លោក ហ៊ុន សែន៖ សារ​របស់​មេដឹក​នាំ​សិង្ហ​បុរី ជា​ការ​គាំទ្រ​និង​ចង់​ឱ្យ​របប​ខ្មែរ​ក្រហម​វិល​មក​កម្ពុជា​វិញ

ដោយ វណ្ណ សុគន្ធា
07/06/2019
RFI

media
លោកនាយករដ្ឋមន្ត្រី ហ៊ុន សែន នាយករដ្ឋមន្ត្រីនៃប្រទេសកម្ពុជា
@SPM page


សារ​របស់​នាយក​រដ្ឋ​មន្ត្រី​សិង្ហ​បុរី​ពាក់​ព័ន្ធ​បញ្ហា​សង្រ្គាម​នៅ​កម្ពុជា​កំពុង​ធ្វើ​ឱ្យ​មាន​ប្រតិកម្ម​ជា​បន្ត​បន្ទាប់​ទាំង​ពីសំណាក់​មន្រ្តី​វៀតណាម និង កម្ពុជា​។ ចុង​ក្រោយ​នេះ គឺ​ប្រមុខ​រដ្ឋាភិបាល​កម្ពុជា​តែ​ម្ដង ដែល​បាន​បញ្ចេញ​សារ​មិន​ពេញ​ចិត្ត និង​សោក​ស្តាយ​តាម​ហ្វេស​ប៊ុក តប​ទៅ​កាន់​នាយក​រដ្ឋ​មន្រ្តី​សិង្ហបុរី លោក​លី ស៊ានឡុង​។ សម្រាប់​នាយក​រដ្ឋ​មន្រ្តី​កម្ពុជា ការ​លើក​ឡើង​របស់​លោក​លី ស៊ានឡុង បង្ហាញ​ថា សិង្ហបុរី បាន​បង្ហាញ​ពី​ការ​គាំទ្រ​របប​ប្រល័យ​ពូជ​សាសន៍ និង ចង់​ឱ្យ​របប​នេះ​កើត​មាន​ឡើង​វិញ​។

ប្រតិកម្ម​របស់​នាយក​រដ្ឋមន្រ្តី​កម្ពុជា​ផ្ទុះ​ឡើង​បន្ទាប់​ពី​សម​ភាគី​សិង្ហបុរី លោក លី ស៊ានឡុង សរសេរ​លើ​ហ្វេសប៊ុក ដោយ​លើក​ឡើង​ថា សមាជិក ASEAN ដែល​កាល​នោះ​មាន​សមាជិក​៥ប្រទេស បាន​រួម​គ្នា​ប្រឆាំង​ការ​ឈ្លាន​ពាន​របស់​វៀត​ណាម​មក​លើ​កម្ពុជា និង​ប្រឆាំង​រដ្ឋាភិបាល​កម្ពុជា​ដែល​បាន​ជំនួស​ខ្មែរ​ក្រហម​។ គឺ​ត្រង់​ពាក្យ​វៀត​ណាម​ឈ្លាន​ពាន​កម្ពុជា និង​រួម​គ្នា​ការ​ប្រឆាំង​រដ្ឋា​ភិបាល​កម្ពុជា​ដែល​មក​ជំនួស​ខ្មែរ​ក្រហម​នេះ​ហើយ ដែល​ធ្វើ​ឱ្យ​លោក​នាយក​រដ្ឋ​មន្រ្តី​ហ៊ុន សែន កើត​ទុក្ខ​មិន​សុខ​ចិត្ត​បញ្ចេញ​សារ​តប​ត​ទាំង​យប់ ដោយ​បង្ហាញ​នូវ​ការ​សោក​ស្តាយ​យ៉ាង​ខ្លាំង​ទៅ​កាន់​នាយក​រដ្ឋ​មន្រ្តី​សិង្ហ​បុរី​។

សម្រាប់​ប្រមុខ​រដ្ឋា​ភិបាល​កម្ពុជា ការ​លើក​ឡើង​របស់​នាយក​រដ្ឋ​មន្រ្តី​សិង្ហបុរី​នេះ​បង្ហាញ​ថា កាល​នោះ​សិង្ហបុរី បាន​គាំទ្រ​របប​ប្រល័យ​ពូជ​សាសន៍ ចង់​ឲ្យ​របប​ប្រល័យ​ពូជសាសន៍​វិល​ត្រឡប់​មក​កម្ពុជា​វិញ និង ប្រឆាំង​នឹង​ការ​រស់​ឡើង​វិញ​របស់​ប្រជាជន​កម្ពុជា​។ មិន​តែ​ប៉ុណ្ណោះ លោក​នាយក​រដ្ឋ​មន្រ្តី​ បាន​អះអាង​ថា ការ​លើក​ឡើង​របស់​លោក​លី ស៊ានឡុង ក៏​ជា​ការ​ប្រមាថ​ដល់​ពលិកម្ម​សាច់​ស្រស់​ឈាម​ស្រស់​របស់​កង​ទ័ព​ស្ម័គ្រ​ចិត្ត​វៀត​ណាម ដែល​បាន​ជួយ​រំដោះ​កម្ពុជា​ឲ្យ​រួច​ផុត​ពី​របប​ប្រល័យ​ពូជ​សាសន៍​។ លោកហ៊ុន សែន បន្ថែម​ទៀត​ថា សារ​របស់​នាយក​រដ្ឋ​មន្រ្តី​សិង្ហបុរី​នា​ពេល​នេះ ក៏​បាន​បង្ហាញ​ដល់​ប្រជាជន​សិង្ហបុរី និង​ពិភព​លោក​ថា មេដឹក​នាំ​សិង្ហបុរី​នា​ពេល​នោះ បាន​រួម​ចំណែក​សម្លាប់​ប្រជាជន​កម្ពុជា​យ៉ាង​ពិត​ប្រាកដ​។

