សង្គម​ស៊ីវិល​ប្រតិកម្ម​ចំពោះ​ការ​លុប​ថ្ងៃ​ ២៣​តុលា និង​ ១០ ធ្នូ ចេញ​ពី​ប្រតិទិន​ឈប់​សម្រាក

ដោយ សេក បណ្ឌិត
2019-08-07
RFA

ស្ដាប់ ឬ​ទាញ​យក​សំឡេង
ស្តាប់សំឡេងថតសំឡេង

លោក​នាយករដ្ឋមន្ត្រី ហ៊ុន សែន ចុះ​ជួប​កម្មករ​នៅ​ខណ្ឌ​ពោធិ៍សែនជ័យ រាជធានី​ភ្នំពេញ កាល​ពី​ព្រឹក​ថ្ងៃ​ទី​១៧ ខែ​មករា ឆ្នាំ​២០១៨។ Photo courtesy of SPM Facebook's page
លោក​នាយករដ្ឋមន្ត្រី ហ៊ុន សែន ចុះ​ជួប​កម្មករ​នៅ​ខណ្ឌ​ពោធិ៍សែនជ័យ រាជធានី​ភ្នំពេញ កាល​ពី​ព្រឹក​ថ្ងៃ​ទី​១៧ ខែ​មករា ឆ្នាំ​២០១៨។ Photo courtesy of SPM Facebook’s page


លោក​ ហ៊ុន សែន ​កំពុង​ឆ្ពោះ​ទៅ​រក​របប​ផ្តាច់ការ​ដោយ​លុប​ចោល​ថ្ងៃ​ឈប់​សំរាក​ពីរ​ដ៏​សំខាន់


សង្គម​ស៊ីវិល​និង​ប្រជាពលរដ្ឋ​ប្រតិកម្ម​ចំពោះ​របប​ក្រុងភ្នំពេញ​ដែល​បាន​លុប​ថ្ងៃ​ ២៣ តុលា ជា​ថ្ងៃ​កិច្ចព្រមព្រៀង​សន្តិភាព​ទីក្រុង​ប៉ារីស និង​ថ្ងៃ​ ១០​ធ្នូ ជា​ទិវា​សិទ្ធិមនុស្ស​អន្តរជាតិ ចេញ​ពី​ប្រតិទិន​ឈប់ សម្រាក​ការងារ​នៅ​ឆ្នាំ​២០២០។ ពួកគេ​យល់​ថា លោក ហ៊ុន សែន កំពុង​បង្ហាញ​កាន់តែ​ច្បាស់​ក្នុង​ការ​ផ្លាស់ប្ដូរ​កម្ពុជា​ទៅជា​របប​ផ្ដាច់ការ។

សង្គម​ស៊ីវិល​និង​ប្រជាពលរដ្ឋ សម្ដែង​ការ​សោកស្ដាយ​ដែល​របប​លោក ហ៊ុន សែន សម្រេច​លុបចោល​ថ្ងៃ​ឈប់សម្រាក​ប្រចាំ​ឆ្នាំ​មួយ​ចំនួន​ក្នុង​នោះ​មាន​ទាំង​ថ្ងៃ​ ២៣ តុលា នៃ​កិច្ចព្រមព្រៀង​សន្តិភាព​ទីក្រុង​ប៉ារីស ឆ្នាំ​១៩៩១ និង​ថ្ងៃ ​១០​ធ្នូ ទិវា​សិទ្ធិមនុស្ស​អន្តរជាតិ។

