លោក ហ៊ុន សែន ថាលោក ស ខេង មិនល្ងង់ធ្វើរដ្ឋប្រហារទម្លាក់លោកនោះឡើយ


|
https://www.vodhotnews.com

នៅព្រឹកថ្ងៃពុធ ទី០៥ ខែធ្នូ ឆ្នាំ២០១៨ លោក ស ខេង ឧបនាយករដ្ឋមន្រ្តី រដ្ឋមន្ត្រីក្រសួងមហាផ្ទៃ បានអញ្ជើញជូនដំណើរគ​ណ:​ប្រតិភូជាន់ខ្ពស់ដែលដឹកនាំដោយលោក ហ៊ុន សែន នាយករដ្ឋមន្រ្តីនៃព្រះ​រា​ជាណាចក្រកម្ពុជា អញ្ជើញទៅបំពេញទស្សនកិច្ចផ្លូវការ​នៅប្រទេសឡាវ រយៈពេល២ថ្ងៃ ចាប់​ពីថ្ងៃទី០៥-០៦ ខែធ្នូ ឆ្នាំ២០១៨៕ រូបភាព៖ ក្រសួងមហាផ្ទៃ

លោកនាយករដ្ឋមន្ត្រី ហ៊ុន សែន បានលើកឡើងថា វាជារឿងដែលមិនអាចទៅរួចទេ​ ដែល​លោក ស​ ខេង ធ្វើរដ្ឋប្រហារទម្លាក់រូបលោក ដើម្បីយកអំណាចទៅឱ្យអ្នកដទៃនោះទេ​។

​ថ្លែងក្នុងពិធីបើកការដ្ឋានសាងសង់អគារច្រកទ្វារព្រំដែនអន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ ពីក្រុងប៉ោយប៉ែត នៅថ្ងៃនេះ លោក ហ៊ុន សែន បានផ្ញើសារទៅកាន់ដៃគូប្រឆាំងរបស់ខ្លួនថា អនុប្រធានគណបក្សរបស់ខ្លួន និងជា​រដ្ឋមន្ត្រីក្រសួងមហាផ្ទៃ លោក ស ខេង មិនល្ងង់ដល់ថ្នាក់ធ្វើរដ្ឋប្រហារ និងបក្សប្រហារទម្លាក់លោកចេញពីតំណែង ហើយយកអំណោចឱ្យមេបក្សប្រឆាំងនោះទេ។

លោកមានប្រសាសន៍ថា៖ «ឥលូវយើងសាកគិតជាមួយគ្នាមើល! ឧបនាយករដ្ឋមន្ត្រីផ្តួលនាយករដ្ឋមន្ត្រី មានន័យស្មើនឹងអី? មានន័យស្មើនឹងរដ្ឋប្រហារ ចេះប្រើគេទៅរួច ហើយរដ្ឋប្រហារហើយយកអំណាចទៅឱ្យពីណា? យកអំណាចទៅឱ្យវា នឹកស្មានតែសម្តេចក្រឡាហោមល្ងង់ណាស់ទៅអី។ អ៊ីចឹង! មិនបាច់សម្តេចក្រឡាហោមឆ្លើយតបទេ ព្រោះយើងបានឯកភាពគ្នាហើយ ថ្ងៃមុនចូលទៅប្រជុំគណៈរដ្ឋមន្ត្រី ខ្ញុំថា មិនបាច់ឆ្លើយជាមួយវាទេ។»

កាលពីថ្ងៃទី២០ ខែមេសា ក្នុងពិធីបញ្ចុះខណ្ឌសីមាព្រះវិហារ និងឆ្លងសមិទ្ធផលនានា នៅវត្តមួយក្នុងខេត្តព្រៃវែង ​ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ លោក ស ខេង អំពាវនាវឲ្យប្រជាពលរដ្ឋ ចូលរួមថែរក្សាសន្តិភាពកុំចូលរួមធ្វើបដិវត្តន៍ពណ៌ផ្តួលរំលំរដ្ឋាភិបាល។

​យ៉ាងនេះក្តី លោក ស ខេង ទទួលស្គាល់ថា ក្រោមការដឹកនាំរបស់លោក ហ៊ុន សែន បច្ចុប្បន្នមានកំហុសខ្លះមែន ហើយថា កំហុសទាំងនេះអាចកែសម្រួលបាន មិនធ្ងន់ធ្ងរដែលត្រូវឱ្យផ្តួលរំលំទេ ហើយកំហុសទាំងនោះក៏មិន​ធ្ងន់ធ្ងរដូចរបបខ្មែរក្រហមនោះដែរ៕ 


រក្សាសិទ្វិគ្រប់យ៉ាងដោយ ស៊ីស៊ីអាយអឹម

សូមបញ្ជាក់ថា គ្មានផ្នែកណាមួយនៃអត្ថបទ រូបភាព សំឡេង និងវីដេអូទាំងនេះ អាចត្រូវបានផលិតឡើងវិញក្នុងការបោះពុម្ពផ្សាយ ផ្សព្វផ្សាយ ការសរសេរឡើងវិញ ឬ ការចែកចាយឡើងវិញ ដោយគ្មានការអនុញ្ញាតជាលាយលក្ខណ៍អក្សរឡើយ។
ស៊ីស៊ីអាយអឹម មិនទទួលខុសត្រូវចំពោះការលួចចម្លងនិងចុះផ្សាយបន្តណាមួយ ដែលខុស នាំឲ្យយល់ខុស បន្លំ ក្លែងបន្លំ តាមគ្រប់ទម្រង់និងគ្រប់មធ្យោបាយ។ ជនប្រព្រឹត្តិ និងអ្នកផ្សំគំនិត ត្រូវទទួលខុសត្រូវចំពោះមុខច្បាប់កម្ពុជា និងច្បាប់នានាដែលពាក់ព័ន្ធ។

What Next?

Recent Articles

One Response to "លោក ហ៊ុន សែន ថាលោក ស ខេង មិនល្ងង់ធ្វើរដ្ឋប្រហារទម្លាក់លោកនោះឡើយ"

  1. Anonymous says:

    our old Cambodian word said >> people we take word, the elephant we take ivory what will Cambodian take from people like HUN SEN. PLEASE do not think this person is your GOD according to his speak this person is an evil indeed. listening to his word every one should know what kind of educated this guy was. please ask some question to yourself if the person look ugly, speaking animal word, how can you think he was your GOD.