មេដឹកនាំ​ក្រុមជំទាស់​ប្តេជ្ញា​ជាថ្មី​ដើម្បី​វិល​ទៅស្តារ​លទ្ធិ​ប្រជាធិប​តេយ្យ​នៅ​កម្ពុជា​

កម្ពុជា


រូបឯកសារ៖ ក្នុង​វីដេអូ​បង្ហោះ​តាម​ទំព័រ​ហ្វេសប៊ុក​​របស់​លោក លោក សម រង្ស៊ី អតីត​ប្រធាន​គណបក្ស​សង្គ្រោះជាតិ ក្នុង​សុន្ទរកថា​មួយ​កាល​ពី​ថ្ងៃ​ទី​១៣ ខែ​មករា ឆ្នាំ​២០១៨ នៅ​វត្ត​ខ្មែរ Brooklyn ក្នុង​បុរី​ញូវយ៉ក។ (ទំព័រ​ហ្វេសប៊ុក Sam Rainsy)


10 មិថុនា 2019
សុខ ខេមរា
វីអូអេខ្មែរ

គណបក្ស​សង្គ្រោះជាតិ​ដែល​ត្រូវរំលាយ​បាន​ប្តេជ្ញា​ជាថ្មីថា​នឹង​តស៊ូ​នយោបាយ​បែប​អហិង្សា​ដើម្បី​ឲ្យមាន​ការ​ដោះលែង​លោក​ កឹម សុខា ​មេដឹកនាំ​ក្រុម​ជំទាស់​ ស្តារ​ប្រជាធិបតេយ្យ​ឡើងវិញ​និង​ការពារ ប្រព័ន្ធ​អនុគ្រោះពន្ធ​ EBA​ និង​ GSP ​កុំឲ្យ​បាត់ បង់។

នៅក្នុង​សេចក្តី​ថ្លែងការណ៍​អំពី​ «ការធ្វើ​មាតុភូមិ​និវត្តន៍​នៃថ្នាក់​ដឹកនាំ​គណបក្ស​សង្គ្រោះ​ជាតិ‍» ​នៅថ្ងៃចន្ទនេះ ​បាន​បញ្ជាក់​តាម​ខ្លឹមសារ​ដើមថា៖«ដូច្នេះ​ដំណើរ​មាតុភូមិនិវត្តន៍​របស់​ថ្នាក់ដឹកនាំ​គណបក្ស សង្គ្រោះ​ជាតិ​នៅពេល​ដ៏ខ្លី​ខាងមុខនេះ​ គឺទៅ​រួមសុខ​ រួមទុក្ខ​ជាមួយ​ជនរួម​ជាតិ​យើង​នៅក្នុង​ប្រទេស កម្ពុជា​និង​ធ្វើការ​តស៊ូ​នយោបាយ​ដោយ​អហិង្សា​ ស្រប​តាម​គោលការណ៍​ប្រជាធិបតេយ្យ ​ដើម្បី​ឲ្យមានការ​ដោះលែង​លោក​ កឹម សុខា ​ប្រធាន​គណបក្ស​សង្គ្រោះជាតិ​ ស្តារ​លទ្ធិ​ប្រជាធិបតេយ្យ ​និង​អនុញាត​ឲ្យ​គណបក្ស​សង្គ្រោះជាតិ​ដំណើរការ​ឡើងវិញ ​តាម​លក្ខខណ្ឌ​របស់​សហគមន៍​អឺរ៉ុប​និងសហរដ្ឋអាមេរិក​ បញ្ចៀស​ការ​កាត់ផ្តាច់​ប្រព័ន្ធ​អនុគ្រោះពន្ធ ​EBA​ និង ​GSP‍»។