នាយករង​ទទួលបន្ទុក​ផ្នែក​ឃ្លាំមើល​សិទ្ធិមនុស្ស​នៃ​អង្គការ​លីកាដូ (Licadho) លោក អំ សំអាត លើកឡើង​ថា ថ្ងៃទី​២៣ តុលា និង​ថ្ងៃ​ ១០ ធ្នូ គឺជា​ថ្ងៃ​ប្រវត្តិសាស្ត្រ​ដ៏​ធំ និង​មាន​សារៈសំខាន់​ខ្លាំង​សម្រាប់​កម្ពុជា​ដែល​ខ្មែរ​គ្រប់​ភាគី ព្រម​បញ្ចប់​សង្គ្រាមស៊ីវិល​ដ៏​រ៉ាំរ៉ៃ​នៅ​កម្ពុជា ហើយ​នាំគ្នា​ស្តារ​ប្រទេស​ឡើងវិញ ដោយសារ​តែ​មាន​កិច្ចព្រមព្រៀង​សន្តិភាព​ក្រុង​ប៉ារីស។ លោក​បន្ត​ថា កិច្ចព្រមព្រៀង​សន្តិភាព​ទីក្រុង​ប៉ារីស​២៣ តុលា នេះ ក៏​ធ្វើ​ឱ្យ​កម្ពុជា​មានលទ្ធភាព​កសាង​នូវ​របប​ប្រជាធិបតេយ្យ​មួយ​ថ្មី​តាមរយៈ​ការបោះឆ្នោត មាន​រដ្ឋធម្មនុញ្ញ និង​បញ្ចប់​វត្តមាន​កងទ័ព​វៀតណាម​លើទឹក​ដី​កម្ពុជា មាន ឯករាជ្យ អធិបតេយ្យ និង​បូរណភាព​ទឹកដី​ពិតប្រាកដ​ហើយ ហើយក៏​តម្រូវ​ឱ្យ​កម្ពុជា​ប្ដេជ្ញា​ការពារ និង​លើកកម្ពស់​សិទ្ធិមនុស្ស​ជា​មូលដ្ឋាន​ផង​ដែរ។ លោក​ស្នើសុំ​ឱ្យ​ថា រដ្ឋាភិបាល​ពិចារណា​ដាក់​ថ្ងៃ​២៣​តុលា និង​១០ ធ្នូ ជា​ថ្ងៃ​ឈប់សម្រាក​ប្រចាំ​ឆ្នាំ​ឡើងវិញ ដើម្បី​រម្លឹក​និង​ចងចាំ​អំពី​ថ្ងៃ​ប្រវត្តិសាស្ត្រ​ដ៏​សំខាន់​នេះ៖ «ខ្ញុំ​គិត​ថា​ថ្ងៃ​ទាំងពីរ​នេះ សំខាន់​ណាស់​គួរតែ​ពិនិត្យ​ពិចារណា​ព្រោះ​ជៀសវាង​ការ​រិះគន់​បន្ថែម​ទៀត ទាក់ទង​នឹង​ការ​គោរព​សិទ្ធិមនុស្ស និង​ប្រជាធិបតេយ្យ។ យើង​ក្លាយ​ជា​ប្រទេស​ដែល​កាន់​លទ្ធិ​ប្រជាធិបតេយ្យ​សេរី​ពហុបក្ស និង​ព្រះរាជាណាចក្រ​ទី​២ ដោយសារ​បាន​កិច្ចព្រមព្រៀង​ទីក្រុង​ប៉ារីស​២៣ តុលា នេះ​ហើយ។ យើង​បាន​ផ្តល់​សច្ចាប័ន​លើ​កតិកា​សញ្ញា អនុសញ្ញា​អន្តរជាតិ​ជាច្រើន​ស្ដីពី​សិទ្ធិមនុស្ស ក៏​ដោយសារ​កិច្ចព្រមព្រៀង​ទីក្រុង​ប៉ារីស​នេះ​ដែរ។ ថ្ងៃ​១០ ធ្នូ នេះ​មាន​សារសំខាន់​នេះ​សម្រាប់​ផ្នែក​សិទ្ធិមនុស្ស»

អនុក្រឹត្យ​ស្ដី​ស្ដីពី​ប្រតិទិន​ឈប់​សម្រាក​ការងារ​របស់​មន្ត្រី​រាជការ​និយោជិក កម្មករ​​ប្រចាំ​ឆ្នាំ​២០២០ ដែល​អាស៊ីសេរី​ទទួល​បាន​នៅ​ថ្ងៃ​ទី​៦ ខែ​សីហា បង្ហាញ​ថា របប​ក្រុង​ភ្នំពេញ​សម្រេច​កាត់បន្ថយ​ចំនួន​៦​ថ្ងៃ គឺ​ពី ២៨​ថ្ងៃ មក​នៅ​ត្រឹម ២២​ថ្ងៃ​វិញ។ ការលុបចោល​ថ្ងៃ​ឈប់សម្រាក​ទាំងនោះ​មាន​ដូចជា ថ្ងៃបុណ្យ​មាឃបូជា ទិវា​កុមារ​អន្តរជាតិ ទិវា​ជាតិ​នៃ​ការ​ចងចាំ ទិវា​រំលឹក​ខួប​នៃ​កិច្ចព្រមព្រៀង​ទីក្រុង​ប៉ារីស ២៣ តុលា និង​ទិវា​សិទ្ធិមនុស្ស​អន្តរជាតិ​១០ ធ្នូ ជាដើម។

