អ្នក​វិភាគ៖ វត្តមាន​លោក ហ៊ុន ម៉ាណែត ក្នុង​ពិធី​បើក​សមយុទ្ធ​ហនុមាន​មាស​បង្ហាញ​ពី​អំណាច

ដោយ មួង ណារ៉េត
2019-05-05
RFA

ស្ដាប់ ឬទាញ​យក​សំឡេង
ស្តាប់សំឡេងថតសំឡេង

លោក ហ៊ុន ម៉ាណែត មេ​បញ្ជាការ​កងទ័ព​ជើងគោក នៃ​កង​យោធពល​ខេមរភូមិន្ទ​។ RFA
លោក ហ៊ុន ម៉ាណែត មេ​បញ្ជាការ​កងទ័ព​ជើងគោក នៃ​កង​យោធពល​ខេមរភូមិន្ទ​។ RFA


លោក ហ៊ុន ម៉ាណែត កូនប្រុស​ច្បង​លោក ហ៊ុន សែន និង​ជា​មេបញ្ជាការ​កងទ័ពជើងគោក​បាន​ដឹកនាំ​បើក​ពិធី​សមយុទ្ធ​ហនុមាន​មាស ដែល​ចាប់ផ្ដើម​ដោយមាន​ការ​បាញ់​គ្រាប់​ពិត នៅ​ទីលាន​បាញ់​គ្រាប់​ពិត​តេជោសែន​ថ្ងៃ​ទី​០៤ ខែ​ឧសភា នេះ។ អ្នកវិភាគ​នយោបាយ​យល់​ថា វត្តមាន​លោក ហ៊ុន ម៉ាណែត ក្នុង​ពិធី​នេះ​គឺ បង្ហាញ​ថា លោក ហ៊ុន ម៉ាណែត មាន​សិទ្ធិ​អំណាច​គ្រប់គ្រាន់​ក្នុង​ការ​បញ្ជា​ទ័ព និង​អាច​ការពារ​អំណាច​ត្រកូល ហ៊ុន។

អ្នកនាំពាក្យ​ក្រសួងការពារជាតិ លោក ឈុំ សុជាតិ ឲ្យ​ដឹង​ថា សមយុទ្ធ​នេះ​មាន​អាវុធយុទ្ធភណ្ឌ​ដែល​នឹង​ប្រើប្រាស់​ក្នុង​សមយុទ្ធ​ដូចជា កាំភ្លើង​ធំ និង​រថក្រោះ រថពាសដែក រថយន្ត​ពេទ្យ រថយន្ត​ពន្លត់​អគ្គិ ភ័យ រថយន្ត​ដឹកជញ្ជូន និង​ឧទ្ធម្ភាគចក្រ​ជាដើម​។

សមយុទ្ធ​ហនុមាន​មាស​២០១៩​នេះ នឹង​មាន​កម្លាំងយោធា​ចូលរួម​ជិត ១.៦០០​នាក់​(.៥៩៥) ក្នុង​នោះ​មកពី​បណ្ដា​ជំនាញ​តាម​អង្គភាព​វិទ្យាស្ថាន​កងទ័ពជើងគោក បញ្ជាការដ្ឋាន​អង្គរក្ស ទ័ព​ជើង​អាកាស កងពលតូច​ទ័ព​ពិសេស​ឆ័ត្រ​យោង​៩១១ និង​បញ្ជាការដ្ឋាន ផ្សេងៗ​ទៀត​នៃ​កងទ័ព​ជើង​គោក។

សមយុទ្ធ​បាញ់​គ្រាប់​ពិត​ហនុមាន​មាស ២០១៩​នេះ ធ្វើ​នៅ​ទីលាន​បាញ់​គ្រាប់​ពិត​តេជោសែន​ជុំគិរី ស្ថិតនៅ​ភូមិ​ត្រពាំងវែង ឃុំ​ត្រពាំងវែង ស្រុក​ជុំគិរី ខេត្ត​កំពត​។

