អង្គការ​សិទ្ធិមនុស្ស​អន្តរជាតិ​ទាមទារ​ឱ្យ​ទម្លាក់​ការ​ចោទ​ប្រកាន់​យុវជន​ គង់ រ៉ៃយ៉ា និង ​សួង នាគព័ន្ធ

ដោយ យន់ សាមៀន
2019-07-13
RFA

ស្ដាប់ ឬទាញ​យក​សំឡេង
ស្តាប់សំឡេងថតសំឡេង

នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ផ្ដល់​បទសម្ភាសន៍​ដល់​វិទ្យុ​អាស៊ីសេរី កាល​ពី​ថ្ងៃ​ទី​៦ កុម្ភៈ ២០១៥។ Photo: RFA
នាយក​ប្រតិបត្តិ​ទទួល​បន្ទុក​កិច្ចការ​តំបន់​អាស៊ី​របស់​អង្គការ យូមែន រ៉ៃត៍ វ៉ច្ឆ (Human Rights Watch) លោក ប្រ៊ែដ អាដាម (Brad Adams) ផ្ដល់​បទសម្ភាសន៍​ដល់​វិទ្យុ​អាស៊ីសេរី កាល​ពី​ថ្ងៃ​ទី​៦ កុម្ភៈ ២០១៥។ Photo: RFA


អង្គការ​ឃ្លាំមើល​សិទ្ធិមនុស្ស​អន្តរជាតិ ចូលរួម​នឹង​អង្គការ​ក្នុងស្រុក​ទាមទារ​ឱ្យ​របប​ក្រុងភ្នំពេញ ទម្លាក់​ចោល​បទ​ចោទប្រកាន់ និង​ដោះលែង​យុវជន គង់ រ៉ៃយ៉ា និង​យុវជន សួង នាគព័ន្ធ ឱ្យ​មាន​សេរីភាព​វិញ។ អ្នកនាំពាក្យ​ក្រសួងយុត្តិធម៌​បដិសេធ​ចំពោះ​ការ​ទាមទារ​នេះ ហើយ​ថា អង្គការ​ជាតិ និង​អន្តរជាតិ អាច​ផ្ដល់​ជំនួយ​ផ្នែក​ច្បាប់​ដល់​យុវជន​ទាំងពីរ ប្រសិនបើ​យល់ថា សកម្មភាព​របស់​ពួកគេ មិនមែន​ជា​បទល្មើស។

អង្គការ​ឃ្លាំមើល​សិទ្ធិមនុស្ស​អន្តរជាតិ យូមែន រ៉ៃត៍ វ៉ច្ឆ (Human Rights Watch) លើកឡើង​ថា អាជ្ញាធរ​កម្ពុជា គួរតែ​ទម្លាក់​ចោល​រាល់​ការចោទប្រកាន់ និង​ដោះលែង​មនុស្ស​ដែល​បាន​ឃាត់ខ្លួន​ក្នុង​ពិធី​បុណ្យខួប ៣​ឆ្នាំ នៃ​ការ​បាញ់​សម្លាប់​បណ្ឌិត កែម ឡី​។ សេចក្ដី​ថ្លែងការណ៍​របស់​អង្គការ​ឃ្លាំមើល​សិទ្ធិមនុស្ស​អន្តរជាតិ ចេញ​កាល​ពី​ថ្ងៃ​ទី​១២ កក្កដា បន្ត​ថា រដ្ឋាភិបាល​កម្ពុជា គួរតែ​ដក​ចេញ​រាល់​ការ​រឹតត្បិត​លើ​ការ​ប្រមូល​ផ្តុំ និង​សកម្មភាព​ផ្សេងៗ​ទៀត ដែល​រំលឹក​ដល់​ការ​សម្លាប់​បណ្ឌិត កែម ឡី និង​ត្រូវ​អនុញ្ញាត​ឱ្យ​មានការ​ស៊ើបអង្កេត​ដោយ​ឯករាជ្យ​លើ​ការ​សម្លាប់​នេះ។