មិន​ខុសគ្នា​ប៉ុន្មាន​ឡើយ អ្នកនាំពាក្យ​សមាគម​អាដហុក (Adhoc) លោក ស៊ឹង សែនករុណា ចាត់ទុក​ថ្ងៃ​២៣ តុលា នៃ​កិច្ចព្រមព្រៀង​សន្តិភាព​ទីក្រុង​ប៉ារីស និង​ថ្ងៃ​ទី១០ ធ្នូ ទិវា​សិទ្ធិមនុស្ស​អន្តរជាតិ​គឺជា​ថ្ងៃ​សំខាន់​បំផុត​ដែល​រដ្ឋាភិបាល​គួរតែ​ដាក់​ក្នុង​ប្រតិទិន​ឈប់សម្រាក​ប្រចាំ​ឆ្នាំ​ឡើងវិញ។ លោក បន្ត​ថា នៅ​ពេល​រដ្ឋាភិបាល​លុបចេញ គឺ​បង្ហាញ​ថា រដ្ឋាភិបាល​មិន​ឱ្យ​តម្លៃ​លើ​កិច្ចព្រមព្រៀង​សន្តិភាព​ទីក្រុង​ប៉ារីស និង​ការ​គោរព​សិទ្ធិមនុស្ស​នោះ​ទេ៖ «ថ្ងៃ​២៣ តុលា​នេះ ជា​សារ​មួយ​សំខាន់​ណាស់​ព្រោះ​ជា​ស្មារតី​រួម​មួយ​ដើម្បី​រលឹក​ដល់​អ្នកនយោបាយ​ជំនាន់​ក្រោយ​កុំ​ឱ្យ​បង្ក​សង្គ្រាម​ឱ្យ​មាន​ភាព​ឈឺចាប់​រវាង​ខ្មែរ និង​ខ្មែរ​ទៀត ហើយ​ក្នុង​នេះ​ផង​ដែរ កម្ពុជា​ក៏​ជា​ប្រទេស​ផ្តល់​នូវ​សច្ចាប័ន​នូវ​អនុសញ្ញា​សិទ្ធិមនុស្ស​អន្តរជាតិ​ជាច្រើន ប៉ុន្តែ​បែរជា​មាន​ការ​លុបចោល​ថ្ងៃ​១០ ធ្នូ ដែល​ជា​ទិវា​សិទ្ធិមនុស្ស​ជា​សកល​ដែល​ពិភពលោក​កំណត់​យក​ក្នុង​ន័យ​ឱ្យ​គោរព​សិទ្ធិ​របស់​មនុស្ស​ដូចជា​នៅ​ប្រទេស​ដែល​ជា​សមាជិក​របស់​អង្គការសហប្រជាជាតិ។ យើង​ឃើញ​ថា វា​ជា​ការ​ព្រួយបារម្ភ​ថ្មី​មួយ​ដែល​កម្ពុជា​ហាក់ដូចជា​ចង់​ងាក​ចេញពី​ការ​គោរព​សិទ្ធិមនុស្ស»

