លោក ហ៊ុន សែន ខឹង​សម្បារ​នឹង​អ្នក​បន់​ឱ្យ​លោក​ឆាប់​ស្លាប់​ពេល​លោក​ទៅ​ព្យាបាល​នៅ​សិង្ហបុរី

ដោយ ទីន ហ្សាការីយ៉ា
2019-07-07
RFA

ស្ដាប់ ឬទាញ​យក​សំឡេង
ស្តាប់សំឡេងថតសំឡេង

លោក ហ៊ុន សែន ពេល​សម្រាក​ព្យាបាល​ជំងឺនៅ​ប្រទេស​សិង្ហបុរី​។ រូប​ពី​ហ្វេសប៊ុក​លោក ហ៊ុន សែន
លោក ហ៊ុន សែន ពេល​សម្រាក​ព្យាបាល​ជំងឺនៅ​ប្រទេស​សិង្ហបុរី​។ រូប​ពី​ហ្វេសប៊ុក​លោក ហ៊ុន សែន


លោក ហ៊ុន សែន មេដឹកនាំ​របប​ក្រុងភ្នំពេញ ប្រតិកម្ម​ខឹង​សម្បារ ដល់​អ្នកប្រើប្រាស់​ហ្វេសប៊ុក (Facebook) ដែល​ហ៊ាន​ចូល​ទៅ​បញ្ចេញមតិ (Comment) បន់ស្រន់​ឱ្យ​លោក​ស្លាប់ ដោយសារ​ជំងឺ​។ ប្រតិកម្ម​នេះ គឺ​ធ្វើ​ឡើង​ក្នុង​ពេល​លោក កំពុង​សម្រាក​ព្យាបាល​ជំងឺ​នៅ​មន្ទីរពេទ្យ​ប្រទេស​សិង្ហបុរី។

លោក ហ៊ុន សែន ថា មាន​មនុស្ស​មួយ​ចំនួន ដែល​លោក​ថា ជន​មួយ​ក្ដាប់​តូច លួច​ចូល​បញ្ចេញមតិ ឬ​បង្ហោះ​តាមហ្វេសប៊ុក​បន់​ឱ្យ​លោក​ឆាប់​ស្លាប់ និង​បង្កើត​ព័ត៌មាន​ក្លែងក្លាយ​អំពី​ស្ថានភាព​ជំងឺ​របស់​របស់​លោក។ លោក ហ៊ុន សែន ព្រមាន​ឱ្យ​អ្នក​ហ៊ាន​បង្ហោះ​សារ​បន់​ឱ្យ​លោក ឆាប់​ស្លាប់ ឬ​ក្លែង​ស្ថានភាព​ជំងឺ​របស់​ឱ្យ​ឈប់​ជាបន្ទាន់ ព្រោះ​លោក​មិន​ងាយ​ស្លាប់​ទេ។

លោក ហ៊ុន សែន ហៅ​ការ​ចូល​ទៅ​បញ្ចេញមតិ និង​បង្កើត​ព័ត៌មាន​ថា លោក​ឈឺ​ធ្ងន់ ជា ការ​ធ្វើ​នយោបាយ​រង់ចាំ​ឱ្យ​លោក​ស្លាប់ ដើម្បី​ដណ្ដើម​អំណាច​។ តែ​លោក​ផ្ដាំ​ថា ឱ្យ​រង់​ចាំជាតិ​ក្រោយ ព្រោះ​យមរាជ​មិន​ត្រូវ​ការ​ជីវិត​លោក​ទេ រយ​:​ពេល​៤០​ឆ្នាំ​ទៅមុខ​នេះ។ លោក ហ៊ុន សែន ឆ្លៀត​ខ្ចី​ឈ្មោះ យមរាជ​មក​កេង​ចំណេញ​នយោបាយ លាប​ពណ៌​បក្ស​ប្រឆាំង​ថា យមរាជ​ត្រូវ​ការ​ឱ្យ​លោក​នៅ​បម្រើ​ប្រជាជន និង​កម្ចាត់​អ្នកប្រឆាំង ដែល​លោក​ថា ពួក​ក្បត់​ជាតិ ដើម្បី​រក្សា​សន្តិភាព និង​ការ​អភិវឌ្ឍ។