សារ​ប្រតិកម្ម​ពី​ប្រមុខ​ដឹក​នាំ​កម្ពុជា​នេះ ក៏​បាន​បន្ទរ​បន្ថែម​ដោយ​អ្នក​នាំ​ពាក្យ​ក្រសួង​ការបរទេស​កម្ពុជា​ដែរ​តាម​រយៈ​សេចក្តី​ថ្លែង​ការណ៍​មួយ​នៅ​ថ្ងៃ​សុក្រ​នេះ។ អ្នក​នាំ​ពាក្យ​ក្រសួង​ការ​បរទេស​កម្ពុជា​បាន​សម្តែង​នូវ​ការ​សោក​ស្តាយ​យ៉ាង​ខ្លាំង​ចំពោះ​ពាក្យ​សម្តី​របស់​នាយក​រដ្ឋ​មន្ត្រី​សិង្ហ​បុរី​ដែល​សរសេរ​លើ​ហ្វេស​ប៊ុក​កាល​ពី​ថ្ងៃទី៣១ ឧសភា​កន្លង​ទៅ​។

មិន​មែន​តែ​កម្ពុជា​ទេ វៀតណាម​ឯណោះ​វិញ​ក៏​មិនបាន​នៅ​ស្ងៀម​ដែរ​ចំពោះ​ពាក្យ​សម្តី​របស់​មេដឹកនាំ​សិង្ហបុរី​នេះ​ដែរ​។ អ្នក​នាំ​ពាក្យ​ក្រសួង​ការបរទេស​វៀតណាម​កាល​ពីថ្ងៃទី០៤ មិថុនា បាន​ចាត់​ទុក​សំណេរ​របស់​លោក​លី ស៊ានឡុង ថា មិន​បាន​បង្ហាញ​ពី​សច្ចភាព​នៃ​ប្រវត្តិសាស្រ្ត ដែល​នាំ​ឲ្យ​មាន​ការ​ប៉ះពាល់​អវិជ្ជមាន​ដល់​ការ​យល់​ឃើញ​របស់​សាធារណជន​។ អ្នក​នាំ​ពាក្យ​ក្រសួង​ការបរទេស​វៀត​ណាម​បាន​ចង្អុល​ប្រាប់​នាយក​រដ្ឋមន្រ្តី​សិង្ហបុរី​ថា សាល​ក្រម​កាត់​ទោស​លើ​មេដឹកនាំ​ខ្មែរ​ក្រហម​របស់​តុលាការ​កូន​កាត់​ខ្មែរ​ក្រហម គឺ​ជា​តឹក​តាង​បង្ហាញ​ពី​ការ​ពិត​នៃ​ប្រវត្តិសាស្រ្ត​ដែល​កើត​ឡើង​នៅ​កម្ពុជា​។​ និយាយ​ដល់​ការ​កាត់​ទោស​មេដឹកនាំ​ខ្មែរ​ក្រហម​នេះ លោក​នាយក​រដ្ឋមន្រ្តី​ហ៊ុន សែនវិញ បាន​ចោទ​សួរ​ត្រង់​ទៅ​កាន់​លោកលី ស៊ានឡុងថា តើ​មេដឹកនាំ​សិង្ហបុរី ចាត់​ទុក​ការ​កាត់​ទោស​មេដឹកនាំ​ខ្មែរ​ក្រហម​កន្លង​ទៅ​នេះ​ថា ជា​ការ​ត្រឹម​ត្រូវ​ដែរ​ឬទេ​?៕

What Next?

Recent Articles

One Response to "លោក ហ៊ុន សែន៖ សារ​របស់​មេដឹក​នាំ​សិង្ហ​បុរី ជា​ការ​គាំទ្រ​និង​ចង់​ឱ្យ​របប​ខ្មែរ​ក្រហម​វិល​មក​កម្ពុជា​វិញ"

  1. Anonymous says:

    we understand what SANG HAKBOREY Mr LY SEANGLONG mean. as Cambodia also have known the policy of those who have been murder it own people still continuous until this day. every leaders in the world are seeing the same thing. under HUN SEN leadership that Vietcong put in powers since 1979 was continuous murder his own people. I knew HUN SEN is under investigation of being a genocide leader. all Cambodian knew from 1979 at first the K5 plane , military cue, murder Cambodian nationalist, we note until this day there are so many Cambodian have been murder by this HUN SEN regime. we also looking back into POL POT regime more then two million Cambodia life was vanish from this sad land can be connected to this genocide leader HUN SEN that was a Vietcong puppet . all Cambodian inside the country can see the same policy of murder still acting from 1975 into this day. word action is telling that every thing it came from the same evil man. so sad you can not take a maple leave to cover a dead elephant . most educated Cambodian are seeing their own nation is gone so deep in Vietcong policy that some Cambodia are not seeing it yet. please do not wait too long it can be too late if this murder regime still in powers. we understand the old Cambodian word that said>> not seeing coffin not crying yet but when you see it can be too late. I would like to tell all Cambodian that HUN SEN will never change . the great world dictator in the history of the world will add one more it will be HUN SEN I have no though about it.

Leave a Reply

Submit Comment