សេចក្តី​ប្រកាស​ព័ត៌មាន​ដដែល​ដែល​ចាប់​ផ្តើម​ពីពាក្យ​ថា​ប្រទេស​កម្ពុជា​ ជាមាតុភូមិ​របស់​ខ្មែរ​ទាំងអស់គ្នា ​បាន​បញ្ជាក់​បន្ថែម​ពីសិទ្ធិ​និង​ភារកិច្ច​ជាច្រើន​របស់​ពលរដ្ឋ​ខ្មែរ​គ្រប់រូប ​គ្រប់​និន្នាការ ​នូវសិទ្ធិ ​កាតព្វកិច្ច​ថែរក្សា​ការពារ​ទឹកដី ​ផលប្រយោជន៍ ​និង ​សេចក្តី​ថ្លៃថ្នូរ​របស់​ពលរដ្ឋ​ជាដើម។ ​សេចក្តី​ថ្លែង ការណ៍​ដដែល​នោះ​ បាន​អំពាវនាវ​ដល់​ជនរួមជាតិ​ខ្មែរ ​គ្រប់មជ្ឈដ្ឋាន ​គ្រប់​និន្នាការ​នយោបាយ​រួមកម្លាំង​គ្នា​ រក្សា​កម្មវិធី​ប្រព័ន្ធ​អនុគ្រោះ​ពន្ធ ​EBA ​និង ​GSP​ ដើម្បី​បញ្ចៀស​នូវការ​ឈឺចាប់ ​និង​សេចក្តី​ទុក្ខលំបាក របស់​ពលរដ្ឋ​ខ្មែរយើង។ ​កម្ពុជា​អាចបាត់​បង់​ថវិកា​រាប់រយ​លាន​ដុល្លារ​ក្នុង១ឆ្នាំ ​និង​ប៉ះពាល់​ដល់​ជីវភាព​ពលករ​រាប់ម៉ឺននាក់ ​នៅពេល​ដែលមាន​ការកាត់​ផ្តាច់​ប្រពន្ធ​អនុគ្រោះពន្ធEBA​និង​ GSP។​ សហគមន៍​អន្តរជាតិ​រួមទាំង​អាមេរិក​ និង ​សហភាពអឺរ៉ុប ​បាន​ជំរុញ​ដល់​មេដឹកនាំ​នយោបាយ​ កម្ពុជា​ឲ្យដោះ​ស្រាយបញ្ហា​ស្មុគស្មាញ​នយោបាយ​ដោយ​សន្តិវិធី៕

What Next?

Recent Articles

2 Responses to "មេដឹកនាំ​ក្រុមជំទាស់​ប្តេជ្ញា​ជាថ្មី​ដើម្បី​វិល​ទៅស្តារ​លទ្ធិ​ប្រជាធិប​តេយ្យ​នៅ​កម្ពុជា​"

  1. so socheath says:

    ​ហាស ! ហាស !
    សេចក្តីថ្លែងការណ៍ របស់ពួកអាថោកជាងឆ្កែ បោកប្រាសសុទ្ធ !

  2. so socheath says:

    សម្ដេចក្រឡាហោម ស ខេង ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ បានថ្លែងថា អតីតមេដឹកនាំគណបក្សប្រឆាំង សម រង្ស៊ី ដែលកំពុងរស់នៅ ក្រៅប្រទេសដែលអួតថា ខ្លួនកំពុងតែគោរសិទ្ធិមនុស្ស តែអាឡប់នេះ​ មិនដែលធ្វើអ្វីដើម្បីបានជា​ប្រយោជន៍ ជាតិឡើយ។
    សម្ដេចក្រឡាហោម ស ខេង លើកឡើងបែបនេះ ក្រោយពី​អាពូជឆ្កែសមរង្ស៊ី​ បានចោទរាជរដ្ឋាភិបាល ដឹកនាំប្រទេសសព្វថ្ងៃនេះ កំពុងរំលោភសិទ្ធិមនុស្ស និងធ្វើបាបប្រជារាស្ត្រ ។
    ក្នុងទិវាសប្តាហ៍ជាតិ សុវត្ថិភាពចរាចរណ៍លើកទី១២ នៅថ្ងៃទី១១ ខែមិថុនា ឆ្នាំ២០១៩កន្លងទៅ សម្ដេច ស ខេង បានឲ្យដឹងថា កាលណាស្រុកមានសង្គ្រាមជីវិត ក៏មានតម្លៃ ប៉ុន្ដែស្រុកមាន សន្ដិភាព ដូចសព្វថ្ងៃនេះ កាន់តែមានតម្លៃបន្ថែមទៀត។
    សម្ដេចមានប្រសាសន៍ថា “អ្នកខ្លះថាគេគោរពសិទ្ធមនុស្សណាស់ ក៏ប៉ុន្តែ ជាក់ស្ដែងគេមិនទាន់បានធ្វើអីនោះទេ គ្រាន់និយាយទេ។ អ្នកដែលធ្វើមានតែយើងទេ ដែលបានធ្វើរឿងហ្នឹង រហូតដល់ប្រជាជន រស់សុខសប្បាយ ដល់ថ្ងៃនេះហើយ”។
    សម្ដេចបន្ដថា “ប៉ុន្ដែ មានអ្នកខ្លះគេថា ឥឡូវហ្នឹងអ្នកដឹកនាំសព្វថ្ងៃ មិនគោរពសិទ្ធមនុស្ស ថាចេះតែបានហើយ។ក៏ប៉ុន្តែ យើងមើលជម្រៅ នៃបញ្ហាដែលគេនិយាយថា សិទ្ធិមនុស្ស សិទ្ធិជាមូលដ្ឋានស្អី មានសិទ្ធិរស់រានមានជីវិត អានោះសិទ្ធិធំបំផុត”៕

Leave a Reply

Submit Comment