ទាក់ទង​ចំពោះ​វត្តមាន​របស់​លោក ហ៊ុន ម៉ាណែត ក្នុង​ពិធី​បើក​សមយុទ្ធ​ហនុមាន​មាស​នេះ​អ្នក នាំ​ពាក្យ​ក្រសួងការពារជាតិ​ដដែល​ពន្យល់​ថា ពិធី​នេះ​ជា​ការ​រៀបចំ​ដោយ​កងទ័ពជើងគោក ហើយ​លោក ហ៊ុន ម៉ាណែត ជា​មេបញ្ជាការ​កងទ័ពជើងគោក​។ លោក​អះអាង​ទៀត​ថា សមយុទ្ធ​នេះ​គឺ​មាន​ភាព​រលូន​តាម​ការ​គ្រោង​ទុក។ «»

ប៉ុន្តែ​អ្នកវិភាគ​នយោបាយ​ដែល​កំពុង​និរទេស​ខ្លួន​នៅ​ក្រៅ​ប្រទេស លោក គឹម សុខ យល់ថា វត្តមាន​របស់​លោក ហ៊ុន ម៉ាណែត ក្នុង​ពិធី​នេះ​មិនមែន ជា​វត្តមាន​សាមញ្ញ​បែបនេះ​ទេ​។ លោក គឹម សុខ យល់​ថា អំណាច​ក្រុម​គ្រួសារ​លោក ហ៊ុន សែន គឺ​ពឹង​ផ្អែកលើ​កម្លាំង​ទ័ព​និង​អាវុធ ដូច្នេះ​លោក​ថា សមយុទ្ធ​នេះ​គឺជា​ការ​បង្ហាញ​ថា​លោក ហ៊ុន ម៉ាណែត មាន​សិទ្ធិ​អំណាច​គ្រប់គ្រាន់​ក្នុង​ការ បញ្ជា​ទ័ព។

កន្លងមក​អ្នកវិភាគ​ថា លោក ហ៊ុន សែន​កំពុង​រៀបចំ​យុទ្ធសាស្ត្រ ដើម្បី​លោក ហ៊ុន ម៉ាណែត អាច​ឡើង​ស្នង​ដំណែង​លោក​ទៅ​ថ្ងៃ​អនាគត៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

2 Responses to "អ្នក​វិភាគ៖ វត្តមាន​លោក ហ៊ុន ម៉ាណែត ក្នុង​ពិធី​បើក​សមយុទ្ធ​ហនុមាន​មាស​បង្ហាញ​ពី​អំណាច"

  1. so chết says:

    let’s assume that hun manet is skill with his west point diploma, but let’s not forget there are khmers of his generation is also more skill than manet
    In the hypothesis the highest manet man is skill but considering his behavior he is less intelligent than a simple peasant lacking
    hun manet took the course of hun sen the latter is not competent and chose the bad intelligence
    example to follow Juan Guaidó, rama x the president joko widodo

  2. so socheath says:

    ការព្រងើយកន្តើយចំពោះទិដ្ខភាពពិតដែលកម្ពុជាមាន វាជាហេតុផលនាំមកនូវការសំអប់ពីសហគមន៍អន្តរជាតិចំពោះកម្ពុជា
    ************
    កម្ពុជាជាប្រទេសដែលធ្លាប់ទទួលរងនូវសង្គ្រាមស៊ីវិលរ៉ាំរ៉ៃតាមរយះមនោគមវិជ្ជាបរទេស
    ដែលសម្លឹងឃើញកម្ពុជា ថាជាច្រកសំខាន់ដើម្បីខ្ទប់ដង្ហើមប្រទេសដែលលោកមហាអំណាច
    គឹតថាជាប្រទេស ដែលចង់ប្រជែងយកភាពជាបងធំរបស់ខ្លួន ទាំងក្នុងតំបន់និងសកលលោក។
    កម្ពុជាជាប្រទេសតូច គំនឹតរបស់កម្ពុជាគឺត្រូវការរស់ក្នុងសុខសន្តិភាព និងការអភិវឌ្ឍន៍ ។
    កម្ពុជាដែលចាត់ទុកបណ្តារប្រទេសទាំងអស់ក្នុងលោកនេះគឺជាមិត្ត រស់នៅនិងធ្វើសហប្រតិបត្តិការ
    ដោយជាមួយគ្នាដោយស្មើភាព នឹងផ្តល់ផលប្រយោជន៍ឲ្យគ្នាទៅវិញទៅមក ។
    សង្គ្រាមមនោគមវិជ្ជា ក្នុងទ្រឹស្តី សិទ្ធិមនុស្ស សេរីភាព និងប្រជាធិបតេយ្យ បាននៅកំដរនិង
    តាមលងអារម្មណ៍ប្រជាជនកម្ពុជាគ្រប់រូប បើទោះបីពួកគេមានទស្សនះផ្សេងគ្នាចំពោះ
    រឿងរ៉ាវទាក់ទងនឹង ទ្រឹស្តីស្តីពី សិទ្ធិមនុស្ស សេរីភាព និងប្រជាធិបតេយ្យ នេះក្តី ។
    សម្រាប់សហរដ្ឋអាមេរិក រៀងរ៉ាវដែលបញ្ឆេះឲ្យមានបដិវត្តន៍ពណ៍ ក៍ដូចជាបាតុកម្ម
    ដើម្បីឲ្យមានការផ្តួលរំលំប្តូររបបដឹកនាំ ហើយដែលបានបង្ករសោកនាដកម្មគ្រប់បែបយ៉ាង
    នៅប្រទេសជាច្រើនដូចជាលីប៊ី ស៊ីរី យ៉េមែន អ៊ីរ៉ាក់ អ៊ុយក្រែន។ល។ ហើយបច្ចុប្បន្នវេណេ
    ហ្សូអេឡា គឺតាមរយះ តែពាក្យបីឃ្លាផ្តោតលើ សិទ្ធិមនុស្ស សេរីភាព និងប្រជាធិបតេយ្យ
    ដែលបង្ករឡើងដោយអាមេរិក ក្នុងពេលដែលអាមេរិកទុកខ្លួនឯងថាជា បិតាប្រជាធិបតេយ្យ
    ផ្តាច់គេនៅលើលោកនេះ ។
    ការថារបស់អាមេរិក មិនស្មើនិងការពិតទេ ។ អាមេរិកខ្លួនឯង សូម្បី សិទ្ធិមនុស្ស សេរីភាព និងប្រជាធិបតេយ្យ ដែលអាមេរិកចាត់ទុកជាឧបករណ៍សំខាន់ សម្រាប់ដឹកនាំប្រទេសនានា
    ក្នុងលោកឲ្យដើរតាមលំអានខ្លួន អាមេរិកខ្លួនឯងធ្វើមិនបានផងហ្នឹង ?
    កម្ពុជាក្រីក្រ ទើបងើបពីសង្គ្រាមស៊ីវិល និងអំពើប្រល័យពូជសាស្ត្រជាតិឯង ។
    កម្ពុជាចង់មានការអភិវឌ្ឃជាតិ លើកស្ទួយកំរឹតជីវភាពរស់នៅរបស់ប្រជាជន ដូចបណ្តារ
    ប្រទេសទាំងឡាយនៅក្នុងតំបន់ និងក្នុងពិភពលោកយើងនេះ ។