នាយក​អង្គការ​ឃ្លាំមើល​សិទ្ធិមនុស្ស​អន្តរជាតិ ទទួលបន្ទុក​កិច្ចការ​តំបន់​អាស៊ី លោក ប្រ៊េដ អាដាមស៍ (Brad Adams) ថ្លែង​ថា ការ​ជំនួស​ឱ្យ​ការស៊ើបអង្កេត​ដោយ​ឯករាជ្យ​ជុំវិញ​ការ​ចោទ​ប្រកាន់​ថា រដ្ឋអំណាច​ជា​អ្នក​នៅ​ពី​ក្រោយខ្នង​ឃាតកម្ម​បណ្ឌិត កែម ឡី រដ្ឋាភិបាល​បែរ​ជា​បាន​បំផ្លាញ​ពិធី​រំឭក​វិញ្ញាណក្ខន្ធ និង​ចាប់ខ្លួន​សកម្មជន​ទៅវិញ។

លោក ប្រ៊េដ អាដាម បន្ត​ថា «​ក្រុម​ម្ចាស់​ជំនួយ​របស់​កម្ពុជា គួរតែ​អំពាវនាវ​ឱ្យ​មាន​ការ​ដោះលែង​អ្នក​ទាំងឡាយ ដែល​គេ​បាន​ចោទប្រកាន់​រឿង​តវ៉ា​ដោយ​សន្តិវិធី និង​ទាមទារ​ជាថ្មី​ឱ្យ​មាន​ការ​ស៊ើបអង្កេត​ដោយ​ឯករាជ្យ​ក្នុង​រឿង​ឃាតកម្ម​បណ្ឌិត កែម ឡី ឡើងវិញ។ លោក​ថា រដ្ឋាភិបាល​មួយ​ដែល​គ្មាន​អ្វី​លាក់បាំង គួរតែ​អនុញ្ញាត​ឱ្យ​មាន​ការ​តវ៉ា​ដោយ​សន្តិវិធី ឬក៏​ត្រូវ​រំពឹង​ទុក​ជាមុន​ថា នឹង​ឃើញ​ការ​តវ៉ា ទាមទារ​យុត្តិធម៌ កើតឡើង​នៅ​ថ្ងៃ​ខួប​ប្រចាំ​ឆ្នាំ​នៃ​សោកនាដកម្ម​នេះ»

ទន្ទឹមគ្នា​នេះ អង្គការ សមាគម សហគមន៍​ក្នុងស្រុក​ជិត ៩០​អង្គការ កាលពី​ថ្ងៃ​ទី​១២ កក្កដា​ក៏​ទាមទារ​ឱ្យ​អាជ្ញាធរ​ដោះលែង​សកម្មជន គង់ រ៉ៃយ៉ា និង សួង នាគព័ន្ធ ទាំងពីរ​នាក់​ដែរ។

អង្គការ​ទាំងនោះ សម្ដែង​ការ​សោកស្ដាយ​យ៉ាង​ខ្លាំង ចំពោះ​ការប្រើប្រាស់​កងកម្លាំង​សន្តិសុខ​ដោយ​មិន​សម​ហេតុផល​អំឡុង​ពេល​ប្រារព្ធ​ពិធី​រំលឹក​ខួប ៣​ឆ្នាំ នៃ​ឃាតកម្ម​លើ​បណ្ឌិត កែម ឡី។

ទោះ​បី​យ៉ាងណា អ្នកនាំពាក្យ​ក្រសួង​យុត្តិធម៌ លោក ជិន ម៉ាលីន ឆ្លើយតប​ថា ចំណាត់​ការ​លើ​យុវជន​ទាំងពីរ គឺជា​ដំណើរការ​អនុវត្ត​ច្បាប់ ដោយសារ​សមត្ថកិច្ច​រក​ឃើញ​ថា សកម្មភាព​របស់​ពួកគេ ជា​ការ​ប្រព្រឹត្ត បទល្មើស មិនមែន​ជា​ការអនុវត្ត សិទ្ធិ​សេរីភាព​បញ្ចេញមតិ ឬ​ការ​ជួបជុំ​នោះ​ទេ។

លោក ជិន ម៉ាលីន បាន​ចោទ​ប្រកាន់​ថា គណបក្ស​សង្គ្រោះជាតិ នៅ​ពី​ក្រោយ​យុវជន​ទាំងពីរ​នាក់។ «»

