លោក​ប្រធានាធិបតី ស៊ី ជីនពីង ជំរុញ​ឲ្យ​កម្ពុជានិង​​ចិន កសាង​សហគមន៍​ដើម្បី​អនាគត​រួម​គ្នា

ដោយ អ៊ឹម រចនា
15/05/2019
RFI

media
លោកប្រធានាធិបតី​ចិន ស៊ី ជីនពីង
REUTERS/Tyrone Siu


ប្រធានាធិបតី​ចិន លោក ស៊ី ជីនពីង ជំរុញ​ឲ្យ​កម្ពុជា​និង​ចិន កសាង​សហគមន៍​ដើម្បី​អនាគត​រួម​គ្នា​។ ការ​ជំរុញ​នេះ ធ្វើ​ឡើង​នៅ​ក្នុង​ជំនួប​រវាង​លោក ស៊ី ជីនពីង និង​ព្រះមហាក្សត្រ​កម្ពុជា នៅ​ថ្ងៃ​អង្គារ ទី​១៤​ឧសភា ក្នុង​ឱកាស​សន្និសីទ​ស្ដី​ពី​ដៃ​គូ​សន្ទនា​ពី​អរិយធម៌​អាស៊ី នៅ​ទីក្រុង​ប៉េកាំង ប្រទេស​ចិន​។ នេះ​បើ​តាម​ការ​ចុះ​ផ្សាយ​របស់​ទូរទស្សន៍​ចិន CGTN។

តាម​រយៈ​ចំណង​មិត្ត​ភាព​ដ៏​ពិសេស​រវា​ចិន​និង​សែ​រាជវង្ស​កម្ពុជា ប្រទេស​ចិន​នឹង​បន្ត​ជួយ​គាំទ្រ​កម្ពុជា ក្នុង​ការ​អភិវឌ្ឍដែល​ស្រប​ទៅ​នឹងគោលនយោបាយ​ជាតិ​របស់​កម្ពុជា​។ មិន​ត្រឹម​តែ​ប៉ុណ្ណោះ ចិន​នឹង​ធ្វើ​ការ​ជាមួយ​កម្ពុជា ដើម្បី​ជំរុញ​ភាព​ជា​ដៃគូ​យុទ្ធសាស្ត្រ​គ្រប់​ជ្រុង​ជ្រោយ​រវាង​ប្រទេស​ទាំង​ពីរ ឲ្យ​ឈាន​ទៅ​កាន់​កម្រិត​ថ្មី​មួយ​ទៀត​។ នេះ​គឺ​ជា​ការ​អះអាង​របស់​ប្រធានាធិបតី​ចិន លោក ស៊ី ជីនពីង ក្នុង​ជំនួប​ជាមួយ​ប្រមុខ​រដ្ឋ​កម្ពុជា ព្រះ​ករុណា ព្រះ​បាទ សម្ដេច​ព្រះ​បរមនាថ នរោត្តម សីហមុនី នា​ទីក្រុង​ប៉េកាំង ប្រទេស​ចិន​។

នៅ​ក្នុង​ជំនួប​ដដែល​នោះ ប្រធានាធិបតី​ចិន បាន​សង្កត់​ធ្ងន់​បន្ថែម​ទៀត​ថា ចិន​និង​កម្ពុជា គួរ​តែ​អនុវត្ត​ផែនការ​សកម្មភាព​នានា ឈាន​ទៅ​កសាង​សហគមន៍​ដើម្បី​អនាគត​រួម​គ្នា រវាង​ចិន​និង​កម្ពុជា សម្រាប់​ជា​ប្រយោជន៍​ដល់​ប្រជាជន​នៃ​ប្រទេស​ទាំង​ពីរ​។ និង​ថា ចិន​និង​កម្ពុជា គួរ​ធ្វើ​ជា​គំរូ​ដល់​ប្រទេស​ដទៃ​ទៀត ក្នុង​ការ​គោរព​ភាព​ចម្រុះ​នៃ​វប្បធម៌ ក៏​ដូច​ជា​លើក​កម្ពស់​ការ​ផ្លាស់​ប្ដូរ​និងការ​​រៀនសូត្រ​ពី​គ្នា​ទៅ​វិញ​ទៅ​មក​។

ជា​ការ​ឆ្លើយ​តប ប្រមុខ​រដ្ឋ​កម្ពុជា ព្រះ​បាទ នរោត្តម សីហមុនី មាន​ព្រះ​រាជ​បន្ទូល​អបអរ​សាទរ​ដល់​ទំនាក់ទំនង​​រវាង​ចិន​និង​កម្ពុជា ក៏​ដូច​ជា​តួនាទី​ដ៏​សំខាន់​របស់​ចិន នៅ​ក្នុង​កិច្ចការ​អន្ដរជាតិ​។ បើ​តាម​ហ្លួង​សីហមុនី កម្ពុជាគាំទ្រ​យ៉ាង​ពេញ​ទំហឹង គំនិត​ផ្ដួច​ផ្ដើម​ផ្លូវ​មួយ​ខ្សែ​ក្រវាត់​មួយ ព្រម​ទាំង​ឈរ​ជាមួយប្រជាជន​ចិន​នៅ​គ្រប់​កាលៈទេសៈ​ទាំង​អស់​។ នេះ​បើ​តាម​ការ​ចុះ​ផ្សាយ​របស់​ទូរទស្សន៍​ចិន CGTN។

សូម​ជម្រាប​ជូន​ថា ហ្លួង សីហមុនី កំពុង​មាន​ព្រះ​រាជ​វត្តមាន​នៅ​ទីក្រុង​ប៉េកាំង ប្រទេស​ចិន ដើម្បី​ចូល​រួម​នៅ​ក្នុង​សន្និសីទ​ស្ដី​ពី​ដៃ​គូ​សន្ទនា​ពី​អរិយធម៌​អាស៊ី​​។ សន្និសីទលើក​ទី​១​នេះ ធ្វើ​ឡើង​ផ្ដោត​លើ​ប្រធានបទ​នៃ​ការ​ផ្លាស់​ប្ដូ​អរិយធម៌​អាស៊ី ការ​យល់​ដឹង​ពី​គ្នា​ទៅ​វិញ​ទៅមក និង​ការ​កសាង​សហគមន៍ដើម្បីអនាគត​រួម​គ្នា​៕

What Next?

Recent Articles

2 Responses to "លោក​ប្រធានាធិបតី ស៊ី ជីនពីង ជំរុញ​ឲ្យ​កម្ពុជានិង​​ចិន កសាង​សហគមន៍​ដើម្បី​អនាគត​រួម​គ្នា"

  1. Anonymous says:

    Pol-pot followed china killing three million ‘ and now former commander of pol-pot followed communist china again ‘so in the future how khmer will be???

  2. Anonymous says:

    please note Mr SHY CHIN PING said building community for the great future . the question is which country’s community that he mean???? CHINESE community or Cambodian community in another hand is joint venture of this two nation. if so Cambodia will become the tool for CHINA to become a supper power’s nation in 2020. it is so sad to see Cambodia come back to the painful old story all over again . the south CHINA sea is a sample to every nation in the whole world . so sad to hear Cambodia support CHINA without border that mean Cambodian should ask themselves what will we get this time . the lesion should have been learn from the past. as a small nation in this region Cambodia and LAO is a play ground in politic from their neighboring nation . Vietnamese leader wanted to take over this two nation so that they can competing whit CHINA and CHINA itself wanted to control every thing in this region. as we are the innocent human being we are now know that world war 3 can happen any where in the world the reason we can see and hearing is bad situation every where in the whole world.