ដោយ វណ្ណ សុគន្ធា
22/04/2019
RFI
លោកនាយករដ្ឋមន្ត្រី ហ៊ុន សែន នាយករដ្ឋមន្ត្រីនៃប្រទេសកម្ពុជា
@SPM page
លោកនាយករដ្ឋមន្រ្តី ហ៊ុន សែន នៅព្រឹកថ្ងៃចន្ទនេះ បានចូលរួមពិធីចាក់បេតុងតភ្ជាប់មុខតំណស្ពានមិត្តភាពកម្ពុជា-ថៃ និង បើកការដ្ឋានសាងសង់អគារច្រកទ្វារព្រំដែន អន្តរជាតិស្ទឹងបត់ និងផ្លូវតភ្ជាប់ទៅផ្លូវជាតិលេខ៥ នៅក្នុងខេត្តបន្ទាយមានជ័យ។ ក្នុងពិធីនោះ លោក ហ៊ុន សែន បានថ្លែងចំអកដាក់លោក សម រង្ស៊ី រឿងញុះញង់ឱ្យមានការធ្វើរដ្ឋប្រហារទម្លាក់រូបលោក។ ជាមួយគ្នានេះ លោកក៏បានពន្យុះបន្ថែមឱ្យលោក សម រង្ស៊ីចូលមកប្រទេសកម្ពុជាវិញថែមទៀត។
ពីវេទិកាក្នុងខេត្តបន្ទាយមានជ័យ លោកនាយករដ្ឋមន្រ្តី ហ៊ុន សែន បានប្រកាសប្រាប់លោក សម រង្ស៊ី ឱ្យសម្រុកចូលមកប្រទេសកម្ពុជាវិញមក ព្រោះលោកក៏កំពុងតែរង់ចាំវត្តមានរបស់អតីតប្រធានគណបក្សប្រឆាំងផងដែរ។ ការប្រកាសនេះ ធ្វើឡើងក្រោយពេលដែលលោកសម រង្ស៊ី កាលពីយប់ថ្ងៃសៅរ៍នៅក្នុងប្រទេសកូរ៉េខាងត្បូង បានបបួលពលករខ្មែរនៅទីនោះឱ្យមកកាន់ប្រទេសកម្ពុជាវិញជាមួយលោកក្នុងពេលឆាប់ៗខាងមុខនេះ។ បើតាមលោក សម រង្ស៊ី ការនាំប្រជាពលរដ្ឋខ្មែរនៅក្រៅប្រទេសចូលមកប្រទេសកម្ពុជាវិញនេះ គឺដើម្បីមកបំផុសបំផុលប្រជាពលរដ្ឋនៅក្នុងស្រុករំដោះប្រទេសកម្ពុជាពីកណ្តាប់ដៃលោកនាយករដ្ឋមន្រ្តី ហ៊ុន សែន និង ក្រុមគ្រួសារ។
លោកអតីតប្រធានអតីតគណបក្សសង្រ្គោះជាតិរូបនេះ ថែមទាំងហ៊ាននិយាយដដែលជាដដែលទៀតថា ការមកកម្ពុជាវិញនេះ គឺមកដើម្បីចាប់លោកនាយករដ្ឋមន្រ្តី ហ៊ុន សែន មិនមែនមកដើម្បីឱ្យលោក ហ៊ុន សែន ចាប់ខ្លួនលោកដាក់ពន្ធនាគារនោះទេ។ ក៏ប៉ុន្តែ លោកនាយករដ្ឋមន្រ្តី ហ៊ុន សែន បានចំអកទៅវិញថា ការប៉ុនប៉ងរបស់លោក សម រង្ស៊ី ហាក់ដូចជាងាយស្រួលពេកហើយ។ លោកថា ក្រុមប៉ុលពតដែលមានកងទ័ពជាច្រើនកងពលធ្វើអ្វីលោកមិនទាំងបានផង កុំថាឡើយត្រឹមក្រុមលោក សម រង្ស៊ី នោះ។ ដូច្នេះហើយ លោកថា លោក សម រង្ស៊ី គិតខុសហើយដែលចង់មកចាប់រូបលោកនៅក្នុងប្រទេសកម្ពុជា។
សូមបញ្ជាក់ថា ម្តងជាពីរម្តង លោក សម រង្ស៊ី ពីក្រៅប្រទេសតែងតែប្រកាសថា លោកនឹងចូលមកស្រុកវិញនៅក្នុងឆ្នាំ២០១៩នេះ ដើម្បីដឹកនាំការផ្លាស់ប្តូរការដឹកនាំនៅក្នុងប្រទេសកម្ពុជា។ ក្រុមការងាររបស់លោក សម រង្ស៊ី ក៏មានគម្រោងរៀបចំឱ្យមានអ្នកទៅទទួលរូបលោកនៅព្រលានយន្តហោះពេលលោកមកដល់ប្រទេសវិញផងដែរ។ ប៉ុន្តែលោកនាយករដ្ឋមន្រ្តី ហ៊ុន សែន ធ្លាប់បានព្រមានជាមុនហើយកុំឱ្យអ្នកណាមកពាក់ព័ន្ធជាមួយលោក សម រង្ស៊ី ក្រែងលោចូលពន្ធនាគារជាមួយគ្នា ហើយនៅថ្ងៃនេះទៀតសោត លោកនាយករដ្ឋមន្រ្តីក៏បានណែនាំជាថ្មីដល់អាជ្ញាធរឱ្យត្រៀមចាត់ការទៅតាមច្បាប់ទៅលើអ្នកណាដែលចង់ងើបបះបោលប្រឆាំងនឹងរដ្ឋាភិបាលកម្ពុជា៕
លោកហ៊ុនសែនអ្នកនឹងត្រូវធ្វើការងារបន្តិចបន្តួចសម្រាប់ជនជាតិខ្មែរអ្នកចំណាយពេលវេលារបស់អ្នកសុំជំនួយ
អ្នកធ្វើឱ្យខ្មាស់អៀនដល់ប្រជាជនខ្មែរ
នេះជានយោបាយកូរទឹកមិនអោយរងថ្លា !បើ ហ៊ុនសែន នៅតែឆ្លើយតបក្ដីសង្ឃឹមរបស់ខ្មែរយើងនៅតែមាន ពិភពលោកនៅតែបន្តជួយខ្មែររកសិទ្ធិសេរីភាពនិងលិទ្ធិប្រជាធិបតេយ្យជូនមហាជនខ្មែរជាក់មិនខានឡើយ។
HUN SEN have to be more responsible for this nation . we Cambodian will not accepting HUN SEN take his personal matter to hurt this nation one more. we Cambodian knew after the sadness of this poor people we got into another bad situation . HUN SEN should have known what he is doing is a dictator regime . Cambodian around the world knew all about it . as a Cambodian born I knew after the dark cloud the sky should be clear but I’M sorry another dark cloud cam whit storm may destroy this sad nation. my last massage to HUN SEN is>>> show us your true color .