តុលាការ​សម្រេច​ចោទ​ប្រកាន់​យុវជន គង់ រៃយ៉ា ​ពី​បទ​ញុះ​ញង់​ឲ្យ​ប្រព្រឹត្ត​បទ​ឧក្រិដ្ឋ​ជា​អាទិ៍​ក្រោយ​ការ​សាក​សួរ​រយៈ​ពេល​ពី​រ​ថ្ងៃ​

ដោយ វ៉ា សំណព្វ
11/07/2019
RFI

media
តុលាការសម្រេចចោទប្រកាន់យុវជន គង់ រៃយ៉ា ពីបទញុះញង់ឲ្យប្រព្រឹត្តបទឧក្រិដ្ឋ
@សហការី


តុលាការ​ក្រុង​ភ្នំពេញ នៅ​ព្រឹក​ថ្ងៃទី ១១ កក្កដា នេះ បាន​សម្រេច​ចោទ​ប្រកាន់​យុវជន​ឈ្មោះ គង់ រ៉ៃយ៉ា ពី​បទ​ញុះញង់​ឲ្យ​ប្រព្រឹត្ត​បទ​ឧក្រិដ្ឋ​ជា​អាទិ៍ ខណៈ​ដែល​យុវជន​ម្នាក់​ទៀត​ឈ្មោះ សួង នាគព័ន្ធ ដែល​ត្រូវ​បាន​អាជ្ញាធរ​កម្ពុជា​ឃាត់​ខ្លួន​កាល​ពីថ្ងៃទី ១០ កក្កដា នឹង​ត្រូវ​បញ្ជូន​ទៅ​កាន់​តុលាការ​នៅ​រសៀល​ថ្ងៃទី១១ កក្កដា​នេះ​។ ភ្លាមៗ​នេះ អតីត​គណបក្ស​សង្គ្រោះ​ជាតិ បាន​ចេញ​សេចក្តី​ថ្លែង​ការណ៍​ថ្កោល​ទោស អាជ្ញាធរ​ទីក្រុង​ភ្នំពេញ និង​បាន​ទាម​ទារ​ឲ្យ​ដោះ​លែង​យុវជន​ទាំង​ពីរ​នាក់​ជា​បន្ទាន់​។

លោក រៀល សុភិន ព្រះ​រាជ​អាជ្ញា​រង​នៃ​តំណាង​អយ្យ​ការ​អម​សាលា​ដំបូង​រាជ​ធានី​ភ្នំពេញ បាន​សម្រេច​ចោទ​ប្រកាន់​យុវជន គង់ រ៉ៃយ៉ា ពី​បទ​ញុះ​ញង់​ឲ្យ​ប្រព្រឹត្ត​បទ​ឧក្រិដ្ឋ​ជា​អាទិ៍ បន្ទាប់​ពី​យុវជន​រូប​នេះ បាន​បោះ​ពុម្ព​អាវ​យឺត ដែល​មាន​ភ្ជាប់​នូវ​ពាក្យ​ស្លោក​របស់​លោក​បណ្ឌិត កែម ឡី នៅ​មុន​ខួប៣ឆ្នាំ​នៃ​ការ​បាញ់​សម្លាប់​អ្នក​វិភាគ​នយោបាយ​និង​សង្គម​រូប​នេះ​។ បើ​តាម​លោក រៀល សុភិន យុវជន គង់ រ៉ៃយ៉ា នឹង​ត្រូវ​បញ្ជូន​ខ្លួន​បន្ត ទៅ​កាន់​ចៅ​ក្រម​ស៊ើប​សួរ ដើម្បី​បន្ត​នីតិ​វិធី​របស់​តុលា​ការ​។

គួរ​ជំរាប​ជូន​ថា យុវ​ជន គង់ រ៉ៃយ៉ា រួម​ជាមួយ​ភរិយា​និង​បង​ប្អូន​ពីរ​នាក់​ទៀត ត្រូវ​បាន​អាជ្ញាធរ​ក្រុង​ភ្នំពេញ​ឃាត់​ខ្លួន​កាល​ពីថ្ងៃទី ០៩ ខែកក្កដា ឆ្នាំ២០១៩ បន្ទាប់​ពី​ពួក​គេ​បាន​បោះ​ពុម្ព ទ្រឹស្ដី របស់​លោក​បណ្ឌិត កែម ឡី នៅ​លើ​អាវ​យឺត​ពណ៌​ខ្មៅ និង​ស ដែល​សមត្ថកិច្ច​កម្ពុជា​ចាត់​ទុក​ថា មាន​ខ្លឹម​សារ​ញុះ​ញង់​ដោយ​ភ្ជាប់​នឹង​ថ្ងៃ​មរណ​ភាព​របស់​លោក​បណ្ឌិត កែម ឡី និង ដើម្បី​វាយ​ប្រហារ​ទៅ​លើ​រដ្ឋា​ភិបាល​កម្ពុជា​។ ប៉ុន្តែ​ក្រោយ​មក ភរិយា និង​បង​ប្អូន​ពីរ​នាក់​របស់​យុវជន​រូប​នេះ ត្រូវ​បាន​ដោះ​លែង​វិញ​។

