ស្នងការ​នគរបាល​ខេត្តកណ្ដាលរងការ​ព្រមាន ខណៈ​កូន​ប្រុស​ត្រូវ​បាន​ផ្លាស់​ចេញ​ពី​អធិការ​រង

ដោយ អេង គីមហុង
11/08/2019
RFI

media
រូបភាព៖រដ្ឋមន្ត្រីក្រសួងមហាផ្ទៃលោក ស ខេង បានចេញមុខព្រមាន លោក អ៊ាវ ចំរើន ស្នងការនគរបាលខេត្តកណ្ដាល (@Internet)
@Internet


រដ្ឋមន្ត្រី​ក្រសួង​មហាផ្ទៃ​លោក ស ខេង បាន​ចេញ​មុខ​ព្រមាន​ លោក អ៊ាវ ចំរើន ស្នងការ​នគរ​បាល​ខេត្ត​កណ្ដាល បន្ទាប់​ពី​នគរបាល​ក្រោម​ឱវាទ ប្តឹង​ទៅ​ក្រសួង​មហា​ផ្ទៃ​ថា ស្នង​ការ​រូប​នេះ​មាន​បក្សពួក​និង​គ្រួសារ​និយម។ ខណៈ​ឪពុក​រង​ការ​ព្រមាន កូន​ប្រុស លោក អ៊ាវ ចំរើន ដែល​ជា​អធិការ​រងក្រុង​តាខ្មៅ​ក៏​ត្រូវ​ផ្លាស់​ចេញ​ផងដែរ ក្រោម​ហេតុផល​បញ្ចៀស​គ្រួសារ​និយម។ នេះ​បើ​តាម​អ្នក​នាំពាក្យ​ក្រសួង​មហាផ្ទៃ។

ការ​ព្រមាន​ជា​លើកទី១ របស់​រដ្ឋមន្ត្រី​ក្រសួង​មហាផ្ទៃ លោក ស ខេង ទៅ​កាន់​ស្នង​ការ​នគរ​បាល​ខេត្ត​កណ្ដាល បន្ទាប់​ពី​មាន​ពាក្យ​បណ្ដឹង​ពី​មន្ត្រី​ថ្នាក់​ក្រោម ជុំវិញ​ភាព​មិន​ប្រក្រតី​នៃ​សកម្មការងារ​របស់​លោក អ៊ាវ ចំរើន ដែល​ខ្វះ​ការ​យក​ចិត្ត​ទុក​ដាក់​លើ​ការ​ដឹក​នាំ និង​ការ​គ្រប់គ្រង់​របស់ខ្លួន។ តាមរយៈ​ប្រកាស​ចុះ​ថ្ងៃ​ទី​៩​ខែ​សីហា លោក ស ខេង បាន​សង្កត់​ធ្ងន់​ថា លោក អ៊ាវ ចំរើន ត្រូវ​កែ​ប្រែ​នូវ​កំហុស​ឆ្គង និង​ឥរិយាបថ​ដឹកនាំ​របស់​ខ្លួន​ឲ្យ​បាន​ត្រឹម​ត្រូវ។ ក្នុង​ករណី​ដែល លោក អ៊ាវ ចំរើន នៅ​តែ​ប្រព្រឹត្ត​ផ្ទុយ​ពីការ​ណែ​នាំ លោក​នឹង​រង​វិន័យ​របស់​កង​កម្លាំង​នគរ​បាល​ជាតិ។

លោក ខៀវ សុភ័គ អ្នក​នាំ​ពាក្យ​ក្រសួង​មហាផ្ទៃ​បាន​អះអាង​បន្ថែម​ពី​លើ​សេចក្ដី​ប្រកាស​ថា ពាក្យបណ្ដឹង​ខ្លះ​ឆ្លុះ​បញ្ចាំង​ពី​ការ​ពិត​នូវ​សកម្មភាព​ការងារ​របស់​លោក អ៊ាវ ចំរើន ខណៈ​ពាក្យ​បណ្ដឹងខ្លះ​ក៏​មិន​បាន​ឆ្លុះ​បញ្ចាំង​ពី​ការ​ពិត​នោះ​ដែរ។ ប៉ុន្តែ​យ៉ាង​ណា​មិញ លោក អ៊ាវ ចំរើន ត្រូវ​បាន​កត់ត្រា​នៅ​ក្នុង​ប្រវត្តិ​រូប​កត់​ចំណាំ​មួយ​រួច​ហើយ ដែល​នេះ​មាន​ន័យ​ថា បើ​លោក អ៊ាវ ចំរើន ត្រូវ​បានតម្លើង​ស័ក្ដិ​ក៏​ស្ថិត​ក្នុង​ការ​ពិចារណា​ដែរ។

