អង្គ​ការ​ក្រៅ​រដ្ឋា​ភិបាល​អំពាវ​នាវ​ជា​ថ្មី​ឲ្យ​រដ្ឋា​ភិបាល​កម្ពុជា​បង្កើត​គណៈ​កម្មាការ​ស៊ើប​អង្កេត​ករណី​បាញ់​សម្លាប់​ លោក កែម ឡី​

ដោយ អេង គីមហុង
09/07/2019
RFI

media
រូបថត ​លោកបណ្ឌិត កែម ឡី ក្នុងពិធីបុណ្យខួប២ឆ្នាំ
@សហការី


មួយ​ថ្ងៃ​មុន​ខួប​បី​ឆ្នាំ​នៃ​ការ​បាញ់​សម្លាប់ លោក​បណ្ឌិត កែម ឡី នៅ​ថ្ងៃ​ទី១០​ខែ​កក្កដា អង្គការ​ជាតិ​និង​អន្តរជាតិ​ចំនួន​២៤ បាន​ចេញ​សេចក្តី​ថ្លែង​ការណ៍​រួម​មួយ ដោយ​អំពាវ​នាវ​ជា​ថ្មី​ឲ្យ​រដ្ឋា​ភិបាល​កម្ពុជា បង្កើត​គណៈ​កម្មាការ​ស៊ើប​អង្កេត​លើ​ករណី​បាញ់​សម្លាប់ លោក កែម ឡី។ ជា​គណៈ​កម្មាការ​ស៊ើប​អង្កេត​ឯក​រាជ្យ និង​មិន​លម្អៀង ដើម្បី​រក​យុត្តិធម៌ ពេញ​លេញ​ដល់​លោក កែម ឡី។ ភ្លាមៗ​អ្នក​នាំ​ពាក្យ​រដ្ឋា​ភិបាល​លើក​ឡើង​ថា ការ​បង្កើត​គណៈ​កម្មការ​ណា​មួយ​នោះ​ជា​រឿង​មិន​អាច​ទៅ​រួច​។

ការ​ជម្រុញ​ជាថ្មី ឲ្យ​រដ្ឋា​ភិបាល​កម្ពុជា បង្កើត​គណៈ​កម្មាការ​ស៊ើប​អង្កេត លើ​ឃាតកម្ម​បាញ់​សម្លាប់ លោក កែម ឡី កាល​ពីបី​ឆ្នាំ​មុន ដោយ​សារ​ការ​កាត់​ទោស​លើ​ជន​សង្ស័យ​ឈ្មោះ​ អឿត អាង ហៅ​ជួប សម្លាប់ ឲ្យ​ជាប់​ពន្ធាគារ​អស់​មួយ​ជីវិត​នោះ នៅ​មិន​ទាន់​ស្រប​តាម​ស្តង់​ដា​អន្តរ​ជាតិ ដែល​ទទួល​យក​បាន​។ មិន​ត្រឹម​តែ​មិន​អាច​ទទួល​យក​បាន ការ​ផ្ដន្ទា​ទោស​នេះ បាន​បង្កើត​ជា​សំណួរ​យ៉ាង​ច្រើន រក​អ្នក​នៅ​ពី​ក្រោយ​ខ្នង​ឃាតករ​ដែល​បាញ់​សម្លាប់ លោក កែម ឡី។ នេះ​បើ​តាម​សេចក្ដី​ថ្លែង​ការណ៍​រួម របស់​អង្គការ​ជាតិ​និង​អន្តរ​ការ​ក្រៅ​រដ្ឋាភិបាល​ចំនួន​២៤​។

