លោក ស ខេង បង្ហាញ​ក្ដី​បារម្ភ​ចំពោះ​មុខ​លោក ហ៊ុន សែន អំពី​អាជីវកម្ម​ឈើ​នៅ​បាត​អាង​សេសាន

ដោយ សុ ជីវី
2019-04-06
RFA

(ពី​ស្ដាំ​ជួរ​មុខ) លោក​នាយករដ្ឋមន្ត្រី ហ៊ុន សែន និង​រដ្ឋមន្ត្រី​ក្រសួង​មហាផ្ទៃ លោក ស ខេង និង​មន្ត្រី​អ្នក​មុខ​អ្នក​ការ មក​គោរព​វិញ្ញាណក្ខន្ធ​លោក សុខ អាន នៅ​​ថ្ងៃ​ទី​១៦ ខែ​មីនា ឆ្នាំ​២០១៧។ RFA
(ពី​ស្ដាំ​ជួរ​មុខ) លោក​នាយករដ្ឋមន្ត្រី ហ៊ុន សែន និង​រដ្ឋមន្ត្រី​ក្រសួង​មហាផ្ទៃ លោក ស ខេង និង​មន្ត្រី​អ្នក​មុខ​អ្នក​ការ មក​គោរព​វិញ្ញាណក្ខន្ធ​លោក សុខ អាន នៅ​​ថ្ងៃ​ទី​១៦ ខែ​មីនា ឆ្នាំ​២០១៧។ RFA


លោក ស ខេង រដ្ឋមន្ត្រី​ក្រសួងមហាផ្ទៃ បាន​ថ្លែង​ក្នុង​កិច្ចប្រជុំ​គណៈរដ្ឋមន្ត្រី កាលពី​ព្រឹក​ថ្ងៃទី៥ មេសា​បង្ហាញ​ក្តី​បារម្ភ​ចំពោះ​មុខ លោក ហ៊ុន សែន អំពី​អាជីវកម្ម​ឈើ​ខ្នាត​ធំ ក្នុង​តំបន់​បាត​អាង​នៃ​ទំនប់​វារីអគ្គិសនី​សេសាន​ក្រោម​ពីរ នៃ​ខេត្ត​ស្ទឹងត្រែង។ លោក ស ខេង ថា បរាជ័យ​ក្នុង​ការ​គ្រប់គ្រង​ព្រៃឈើ នៅ​ក្នុង​តំបន់​បាត​អាង ឋិត​ក្នុងស្រុក​សេសាន ធ្វើ​ឲ្យ​បាត់បង់​ធនធានធម្មជាតិ​ធំធេង។

រីឯ​លោក ហ៊ុន សែន បាន​ឆ្លើយតប​ថា មានតែ​គម្រោង​ឈើ​នៅ​ទំនប់​វារីអគ្គិសនី​សេសាន​ប៉ុណ្ណោះ កើត​មាន​បញ្ហា​នេះ​។ លោក ហ៊ុន សែន បាន​ដាស់តឿន ឲ្យ​សមត្ថកិច្ច​ពាក់ព័ន្ធ គ្រប់គ្រង​ព្រៃឈើ​ឲ្យ​មាន​ប្រសិទ្ធភាព និង​រក​ចំណូល​ចូល​រដ្ឋ ចំពោះ​អាជីវកម្ម​ឈើ។ នេះ​បើ​យោង​តាម អង្គភាព​អ្នកនាំពាក្យ​របប​ក្រុងភ្នំពេញ បាន​ថ្លែង​ក្នុង​ទំព័រ​ហ្វេសបុក​របស់​ខ្លួន​ថ្មីៗ​នេះ។

