តំណាង​ពាណិជ្ជករ​ចិន​ស្នើ​លោក ហ៊ុន សែន ជួយ​សម្រួល​ឲ្យ​មាន​ចរាចរណ៍​រូបិយ​បណ្ណ័​ចិន​នៅ​ក្នុង​ទីផ្សារ​របស់​កម្ពុជា​

ដោយ វ៉ា សំណព្វ
25/04/2019
RFI

media
ជំនួបរវាង លោក ហ៊ុន សែន និង តំណាងពាណិជ្ជករចិន
@SPM page


ប្រធាន​សមាគម​ទំនាក់​ទំនង​អន្តរ​ជាតិ​ចិន នៅ​ថ្ងៃទី ២៤ មេសា បាន​ស្នើ​ទៅ​កាន់​ប្រមុខ​រដ្ឋា​ភិបាល​កម្ពុជា លោក ហ៊ុន សែន ឲ្យ​ជួយ​សម្រួល​ឲ្យ​មាន​ចរាចរណ៍​ប្រើ​ប្រាស់​រូបិយ​បណ្ណ័​ចិន​នៅ​ក្នុង​ទីផ្សារ​របស់​កម្ពុជា ដើម្បី​ទាក់​ទាញ​វិនិយោគ​គិន​ចិន និង​ពី​ប្រទេស​ដទៃៗ​ទៀត​ មក​កាន់​កម្ពុជា​កាន់​តែ​ច្រើន​ឡើង​ថែម​។ សំណើ​នេះ បាន​ធ្វើ​ឡើង​នៅ​មុន​ពេល​មួយ​ថ្ងៃ​ដែល​ប្រមុខ​រដ្ឋាភិបាល​កម្ពុជា លោក ហ៊ុន សែន ធ្វើ​ដំណើរ​ទស្សនៈ​កិច្ច​ទៅ​កាន់​ប្រទេស​ចិន​នៅ​ព្រឹក​ថ្ងៃទី ២៥ មេសា​។

សំណើនេះ ត្រូវ​បាន​លើក​ឡើង​ដោយ លោក ឈិន យន់ ប្រធាន​សមាគម​ទំនាក់​ទំនង​អន្តរជាតិ​ចិន នៅ​ក្នុង​ជំនួប​ជាមួយ​លោក​នាយក​រដ្ឋ​មន្ត្រី ហ៊ុន សែន កាល​ពី​ថ្ងៃ​ទី ២៤ មេសា។ នៅ​ក្នុង​ជំនួប​ដែល​ធ្វើ​ឡើង​នៅ​ឯវិមាន​សន្តិ​ភាព លោក ឈិន យន់ ប្រធាន​សមាគម​ទំនាក់​ទំនង​អន្តរជាតិ​ចិន បាន​ស្នើ​ឲ្យ​លោក​នាយក​រដ្ឋ​មន្ត្រី ហ៊ុន សែន ជួយ​សម្រួល​ឲ្យ​មាន​ការ​ប្រើ​ប្រាស់​នូវ​រូបិយ​បណ្ណ័​ចិន​នៅ​ក្នុង​ទីផ្សារ​របស់​កម្ពុជា ខណៈ​ពេល​ដែល​ចំនួន​ជន​ជាតិ​ចិន​ដែល​កំពុង​រស់​នៅ​ក្នុង​ប្រទេស​កម្ពុជា​កាន់​តែ​កើន​ឡើង​ជា​លំដាប់ និង​ជា​អ្វី​ដែល​ប្រធាន​សមាគម​ទំនាក់​ទំនង​អន្តរជាតិ​ចិន​រូប​នេះ បាន​អះអាង​ថា គឺ​ដើម្បី​ទាក់​ទាញ​អ្នក​វិនិយោគ​ចិន ឲ្យ​មក​កម្ពុជា​កាន់​តែ​ច្រើន​ឡើង​ថែម​ទៀត​។ ប៉ុន្តែ​យ៉ាង​ណា​ក៏​ដោយ តាម​រយៈ​គណនីយ​ហ្វេស​បុក​របស់​លោក​នាយក​រដ្ឋ​មន្ត្រី ហ៊ុន សែន កាលពីថ្ងៃទី ២៤ មេសា លោក​នាយក​រដ្ឋ​មន្ត្រី នៅ​មិន​ទាន់​ឆ្លើយ​តប​យ៉ាង​ណា​ទៅ​នឹង​សំណើ​នេះ​នៅ​ឡើយ​ទេ​។

