ក្រុម១០០រាត្រីរកឃើញថា កម្ពុជាបានឃ្លាតកាន់ឆ្ងាយពីគន្លងលទ្ធិប្រជាធិបតេយ្យ
By ឌឹ ខេមបូឌា ដេលី
ឌឹ ខេមបូឌា ដេលី
ក្រុមការងារ១០០រាត្រីដែលបន្តបេសកកម្មពីលោកបណ្ឌិត កែម ឡី បានរកឃើញថា ការដឹកនាំរបស់រដ្ឋាភិបាលលោក ហ៊ុន សែន កំពុងចាកឆ្ងាយពីគន្លងប្រជាធិបតេយ្យសេរីពហុបក្ស ហើយនាំនាវាកម្ពុជាទៅរករបបកុម្មុយនីស្តឡើងវិញទៀតផង។
ក្នុងរបាយការណ៍របស់ខ្លួនដែលមានកម្រាស់៨ទំព័រដែលចេញផ្សាយកាលពីថ្ងៃទី៥មិថុនា ក្រុមការងារ១០០រាត្រីអះអាងថា ដោយសារគណបក្សប្រជាជនកម្ពុជាមានឫសគល់មកពីគណបក្សកុម្មុយនីស្ត ទើបគណបក្សនេះនៅតែបន្តដឹកនាំរបៀបកុម្មុយនីស្ត និងបន្តសាបព្រោះមនោគមន៍វិជ្ជានេះទៅកាន់សមាជិកសមាជិការបស់ខ្លួនទៀតផង។
របាយការណ៍នេះបង្ហាញទឡ្ហីករណ៍មួយចំនួន ដែលថា រដ្ឋាភិបាលកំពុងងាកចេញកាន់តែឆ្ងាយពីរបបលទ្ធិប្រជាធិបតេយ្យប្រាសចាកពីអ្វីដែលបានចែងក្នុងរដ្ឋធម្មនុញ្ញរួមមានការគ្រប់គ្រងអំណាចតុលាការទាំងស្រុងដោយបក្សប្រជាជនកម្ពុជា តាមរយៈការដាក់បញ្ចូលសមាជិកគណៈកម្មការកណ្តាលនិងអចិន្ត្រៃយ៍១០នាក់ដើម្បីគ្រប់គ្រងស្ថាប័ន ច្បាប់មួយនេះដោយមានក្រសួងយុត្តិធម៌ជាសេនាធិការរបស់រដ្ឋាភិបាលសម្រាប់ចាត់ចែងកិច្ចការរបស់តុលាការ។
លើសពីនេះ គណបក្សលោក ហ៊ុន សែន គ្រប់គ្រងអំណាចនគរបាល កងទ័ព និងកងអង្គរក្ស តាមរយៈការដាក់បញ្ចូលសមាជិកគណៈកម្មការកណ្តាលនិងអចិន្ត្រៃយ៍ របស់បក្សប្រជាជនកម្ពុជាជាង៣រយនាក់ សម្រាប់គ្រប់គ្រងស្ថាប័នទាំងនេះ។
លើសពីនេះ អតីតគណបក្សកុម្មុយនីស្តមួយនេះ ក៏បានបន្តគ្រប់គ្រងមន្ត្រីរាជការ តាមរយៈការបញ្ចូលឈាមរបស់ខ្លួនដែលជាសមាជិកគណៈកម្មការកណ្តាលនិងអចិន្ត្រៃយ៍ ជិត៣រយនាក់គ្រប់គ្រងលើស្ថាប័នមន្ត្រីរាជការសាធារណៈ។ ក្រៅពីនេះ គណបក្សប្រជាជនកម្ពុជាក៏បានគ្រប់គ្រងទាំងស្រុងទៅលើស្ថាប័នក្រុមប្រឹក្សាធម្មនុញ្ញដែលមានសមាជិក៩រូប មកពីគណៈកម្មការកណ្តាលនិងអចិន្ត្រៃយ៍របស់បក្សនេះផងដែរ។
របាយការណ៍ដដែលបន្តថា ការឃ្លាតឆ្ងាយពីសង្គមប្រជាធិបតេយ្យបង្ហាញកាន់តែច្បាស់តាមរយៈការរំលាយចោលគណបក្សសង្រ្គោះជាតិកាលពីចុងឆ្នាំ២០១៧ ការបង្កើតច្បាប់គាបសង្កត់អង្គការសង្គមស៊ីវិល ព្រមទាំងការបន្តតំណែងឬ អំណាចបន្តត្រកូលនៅស្ថាប័នរដ្ឋជាដើម។
បន្ថែមពីនេះក៏មានដែរនូវវប្បធម៌នយោបាយអាក្រក់ ការជេរប្រមាថ និងហិង្សាដែលកើតចេញពីថ្នាក់ដឹកនយោបាយធំៗទាំងបក្សកាន់អំណាច និងបក្សប្រឆាំង ព្រមទាំងបក្សនយោបាយផ្សេងទៀត រីឯវប្បធម៌នយោបាយអហិង្សានៅមិនទាន់មានការគាំទ្រនៅឡើយ។
ជាងនេះគណបក្សប្រជាជនកម្ពុជា ក៏បានក្តោបក្តាប់អំណាចសារព័ត៌មាននិងប្រព័ន្ធផ្សព្វផ្សាយនៅក្នុងប្រទេស ហើយបន្តរឹតត្បិតក្រុមប្រឆាំងនិងសង្គមស៊ីវិលផងដែរ។
អ្វីដែលពិសេសជាងនេះទៀតនោះគឺនយោបាយការបរទេសដែលបង្ហាញកាន់តែច្បាស់អំពីទំនោរខ្លាំងទៅរកប្រទេសកុម្មុយនីស្ត ដូចជាប្រទេសវៀតណាម និងប្រទេសចិន ដោយធ្វើយ៉ាងណារក្សាតួនាទីគណបក្សរបស់ខ្លួនក្នុងការគ្រប់គ្រងអំណាចនៅកម្ពុជាបន្តទៀត។