ចំណែក កូន​ប្រុស​លោក អ៊ាវ ចំរើន ដែល​កំពុង​កាន់​តួនាទី​ជា​អធិការរង​ក្រុង​តាខ្មៅ​ត្រូវ​ផ្លាស់ចេញ​មក​កាន់​ការ​ងារ​នៅ​ក្រសួង​មហាផ្ទៃវិញ។ ការ​ផ្លាស់ប្ដូរ​តួនាទី​នេះ គឺជា​អ្វី​ដែល​អ្នក​នាំពាក្យក្រសួង​មហាផ្ទៃ​អះអាង​ថា ដើម្បី​បញ្ចៀស​បញ្ហា​គ្រួសារ​និយម។

មួយ​ផ្នែក​នៃ​ការ​ព្រមាន​លោក​ស្នងការ អ៊ាវ ចំរើន ស្ថិត​ក្នុង​អភិ​ក្រម​ទាំង៥​ នៃ​យុទ្ធសាស្ត្រ​ចតុកោណ​ ដំណាក់​កាល​ទី​៤​ ​រប​ស់​រដ្ឋាភិបាល​ នីតិកាល​ទី​ ៦​ ​ដែលរួមាន ឆ្លុះកញ្ចក់ ងូតទឹក ដុះក្អែល ព្យាបាល វះកាត់។ តែ​ទោះ​ជា​បែប​នេះ​ក្ដី អ្នក​នាំ​ពាក្យ​ក្រសួង​មហាផ្ទៃ​បញ្ជាក់​ថា ករណីលោក អ៊ាវ ចំរើន នៅ​មិន​ទាន់​រាប់​បញ្ចូល​ក្នុង​អភិក្រម​ទាំង​៥​នេះ​នៅ​ឡើយ​ទេ ប្រសិន​បើ​លោក​កែប្រែ​ឥរិយាបថ​បំពេញ​ការ​ងារ។​

គេ​នៅ​ចាំ​បាន​ថា លោកនាយករដ្ឋមន្ត្រី ហ៊ុន សែន បានរំឭកថា​ គ្មាន​ឡើយ​ការលើកលែង ឬ​អនុគ្រោះ សម្រាប់​មន្ត្រី​ដែល​ធ្វើ​ខុស​អភិក្រម​ទាំង​៥​។ បើ​ពួកគេ​ធ្វើ​ខុស​ធ្ងន់​នោះ នឹង​ប្រឈម​ការដក​ចេញពី​តំណែង ដោយ​គ្មាន​ការយោគយល់៕

What Next?

Recent Articles

2 Responses to "ស្នងការ​នគរបាល​ខេត្តកណ្ដាលរងការ​ព្រមាន ខណៈ​កូន​ប្រុស​ត្រូវ​បាន​ផ្លាស់​ចេញ​ពី​អធិការ​រង"

  1. so chết says:

    Interior Minister Sar Kheng will have to set up a commission of inquiry into Neth Savoeun, Director-General of the National Police, who intends to flee from it to St. Christopher Nevis
    so cpp trolle your opinions

  2. so socheath says:

    មន្ត្រីខ្សោយ !
    …….
    ភាពកំសោយរបស់មន្ត្រី គេអាចថ្លឹងថ្លែងបានតាមរយះ
    ការអនុវត្តន៍ការងារចំពោះមុខ មិនមែនផ្អែកលេីសញ្ញាបត្រ
    នោះទេ ។ ព្រោះថាសញ្ញាប័ត្រ ជួនកាលវាមិនស្មេីនឹង
    សញ្ញាឃេីញនោះឡេីយ ។
    មានមន្ត្រីខ្លះ អាងលេីសញ្ញាបត្រ ឈរទះទ្រូងអួតពីបិរិញ្ញាបត្រ
    អួតខ្លួនអនុបណ្ឌឹត ជាខ្លួនបណ្ឌឹត តែទីបំផុតប្រគល់ភារកិច្ចឲ្យ
    បំពេញទទេស្អាតសូន្យសុង។ និយាយរូមខ្លះចាប់ផ្តេីមសរសេរ
    ខ្វោក មួយបន្ទាត់ខុសបី បួនអក្សរ ងាកខាងកំព្យូទ័រ ទទេស្អាត
    ចំណែកភាសា កុំថាឡេីយភាសាបរទេស សូម្បីភាសាជាតិ
    តែហ៊ានសរសេរព្យាង្គតម្រួត ដឹងតែដេក សរសេរមិនកេីត
    អានលែងចេញតែម្តង ។
    សម្រាប់ការស្តីបន្ទោស ពួកគេតែងមានហេតុផលគ្រប់
    បែបយ៉ាង ។ ខ្លះឆ្លេីយថាខ្ញុំមិនធ្លាប់បួស សរសេរតាមនិយាម
    គរុកោសល្យឥឡូវ ខ្លះថាសរសេរបែបខេមរៈយានកម្ម សម័យ
    លន់ណុល តែការពិត ទោះបីមានការប្រែប្រួលផ្នែក
    អក្សសាស្ត្រ ឲ្យរត់របត់ជាមួយសម័យបច្ចេកវិទ្យា ដែលប្រេី
    ពាក្យបច្ចេកទេសពិបាកយល់យ៉ាងណាក្តី ក៏សូរសៀង នៅតែ
    ប្រកបជាមួយស្រៈ ព្យញ្ជនៈ តាងដល់ជាព្យាង្គតម្រួត
    ដដែលទេ ។
    ខ្លះដោះសារ ពីកាលនៅរៀនមិនសូវពូកែខាងភាសាខ្មែរ ដូច្នេះ
    ខំស្រូតរៀនតែពីភាសាបរទេស តែដល់ប្រគល់កិច្ចការឲ្យកាន់
    លទ្ធផលសូន្យ ថាមកពីសំណេរសរសេរវាជ្រៅពេក ទាក់ទង
    កិច្ចការនយោបាយ សេដ្ឋកិច្ច វប្បធម៍ សង្គម ។ល។គាត់
    ចេះមិនដល់ ចេះត្រឹមនិយាយ សរសេរ នាយអាយប៉ុណ្ណោះ។
    ជាតិថ្កេីងរុងរឿង ទៅបាន គឺអាស្រ័យលេីធនធានមនុស្ស ។
    ចាស់បុរាណបានរម្លឹកថា ចេះមកពីរៀន មានព្រោះការរក។
    សម្រាប់ការសិក្សារៀនសូត្រ មិនថាវ័យប៉ុណ្ណា ការសិក្សា
    មិនចេះចប់ទេ។ យ៉ាងណាមុិញ មនុស្សនៅរស់ពោះវាឃ្លាន
    ដូចនេះរកសុីដេីម្បីហូប ក៏វាមិនប្រកែកពីវ័យដែរ។
    សម្រាប់មន្ត្រីខ្សោយ បេីមិនតាំងចិត្តប្រព្រឹត្តបែបនេះទេ អនាគត
    អ្នកមិនប្រាកដថាប្រសេីរទេ ព្រោះរដ្ឋាភិបាល
    បានដាក់ឲ្យអនុវត្តន៍រួចហេីយនូវអភិក្រមទាំង ៥ ដែល
    សម្តេចតេជោហ៊ុន សែន នាយករដ្ឋមន្ត្រីបានដាក់ចុះ។
    ជាការពិតណាស់ មន្រ្តី ដែលទះទ្រូងខ្លួនហេីយ អួតពី
    សញ្ញាបត្រកន្លងមកខ្លាំងជាងគេ គឺពួកអតីតបក្សសង្គ្រោះជាតិ
    អង្គការសង្គមស៊ីវិល ដែលមាននិន្នាការប្រឆាំងរដ្ឋាភិបាល ​
    ដែលមូយម៉ាត់ណាអួតខ្លួនជាបណ្ឌឹត គឺពីលេីដល់ក្រោមតែម្តង។
    តែការពិត ពពួកជនទាំងនេះ សុទ្ធតែជាពពួកជនចោលម្សៀត
    អត់បានការ ពូកែតែខាងអួត ភូតភរ បោកប្រាស ញុះញង់
    អុចអាល បង្ករតែភាពចលាចល វឹកវរដល់សង្គមជាតិ
    រហូតដល់ហ៊ានប្រព្រឹត្តអំពេីក្បត់ជាតិ លក់ទឹកដី លក់
    អធិបតេយ្យជាតិឲ្យជនបរទេស រហូតជាប់ទោសទណ្ឌ
    ពីបទក្បត់ជាតិទៀតផង ។
    សម្រាប់គំរូអាក្រក់ដូចលេីកឡេីង សូមមន្ត្រីខ្សោយភ្ញាក់
    រលឹកឡេីង ហេីយដុះខាត់ស្មារតីខ្លួនរត់ឲ្យទាន់សភាពការណ៍ ពុំនោះ
    សោតទេ ភាពកំសត់នឹងរត់មករកអ្នកជាមិនខាន ៕