សូម​បញ្ជាក់​ថា បច្ចុប្បន្ន​នេះ ក្រៅ​ពី​ប្រាក់​រៀល​របស់​ខ្លួន ប្រជាពល​រដ្ឋ​កម្ពុជា​បាន​ប្រើ​ប្រាស់​ប្រាក់​ដុល្លារ​របស់​អាមេរិក​យ៉ាង​ទូលំ​ទូលាយ ខណៈ​នៅ​តាម​ជាយ​ដែន​ថៃ មាន​ការ​ប្រើ​ប្រាស់​ប្រាក់​បាត​ថៃ ហើយ​នៅ​ព្រំដែន​វៀត​ណាម​ក៏​មាន​ការ​ចរាចរណ៍​ប្រាក់​ដុង​របស់​វៀត​ណាម​ផង​ដែរ​។ ទោះ​បីជា​ប្រាក់​យ័ន​របស់​ចិន នៅ​មិន​ទាន់​មាន​ការ​ចរាចរណ៍​បាន​ទូលំ​ទូលាយ​នៅ​ក្នុង​ទីផ្សា​កម្ពុជា​ក្តី ក៏​ប៉ុន្តែ​លោក ចាន់ សុផល ប្រធាន​មជ្ឈ​មណ្ឌល​សិក្សា​គោល​នយោបាយ និង​ជា​អ្នក​វិភាគ​សេដ្ឋកិច្ច​បាន​អះអាង​ថា ប្រាក់​យ័ន​របស់​ចិន អាច​ចរាចរណ៍​បាន​នៅ​ក្នុង​ទីផ្សារ​របស់​កម្ពុជា ប្រសិន​បើ​ភាគី​ពាក់​ព័ន្ធ​ទទួល​យក​ដោយ​រីក​រាយ ខណៈ​ដែល​ទីផ្សារ​របស់​កម្ពុជា​ក៏​មិន​បាន​ហាម​ឃាត់​ដាច់​ខាត​ផង​នោះ​។

សូម​ជំរាប​ជូន​ថា សំណើ​របស់ លោក ឈិន យន់ ប្រធាន​សមាគម​ទំនាក់​ទំនង​អន្តរជាតិ​ចិន បាន​ធ្វើ​ឡើង​នៅ​មុន​ពេល​មួយ​ថ្ងៃ​ដែល​លោក​នាយក​រដ្ឋ​មន្ត្រី ហ៊ុន សែន បាន​ដឹក​នាំ​គណៈ​ប្រតិភូ​កម្ពុជា​ទៅ​ធ្វើ​ទស្សន​កិច្ច​នៅ​ក្នុង​ប្រទេស​ចិន ដើម្បី​ចូល​រួម​វេទិកា «ខ្សែ​ក្រវាត់ និង​ផ្លូវ» លើក​ទី២ រួម​និង​កិច្ច​ប្រជុំ​សំខាន់ៗ​ជា​ច្រើន​ផ្សេង​ទៀត ចាប់​ពី​ថ្ងៃ​ទី២៥ ដល់ ២៩ មេសា ២០១៩។ លោក ហ៊ុន សែន បាន​ប្រាប់​លោក យន់ ថា នៅ​ក្នុង​ប្រទេស​ចិន លោក​គ្រោង​នឹង​ជួប​ពិភាក្សា​បន្ថែម​អំពី​គម្រោង​ជំរុញ​កិច្ច​សហ​ប្រតិបត្តិ​ការ​ពាណិជ្ជចិន​កម្ពុជា​ដែល​ពាក់​ព័ន្ឋ​នឹង​ផ្លូវ​១ខ្សែ​ក្រវ៉ាត់១ ស្រប​ជាមួយ​នឹង​យុទ្ឋសាស្រ្ត​ចតុកោណ​របស់​កម្ពុជា​ផង​ដែរ​។ ជាមួយ​គ្នា​នេះ​ដែរ លោក​នាយក​រដ្ឋ​មន្រ្តី នឹង​ស្នើ​សុំ​ការ​គាំទ្រ និង​កិច្ច​សហការ​ជាមួយ​មិត្ត​ចិន ដើម្បី​ជំរុញ​តំបន់​សេដ្ឋកិច្ច​ពាណិជ្ជកម្ម​ពិសេស​នៅ​ខេត្ត​ព្រះ​សីហនុ ដែល​ជា​ខេត្ត​កំពុង​មាន​សក្តា​នុពល​នោះ​អោយ​កាន់​តែ​រីក​ចម្រើន​ខ្លាំង​ឡើង​ថែម​ទៀត​។