ឆ្លើយតប​ចំពោះ​ករណី​នេះ​អ្នកនាំពាក្យ​គណៈកម្មាធិការ​សិទ្ធិមនុស្ស​កម្ពុជា​របស់​លោក ហ៊ុន សែន គឺ លោក ជិន ម៉លីន លើកឡើង​ថា ការ​ព្រួយបារម្ភ​របស់​សង្គម​ស៊ីវិល​នេះ​គឺ​ហួស​ពី​អ្វី​ដែល​ជា​ការពិត​។​លោក​អះអាង​ថា ការលុបចោល​ថ្ងៃ​ឈប់សម្រាក​ទាំងនេះ គឺ​ដើម្បី​បង្កើន​ផលិតកម្ម​ការងារ​ប៉ុណ្ណោះ​មិន​ពាក់ព័ន្ធ​នឹង​សិទ្ធិមនុស្ស​អ្វី​ទេ៖ «ទាក់ទង​រឿង​សិទ្ធិ​សេរីភាព រឿង​សិទ្ធិមនុស្ស​អី​នេះ​វា​មិនមែន​ មានតែ​ថ្ងៃ​១០ ធ្នូ នេះ​ណា ! ហើយ​សង្គម​ស៊ីវិល​អាច​អនុវត្ត​សិទ្ធិ​សេរីភាព​របស់​ខ្លួន​បាន​រាល់ថ្ងៃ​ហើយ ការ​លុបចោល​ថ្ងៃ​សម្រាក​ពាក់ព័ន្ធ​នឹង​ថ្ងៃ​២៣ តុលា ពាក់ព័ន្ធ​នឹង​ថ្ងៃ​សិទ្ធិមនុស្ស និង​ថ្ងៃ​មួយ​ចំនួន​ផ្សេងទៀត​នេះ គឺ​មូលហេតុ​ពិតប្រាកដ​ដើម្បី​បង្កើន​នូវ​ប្រសិទ្ធភាព និង​បង្កើន​ផលិតកម្ម​ការងារ​ដោយសារតែ​កន្លងមក យើង​មាន​ថ្ងៃ​ឈប់សម្រាក​ច្រើនពេក​វា​អាច​ប៉ះពាល់​សង្វាក់​ផលិតកម្ម​និង​ផលិតភាព​ការងារ​របស់​និយោជិក របស់​កម្មករ​ក៏ដូចជា​មន្ត្រីរាជការ។

មិនមែន​តែ​ក្រុម​អង្គការ​សង្គម​ស៊ីវិល​នោះ​ទេ ប្រជាពលរដ្ឋ និង​ក្រុម​អ្នកលេង​ហ្វេសប៊ុក (Facebook) ក៏បាន​រិះគន់​ព្រោងព្រាត​ចំពោះ​ការ​លុប​ថ្ងៃ​២៣ តុលា និង​ថ្ងៃ​១០ ធ្នូ ចេញពី​ប្រតិទិន​ឈប់សម្រាក​ប្រចាំ​ឆ្នាំ​នេះ​ដែរ​។ ពួកគេ​មួយ​ចំនួន​ទាមទារ​ឱ្យ​របប​លោក ហ៊ុន សែន​ដក​ថ្ងៃ​៧​មករា វិញ ព្រោះ​ពួកគេ​ចាត់ទុកជា​ថ្ងៃ​វៀតណាម​ឈ្លានពាន​កម្ពុជា។

អ្នកស្រាវជ្រាវ​ការ​អភិវឌ្ឍ​សង្គម​លោក បណ្ឌិត មាស នី មាន​ប្រសាសន៍​ថា ការ​លុបចោល​ថ្ងៃ​ឈប់សម្រាក​ខ្លះ គឺជា​រឿង​សមរម្យ​ដោយសារ​កម្ពុជា​ជា​ប្រទេស​មាន​ថ្ងៃ​ឈប់សម្រាក​ច្រើន ពីព្រោះ​ប៉ុន្មាន ឆ្នាំ​ចុង​ក្រោយនេះ​គឺ​មាន​ការ​បង្កើន​ថ្ងៃ​ឈប់សម្រាក​ពាក់ព័ន្ធ​នឹង​រឿង​នយោបាយ​ច្រើនជាង​រឿង​ទិវា​ជាតិ ដែល​ខ្មែរ​ធ្លាប់​មាន​ពី​មុន​មក។ ទោះជា​យ៉ាងណា លោក​យល់​ថា ការដែល​រដ្ឋាភិបាល​លុប​ថ្ងៃ​ឈប់សម្រាក ២៣ តុលា និង​ថ្ងៃ​១០ ធ្នូ នេះ គឺ​បង្ហាញ​ថា រដ្ឋាភិបាល​ចង់​ឱ្យ​ពលរដ្ឋ​បំភ្លេច​ការ​គោរព​សិទ្ធិមនុស្ស និង​បំភ្លេច​ថ្ងៃ​ប្រវត្តិសាស្ត្រ​ដែល​ខ្មែរ​បាន​ឯកភាព​បញ្ចប់​សង្គ្រាម​ស៊ីវិល៖ «បែរ​ទៅជា​លុប​ថ្ងៃ​ដែល​ជា​ទិវា​សំខាន់ៗ សម្រាប់​ជាតិ​ទៅវិញ ហើយ​ទុក​សម្រាប់​ថ្ងៃ​ដែល​បម្រើ​ឱ្យ​គណបក្ស​នយោបាយ​ទៅវិញ។ សម្រាប់​ខ្ញុំ​គឺ​ការ​លុប​ថ្ងៃ​ឈប់​សម្រាក​នេះ វា​មាន​មូលហេតុ​នយោបាយ ឬ​មាន​ភាព​លម្អៀង​ដោយសារ​នយោបាយ​ច្រើន​ជា​ជាង​លុប​ថ្ងៃ​ណា​ដែល​សំខាន់​សម្រាប់​ពលរដ្ឋ​ខ្មែរ ហើយ​យើង​មើល​ទៅ​ថ្ងៃ​ទី​២៣ តុលា និង​ថ្ងៃ​១០ ធ្នូ នេះ​គឺជា​ថ្ងៃ​ដែល​ពលរដ្ឋ​ខ្មែរ​ឈប់​សម្រាក​រួម​ដែល​ខ្មែរ​គ្រប់​ភាគី​ទាំងអស់​បាន​យល់ព្រម​ថា ជា​ថ្ងៃ​សំខាន់។