    និយាយត្រង់ចុះកម្ពុជារង់ចាំជាជួយពីសហរដ្ឋអាមេរិកដល់កម្ពុជា មួយឆ្នាំហើយមួយឆ្នាំទៀត
    តែលទ្ធផលស្ទើរតែគ្មានសោះ ព្រោះថាការចាំឲ្យអាមេរិកជួយកម្ពុជា ផលបានមកវិញ
    តែពាក្យបីឃ្លាផ្តោតលើ សិទ្ធិមនុស្ស សេរីភាព និងប្រជាធិបតេយ្យ ដែលមិនអាចយកមក
    ធ្វើអ្វីបានទាំងអស់ ។ ព្រោះថាកម្ពុជាឃ្លានបាយ ត្រូវការបាយញ៉ាំ កម្ពុជាមិនត្រូវការទ្រឹស្តី
    យកមកបំបាត់ការស្រេកឃ្លាននោះទេ ។
    តែថាមកដល់ពេលនេះ កម្ពុជាក៍នូវត្រូវការជំនួយពីអាមេរិក ប្រសិនបើអាមេរិកចង់ជួយ
    កម្ពុជាដោយស្មោះត្រង់ ។
    តែប្រសិនអាមេរិកមានបញ្ហាផ្ទាល់ខ្លួន មិនអាចទាន់មានឱកាសជួយកម្ពុជាបាន កម្ពុជា
    នៅតែអរគុណ នឹងនៅតែមានសង្ឃឹមជៀជាក់លើការ ជួយកម្ពុជាពីសំណាក់សហរដ្ខអាមេរិក
    នាថ្ងៃខាងមុខផងដែរ ។ មួយវិញទៀត
    ប្រសិនបើអាមេរិកចង់ជួយ កម្ពុជាឱ្យឈានទៅមុខ ជាមួយនិងកែលម្អស្ថានភាពរបស់ខ្លួន
    វាមិនចាំបាច់ឲ្យអាមេរិកជួយផ្លាស់ប្តូរទិសដៅនយោបាយ ឬនយោបាយនៅកម្ពុជានោះទេ។
    សម្រាប់អាមេរិកដែលចង់ជួយកម្ពុជាដោយមិនចំពោះ (ជំនួយសាច់ប្រាក់) អាមេរិកមិនត្រូវលើកវិធានការបង្ខិតបង្ខំដោយឯកតោភាគីឲ្យកម្ពុជាធ្វើតាមអ្វីដែលអាមេរិកចង់បាននោះទេ ។
    អាមេរិកគ្រាន់តែធានាថា អង្គទូតរបស់ខ្លួន ប្រព័ន្ធផ្សព្វផ្សាយរបស់អាមេរិក លែងនិយាយកុហក
    និងប្រើតែព័ត៌មានត្រឹមត្រូវ នោះប្រជាជនកម្ពុជាសប្បាយចិត្ត ជាមួយអាមេរិកពេកហើយ ។
    ប៉ុន្តែការកុហករបស់ពួកគេ អង្គទូតអាមេរិក ឬ ប្រព័ន្ធផ្សព្វផ្សាយរបស់អាមេរិក លើកឡើងតែពីការភូតកុហក និងការព្រងើយកន្តើយចំពោះទិដ្ខភាពពិតដែលកម្ពុជាមាន
    នោះវាច្បាស់ជានាំមកនូវការសំអប់ពីសហគមន៍អន្តរជាតិចំពោះកម្ពុជា តាមរយះព័ត៍មានមិនពិត ពីទូតអាមេរិក ដែលជាហេតុធ្វើឱ្យកម្ពុជារងគ្រោះថ្នាក់ច្រើនជាងគ្រាប់បែកឬមីស៊ីលដែលបានបាញ់
    ចេញពីយន្តហោះចម្បាំងអាមេរិកទៅទៀត។
    ភាពសំអប់ដែលអាមេរិកបង្ករឡើងនេះហើយ ដែលវាក្លាយទៅជាសំអប់តបវិញ ពីសំណាក់
    ប្រជាជនកម្ពុជាចំពោះសហរដ្ឋអាមេរិក ហើយដែវាជាសញ្ញាណនៃការដែលអាមេរិកសម្តែងនូវ
    ការមន្ទិលសង្ស័យខ្លួនឯង ដោយចោទថាកម្ពុជាមានទំនោរទៅរកចិនជាងសហរដ្ខអាមេរិកនោះ៕
    ដោយ សូ សុជាតិ

Leave a Reply

Submit Comment