នាយករង​ទទួលបន្ទុក​ផ្នែក​ឃ្លាំមើល​សិទ្ធិមនុស្ស​នៃ​អង្គការ លីកាដូ (LICADHO) លោក អំ សំអាត លើកឡើង​ថា ក្រុម​អង្គការ​សង្គម​ស៊ីវិល នៅតែ​ប្រកាន់​ជំហរ​ស្នើ​ឱ្យ​អាជ្ញាធរ​ដោះលែង​យុវជន​ទាំងពីរ​នាក់ ព្រោះ​ទង្វើ​របស់​ពួកគេ ពុំ​មាន​ធាតុ​ផ្សំ​នៃ​បទល្មើស ហើយ​ពុំ​មានការ​ចលាចល​ណាមួយ​កើត​ពី​អំពើ​របស់​ពួកគាត់​ដូច​ការ​ចោទ​នោះ​ទេ។ «»

លោក​បន្ត​ថា នៅ​ពេល​ដែល​រដ្ឋាភិបាល មិន​អាច​នាំ​យក​អ្នក​ពាក់ព័ន្ធ ឬ​អ្នក​នៅ​ពីក្រោយ​ខ្នង​ឃាតកម្ម បណ្ឌិត កែម ឡី មក​ផ្ដន្ទាទោស ប៉ុន្តែ​បែរជា​ចាប់​អ្នក​ទាមទារ​រក​យុត្តិធម៌​ជូន​បណ្ឌិត កែម ឡី ដាក់គុក​ទៅ វិញ គឺជា​រឿង​បំបិទ​សិទ្ធិ​សេរីភាព​បញ្ចេញមតិ។ «»

ស្ថាប័ន​កំពូល​ផ្នែក​សិទ្ធិមនុស្ស របស់​អង្គការសហប្រជាជាតិ កាលពី​ថ្ងៃ​ទី​១២ ខែ​កក្កដា ក៏បាន​រម្លឹក​របប​លោក ហ៊ុន សែន ថា ពលរដ្ឋ​គ្រប់រូប មាន​សិទ្ធិ​គោរព​វិញ្ញាណក្ខន្ធ​លោក​បណ្ឌិត កែម ឡី​។ ការិយាល័យ​ឧត្ដមស្នងការ​អង្គការសហប្រជាជាតិ ទទួលបន្ទុក​សិទ្ធិមនុស្ស​ប្រចាំ​កម្ពុជា ថ្លែង​សារ​ក្នុង​អំឡុង​នៃ​ខួប​គម្រប់ ៣​ឆ្នាំ នៃ​ឃាតកម្ម​លើ​លោក​បណ្ឌិត កែម ឡី ថា សិទ្ធិ​ក្នុង​ការ​ជួប​ប្រជុំ​គ្នា​ដោយ​សន្តិវិធី និង​សិទ្ធិ​ក្នុង​ការ​បង្កើត​សហគមន៍ រួម​ទាំង​សិទ្ធិ​ក្នុង​ការ​គោរព និង​រម្លឹក​វិញ្ញាណក្ខន្ធ​បុគ្គល​សាធារណៈ ដូចជា​បណ្ឌិត កែម ឡី ផង គឺ​ត្រូវ​បាន​ធានា​ដោយ​ច្បាប់​ជាតិ និង​ច្បាប់​អន្តរជាតិ៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

One Response to "អង្គការ​សិទ្ធិមនុស្ស​អន្តរជាតិ​ទាមទារ​ឱ្យ​ទម្លាក់​ការ​ចោទ​ប្រកាន់​យុវជន​ គង់ រ៉ៃយ៉ា និង ​សួង នាគព័ន្ធ"

  1. Anonymous says:

    Please’ don’t say to this beast regime’ it not working and it not worse to talk to this mafia group’ this government leaded by Veitcong mafia dictator and his groups never listen to international or humand right or anybody ‘ they only kneel down to Youn hanoi and communist china and never respected khmer people or serve the nation ‘ All they do just their groups and money for their family ‘ because they are the communist dog’