លោក​បណ្ឌិត មាស នី បន្ត​ថា រដ្ឋាភិបាល​គួរតែ​ដក​ថ្ងៃ​ឈប់សម្រាក​ណា​ដែល​ពលរដ្ឋ​មិន​ទទួល​ស្គាល់ ហើយ​រក្សា​ថ្ងៃ​ឈប់សម្រាក​ណា ដែល​មាន​ការ​ឯកភាព​គ្នា​វិញ​គឺជា​ការ​ប្រសើរ៖ «ក្នុងនាម​ជា​រដ្ឋាភិបាល​គួរតែ​មើល​ថ្ងៃ​ណា ដែល​នៅតែ​ចម្រូងចម្រាស ដែល​ខ្មែរ​មិនទាន់​ឯកភាព​គ្នា​ទទួលយក​ធ្វើជា​ថ្ងៃ​ឈប់សម្រាក​ទេ ឬក៏​ជា​ថ្ងៃ​ឈប់សម្រាក​របស់​គណបក្ស​នយោបាយ​ណាមួយ​នោះ​គួរតែ​លុបចោល​ថ្ងៃ​នោះ​ទៅ ហើយ​គួរតែ​ទុក​ថ្ងៃ​ណា​ដែល​ទទួលស្គាល់​ដោយ​ពលរដ្ឋ។

លោក ហ៊ុន សែន មិនសូវ​ផ្ដល់​តម្លៃ​ខ្លាំង ដល់​ថ្ងៃ​រំលឹក​ខួប​នៃ​កិច្ចព្រមព្រៀង​សន្តិភាព​ក្រុង​ប៉ារីស​២៣ តុលា និង​ទិវា​សិទ្ធិមនុស្ស​អន្តរជាតិ​១០ ធ្នូ នោះ​ទេ។ កាល​ពី​ឆ្នាំ​២០០៥ លោក​ធ្លាប់​បាន​លុបចោល​ថ្ងៃ​រំលឹក​ខួប​នៃ​កិច្ចព្រមព្រៀង​សន្តិភាព​ក្រុង​ប៉ារីស​២៣ តុលា ម្ដង​រួចទៅ​ហើយ។ ៧​ឆ្នាំ​ក្រោយមក ពោល​គឺ​នៅ​ឆ្នាំ​២០១២ លោក​ព្រម​ដាក់បញ្ចូល​ទិវា​នេះ ជា​ថ្ងៃ​ឈប់​សម្រាក​ឡើងវិញ ដោយ​ឈរ​លើ​ហេតុផល​ថា ដើម្បី​ឧទ្ទិស​ដល់​សម្ដេច ព្រះ​នរោត្តម សីហនុ ដែល​មាន​ស្នា​ព្រះហស្ត​ក្នុង​ដំណើរការ​ស្វែងរក​សន្តិភាព។ ក្រៅ​តែ​ពី​មិន​ឱ្យ​តម្លៃ​ដល់​ព្រឹត្តិការណ៍​នេះ ឱ្យ​តែ​ថ្ងៃនេះ​ម្ដងៗ របប​លោក ហ៊ុន សែន តែងតែ​ពង្រាយ​កងកម្លាំង​ចម្រុះ ដើម្បី​រារាំង និង​ឃ្លាំមើល​ការ​ប្រារព្ធ​ទិវា​នេះ ពី​សំណាក់​ប្រជាពលរដ្ឋ និង​ក្រុម​អង្គការ​សង្គម​ស៊ីវិល៕

