស្និទ្ធ​នឹង​លោក សម រង្ស៊ី ហើយ​ពួកគេ​កំពុង​នៅ​ក្រៅ​ប្រទេស​។​

មន្រ្តី​ជាន់​ខ្ពស់​អតីត​បក្ស​ប្រឆាំង​ទាំង​៨​រូប ត្រូវ​បាន​តុលា​ការ​ក្រុង​ភ្នំពេញ​ចោទ​ប្រកាន់​ដូចៗ​គ្នា គឺ​រួម​គំនិត​ក្បត់ និងញុះញង់​ឲ្យ​ប្រព្រឹត្តិ​បទ​ឧក្រិដ្ឋ​ជា​អាទិ៍​នៅ​កម្ពុជា និង​កន្លែង​ផ្សេង​ទៀត។​

ដោយ​កត់​សំគាល់​ពី​ការ​បង្រ្កាប​លើ​គណ​បក្ស​ប្រឆាំង​តាំង​ពី​ឆ្នាំ​១៩៩៧​មក​ អង្គការ​ដែល​មាន​មូលដ្ឋាន​នៅទីក្រុង​ហុងកុង បាន​កត់​សំគាល់​ថា ​មេ​ដឹក​នាំ​បក្ស​ប្រឆាំង​និង​សកម្មជន​មួយ​ចំនួន​បង្ខំ​ចិត្ត​និរទេស​ខ្លួន​ពី​កម្ពុជាទៅ​នៅ​បរទេស បន្ទាប់ពី​មាន​បណ្តឹង​ជា​បន្ត​បន្ទាប់​ប្រឆាំង​នឹង​ពួកគេ​។

យ៉ាង​ណាក៏​ដោយ មន្រ្តី​រដ្ឋាភិបាល​កម្ពុជា​តែង​តែ​អះអាងថា ​វិធាន​ការ​ទៅ​លើ​មេដឹក​នាំ​អតីត​បក្ស​ប្រឆាំង​គឺជា​ការ​អនុវត្តន៍​ច្បាប់ ​ក្នុង​ប្រទេស​មួយ​ដែល​មាន​អធិប​តេយ្យភាព​។

ប៉ុន្តែ​បើ​តាម​គណៈកម្មការ​សិទ្ធិ​មនុស្ស​អាស៊ី «នៅពេល​ដែល​ប្រទេស​កម្ពុជា​បាន​អនុម័ត​រដ្ឋធម្ម​នុញ្ញ​ដោយប្រកាន់​លទ្ធិ​ប្រជាធិប​តេយ្យ​សេរីព​ហុបក្ស​ក្រោយការ​បោះ​ឆ្នោត ឆ្នាំ ១៩៩៣​មក ការ​បង្ក្រាប​មក​លើ​គណបក្ស​ប្រឆាំង​និង​សកម្មជន​ត្រូវ​បានបន្ត​អនុវត្ត​ដោយ​រដ្ឋាភិបាល​របស់​លោក​នាយក​រដ្ឋមន្រ្តី ​ហ៊ុន ​សែន​»៕​

What Next?

Recent Articles

2 Responses to "គណៈ​កម្ម​ការ​សិទ្ធិ​មនុស្ស​អាស៊ី ​ស្នើ​ឲ្យ​ទម្លាក់​ចោល​ ដី​កា​ចាប់​ខ្លួន​ លោក​ សម​ រង្ស៊ី​ និង​ថ្នាក់​ដឹក​នាំ​អតីត​បក្ស​ប្រ​ឆាំង​"

  1. so socheath says:

    ពួកអាក្បត់ជាតិកុំញ៉ាម !
    ក្បាលពួកអ្ហែង កាដូខ្នងពូថៅ កំពុងរង់ចាំជានិច្ចពីប្រជាជនកម្ពុជា ។

  2. Anonymous says:

    every one please look at this evil comment . this killer that Cambodian looking for a long time ago. murder people whit bamboo stick and aux was the weapon of those killer in POL POT regime. it is so image that this evil killer showing up his true color . my question to this evil is>> how many human life have you been murder . I wonder for along time ago every comment from this animal . I’m carefully investigate if there was any word connecting to the killing field . right now I’m clear that this animal was the right hand man of this group to kill and scare people just to holding powers for his master . GOD is judging in this case right now sooner or later we will see the result .