វា​មិនមែន​ជា​លើក​ទី​១​ទេ ដែល​លោក ហ៊ុន សែន ខឹង​អ្នក​បង្ហោះ​ព័ត៌មាន​ថា លោក​មាន​ជំងឺ​ធ្ងន់ធ្ងរ ឬ​ដាច់​សរសៃឈាម​ខួរក្បាល​ស្លាប់ ឬ​ស្លាប់​ដោយសារ​ជំងឺ​ផ្សេងៗ​។ កាលពី​ឆ្នាំ​២០១៦ លោក ហ៊ុន សែន បាន​ខឹង​អ្នក​បង្ហោះ​ហ្វេសប៊ុក​ម្នាក់ ថា លោក​មាន​ជំងឺ​ដាច់​សរសៃឈាម​ខួរក្បាល​។ លោក ហ៊ុន សែន កាល​ណោះ បាន​យក​ឱកាស ចុះ​ទៅ​សម្ពោធ​ស្ពាន​ជ្រៃ​ធំ នៅ​ជិត​ព្រំដែន​កម្ពុជា វៀតណាម អះអាង​ថា លោក​គ្មាន​ពូជ​ដាច់​សរសៃឈាម​ខួរក្បាល ឬ​ឆ្កួត​ឡប់​ទេ​។ តែ​លោក​បែរ​ព្រមាន ថា បើ​លោក​ឆ្កួត ឬ​ដាច់​សរសៃឈាម​ខួរក្បាល ប្រទេស​កម្ពុជា​នឹង​ចលាចល។ «»

អ្នកនាំពាក្យ​សមាគម​ការពារ​សិទ្ធិមនុស្ស​អាដហុក (Adhoc) លោក ស៊ឹង សែនករុណា យល់ថា ជា​សីលធម៌ អ្នក​ប្រើ​បណ្ដាញ​សង្គម​ហ្វេសប៊ុក មិន​គួរ​ចូល​ទៅ​បញ្ចេញមតិ ឬ​បង្ហោះ​ព័ត៌មាន មិន​ពិត ជា​ការ​ប្រមាថ​អាយុជីវិត​គេ​ឡើយ។ ប៉ុន្តែ លោក​សង្កេត​ឃើញ​ថា ថ្នាក់ដឹកនាំ​រដ្ឋាភិបាល​ខ្លះ​ធ្លាប់​ថ្លែង​សារ​ប្រភេទ​ហិង្សា​ប្រមាថ​ជីវិត​ពលរដ្ឋ​ដែរ ទើប​បណ្ដាល​ឱ្យ​មានការ​សាប​ព្រួស​សីលធម៌ ប្រមាថ​ជីវិត​គ្នា និង​ពិបាក​ក្នុង​ការ​ហាមឃាត់ ពលរដ្ឋ​មិន​ឱ្យ​ប្រមាថ​ជីវិត​វិញ។ «»