កំណត់​ចំណាំ​ចំពោះ​អ្នក​បញ្ចូល​មតិ​នៅ​ក្នុង​អត្ថបទ​នេះ៖ ដើម្បី​រក្សា​សេចក្ដី​ថ្លៃថ្នូរ យើង​ខ្ញុំ​នឹង​ផ្សាយ​តែ​មតិ​ណា ដែល​មិន​ជេរ​ប្រមាថ​ដល់​អ្នក​ដទៃ​ប៉ុណ្ណោះ។


What Next?

Recent Articles

4 Responses to "សង្គម​ស៊ីវិល​ប្រតិកម្ម​ចំពោះ​ការ​លុប​ថ្ងៃ​ ២៣​តុលា និង​ ១០ ធ្នូ ចេញ​ពី​ប្រតិទិន​ឈប់​សម្រាក"

  1. so socheath says:

    Anonymous
    August 7, 2019 at 6:50 pm
    it is not that easy to teach an old dog a new trick. dog still be dog no matter what you think of it. I’m felling so sick to see a lot of animal in Cambodia . some people said they are so proud of being a Cambodian . for me no I’m not instated I’m so embarrassing of having been born as a Cambodian. look even these two guy in this article they are old but they have a little brain . I wish I will never want to be born among all these animal . the reason why?? because it is so cheap.

    so socheath
    August 8, 2019 at 6:20 am
    វាភ្លើពេកហើយ ដែលAnonymous វាចាប់ឆ្កែចាស់ ឲ្យចុយក្តឹតម៉ែវា ។ ហើយដែលវាគឹតថាឆ្កែចាស់
    អត់បានការ ។
    តែថាឆ្កែចាស់ ពិតជាច្បាស់ជាងឆ្កែក្មេងឆ្ងាយណាស់។ ព្រោះថាឆ្កែចាស់ តែញាត់ចូលវ៉ាប់ សាប់ផ្លាប់ៗ
    គឺបានការចឹងហ្មង !
    តែអាឆ្កែក្មេងវិញ ​រវល់តែញនចុះញនឡើង ម្ចាស់ឆ្កែសំពងមួយព្រនង់ ចេត ។ ស្លរការី ស៊ីជាមួយនំប៉័ង
    អញ្ចឹងទៅក៏មាន ។
    អញ្ចឹង មានន័យថា ឆ្កែក្មេង មិនអាចចុយក្តឹតម៉ែអ្ហែង រហ័សជាងឆ្កែចាស់ទេអាមូស (Anonymous)

  2. Anonymous says:

    OS…. wrong article Mr you did said that in the other article are you?? in this article I will say do whatever you want . because HUN SEN is ANGKA LEIR of PAK PAKDEWATT KAMPOUCHEA

  3. so socheath says:

    ហាស ! ហាស
    អញក៏លើកឧទាហរណ៍ដែរអាមូស !
    តែរឿងរ៉ាវវាទាក់ទងគ្នា ត្បឹតអ្ហែងជេរអញថាអាឆ្កែកញ្ចាស់ !

  4. so socheath says:

    សំណាញ់ !
    …….
    ភាពអន្ទោកអន្ទោលស្តីពីការចង់វិលត្រឡប់មកកម្ពុជាវិញ
    ពីសំណាក់អ្នកនយោបាយក្បត់ជាតិ សមរង្ស៊ី និងបក្សពួក
    បានប្រព្រឹត្តទៅក្នុងជំនឿមួយ សម្រាប់បរិបទដែលមិន
    សមហេតុផល។
    ជំនឿលង់ប្រកបដោយអំនួត ក្នុងភាពហៃអើពីសំណាក់
    សកម្មជនអតីតគណៈបក្សសង្គ្រោះជាតិ ដែលត្រូវរំលាយ
    ចោលដោយតុលាការអាស្រ័យលើទោសកំហុសក្បត់ជាតិ
    ដែលនៅសេសសល់ បូកផ្សំនិងការអន្ទងពីសំណាក់កឹមសុខា
    ដែលកំពុងជាប់ពិរុទ្ធពីទោសក្បត់ជាតិ រៀបចំធ្វើបដិវត្តន៍ពណ៌
    តាមការបង្រៀននឹងបង្គាប់បញ្ជាពីជនបរទេស ដើម្បីផ្តួលរំលំ
    រដ្ឋាភិបានស្របច្បាប់នៃកម្ពុជា ដែលថា បើមានមេដឹកនាំ
    ទាំងពីរមកជាប់ទោសរួមគ្នានៅកម្ពុជា នឹងធ្វើឲ្យមានការកែប្រែ
    ស្ថានការណ៍នយោបាយនៅកម្ពុជា ដែលនាំដល់ការរស់
    ឡើងវិញសម្រាប់គណបក្សសង្គ្រោះជាតិ។ ព្រោះថា
    បសមរង្ស៊ីហ៊ានវិលត្រឡប់មក និងមានមនុស្សម្នារជាច្រេីន
    ទៅទទួល សម្រាប់សុវត្ថិភាពក្នុងការត្រឡប់មក។
    នេះជាការវាយតម្លៃខុស ។ បើយើងចាំមិនភ្លេច កឹមសុខា
    ដែលកាលនោះ បានគេចវេសពីពីសំណាញ់ច្បាប់ ទាក់ទង
    នឹងអំពើឆបោករួមសង្វាស ហើយដែលបានប្តឹងដោយ
    សាម៉ីខ្លួនស្ត្រីផ្ទាល់ ហើយដែលបានពួនសម្ងំលាក់ខ្លួនក្នុង
    ទីស្នាក់ការគណបក្សសង្គ្រោះជាតិយ៉ាងយូរ ពិតជាមាន
    សកម្មជនជាច្រើនរយនាក់ នៃគណៈបក្សនេះ មកដេកយាម
    ការពារដោយប្រាកដមែន ។ តែថាពេលចាប់ខ្លួនកឹមសុខា
    ពីទោសក្បត់ជាតិ សួរថា តើសភាពនៃការប្រែប្រួលពីសំណាក់
    កម្លាំងគាំទ្រនៃបក្សនេះទៅជាយ៉ាងណា ។ វាពិតជាគ្មាន
    កម្លាំឯណាមកគាំទ្រទៀតទេ ត្បឹតពួកគេដឹងច្បាស់ថា
    កឹមសុខាគឹជាជនក្បត់ជាតិ។ ដូច្នេះការប្រព្រឹត្តណាមួយ ដើម្បី
    គាំទ្រជននេះ មិនខុសអីពីពួកគេទាំងនោះ បានដាក់ខ្លួន
    ចំពោះមុខច្បាប់ ថាពួកគេ គឺជាជនក្បត់ជាតិដែរនោះទេ ។
    វាគ្មានការឃាត់ឃាំងណាមួយ ចំពោះជនក្បត់ជាតិសមរង្ស៊ី
    និងបក្សពួក ក្នុងការវិលត្រឡប់ចូលកម្ពុជាវិញនោះទេ ។
    តែថាពួកអ្នកទាំងនោះសុទ្ធតែមានសាលដីការបស់តុលាការ
    ត្រូវចាប់ខ្លួនដើម្បីផ្តន្ទារទោសតាមកំហុសដែលពួកគេបាន
    ប្រព្រឹត្តក្នុងអំពើក្បត់ជាតិ។
    វាជាការល្អសម្រាប់ជំនឿងលង់ពេញដោយអំនួត របស់
    សមរង្ស៊ីនិងបក្សពួក ដែលយល់ខុសពីស្ថានភាពបច្ចុប្បន្ន
    និងអតីត ដែលសមរង្ស៊ី បានទទួលនូវការលើក
    លែងទោសពីអង្គព្រះមហាក្សត្រ តាមការស្នើសុំពីសំណាក់
    នាយករដ្ឋមន្ត្រីនៃកម្ពុជា សម្តេចអគ្គមហាសេនាបតីតេជោ
    ហ៊ុន សែន ។
    ច្បាប់នឹងបង់តែមួយសំណាញ់ ក្រសោបយកក្រុមជនក្បត់ជាតិ
    ទាំងនេះ មកកាត់ទោសតាមច្បាប់ ហើយសន្តិភាពជាតិ
    សុខសុវត្ថិភាពសង្គម និងបន្តល្អប្រសើរទ្វេរឡើងថែមទៀត
    ក្នុងពេលដែលគ្មានវត្តមានជនក្បត់ជាតិទាំងនេះ៕