សូម​បញ្ជាក់​ថា គិត​ត្រឹម​ឆ្នាំ​២០១៨​មក ជន​ជាតិ​ចិន​ប្រមាណ​ជា​២១​ម៉ឺន​នាក់​បាន​មក​ដល់​ប្រទេស​កម្ពុជា​។ ចំនួន​នេះ​បាន​កើន​ឡើង​ជាង​១០ម៉ឺន​នាក់​បើ​ធៀប​នឹង​ឆ្នាំ​២០១៧​។ ក្នុង​នោះ​មាន​ជាង​៧៨០០០​នាក់ កំពុង​រស់​នៅ​និង​ធ្វើ​ការ​នៅ​ក្នុង​ខេត្ត​ព្រះសីហនុ ហើយ​ក្នុង​នោះ​អ្នក​មាន​ប័ណ្ណ​ការងារ​ត្រឹម​ត្រូវ​ជាង​២ម៉ឺន​នាក់​៕

What Next?

Recent Articles

2 Responses to "តំណាង​ពាណិជ្ជករ​ចិន​ស្នើ​លោក ហ៊ុន សែន ជួយ​សម្រួល​ឲ្យ​មាន​ចរាចរណ៍​រូបិយ​បណ្ណ័​ចិន​នៅ​ក្នុង​ទីផ្សារ​របស់​កម្ពុជា​"

  1. so chết says:

    but the Chinese quote is not recognized anywhere in this universe EXCEPT IN CHINA
    why not in Cambodia this country becomes a Chinese province Hun sen would be ready to all the condictions below reunis
    blessing of youn
    keeping hun sen see his offspring in power
    hun sen receives small gifts or big gift of non quotation in yuan but in $$$$$$$$$$$$$$$$$$$$$$$$$$$$$$$$ US

  2. Anonymous says:

    after all Cambodian should know some thing about HUN SEN . this jungle educated man acting he is a smart ass animal of all . please make a comparison between POL POT regime and HUN SEN regime to see what is the difference . POL POT was friend whit CHINA in the 70th to fight again whit Vietcong policy to take over Cambodia. the communist policy is all about the rich and the poor that made all kind of hatful among people itself, after all more then two million Cambodian was vanish from this sad land. how about HUN SEN all Cambodian knew he was a commander in POL POT regime fight whit LON NOL which he was not wanted the communist CHINA to spread their communist policy . all Cambodian should understanding about Vietcong policy this neighboring nation was always keep Cambodia as their country. the policy was form by their great leader HO CHIMIN since 1952 in secreted. please look at the activity of HUN SEN leadership they are 100% in Vietcong policy. this break away POL POT commander murder his own blood people to blame to his boss in order to take over through the communist Vietcong policy until this day. all Cambodian can see right now what was Cambodia lost to Vietcong??? by knowing himself Cambodian will kick his ass this highly educated jungle man HUN SEN changing 100% to CHINA . HUN SEN said Cambodia is a democracy nation which we knew it never have been. after all these two communist will ruin this region until the end time.