ក្រុមការងារ១០០រាត្រីបានបង្ហាញអំពីវិធីសាស្ត្រស្រាវជ្រាវរបស់ខ្លួន ថា របាយការណ៍នេះពួកគេបានចំណាយពេលជិតមួយឆ្នាំដោយជួបជាមួយពលរដ្ឋ អាជ្ញាធរ បក្សកាន់អំណាច បក្សប្រឆាំង ក្រុមអ្នកឃ្លាំមើលបញ្ហាសង្គម ព្រមទាំងរបាយការណ៍មួយចំនួនទៀត។
ក្រុមការងារនេះអះអាងថា គោលបំណងដែលពួកគេចេញរបាយការណ៍នេះគឺដើម្បីជំរុញឱ្យរដ្ឋាភិបាលលោកហ៊ុន សែនងាកមកដើរលើផ្លូវត្រូវនៃលទ្ធិប្រជាធិបតេយ្យ សន្តិភាព សុភមង្គល និងនីតិរដ្ឋពិតប្រាកដស្របតាមការចង់បានរបស់ពលរដ្ឋ និងស្របតាមរដ្ឋធម្មនុញ្ញ ដោយអនុលោមតាមសហគមន៍អន្តរជាតិផងដែរ៕
© 2019, ខេមបូឌា ដេលី. All rights reserved. No part of this article may be reproduced in print, electronically, broadcast, rewritten or redistributed without written permission.
every nation in the whole world knew about communist and democracy. we noted communist always supported dictator and democracy nation are supporting any country that wanted to go for democracy. the main communist nation was CHINA and SOVIET democracy nation is UNITED STATE and most countries in EU percentage is 70% countries supported democracy. 30% in the world are supported communist and we knew all of them are dictatorship. the policy of communist and democracy all nation in the world wanted to go for democracy that mean people in every nation can choose their leader through out an election. how about communist please take a look north KOREA no any body can leaded the country beside KIM families this is only one sample but the other dictator are the same. please find out yourself about these two policies . now I want to take your attention to the situation in Cambodia right now . a question to all Cambodian >>what did we see HUN SEN leadership was did and continuous doing every days. what kind of regime that leaded this poor nation until this day. HUN SEN was telling all nation in the world that he was fait full to democracy is that true??? all Cambodian can judge by now for me all I can see HUN SEN was a communist brain sell not even that right now he become a great dictator like north KOREA. PLEASE do not criticise my comment take your research and find out the truth . as human being we have brain to think, eyes to see, ear to hair, after all it come to a conclusion that we can tell black or white.
Cambodia is the state of dirty place that leaded by Veitcong mafia dictator and his groups’