លោក ហ៊ុន សែន កាល​ពី​ពេល​កន្លង​មក ធ្លាប់​ប្រកាស​ថា នឹង​បញ្ជា​ឱ្យ​កម្ទេច​មនុស្ស ចំនួន ២​រយ ឬ ៣​រយ (៣០០) នាក់ ប្រសិនបើ មាន​សញ្ញា​ណាមួយ ដែល​លោក​យល់ថា ជា​សកម្មភាព​ប្រឆាំង​របប​លោក។ លោក ហៅ​ការ​បញ្ជា​ឱ្យ​កម្ទេច​នេះ ជា​រក្សា​សន្តិភាព។ តែ​អ្នកវិភាគ ហៅ​អំពើ​របស់​លោក ហ៊ុន សែន ជា​ការ​រក្សា​អំណាច។ លោក ហ៊ុន សែន ក៏​ធ្លាប់​ប្រកាស​ឱ្យ​ប្រើ​កាំភ្លើង​យន្ត បាញ់រះ សម្លាប់ លោក សម រង្ស៊ី ប្រធាន​ស្ដីទី​គណបក្ស​សង្គ្រោះជាតិ និង អ្នក​ហែហម​អម​ដំណើរ ប្រសិនបើ​ពួកគេ​ហ៊ាន​វិល​ត្រលប់​ចូល​កម្ពុជា តាម​ព្រំដែន​គោក៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

5 Responses to "លោក ហ៊ុន សែន ខឹង​សម្បារ​នឹង​អ្នក​បន់​ឱ្យ​លោក​ឆាប់​ស្លាប់​ពេល​លោក​ទៅ​ព្យាបាល​នៅ​សិង្ហបុរី"

  1. angkut says:

    មិនទាន់ភ្លេចទេ ហ៊ុនសែន ពិតជាបានគំរាមសម្លាប់ កូនៗ របស់ លោកកែមឡី តាមមេ៉ក្រូ យ៉ាងឱឡារិក

  2. ចិត្តធម៌ says:

    ហេតុតែខ្លួនឯងជាកូនខ្មែរមួយរូបដែលតែងតែមានចិត្តមេត្តាករុណាធម៌ដល់អ្នកដ៍ទៃមិនដែលខានខ្ញុំសូមបន់ព្រះសំពះទេវតាសុំអោយលោក ហ៊ុនសែន ឆាប់ជាសាះស្បើយពីរោគ្គាពាត្យនឹងឆាប់បានធ្វើទុក្ខបុកម្នេញដល់រូបខ្ញុំនិងមហាជនខ្មែរទូទាំងប្រទេសបន្តទៅទៀតកុំបីខានឡើយ។តែទន្ទឹមពេលនេះផងដែរខ្ញុំសូមសួរដល់មហាជនខ្មែរទាំងអស់ដែលរស់នៅក្នុងស្រុកនិងក្រៅស្រុកថាតើមានអាចុយម្រាយភ្លើអស់សាច់ណាភ្លើជាងខ្ញុំដែរទេ!ដែលខំបន់ស្រន់អោយយក្សកញ្ចាស់ឆាប់ជានិងឆាប់បានសុីក្បាលអ្នកស្រុកអ្នកភូម៌ដូចខ្ញុំនេះ!មានដែរទេ?

  3. so chết says:

    i do not wish the death of hun sen even it is a horrible criminal The memoirs of widows and your relatives who lost because of criminal hun sen, i am sure they will forgive Hun Sen
    I remember that criminal who has a horrible past when he was a former Khmer Rouge criminal
    At the threshold of death’s door he did not cease to have hallucinations of his past criminal
    His wife told me he was screaming when he saw armed people trying to catch him
    That you know according to the universal law the accounting theory would never apply you would do the harm you would do if you did good then you will reap your benefits
    i am sure that hun sen will not escape this law
    anyway I only have compassion for this criminal as well as his family

  4. Anonymous says:

    well according to Buddhism believer said the person who committed murder one day all those sole will come to hunt him. just like what I used to say when the time come every thing will come at the same time. I knew HUN SEN will have that day I also knew HUN SEN can run but he can not hiding for too long. GOD will punishing any one who committed a lot of crime again human being. after this Dr KEM LAI murder case pop up every thing will come at the same time. untill then all Cambodian will turn 100% again this evil leader. please be aware of this evil man I knew he will do any thing be for he going hell.

  5. Au Hach says:

    ពក្យចាស់ថា ៉ ផោមក្នុងទឹកនៅមានគេដឹង ៉ ។ Everybody knows who is a killer.

Leave a Reply

Submit Comment