ចំណែក​យុវជន​ម្នាក់​ទៀត​ឈ្មោះ សួង នាគព័ន្ធ ដែល​ត្រូវ​បាន​អាជ្ញាធរ​កម្ពុជា​ចាប់​ខ្លួន កាល​ពី​ថ្ងៃទី ១០កក្កដា ក៏​នឹង​ត្រូវ​បញ្ជូន​ខ្លួន​ទៅ​កាន់​តុលាការ​សាលា​ដំបូង​រាជធានី​ភ្នំពេញ នៅ​រសៀល​ថ្ងៃទី ១១ ខែ​កក្កដា​នេះ បន្ទាប់​ពី​មាន​ការ​ចោទ​ប្រកាន់​ថា បាន​ប្រឆាំង​នឹង​ការ​ហាម​ឃាត់​របស់​អាជ្ញាធរ​ក្រុង​ភ្នំពេញ ដើម្បី​ដឹក​នាំ​មនុស្ស​ទៅ​គោរព​វិញ្ញាណក្ខន្ធ​សព​លោក​បណ្ឌិត កែម ឡី នៅ​ហាង​ស្តារ​ម៉ាត​កាល់​តិច ស្តុប​បូក​គោ​។

យ៉ាង​ណា​ក៏​ដោយ ជុំវិញ​ការ​ចាប់​ខ្លួន និង​ចោទ​ប្រកាន់​លើ​យុវជន ដែល​មាន​ភក្តី​ភាព​ចំពោះ​លោក​បណ្ឌិត កែម ឡី ទាំង​ពីរ​នាក់​ខាង​លើ​នេះ អតីត​គណបក្ស​សង្គ្រោះ​ជាតិ ដែល​ត្រូវ​បាន​តុលាការ​កំពូល​រំលាយ​ចោល​កាល​ពី​ឆ្នាំ​២០១៦​នោះ បាន​ចេញ​សេចក្តី​ថ្លែង​ការណ៍​ថ្កោល​ទោស និង​បាន​ទាម​ទារ​ឲ្យ​អាជ្ញាធរ​កម្ពុជា​ដោះ​លែង​យុវជន​ទាំង​ពីរ​នាក់​នេះ​ជា​បន្ទាន់​និង​ឥត​លក្ខណ្ឌ​។ បើ​តាម​សេចក្តី​ថ្លែង​ការណ៍ យុវជន គង់ រ៉ៃយ៉ា គ្រាន់​តែ​ប្រកាស​លក់​អាវ​យឺត ដែល​មាន​រូប​លោក​បណ្ឌិត កែម ឡី លើ​បណ្តាញ​សង្គម​ហ្វេស​បុក​ប៉ុណ្ណោះ​។ ចំណែក​ឯ​យុវជន សួង នាគព័ន្ធ វិញ គ្រាន់​តែ​ចូល​រួម​ដាក់​កម្រង​ផ្កា និង​គោរព​វិញ្ញាណក្ខន្ធ​លោក​បណ្ឌិត កែម ឡី នៅ​ទីតាំង​នៃ​ឃាតកម្ម​លើ​លោក​បណ្ឌិត កែម ឡី ប៉ុណ្ណោះ​។ ជាមួយ​គ្នា​នេះ សេចក្តី​ថ្លែង​ការណ៍ អតីត​គណបក្ស​សង្គ្រោះ​ជាតិ បាន​អំពាវ​នាវ​ដល់​អាជ្ញាធរ​ទីក្រុង​ភ្នំពេញ ធ្វើ​ការ​ស៊ើប​អង្កេត​ឲ្យ​បាន​ត្រឹម​ត្រូវ ដើម្បី​វែក​មុខ​រក​ឃាតករ​ពិត និង​អ្នក​នៅ​ពីក្រោយ​ឃាតករ យក​មក​ផ្តន្ទា​ទោស​តាម​ច្បាប់ ជា​ជាង​ប្រើ​ប្រាស់​កម្លាំង ដើម្បី​រារាំង និង​បង្រ្កាប​ក្រុម​អង្គការ​សង្គម​ស៊ីវិល និង​ប្រជា​ពល​រដ្ឋ​អ្នក​ស្រលាញ់​គាំទ្រ​លោក​បណ្ឌិត កែម ឡី​។