សកម្មជន​បរិស្ថាន លោក ហេង ស្រស់ ចាត់​ទុក​ការ​លើកឡើង​របស់ លោក ស ខេង ជា​រឿង​ត្រឹមត្រូវ ខណៈ​ដែល​ព្រៃឈើ​ទាំងមូល​នៅ​កម្ពុជា និង​នៅ​ខេត្ត​ភាគ​ឦសាន​កំពុង​ឋិត​ក្នុង​រណ្ដៅ​គ្រោះថ្នាក់ ហើយ​អាច​នឹង​រលាយ​ទាំងស្រុង​នៅ​ពេល​ខ្លី​ខាងមុខ ប្រសិន​បើ​ក្រសួង​ពាក់ព័ន្ធ​នៅតែ​មិន​អាច​អនុវត្ត​ច្បាប់​ព្រៃឈើ​ឲ្យ​បាន​ពេញលេញ​ទេ។ លោក​រក​ឃើញ​ថា អាជីវកម្ម​ឈើ​នៅ​តំបន់​បាត​អាង គឺជា​ឧក្រិដ្ឋកម្ម​ព្រៃឈើ ដែល​ឈ្មួញ មន្ត្រី​រដ្ឋបាល​ព្រៃឈើ និង​អាជ្ញាធរ​ពាក់ព័ន្ធ ឃុបឃិត​គ្នា ដឹកជញ្ជូន​ឈើ​មូល​ធំៗ ពី​តំបន់​ឆ្ងាយៗ បន្លំ​ជា​ឈើ​ស្របច្បាប់ រួច​ដឹក​ទៅ​ប្រទេស​វៀតណាម និង​ចែកចាយ​តាម​ដេប៉ូ ក្នុង​ប្រទេស ៖ «ក្រសួង​សាមី មិន​អនុវត្ត​ច្បាប់​នៅ​ក្នុង​ដៃ ឲ្យ​បាន​តឹងរ៉ឹង​គឺ យើង​ព្រួយបារម្ភ​ខ្លាំង​មែនទែន​ដូច​រដ្ឋាភិបាល សម្តេច ស ខេង គាត់​បាន​លើក​ឡើង ព្រួយបារម្ភ ចំពោះ​ការគ្រប់គ្រង​ព្រៃឈើ ក្នុង​ប្រទេស​កម្ពុជា ចំពោះ​មុខ លោកនាយក​រដ្ឋមន្ត្រី ហ៊ុន សែន គាត់​និយាយ​ពិតជា​ត្រឹមត្រូវ។ សព្វថ្ងៃ ទោះបី​មានការ​ស្រែក​យ៉ាងណា ក៏​នៅ​ទេ​មានការ​កាប់​ព្រៃឈើ ដឹក​យក​ទៅ​ក្រៅ​ប្រទេស​ដដែល​។ ទោះបី លោក ហ៊ុន សែន ស្រែក​ថា មិន​ឲ្យ​នាំ​ឈើ​ចេញទៅ​ក្រៅ​ប្រទេស ជា​លទ្ធផល នៅ​ដដែល​អត់​មាន​នរណា​ខ្លាច អត់​មាន​នរណា​បង្ក្រាប​។ សូម្បី​រដ្ឋមន្ត្រី​ក្រសួងមហាផ្ទៃ គាត់​ភ័យ​អស់​ព្រៃឈើ​សម្រាប់​ខ្មែរ​ដែរ»

លោក ស ខេង ធ្លាប់​ប្រកាស​ទទួលស្គាល់​ឧក្រិដ្ឋ​ព្រៃឈើ នៅ​តំបន់​នោះ និង​បញ្ជា​ឲ្យ​ក្រសួង​សាមី​ដោះស្រាយ​បញ្ហា​នេះ ក៏ប៉ុន្តែ​គ្មាន​ប្រសិទ្ធភាព ដោយសារ​មន្ត្រី​ថ្នាក់ក្រោម មិន​អនុវត្ត​តាម។ មក​ទល់​ពេល​នេះ សកម្មភាព​ដឹក​ឈើ​ចេញពី​តំបន់​បាត​អាង​តាម​រថយន្ត​ធំៗ នៅតែ​កើតមាន​ដដែល៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

2 Responses to "លោក ស ខេង បង្ហាញ​ក្ដី​បារម្ភ​ចំពោះ​មុខ​លោក ហ៊ុន សែន អំពី​អាជីវកម្ម​ឈើ​នៅ​បាត​អាង​សេសាន"

  1. so chết says:

    នៅពេលខ្ញុំអានសេចក្តីថ្លែងរបស់លោក ស ខេង
    ខ្ញុំគិតថាលោក ស ខេងសញ្ញាណនៃសីលធម៌ស្នេហា មាតុភូមិជាជាងលោកហ៊ុនសែន

  2. Anonymous says:

    a massage to every Cambodian nationalist ****** I can see every thing is too late not just deforest the most important sovereignty of this poor nation is in threatening also. the treasury of this nation have been destroy by CPP that new world dictator HUN SEN is leading this poor nation. at this moment we can see every thing change . the weather is changing rapidly there are more wine storm, and the high temperature, not enough rain water to support people, every thing will be dry , Cambodia will be change forever . Cambodian who can use GOOGL please go checking on GOOGL satellite see how bad we can see from the spas . if you see it you will be crying believing me it is not like Cambodia in the last thirty years. now we knew 100% HUN SEN have no ability to leaded this poor nation. I admitted HUN SEN was good at fighting to be a gangster in this sad nation. please do not lie to yourself even you see it was bad . I do not wanted to talk too long I knew what you are going to do be for it is too late

Leave a Reply

Submit Comment