ក្នុង​នោះ អង្គការ​សិទ្ធិ​មនុស្ស​លីកាដូ និង​អង្គការ​អាដ​ហុក ដែល​ចូល​រួម​ក្នុង​ការ​ចេញ​សេចក្ដី​ថ្លែង​ការណ៍​នេះ​បាន​លើក​ឡើង​ថា បី​ឆ្នាំ​ក្រោយ​ការ​បាញ់​សម្លាប់​លោក កែម ឡី យុត្តិធម៌​ពេញ​លេញ ដែល​លោក កែម ឡី ក៏​ដូច​ជា​ក្រុម​គ្រួសារ និង​ពលរដ្ឋ​អ្នក​ស្រឡាញ់ លោក កែម ឡី ចង់​បាន​នោះ គឺ​រក​អ្នក​ពាក់​ព័ន្ធ​ដែល​បញ្ជា​ពី​ក្រោយ​ខ្នង​ឃាតករ ជួប សម្លាប់ ដើម្បី​ឈាន​ទៅ​បិទ​បញ្ចប់​និទណ្ឌភាព​។

លោក ផៃ ស៊ីផាន អ្នក​នាំ​ពាក្យ​រដ្ឋាភិបាល​កម្ពុជា បាន​អះអាង​នៅ​ថ្ងៃទី៩​ខែ​កក្កដា​នេះ​ថា លទ្ធ​ភាព​នៃ​ការ​បង្កើត​គណៈ​កម្មាការ​ស៊ើប​អង្កេត​លើ​ករណី​ឃាតកម្ម​បាញ់​សម្លាប់ លោក កែម ឡី ជា​រឿង​មិន​អាច​ទៅ​រួច​។ មិន​អាច​ទៅ​រួច​ព្រោះ​ថា រដ្ឋា​ភិបាល​កម្ពុជា បាន​គោរព​ទៅ​លើ​សេចក្ដី​សម្រេច​របស់​តុលាការ​ដែល​បាន​សម្រេច​ផ្តន្ទា​ទោស​ឈ្មោះ ជួប សម្លាប់ ដាក់​ពន្ធនាគារ​អស់​មួយ​ជីវិត​។ ហើយ​នៅ​ថ្ងៃទី ២៤​ខែ​ឧសភា ឆ្នាំ២០១៩ តុលាការ​កំពូល​កម្ពុជា ក៏​បាន​បដិសេធ​បណ្តឹង​បន្ថយ​រយៈ​ពេល​ជាប់​ទោស​របស់ ជួប សម្លាប់ និង​រក្សា​សាល​ក្រម​សាលា​ដំបូង​រាជ​ធានី​ភ្នំពេញ ឲ្យ​នៅ​ដដែល​។

ក្រៅ​តែ​ពី​ការ​ចេញ​សេចក្ដី​ថ្លែង​ការណ៍ ក្រុម​អង្គការ​សង្គម​ស៊ីវិល​នៅ​ក្នុង​ស្រុក​ពួក​គេ​នឹង​នាំ​គ្នា​ដាក់​កម្រង់​ផ្កា​នៅ​ស្តា​ម៉ាត​កាល​តិច កាច់​ជ្រុង​ស្តុប​បូកគោ ទី​ដែល​ឃាតករ​បាញ់​សម្លាប់ លោក កែម ឡី កាល​ពី​ថ្ងៃ​ទី១០ខែ​កក្កដា​ឆ្នាំ​២០១៦​៕

What Next?

Recent Articles

2 Responses to "អង្គ​ការ​ក្រៅ​រដ្ឋា​ភិបាល​អំពាវ​នាវ​ជា​ថ្មី​ឲ្យ​រដ្ឋា​ភិបាល​កម្ពុជា​បង្កើត​គណៈ​កម្មាការ​ស៊ើប​អង្កេត​ករណី​បាញ់​សម្លាប់​ លោក កែម ឡី​"

  1. Anonymous says:

    I’m 200% believe no one else beside HUN SEN the great evil killer.

  2. Anonymous says:

    my research found out for century there are some true Cambodian nationalist have been top down by those who protected their powers. it is nothing strange that HUN SEN order to took KEM LAI life . please just listening to void record of HUN SEN speaking, his intention is to stay in powers for the rest of his life . not even that HUN SEN the jungle educated evil man wanted Cambodia to become north KOREA the 2nd . this is very through we Cambodian knew it is impossible for this evil, because his brain is limited.

Leave a Reply

Submit Comment