សូម​បញ្ជាក់​ដែរ​ថា យុវជន​ឈ្មោះ គង់ រ៉ៃយ៉ា ធ្លាប់​ត្រូវ​បាន​តុលាការ​ក្រុង​ភ្នំពេញ​ផ្តន្ទា​ទោស​ដាក់​ពន្ធនាគារ​រយៈ​ពេល​១៨​ខែ​ម្តង​រួច​មក​ហើយ កាល​ពីថ្ងៃ ទី១៥ ខែមីនា ឆ្នាំ២០១៦ ពី​បទ ញុះ​ញង់​ឲ្យ​ប្រព្រឹត្ត​បទ​ឧក្រិដ្ឋ​ជា​អាទិ៍ ដោយ​សារ​តែ​យុវជន​រូប​នេះ បាន​អំពាវ​នាវ​ឲ្យ​មហាជន​ចូល​រួម​ធ្វើ​បដិវត្តន៍​ពណ៌​តាម​រយៈ​បណ្ដាញ​សង្គម ហ្វេសបុក​៕

What Next?

Recent Articles

2 Responses to "តុលាការ​សម្រេច​ចោទ​ប្រកាន់​យុវជន គង់ រៃយ៉ា ​ពី​បទ​ញុះ​ញង់​ឲ្យ​ប្រព្រឹត្ត​បទ​ឧក្រិដ្ឋ​ជា​អាទិ៍​ក្រោយ​ការ​សាក​សួរ​រយៈ​ពេល​ពី​រ​ថ្ងៃ​"

  1. Anonymous says:

    again and again that NHOS NHOUNG word is equal kill or put in jail . KOUNG RAYA is a young generation who understand about his right and the right for all human being. so sad in this HUN SEN regime they do any thing to protecting those communist dictator. all Cambodian are understand who was their HERO country men who love their own nation. Mr KOUNG RAYA just express his sad felling about the murder of his be love Cambodian nationalist KEM LAI right on earache cases that HUN SEN regime have done that murder. there are a lot of Cambodian country men who have at lease a bit of love for their nation . how about this regime supporters are they human being?? every one knew HUN SEN can not take a small leaf to cover a dead elephant that right he used his iron hand to top down who ever have seen that murder. as a Cambodian born I knew this nation really need a miracle to survive in this high tech century. HUN SEN regime though they can do whatever they wanted no one will know about it. sorry you are wrong in this high tech century you can run but you can not hiding. my massage to this regime is>> just showing this true murder case just to make Cambodian can take it and also international community accepting this case . com on be a man if you think you are the only Cambodian’s GOD

  2. so socheath says:

    លោក​សួង នាគព័ន្ធ អ្នក​ដឹកនាំ​ការ​រៀបចំ​ពិធី​រំលឹក​ដល់​លោក​បណ្ឌិត​កែម ឡី​ បាន​បញ្ជាក់​ប្រាប់​វីអូអេ​ថា៖

    «យើង​រំលឹក​នូវ​ការ​បាញ់សម្លាប់​ហ្នឹង​ដោយ​មិន​មាន​យុត្តិធម៌​សម្រាប់​គាត់​ យើង​និយាយ​សារ​មួយ​ទៅ​រដ្ឋាភិបាល​ ឱ្យ​រដ្ឋាភិបាល​វែក​មុខ​ឃាតក​ពិត​ ឃាតក​ដែល​គាត់​ចាប់​បាន​គឺជា​ឃាតក​សិប្បនិម្មិត ​ជា​ឃាតក​ក្លែងបន្លំ ​ជា​ឃាតក​ដូរ​មនុស្ស​ មិនមែន​យើង​មិន​ដឹង​ទេ ប៉ុន្តែ​យើង​ចង់​ឱ្យ​រដ្ឋាភិបាល​វែកមុខ​រក​ឃាតក​ពិត​មក​ថា​នៅ​ពីក្រោយ​ខ្នង​ជា​អ្នកណា‍»។
    (ប្រភព VOA )

    និយាយភ្លើៗបែបនេះ ​សួង នាគព័ន្ ​ សមនឹងជាប់គុកអត់ថ្ងៃចេញហើយ ។ ព្រោះថា
    ពាក្យថា​ ( មិនមែន​យើង​មិន​ដឹង​ទេ ) មានន័យថា សួង នាគព័ន្ ជាអ្នកដឹងច្បាស់ដោយប្រាកដ ។
    អញ្ចឹង ឃាតកពិតជានរណា ? បើគាត់ចោទថា ឃាតកបាញ់សម្លាប់ កែម ឡី
    ដែលសមត្ថកិច្ចចាប់បានថាជា​ឃាតក​សិប្បនិម្មិតនោះ តើគាត់មានអំណះអំណាង​បែបណា ដើម្បីទូទាត់់រក​ភាពសមហេតុផលសម្រាប់ការអះអាងរបស់គាត់នោះ ? ៕